Genoeg vir 4.

Bestanddele

• 1 ui, geskil en oorlangs in repe gesny
• 1 rooi soetrissie, in repies gesny – pitjies en wit vliesies verwyder
• 30 ml olyfolie
• 200-250 g oorskiethoender, in repies gesny
• 15 ml fyn gekapte knoffel
• 5 ml fyn gekapte brandrissie
• 10 ml paprika
• 10 ml fyn gemaalde komyn
• 10 ml rooipeper
• sout
• ¼ pers kool en ¼ groen kool, dun gesny
• 8 Mexikaanse tacos of tortillas

Salsa 

• 1 avokado, geskil en in blokke gesny
• uitgedrukte sap van 1 lemmetjie of ’n ½ suurlemoen
• 1 rooi ui, geskil en in klein blokkies gesny
• 1 gaar soetmielie, die pitte van die stronk afgesny
• ’n handjie vol vars koljanderblare, gekap
• sout

Metode

1. Braai die ui, rissie en knoffel oor matige hitte in die verhitte olyfolie tot sag en voeg die hoender, paprika, komyn en rooipeper by. Roer deur, geur met sout en braai vir 2-3 min.
2. Meng intussen al die bestanddele vir die salsa en geur met sout.
3. Bou die tacos: Vul elkeen met ’n lagie van die kool, gevolg deur die hoender-en-soetrissie-mengsel.
4. Skep laastens ’n paar skeppies van die salsa bo-op en sit voor.

Lees ook:

Maak die perfekte pizza

Hoenderpastei

The post Mexikaanse tacos appeared first on rooi rose.

Genoeg vir 4

Bestanddele

• 400 g heel patat in die skil (gebruik geel patats, want oranje of borriepatats trek te veel water)
• 1 eier
• 60 ml amandelmeel
• 60 ml klappermeel
• 45 ml psyllium
• 15 ml olyfolie

Metode

Voorverhit die oond tot 220 °C.

1. Bak die heel patats vir 30 min. tot gaar.
2. Skil die patats terwyl hulle nog warm is, weeg 400 g patats af en maak fyn.
3. Meng die fyn patats met die eier, amandelmeel, klappermeel en psyllium husks.
4. Knie die mengsel totdat dit bymekaarkom en soos ’n stewige deeg lyk.
5. Voeg nog psyllium husks by indien dit te sag of nat lyk.
6. Verhit olyfolie in ’n 25 cm-pan oor matige hitte, verdeel die deeg in 4 dele en rol uit op ’n werkvlak wat met klappermeel bestuif is.
7. Bak die deeg vir 4 min. in die pan, of tot goudbruin.
8. Keer om en bak vir nog 2 min.
9. Herhaal met die res van die deeg. (Voeg nog psyllium husks by indien jy sukkel om die deeg uit te rol.)

Variasies

• Jy kan ook blomkool pleks van patats gebruik.
• Rol die rou mengsel in 2 lang worsies, en sny klein kluitjies of gnocci af, kook in kokende water tot dit na bo dryf en eet soos gnocci met sous.

The post Soetpatat-tortillas appeared first on rooi rose.

Vulsel: Laag 1 

1. Meng 125 g roomkaas, 300 g gerasperde mozzarella en 125 ml basiliekruidpesto.

Laag 2

2. Maak ’n 410 g-blik Mexikaans gegeurde tamaties oop en meng 300 g kleiner gesnyde tamaties daardeur.

Maak so 

3. Skeur ’n groot stuk foelie af (waarop die lae gepak gaan word). Los genoeg spasie sodat die foelie oor die broodjie gevou kan word.
4. Skep ’n laag van die tamatiemengsel op ’n tortilla. Sit ’n ander tortilla bo-op neer.
5. Smeer met die roomkaasmengsel. Herhaal die lae tot al die bestanddele gebruik is.
6. Eindig met ’n tortilla.
7. Vou die foelie toe en braai vir 30 min. oor matige kole, of tot die kaas gesmelt is.

Opdiening

8. Sit voor met ’n hand vol vars koljander- en kruisementblare.

The post Tortilla braaibroodjies appeared first on rooi rose.

Resep: ‘Dairy Gives You Go‘ 

Bestanddele

• Klein, sagte tortillas
• Koolslaai
• Hap-grootte stukkies vis (nuggets), gebraai, of gaar visvingers
• Tuisgemaakte tzatziki (klik hier vir die resep)
• Avokado – in skywe gesny
• Gepekelde rooi uie – opsioneel
• Fetakaas, gekrummel
• Vars koljanderblare  – opsioneel
• 1 Suurlemoen of lemmetjie, in wiggies gesny

Metode

1. Plaas die tortilla op ‘n skoon bord. Pak ‘n handjievol koolslaai en 3-4 stukkies vis (nuggets) daarin. 
2. Voeg ‘n eetlepel (of meer) tzatziki bo-op en voeg dan die skywe avokado, ‘n bietjie gepekelde uie, en gekrummelde fetakaas by.  
3. Bedien met vars koljanderblare en ‘n wiggie suurlemoen. 

The post Gebraaide vis-tortillas appeared first on rooi rose.

Tortillas

Hierdie Mexikaanse toevoubrood kan gevries word. Rooster op ’n riffelpan om te ontvries. Vul met gaar hoender, tuna of ham, oorskietslaai en ’n skeppie mayonnaise vir ’n vinnige middagete.

Bone

Hou blikkies cannelini-, botter- en snyboontjies in jou koskas. Meng met sondroëtamaties, geblikte artisjokke, gekrummelde fetakaas en basiliekruidblare vir ’n blitsige pitavulsel of slaai.

Tuna

Meng roketblare, olywe, gekookte eier, kersietamaties en ’n blikkie tuna vir ’n klassieke Niçoise-slaaipita of tortilla wrap-vulsel.

Pesto

Daar is min geregte wat nie deur ’n paar skeppies pesto opgekikker kan word nie. Deesdae is hulle beskikbaar in al wat ’n geur en kleur is. Roer deur koue pasta, noedels, geroosterde groente of gebruik as ’n smeer.

Rotis

Koop klaarbereide rotis by jou supermark en hou in die vrieskas. Vul met oorskietkerrie of -roerbraai en vat saam werk toe.

Pitas

Verhit gevriesde pitas sommer in die broodrooster. Sny die bokant oop en trek die pita oop sodat dit ’n bakkie vorm. Vul met oorskietmaalvleis, gekapte tamatie en ’n paar kappertjiesade.

The post Koskaskulkans appeared first on rooi rose.

The post Geroosterde koftakebabs met dukka-tortillas appeared first on rooi rose.