Tatjana Smith, wat onlangs as Suid-Afrika se suksesvolste Olimpiese Spele-atleet aangewys is, het ná ’n merkwaardige vertoning by die Olimpiese Spele in Parys, haar amptelike uittrede uit mededingende swem aangekondig.

Die 27-jarige swemmer het haar roemryke loopbaan Donderdagaand met ‘n silwer medalje in die 200m-borsslag afgesluit, sy het nou altesaam vier Olimpiese medaljes – twee goud en twee silwer. Sy het Maandag Suid-Afrika se eerste goue medalje in vanjaar se Spele in die 100 m-borsslag-eindstryd vir vroue gewen.

Smith se laaste Olimpiese verskyning was niks minder as dramaties nie. In die opwindende 200 m-borsslag-eindstryd vir vroue, by La Defense Arena het sy die hoogste trappie van die podium net-net gemis en net 0.36 sekondes agter die Amerikaner Kate Douglass geëindig, wat die muur in 2:19.24 geraak het. Die Nederlandse swemmer Tes Schouten het brons ingepalm met ‘n tyd van 2.21.05.

Kaylene Corbett het die sewende plek in die 200 m-borsslag behaal.

“Ek kon nie vir ‘n beter manier gevra het om my loopbaan af te sluit nie, in ‘n baie taai stryd,” het Smith ná die eindstryd gesê.

100m breaststroke
200m breaststroke

South Africa’s Tatjana Smith has now won back-to-back medals at Paris 2024 pic.twitter.com/vJonrMXDMz

— ESPN Africa (@ESPNAfrica) August 1, 2024

Smith het oor haar loopbaan besin en beklemtoon dat haar nalatenskap verder as medaljes strek.

“Dit was nog nooit daaroor [medaljes] nie,” het sy gesê.

“Prestasies val weg, maar jy wil onthou word vir wie jy is. Ek hoop ek word onthou omdat ek mense vreugde gebring het.” 

Lees ook: Swemkampioen Tatjana Schoenmaker en Joel Smith hak die knoop in Robertson deur

Smith het in 2020 by Tokio die eerste Suid-Afrikaanse vrou geword om ‘n Olimpiese goue medalje in swem sedert 1996 te wen.

Smith se impak op Suid-Afrikaanse swem kan nie oorskat word nie. Sy het meer as die helfte van Suid-Afrika se medaljes – vier uit die sewe – by die laaste twee Olimpiese Spele in Parys en Tokio gewen.

 

View this post on Instagram

 

A post shared by -TATJANA-SCHOENMAKER- (@tatjanaschoen)

The post Tatjana sê tata vir swem: “Dit het nooit oor medaljes gegaan nie.” appeared first on rooi rose.

Tatjana Smith (voorheen Schoenmaker), het Maandagaand gewys waarom sy Suid-Afrika se golden girl is toe sy die 100 m-borsslag-eindstryd by die Olimpiese Spele in Parys, Frankryk gewen het.

Die 27-jarige swem-ster het Suid-Afrika se eerste goue medalje by vanjaar se Olimpiese Spele met ‘n tyd van 1:05.28 gewen. China se Tang Qianting het silwer met ‘n tyd van 1:05.54 ingepalm en Ierland se Mona McSharry het ‘n derde plek met haar tyd van 1:05.59 behaal.

Gold Medal Alert!

Tatjana Smith wins the Women’s 100m Breaststroke! This is South Africa’s first gold medal at #Paris2024
Congratulations, Tatjana! #TeamSA #Olympics #ForMyCountry pic.twitter.com/spIHZA3m1R

— Team South Africa (@OfficialTeamRSA) July 29, 2024

Tatjana het vanjaar se Olimpiese Spele met hoë verwagtinge betree, nadat sy ‘n silwer medalje in die 100m-borsslag en ‘n goue medalje in die 200m-borsslag by Tokio in 2020 gewen het.

Sy het Sondag by die Parys La Defense Arena twee skouspelagtige oorwinnings in haar uitdun- en halfeindrondes behaal en haar beste tyd in die item geswem sedert haar prestasie in Tokio drie jaar gelede.

(Foto: Maddie Meyer/Getty Images)

Smith het in 2020 by Tokio die eerste Suid-Afrikaanse vrou geword om ‘n Olimpiese goue medalje in swem sedert 1996 te wen.

Intussen het Pieter Coetzé ‘n vyfde plek in die mans-100 meter-rugslag-eindstryd behaal.

Lees ook: Swemkampioen Tatjana Schoenmaker en Joel Smith hak die knoop in Robertson deur

The post SA se ‘golden girl’, Tatjana doen dit weer! appeared first on rooi rose.

Suid-Afrika se golden girl, Tatjana Smith (voorheen Schoenmaker), het haar plek in die 100 m-borsslag-eindstryd by die Olimpiese Spele in Parys, Frankryk verseker. Sy is ‘n sterk aanspraakmaker op die goue medalje.

Lees ook: Swemkampioen Tatjana Schoenmaker en Joel Smith hak die knoop in Robertson deur

Tatjana het vanjaar se Olimpiese Spele met hoë verwagtinge betree, nadat sy ‘n silwer medalje in die 100m-borsslag en ‘n goue medalje in die 200m-borsslag by Tokio in 2020 gewen het.

Sy het Sondag by die Parys La Defense Arena twee skouspelagtige oorwinnings in haar uitdun- en halfeindrondes behaal en haar beste tyd in die item geswem sedert haar prestasie in Tokio drie jaar gelede.

Smith het die eerste plek met identiese tye van 1:05.00 in beide wedrenne behaal – ‘n merkwaardige vertoning van konsekwentheid en uitsonderlike vorm.

Tatjana is die verdedigende kampioen in die 200m-borsslag. (Foto: Maddie Meyer/Getty Images)

Die prestasie plaas haar as ‘n top-aanspraakmaker op die goue medalje in die eindstryd Maandagaand, berig Span SA.

China se Qianting Tang, wat die wêreldranglys met ‘n tyd van 1:04.39 voor die Olimpiese Spele gelei het, het die eerste halfeindstryd met ‘n tyd van 1:05.83 gewen, wat haar algeheel vierde op pad na die eindstryd plaas. Mona McSharry en Lily King is ook aanspraakmakers, met tye van onderskeidelik 1:05.51 en 1:05.64.

Smith het in 2020 by Tokio die eerste Suid-Afrikaanse vrou geword om ‘n Olimpiese goue medalje in swem sedert 1996 te wen.

Lees ook: Ontmoet die vasberade gimnas wat SA by die Olimpiese Spele gaan verteenwoordig

The post Tatjana Smith haal eindrondes by Olimpiese Spele appeared first on rooi rose.