Resepte, stilering en fotografie: Marlo Kitshoff-Carstens.

Bestanddele

4 porsies.

Pasta

• 250 g (½ pak) tagliatellepasta

Garnale

• 500 g (1 pak) bevrore garnale
• olyfolie
• genoeg botter
• knypie sout
• knypie peper
• 2,5 ml (½ t) paprika

Sous

• olyfolie
• genoeg botter
• 1 ui, gekap
• 2 knoffelhuisies, fyngekap
• 250 ml (1 k) kersietamaties, gehalveer
• 250 ml (1 k) hoenderaftreksel
• 10 ml (2 t) koekmeel
• knypie sout
• swartpeper na smaak
• 250 ml (1 k) geblikte gekapte tamaties
• 30 ml (2 e) suiker
• 15 ml (1 e) vars pietersielie, fyngekap

Metode

Pasta

1. Kook pasta soos op verpakking aangedui word saam met bietjie olie en sout tot al dente. Dreineer en hou eenkant. 

Garnale

1. Ontvries garnale. Maak seker dat garnale goed skoon gemaak is en plaas op kombuispapier om oortollige water te absorbeer.

2. Verhit kastrol en smelt olyfolie en botter.
3. Braai garnale vir 2 minute aan elke kant. Die garnale moet net pienk begin verkleur. 
4. Sprinkel genoeg sout en peper bo-oor.
5. Sprinkel ook paprika oor en roerbraai nog so bietjie. Die garnale moenie oorgaar wees nie anders raak dit taai.  

Sous

1. Verhit kastrol en verhit genoeg olyfolie.
2. Voeg uie by en braai bietjie.,
3. Voeg knoffel by en braai nog. 
4. Voeg vars tamaties by. Laat mengsel solank oor matige hitte braai terwyl hoenderaftrekselmengsel gemaak word. 
5. Meng hoenderaftreksel en koekmeel met ballonklitser tot goed om te verseker dat dit sonder klonte is. Roer sout, peper, gekapte tamaties en suiker by en roer goed.
6. Voeg hoenderaftreksel by en roer by uimengsel in kastrol en kook oor matige hitte tot verdik. 
7. Skep gaar garnale terug by sous in kastrol. Prut vir so 2 minute om goed warm te word. 
8. Skep gaar pasta in kastrol. Roer bestanddele liggies om te meng, maar nie te breek nie.
9. Sodra dit goed warm is, kan jy dit voorsit. 

Lees ook: Eenpotmaalvleisgereg in ’n kits!

The post Garnaal-en-tamatie-pasta appeared first on rooi rose.

Genoeg vir 4. 

Bestanddele

• ½ ciabattabrood
• 5 ml (1 t) gekapte knoffel
• ’n klein hand vol tiemieblare
• gerasperde skil van ½ suurlemoen
• 15 ml (1 e) olyf- of avokado-olie
• 200 g (½ blik) kersietamaties
• 60 ml (¼ k) fyn parmesaankaas
• 15 ml (1 e) gekapte knoffel
• 15 ml (1 e) gekapte brandrissie
• 4 ansjovisfilette
• 200 g (½ blik) kersietamaties
• ’n hand vol gekapte basiliekruidblare
• 250 g gaar pennepasta

Metode

Voorverhit die oond tot 180 °C.

1. Verwerk die ciabattabrood tot krummels in ’n voedselverwerker en skep op ’n bakplaat. Meng die knoffel, tiemieblare, suurlemoenskil en olie deur. Geur na smaak. Bak tot goudbruin en krakerig. Hou eenkant.
2. Verwerk die parmesaankaas, knoffel, brandrissie, ansjovisfilette en kersietamaties saam tot glad. Verhit die mengsel oor matige hitte en meng die orige kersietamaties by. Geur na smaak. Haal van die hitte af en meng die basiliekruidblare deur.
3. Skep die sous oor die pennepasta en strooi ekstra basiliekruidblare en die ciabattakrummels oor voor jy die pasta voorsit.

The post Italiaanse tamatiepasta appeared first on rooi rose.