tertjies | rooi rose

Vye-en-bokmelkkaas-tertjies

Anelle Tewson — Tue, 26 Nov 2024 12:15:00 +0000

Bestanddele

1 hoeveelheid basiese soet deeg (resep onder)
250 g mascarpone<
2 rolletjies (100 g elk) sagte bokmelkkaas
3 vars vye, middeldeur gesny
30 ml heuning, effens warm gemaak

Basiese soet deeg

Een maklike soet deeg vir drie lekker idees. Ons het die deeg twee keer gemaak vir al ons piekniektertjies. Die deeg vries ook baie goed. (Resep uit “Bakes” deur Tina Bester)

225 g botter
200 g strooisuiker
2 groot eiers
500 g meel

Metode

Voorverhit die oond tot 200 °C.

Jy het ses 10 cm quiche-pannetjies met los bome nodig.
Rol die deeg dun uit op ’n skoon, meelbestrooide werkvlak.
Voer die pannetjies met die deeg uit. Prik die boom en voer die pannetjies met bakpapier uit.
Strooi rys, of droëbone op die bakpapier en bak die tertkorse vir 10 min. blind tot strooikleurig.
Haal uit en lig die papier met die rys versigtig op. Meng die kase en vul elke tertjie daarmee.
Roer die heuning deur die vye en sit ’n halwe vytjie op elke tertjie.
Bak vir nog 10 min.

Basiese soet deeg

Meng die botter en suiker goed in ’n voedselverwerker. Voeg die eiers een vir een by terwyl die masjien aan is.
Voeg die meel by en meng tot dit net begin bymekaarkom. Keer op ’n skoon, meelbestrooide werkvlak uit.
Druk die deeg met jou hande bymekaar en vorm in ’n plat skyf.
Draai goed toe met kleefplastiek en laat vir 30 min. in die yskas rus. (Jy kan die deeg ook in die stadium vries.)

The post Vye-en-bokmelkkaas-tertjies appeared first on rooi rose.

Geweefde vanielje-en-vye-tertjies

Rooi Rose — Fri, 22 Nov 2024 08:15:55 +0000

Genoeg vir 6.

Bestanddele

Jy hoef nie die filo te weef nie, jy kan net velle in blokkies sny, met botter smeer en bak soos verduidelik. Jy kan ook jou eie balsemiekstroop maak deur balsemiekasyn af te kook.

8 velle filodeeg as jy dit weef, 4 as jy net blokkies sny
60 g botter, gesmelt
250 g (12) gedroogde vye, middeldeur gesny
500 ml (2 k) warm, sterk filterkoffie of kitskoffie
1 x 200 g-houertjie mascarponekaas
saadjies van 1 vanieljepeul
Black Gold-balsemiekstroop (verkrygbaar by uitgesoekte Spar-winkels)

Metode

Voorverhit die oond tot 180 ºC. Voer ’n bakplaat met bakpapier uit.

Verf ’n vel filodeeg deeglik met botter, sit nog een bo-op en verf ook met botter. Sny die dubbellaag in vier dele en sny van die
geskeurde stukkies af.
Sny elke blokkie in 5 ewe groot repe, ±2 cm breed. Vleg die repies deeg om ’n geweefde voorkoms te kry. Maak seker die deegrepe raak aan mekaar, anders sal dit uitmekaarval. Jy het 12 deeglagies nodig.
Sit op die bakplaat en bak vir 5-7 min. tot goudbruin (hou goed dop, dit brand maklik).
Gooi intussen die warm koffie oor die vye en laat vir minstens 30 min. staan.
Meng die mascarponekaas en vanieljesaadjies.
Begin elke stapeltjie met ’n geweefde filovel, gevolg deur ’n groot skep mascarponekaas. Haal die vye uit die koffie en sit op die mascarponekaas. Eindig met ’n lagie filo. Giet Black Gold-balsemiekstroop oor.

The post Geweefde vanielje-en-vye-tertjies appeared first on rooi rose.

Tamatietertjies

Rooi Rose — Tue, 22 Oct 2024 07:45:00 +0000

Genoeg vir 4

Bestanddele

Jy het minstens 2 klein oondbestande pannetjies van 10 cm nodig. Anders kan jy een groot tert maak.

500 g kersietamaties, geel en rooi
30 ml (2 e) olyfolie
60 ml (4 e) crème fraîche
10 ml (2 t) Dijon-mosterd
1 x 400 g-rol klaarbereide blaardeeg, ontvries (ek verkies Woolworths se botterblaardeeg)
vars basiliekruid vir opdiening

Metode

Voorverhit die oond tot 220 °C.

Rol die deeg liggies op ’n meelbestrooide werkvlak uit. Sny met ’n drukker of onderstebo piering 4 sirkels uit die deeg. Sit die deegsirkels in die yskas tot benodig.
Meng die crème fraîche en mosterd en hou eenkant.
Bak een tertjie op ’n slag: Gooi ’n bietjie olyfolie in die pannetjie en gooi ’n hand vol rooi en geel tamaties daarin. Laat deurwarm word. Skep ’n lepel vol van die crème fraîche op die tamaties en bedek met ’n deegsirkel.
Bak vir sowat 15 min. of tot die blaardeeg opgepof en gaar is.
Haal uit die oond en laat staan vir 5 min. Keer om op ’n oondpan wat met bakpapier uitgevoer is. Herhaal met die res van die tamaties en deeg.
Sit die tertjies op die bakplaat vir 5 min. terug in die oond. Laat deurwarm word en sit met basiliekruidblare voor.

The post Tamatietertjies appeared first on rooi rose.

10 redes waarom jy die Augustus-uitgawe van rooi rose móét lees!

Karlien Meiring — Fri, 26 Jul 2024 11:22:58 +0000

Net haarself

Mandi du Plooy-Baard het dalk haar veertigerjare geslaan, maar die aktrise bekend vir haar rol in Getroud met Rugby bly steeds onopgesmuk, eerlik en spontaan, terwyl sy haar kinders leer om in hulself te glo

Jou alles-in-een

Die verhouding tussen ma en dogter is ’n wonderlike, maar soms komplekse verhouding. Die wenners en naaswenners van ons ma-en-dogter-wedstryd kan hiervan getuig.

Ons loer in by: Lorraine Burger, Natasha van der Merwe en Craig Urbani

Sy is ’n introvert wat daarvan hou om meestal haar eie ding te doen. Haar werk as aktrise en teksskrywer is wel vir haar ’n wonderlike kreatiewe uitlaatklep en sy geniet dit om aan haar unieke karakter Annetjie in Binnelanders te slyp, vertel die aktrise Lorraine Burger.

Natasha van der Merwe het toe nooit ’n traumachirurg geword nie, maar die aktrise en sangeres wat vandag met ’n opwindende en bedrywige loopbaan spog, het geleer dat geen lewe perfek is nie

Craig Urbani het teatergangers betower as kaptein Von Trapp in die musiekspel The Sound of Music. Voor die einde van die jaar is hy professor Higgens in nog ’n klassieke treffer, My Fair Lady. Hy het nooit gedroom dat sulke liefdesverhale oor sy pad sou kom nie. Skuins ná 50 is daar harmonie in sy lewe. Hy kon uit woeste waters vaar

Opgetert

Dis so ’n maklike en veelsydige gereg om te maak. Met soveel kombinasies van bestanddele wat jy kan probeer, sal souttertjies en pasteitjies nie vinnig vervelig raak nie.

Tyd = sterker

Die woord ‘tradisie’ klink dalk outyds, maar kenners is dit eens: Om tyd saam in ’n verhouding deur te bring, is noodsaaklik. Skep saam nuwe tradisies en gewoontes om jul verhouding ’n hupstoot te gee.

Trotseer die koue

Met hierdie laag-op-laag uitrustings sal jy nie blou van die koue wees nie.

1 resep, drie variasies

Die volgende koekieresepte gebruik dieselfde basiese bestanddele, maar die smaak verskil.

’n Huis vir ’n kind

Talle kinderlose paartjies of eenlopendes in Suid-Afrika oorweeg dikwels aanneming, veral as hulle nie in vitro-bevrugting (IVF) kan bekostig of nie ’n surrogaatma wil kry nie. Maar wat behels die hele proses, hoe moeilik is dit deesdae om ’n kind aan te neem en is daar enige slaggate?

Jou gene en jou gesondheid

Is jy die slagoffer van jou gene – of kan jy oorgeërfde gesondheidsrisiko’s slim bestuur? Lees hoe gepaste leefstylkeuses en omgewingsaanpassings jou kan help om die uitdrukking van jou gene positief te beïnvloed.

Wen ’n wegbreek vir twee by Babohi Lodge in Qwabi-natuurreservaat

Een gelukkige leser kan twee aande se verblyf met etes, wildritte en sekere drankies vir twee wen. Dit alles ter waarde van R26 600!

Lees ook: Vyf-vinnige-vrae-Vrydag met die legendariese Laurika Rauch – oor haar nuwe musiek

The post 10 redes waarom jy die Augustus-uitgawe van rooi rose móét lees! appeared first on rooi rose.

Goue amandel-peertjies & sjokolade-vrugtetertjies

Michelle Nortje — Wed, 06 Dec 2023 10:52:07 +0000

Goue amandel-peertjies & sjokolade-vrugtetertjies

Ingredients

Goue amandel-peertjies
14 koekies
• 375 ml (1½ k) fyn gemaalde amandels
• 60 ml versiersuiker
• 1 eierwit, liggies geklop
• fyn gerasperde skil van 1 suurlemoen
• knypie sout
• 14 naeltjies
• eetbare goue poeier (beskikbaar by bakwinkels)
Sjokolade-vrugtetertjies
Genoeg vir 30
Vrugtemengsel
• 100 g gemengde, gesuikerde lemoenskil
• 50 g glanskersies
• 125 g droë bosbessies
• 100 g botter, gerasper
• gerasperde skil en sap van 1 lemoen
• 50 g x 60% donkersjokolade, fyn gekap
• 10 ml (2 t) gemengde speserye
• 10 ml (2 t) kaneel
• 40 ml (⅓ k) port
• 50 g geroosterde, gevlokte amandels
Deeg
• 150 g botter
• 90 g strooisuiker
• 2 eiergele
• 250 g koekmeel
• 30 g fyn amandels
• eetbare goue poeier

Instructions

Goue amandel-peertjies

Voorverhit die oond tot 160 °C.
Voer 2 bakplate met bakpapier uit.

1 Meng die fyn amandels met die versiersuiker. Maak ’n gaatjie in die middel en gooi die eierwit, suurlemoenskil en knypie sout daarin. Meng met jou hande tot die deeg bymekaarkom.
2 Rol die deeg in 14 klein balletjies en vorm ’n peertjie deur die bokant effens met jou vingers in te druk. Druk ’n naeltjie in die boonste punt van elke peertjie om die stingel te vorm.
3 Sit die amandelpeertjies regop op die bakplaat - sowat 5 cm uitmekaar en bak vir 20 min. Bak net een plaat op ’n slag op die laagste rak van die oond.
4 Laat die peertjies heeltemal afkoel voordat jy hulle met die goue poeier verf.

Sjokolade-vrugtetertjies

Genoeg vir 30

Verhit die oond tot 160 °C.

Spuit 2-3 vlak tertpannetjies met 30 holtes en ’n deursnee van 7 cm met kleefwerende kossproei.
1 Meng al die bestanddele vir die vrugtemengsel in ’n groot mengbak.

Deeg
1 Room die botter en strooisuiker tot lig en donsig.
2 Klits die eiers een vir een by. Vou die koekmeel en fyn amandels by. Druk die deeg in ’n sirkel plat en draai in kleefplastiek toe. Sit vir 30 min. in die yskas.
3 Rol die deeg so dun moontlik uit op ’n skoon werkvlak wat liggies met meel bestuif is.
4 Sny 30 sirkels van 5 cm met ’n koekiedrukker uit. Voer die tertpannetjies met die deegsirkels uit en vul met die vrugtemengsel.
5 Druk sterretjies uit die oorblywende deeg - maak seker dit pas op die tertjies – en sit op die tertjies. Bak vir 15-20 min. of tot goudkleurig.
6 Laat heeltemal afkoel voor jy die sterretjies met die goue poeier verf.

The post Goue amandel-peertjies & sjokolade-vrugtetertjies appeared first on rooi rose.

Suurlemoenmeringue-tertjies

Rooi Rose — Wed, 23 Jul 2014 13:50:10 +0000

Suurlemoenmeringue-tertjies

Ingredients

Met 500 g van die basiese koekiedeeg het ons 20 tertjies gemaak
1 Rol 500 g van die basiese koekiedeeg (klik hier vir resep) op ’n skoon, meelbestrooide werkvlak uit tot 5 mm dik.
2 Voer 12 mini-tertdoppiepannetjies met koekiedeeg uit.
3 Bak blind vir 10 min. by 160 °C.
4 Keer op ’n afkoelrak uit en laat heeltemal afkoel.
5 Verhit 60 ml appelkooskonfyt en verf die tertbakkies daarmee uit.
6 Laat heeltemal droog word.
7 Vul die tertjies met suurlemoensmeer en pak meringuedoppies op.

The post Suurlemoenmeringue-tertjies appeared first on rooi rose.

Franse vrugtetertjies

Rooi Rose — Wed, 23 Jul 2014 13:47:15 +0000

Franse vrugtetertjies

Serves: Met 500 g basiese koekiedeeg het ons 20 Franse vrugtetertjies gemaak Nutrition facts: 200 calories 20 grams fat

Ingredients

Basiese bakkersvla (CRÈME PÂTISSIÈRE)
Genoeg vir 500 ml
40 g koekmeel
120 g suiker
300 ml melk
4 eiergele
5 ml vanieljegeursel
20 g botter

Instructions

1 Voer 10 cm x 8 cm-tertpannetjies met die deeg (klik hier vir resep) uit. Bak blind vir 10 min. by 160 °C. Keer op ’n afkoelrak uit en laat heeltemal afkoel.
2 Verhit 60 ml appelkooskonfyt en verf die tertbakkies daarmee uit.
3 Laat heeltemal droog word.
4 Vul die tertjies met basiese bakkersvla (resep volg) en tooi met gesnyde aarbeie, vye of frambose.
5 Verf die vrugte met die res van die warm appelkooskonfyt vir glans.

Basiese Bakkersvla

1 Sif die meel en suiker saam en hou eenkant.
2 Klits 60 ml van die melk en die eiergele saam. Gooi die meelmengsel by en klits tot glad.
3 Verhit die res van die melk oor lae hitte tot dit net begin kook.
4 Gooi ’n derde van die warm melk by die eiermengsel en meng goed. Gooi alles terug by die verhitte melk en roer goed.
5 Roer deurentyd tot die mengsel dik word. Kook vir 1 min. en roer steeds, want die vla kan maklik aanbrand.
6 Gooi die vanieljegeursel by en roer goed.
7 Skep uit en bedek die houer met kleefplastiek sodat die vla nie ’n vel maak nie.
8 Laat afkoel en hou in die yskas.

The post Franse vrugtetertjies appeared first on rooi rose.

Lemoen-en-sjokolade-ganache-tertjies

Rooi Rose — Wed, 09 Jul 2014 13:15:06 +0000

Lemoen-en-sjokolade-ganache-tertjies

Instructions

• Maak ’n 200 g pak-sjokoladekoekies in ’n voedselverwerker fyn.
• Gooi 60 ml (¼ k) gesmelte botter en 30 ml (2 e) marmelade by.
• Verdeel tussen 2 pannetjies met 6 holtes elk.
• Druk stewig vas in elke pannetjie en sit in die yskas.
• Smelt 90 g sjokolade oor ’n dubbelkoker en roer ’n 385 g-blik karamel daarby.
• Meng die gerasperde skil van 1 lemoen by en verdeel tussen die tertkorsies.
• Sit ’n stukkie verglansde lemoenskil op elk en sit voor.

The post Lemoen-en-sjokolade-ganache-tertjies appeared first on rooi rose.

Appel(liefie)-tertjies

Rooi Rose — Thu, 13 Feb 2014 22:00:00 +0000

Appel(liefie)-tertjies

Serves: Genoeg vir 6 Nutrition facts: 200 calories 20 grams fat

Ingredients

Ons het twee bolaagpatrone gemaak: Een met uitgesnyde hartjiepatrone en een waar ons die hartjies in sirkels op die tertjies gepak het. As jou tyd knap is, kan jy sommer ’n bolletjie deeg rasper en die frummels op die tertjies strooi. Bak dan soos onder beskryf.
250 ml (1 k) sagte botter
210 ml (¾ k + 2 e) strooisuiker
2 eiers
830 ml (3 1⁄3 k) koekmeel + ekstra om op uit te rol
Gekaramelliseerde appels
125 ml (½ k) suiker
125 ml (½ k) botter
2 appels, geskil en in kleinwiggies gesny
50 g (½ pakkie) gevlokte amandels
Glaseersel
1 eiergeel
15 ml (1 e) water

Instructions

1 Klop die botter en suiker saam tot lig en romerig. Voeg die eiers een vir een by en meng goed. Voeg die meel by en meng tot die deeg bymekaar kom. Bedek met kleefplastiek en sit vir ’n uur in die yskas.
2 Gekaramelliseerde appels: Smelt die suiker en botter in ’n pan oor matige hitte. Laat saggies kook tot dit ’n ligte karamelkleur het. Voeg die appels by en braai tot gekaramelliseer en goudkleurig. Meng die amandels by en laat afkoel.
3 Rol die deeg 4 mm dik uit op ’n meelbestrooide werkvlak. Voer ronde 6 cm x 7 cm-tertpannetjies uit met die deeg en prik met ’n vurk. Rol die afgesnyde deeg weer uit en druk 7 cm-sirkels uit. Verkoel vir 30 min. in die yskas.
4 Voorverhit die oond tot 180 °C.
5 Bak die tertjies blind, bedek elke tertjie met opgefrommelde bakpapier en bakgewiggies (soos bone) en bak vir 10 min. Haal die bakpapier en gewiggies uit en bak vir nog 5 min. Haal uit die oond en laat effens afkoel.
6 Skep van die gekaramelliseerde appels in elke tertjie.
7 Druk hartjies uit 4 van die verkoelde deegsirkels, hou die sirkels. Verf die glaseersel aan die onderkant van die hartjies en uitgesnyde deeg en pak dit in sirkels op die tertjies. Rol die ander stukkies deeg uit en druk nog hartjies uit en pak die tertjies verder vol met die klein hartjies. Sit die sirkels met die uitgesnyde hartjies op die ander tertjies.
8 Verf die bokant van die tertjies met die glaseersel. Bak vir 20 min. of tot goudbruin en gaar.

The post Appel(liefie)-tertjies appeared first on rooi rose.

Aspersietertjies

Rooi Rose — Thu, 05 Dec 2013 11:19:08 +0000

Aspersietertjies

Serves: Genoeg vir 8-10 tertjies Nutrition facts: 200 calories 20 grams fat

Ingredients

400 g bevrore blaardeeg – ontvries by kamertemperatuur
2 bossies dun aspersiepunte, sowat 4 per tertjie
1 eier, liggies geklop en met ’n knypie sout gegeur
Ricottavulsel
(Ons het die vulsel verdubbel sodat daar genoeg is om die murgpampoentjie-blommetjies ook te vul.)
600 g ricotta
1 x 125 g camembert, wit rand afgesny
gerasperde skil van 2 suurlemoene
’n hand vol dille of vinkel, fyn gekap
’n hand vol vars basiliekruid
5 ml (1 t) fyn gekapte knoffel
’n handjie vol kruisement en ertjiespruite

Instructions

Voorverhit die oond tot 200 °C.

1 Sny die deeg op ’n skoon werk-vlak wat liggies met meel besprinkel is in reghoeke van 7 cm x 10 cm en sit op ’n groot bakplaat.
2 Sny met die agterkant van ’n mes ’n ligte raampie met ’n breedte van 1 cm al om die reghoeke. Skep lepels vol van die vulsel in die middel van die reghoeke en druk effens plat. Verf die raampie met die geklitste eier.
3 Bak vir 10-13 min. tot goudkleurig en gepof.
4 Kook intussen die aspersies vir 3 min. in ’n kastrol half vol liggies gesoute, kokende water. Dreineer.
5 Haal die tertjies uit en pak die aspersies op die warm vulsel. Sit dadelik voor met vars kruisement en ertjiespruite.

The post Aspersietertjies appeared first on rooi rose.

Konfyttertjies

Rooi Rose — Mon, 13 Aug 2012 07:23:00 +0000

Konfyttertjies

Serves: Genoeg vir 30 handtertjies Nutrition facts: 200 calories 20 grams fat

Ingredients

15 heel perskekonfytstukke of 15 teelepels
1 eiergeel
15 ml (1 e) water

Instructions

1 Rol die koue deeg liggies op ’n meelbestrooide werkvlak uit tot 5 mm dik. Druk met ’n ronde, gekartelde 8 cm-koekiedrukker sirkels uit die deeg. (Pak die afgesnyde deeg op mekaar. Sit in die yskas en rol weer 5 mm dik uit.)
2 Voorverhit die oond tot 220 °C. Voer ’n bakplaat met silikoonof bakpapier uit wat met kleefwerende kossproei gespuit is.
3 Pak die deegsirkels op die bakplaat en maak met ’n ronde, gekartelde 6 cm-koekiedrukker ’n effense randjie aan die binnekant van elke groot sirkel.
4 Trek die perskes in die konfytin kleiner stukkies, laat die ergste stroop afloop en sit in die middel van die tertjie. As jy gekoopte konfyt gebruik, skep teelepels vol daarvan op die tertjie. Bak vir 10 min. of tot goudbruin en gaar. Laat op draadrakkies afkoel.

The post Konfyttertjies appeared first on rooi rose.