Roosgoud Inspirasie deur Corné Greeff. Hooffoto: Corné Greeff

Roosgoud Inspirasie

As jy van roosgoud hou, het ons vir jou goeie nuus. Hoewel roosgoud al ‘n geruime tyd in die mode is, het die tendens gekom om te bly. Die kleur is wêreldwyd steeds gewild in dekor en die mode- en skoonheidsbedryf. Roosgoud is dié lente ook die perfekte skakering vir jou naels. Ons het ‘n paar roosgoud skoonheidsprodukte gaan soek wat jou spieëltafel en grimeersakkie pragtig sal laat lyk.

#rrWenk: Wanneer jy roosgoud op jou naels, oë of ‘n blosser met ‘n roosgoud kleur dra, is dit belangrik dat jy die res van jou grimering meer eenvoudig hou.

Hier is ‘n paar van ons gunsteling-roosgoud-skoonheidsprodukte:

Roosgoud inspirasie

1. Raadop met al die kwassies en buisies wat oral rondlê en jou soggens laat rondskarrel as jy wil grimeer? Die Clicks Cosmetic Case in Copper Aluminium (R135) is perfek vir al daardie items.
2. Die Clicks Rose Gold Cuticle Scissor (R31,99) sal mooi lyk in jou manikuurstel.
3. essence face all-rounder brush (R79,95 beskikbaar by Clicks en Dis-Chem) is ‘n lekker grimeerkwas om definisie te skep.
4. Roosgoud oë! Die MAC Cosmetics Mini PIGMENT (R140) kan op jou oë gebruik word. Wend met ‘n fyn kwassie as ‘n oogomlyner aan.
5. Clicks Rosegold Tweezer (R33,45) is perfek om daardie ongewenste haartjies uit te pluk.
6. Wend jou onderlaag maklik en egalig aan met die Clicks Rosegold Spunge (R49). Jy kan dit ook gebruik om kontoere te skep of jou onderlaag te meng.
7. Elizabeth Arden Retinol Ceramide Capsules Line Erasing Night Serum (R965 vir 60 ml) bevat retinol en seramied wat help om die vel te bevogtig en die sperfunksie te herstel. Dit is ideaal vir diegene wat vir die eerste keer retinol gebruik.
8. Catrice Gold Effect Nail Polish in Fascinating Grace (R69,95) sal baie mooi lyk op jou naels. As jy te bang is om al jou naels in die kleur te verf, wees kreatief en verf net die punte daarmee, of verf net een of twee van jou vingernaels en hou die ander in ‘n meer natuurlike kleur.
9. Die Urban Decay Naked 3 Palette (R860) is ‘n gunsteling onder Urban Decay-aanhangers. Die palet het twaalf natuurlike skakerings – van ‘n meer natuurlike mat tot glinsterende metaalskakerings.
10. Wend ‘n dun strepie van die MAC Cosmetics DAZZLESHADOW LIQUID in Beam Time (R265) soos ‘n oogomlyner op jou ooglede aan om jou oë te beklemtoon.
11. Goed vir ’n glansende vel. Skep ‘n glansende voorkoms deur die CATRICE Light Correcting Serum Primer (R92,95, beskikbaar by Dis-Chem) onder jou grimering aan te wend.
12. Ek is gaande oor die innoverende roosgoud verpakking van die Missguided Babe Power-parfuum (R745 vir 80 ml). Dit lyk soos ‘n soort energiedrankie en is ‘n oulike geskenk vir ‘n tienerdogter. Die parfuum het ‘n soet geur en is ‘n kombinasie van pomelo, pynappel, vanielje, spookasem, appel en jasmyn. Dit lyk prettig en asof dit vir jou nuwe energie gaan gee elke keer wanneer jy dit gebruik.
13. Oogskadu wat sal aandag trek. NYX Prismatic Eyeshadow Rose Dust (R119,95).
14. Die essence shine last & go! gel nail polish in 44 on air! (R29,95, beskikbaar by Clicks en Dis-Chem) word vinnig droog en sal jou naels vrolik en glansend laat lyk!
15. Stylvolle bevogtiger: Die CATRICE Lip Coconut Balm (R79,95, beskikbaar by Dis-Chem) bevat klapperolie en is hoog in vitamien E. Dit sal jou lippe bevogtig en lekker tropies laat ruik.
16. Glansende lippe: Die GloSkinBeauty Gloss in Pink Blossom (R335) sal jou lippe ‘n mooi roosgoud skakering gee.
17. Dis maklik om die Almay Cream Shadow Foils in Cupid Glaze (R109,95) aan te wend. Die metaalskakering sal jou oë pragtig laat lyk.
18. Die Revlon Kiss Glow Lip Oil (R129) gee ‘n mooi glansende kleur en sal jou lippe ook bevogtig.

Vir nog pragtige inspirasie, loer hier

The post Roosgoud Inspirasie appeared first on rooi rose.

K-skoonheid het my vel verander deur Hannelie Diedericks, Suzanne Kotzé en Corné Greeff. Hooffoto:iStock/Paulynn

rooi rose se adjunk-redakteur, Hannelie Diedericks, is gaande oor die K-skoonheid velsorgroetine. Hier is wat sy sê:

Ek dink baie mense sien veranderinge in hul vel met die K-Beauty roetine as gevolg van die ekstra sorg en tyd wat dit verg om ’n 10-stap roetine te volg.

Dis natuurlik nie noodsaaklik om 10 stappe te volg nie.  Meng-en-pas die stappe eerder om by jou eie behoeftes en skedule te pas.

Sommige K-Beauty produkte is net so goed as die meer bekende skoonheidsprodukte wat mens in apteke of kettingwinkels kan koop en is ook soms selfs goedkoper.

As jy jou huiswerk doen is dit moontlik om ’n goeie, effektiewe velsorgroetine vir jouself te skep wat goedkoper mag wees as met byvoorbeeld luukse Europese ingevoerde produkte.

Die grootste struikelblok is dat die kopie wat op die verpakking verskyn soms net in Koreaans of Japannees is, en dat dit moeilik is om produkte te identifiseer of te kan sien hoe om dit te gebruik of wat die bestanddele is. Gelukkig is daar nou ’n paar plaaslike aanlynwinkels, soos Glow Theory,  K Beauty Africa en Butterkup Beauty wat in K-Beauty-produkte spesialiseer en inligting verskaf wat dit meer verbruikersvriendelik maak. YouTubers soos Gothamista gee ook goeie, betroubare inligting oor produkte en bestanddele wat gereeld in K-Beauty produkte gebruik word.

Wonder jy wat K-Skoonheid is? Loer hier om meer uit te vind. 

Só het Hannelie se velsorgroetine verander danksy K-skoonheid

K-skoonheid het my geïnspireer om meer stappe in my daaglikse velsorgroetine in te bring en meer aandag te gee aan aktiewe bestanddele en watter voordele dit inhou. Ek  gebruik steeds heelwat “Westerse” produkte, en gebruik hier en daar ’n K-skoonheid produk, en verander my roetine afhangende van hoe my vel op ’n spesifieke dag voel

Ek was my gesig nou twee keer

Die bekendste en dalk die belangrikste K-skoonheid-stap is sekerlik die dubbelreiniging, of twee-stap-reinigingsroetine, wat mens in die aande doen.  Jy verwyder eers jou grimering met ’n cleansing balm of reinigingsolie, en reinig jou vel daarna met ’n jel- of skuimreiniger.

Ek beskou toner as die eerste stap in die voedings/hidreringproses

Nog ’n verandering wat ek gemaak het, is om die “toner” of opknapper-stap nie te sien as die einde van die reinigingsproses nie, maar eerder die eerste stap in die voedings-/hidreringsproses.  K-Beauty Toners en Essences bevat hidrerende bestanddele soos hialuroonsuur en gliserien wat die vel bevog en voorberei op die opeenvolgende stappe.  Mens tik dit liggies met jou vingerpunte in die vel in, eerder as om dit met watte oor die vel te vee. Ek dink nie ek sal ooit terugkeer na die “ou” opknappers wat vol alkohol is en gewoonlik net mens se vel uitdroog en styf laat voel nie.  Hierdie hidrerende opknappers kan afgewissel word met suur-opknappers wat gebruik word om jou vel af te skilfer.

Ek gebruik ’n serum twee keer per dag.

In die verlede het ek my serums vir die aand gebêre, maar nadat ek bewus geraak het van die verskil wat ’n goeie vitamien C-produk aan mens se veltoon kan maak, het ek ’n vitamien C-serum by my oggendroetine ingewerk.

Ek gebruik twee keer per week ’n masker

Ek gebruik twee keer per week ’n masker wat ek afwissel afhangende van hoe my vel op daardie stadium voel.  Lappiesmaskers is prettig en maklik om te gebruik en die effek daarvan is gewoonlik onmiddellik sigbaar, maar ek het nog nie ’n lappiesmasker opgespoor waarvan ek die volgende oggend steeds die verskil in my vel kon raaksien nie.  Ek verkies slaapmaskers wat gedurende die nag op mens se vel bly – dit voel net of dit ’n groter verskil maak.

K-Beauty produkte wat ek al gebruik het

Eerste reiniger:

Banilla Co Clean It Zero Balm Cleanser R340 (Butterkup Beauty) – Dit laat die grimering van jou vel af smelt!

Tweede reiniger:

PYUNKANK YUL Cleansing Foam R 175 (Glow Theory) – Reinig jou vel deeglik nadat jy die grimering verwyder het. Ek gebruik dit saam met my Foreo Luna Mini vir ’n ekstra diep reiniging.

Toner/Essence:

PYUNKANG YUL Essence Toner R220 (Glow Theory) – Verfris en versag jou vel.

Suur-opknapper: 

CPSRX AHA 7 Whitehead Power Liquid R295 (Glow Theory) – ek gebruik dit twee keer ’n week vir ’n ligte afskilfering.

Vitamien C Serum: 

TIA’M My Signature C Source Vitamin C Serum (bêre in jou yskas om dit teen oksidasie te beskerm) R295 (Glow Theory).  Ek het ’n merkbare verskil in die helderheid van my vel bespeur. My pigmentasievlekke lyk ook ligter.

Lappiesmaskers 

HELLOSKIN Jumiso Sheet Masks (R40 elk beskikbaar by Glow Theory).  ’nVinnige hidrerende inspuiting vir ’n droë, moeë vel.

#rrWenk: Hierdie lappiesmaskers maak baie oulike geskenke …

Op my wenslysie vir die toekoms 

KLAIRS Midnight Blue Calming Sheet Mask  (R 50 beskikbaar by Glow Theory)

 ISNTREE Real Rose Calming Mask (R 295 beskikbaar by Glow Theory)

Dr. Jart CERAMIDIN CREAM (R710 beskikbaar by Butterkup Beauty)

KLAIRS Supple Preparation Facial Toner (R420 beskikbaar by K-Beauty)

Nie-Koreaanse produkte

Jy hoef nie noodwendig Koreaanse produkte te gebruik nie, jy kan die tien-stap-regime ook met ander handelsmerke volg.

The post K-skoonheid het my vel verander appeared first on rooi rose.

Hennepsaadolie-velsorgprodukte wat jy nou moet probeer deur Corné Greeff. Hooffoto: Pixabay

Wat is hennepsaad en hoe word hennepsaadolie gemaak?

Hennepsaad is afkomstig van die Cannabis sativa-plant en is volgens The Body Shop een van die oudste gesaaide oeste ter wêreld. Nadat die hennepsaad geoes is, word ’n koudgeparste proses gebruik om die olie uit te pers. Dit is ’n natuurlike bron van gamma-linoliensuur (GLA) wat help met die bevogtiging van jou hare en vel.

Moenie bekommerd wees nie, jy sal nie “hoog” word as jy ’n room wat hierdie olie bevat aan jou gesig smeer nie – die kommersiële gebruik van hennepsaadolie bevat nie die THC-bestanddeel wat jou kan “hoog” maak nie.

Wat is die voordele van hennepsaadolie?

• Dit help die vel om te herstel wanneer dit deur stresfaktore beskadig is.
• Dit bevat anti-oksidante en help met teenveroudering.
• Dit is hoog in omega-3, -6 en -9 wat die vel bevogtig en teen omgewingsfaktore beskerm.
• Dit dien as ’n anti-inflammatoriese middel.
• Die vetsure daarin is belangrik vir die vel se balans.
• Sjampoe en opknappers wat hennepsaadolie bevat, verbeter die tekstuur van jou hare en help met die voorkoming van skilfers en infeksie op die kopvel. Die olie help ook om haarverlies te voorkom en verbeter die gesondheid van die hare.

Hoe gebruik jy dit?

• Smeer die hennepsaadolie aan jou lyf ná jy gebad of gestort het en masseer dit in. Dit bevogtig jou vel en help met bloedsomloop.
• Kies ’n skoonheidsproduk wat die olie as bestanddeel bevat.
• Maak jou eie afskilferaar met die olie en bestanddele wat jy in die kombuis het.
• Jy kan die olie ook gebruik om jou grimering te verwyder.
• Gebruik dit om taai produkte soos gom van jou vel af te kry.
• Smeer aan jou bene of onderarms voor jy skeer en  jy hoef nie ’n skeerroom te gebruik nie.

Soil Organics se doen-dit-self resep vir jou eie afskilferaar

Bestanddele:

• ½ koppie suiker
• ½ koppie hennepsaadolie
• 1 teelepel heuning
• 20 druppels van jou gunsteling- essensiële olie.

Meng die bestanddele saam en hou dit in ’n glasfles. Gebruik soos benodig.

#rrWenk: Wanneer jy jou bene afskilfer voor jy skeer, maak die dooie velletjies nie jou lemmetjie stomp nie!

Verwyder grimering so met hennepsaadolie

• Gooi 1 teelepel hennepsaadolie op ’n lappie.
• Druk die lappie saggies om die dele om jou oë om die grimering te verwyder.
• Spoel die lappie uit en drup ’n halwe teelepel hennepsaadolie daarop.
• Vryf in die lappie in en druk die oortollige water uit.
• Was nou jou gesig soos gewoonlik en verwyder jou grimering.
• Spoel jou gesig af.

Probeer die volgende produkte

The Body Shop

The Body Shop gebruik al dekades lank hennepsaadolie in hul produkte en die Hemp-reeks is tans een van hulle beste verkopers.

Soil

Die Soil Organic Hemp Seed Oil (Cannabis sativa) (R100 vir 100 ml aanlyn beskikbaar by soil.co.za en Dis-Chem) is ryk aan anti-oksidante en vetsure, ideaal vir lyfsorg. Nadat jy dit aangesmeer het, word die olie vinnig geabsorbeer en laat nie jou vel olierig voel nie. Dit bevat bestanddele van die Cannabis-plant wat geen nadelige newe-effekte het nie. Dit kan ook gebruik word om grimering te verwyder.

TheraVine

Die TheraVine Clarifying Mango Face Balm (R448 aanlyn beskikbaar by theravine.co.za) se twee hoofbestanddele is mangobotter en hennepsaadolie en die room bevat ook ilang-ilang en laventelolies. ‘n Luukse, sagte room vir die nag wat nie net die vel reinig nie maar ook dien as ’n anti-inflammatoriese middel. Dit bevogtig die vel en help met die verligting van aknee.

COWSHED

Die COWSHED Bullocks Muscle Rub Body Oil (R399 beskikbaar aanlyn by beautifulage.co.za) is geskik vir mans en vroue. Masseer in jou vel in ná jy gebad of gestort het. Dit bevogtig die vel en laat die vel sag en glad nie olierig voel nie. Dit help ook met die verligting van seer spiere.

Dr. Organic

Dr. Organic het ‘n groot aantal produkte wat onder hul hennepsaadolie-reeks val. Daar is van velsorg- tot haarsorgprodukte en help met bevogtiging en beskerming.

Produkte beskikbaar aanlyn by drorganic.co.za en TakeAlot

Hempy

Foto: Corné Greeff

Die Hempy Natural Body Oil (R143,95, beskikbaar by wellneswarehouse.com) is ‘n natuurlike bevogtiger en hoog in vetsure. Dit help met die behandeling en herstel van ‘n baie droë vel.

The post Hennepsaadolie-velsorgprodukte wat jy nou moet probeer appeared first on rooi rose.

Haarstyl-inspirasie vir die feestyd deur: Corné Greeff. Hooffoto: Pexels

Die kunstige knippies

The post Haarstyl-inspirasie vir die feestyd appeared first on rooi rose.

Deur Suzanne Kotzé en Corné Greeff. Hooffoto: Pexels

Skoonheidsnuus

Keira Knightley en CHANEL

Foto: CHANEL

Die Britse aktrise Keira Knightley is al tien jaar lank die gesig van CHANEL, maar ’n dekade later lyk sy in die jongste advertensies net nog verleideliker.

“Ek wou so na moontlik aan die oorspronklike formule bly, maar terselfdertyd ’n nuwe dimensie aan die fyngeur gee,” verduidelik die parfumeur van CHANEL, Olivier Polge, sy benadering tot die nuwe weergawe van CHANEL Coco Mademoiselle EDP. Hy het die patsjoeliegeur versterk maar die vars boonste note behou en jy ruik steeds lemoen en bergamot om die hart van roos en jasmyn. Die nuwe CHANEL Coco Mademoiselle EDP (R2 465 vir 100 ml) is nou beskikbaar.

Wonders uit die see

Die kristalle wat in ’n beker Miracle Broth® (die hoofbestanddeel in alle La Mer-produkte) gevorm het en waarop ’n wetenskaplike toevallig afgekom het, is in ’n nuwe Crystal Miracle Broth ®-formule gebruik en is die basis vir die ontwikkeling van La Mer se Renaissance-reeks. Die jongste toevoegings tot die reeks is ’n oogroom, Genaissance de la Mer Eye and Expression Cream (R4 400), wat met aanwending behoorlik wegsmelt en pofferigheid en lyntjies teëwerk, asook Genaissance de la Mer Infused Lotion (R4 070). Laasgenoemde is streelsag tydens aanwending en laat jou met ’n vel wat pure fluweel is.

‘Sci-Fi’-naels

Revlon se nuwe naellakreeks, Nail Enamel Holochrome Collection (R119 elk) bevat holografiese kleure wat lig in die vorm van ’n driedimensionele reënboog weerkaats, asook chroom wat lig weerkaats om soos metaal te lyk.

Soenbare lippe

essence se My only 1 Lipstick Palette (R209,95) bevat al die lipkleure (en meer) as wat jy ooit nodig sal kry!

Suzanne se gunstelinge

Tekstuur vir fyn of  …uhm … vuil hare

Met die Kaapse droogte behoort elke twee dae se hare was tot die verlede. Kevin Murphy Bedroom Hair (R455) gee tekstuur en volheid aan my hare en laat dit effens deurmekaar en ongekunsteld lyk, soos “bedroom hair”. Dit is lig, nie taai nie en bevat geen parabene en sulfate nie. #spaarwater

Stamp jou wange

Wat ’n oulike en prettige manier om jou blosser aan te wend! “Stamp” jou wange liggies met die Sorbet What a Cheek Blush Cheek Stamp (R169,95) en skakeer die kleur met jou vingers in. Wonderlik vir jou handsak of wanneer jy reis.

Die gemoedsproei

Met ’n besoek aan Sisley se hoofkantoor in Parys het ek ’n behoorlike hittegolf beleef en die Sisley- personeel was gaaf genoeg om Sisley Floral Mist (R1 141) in my hotelkamer te laat. Dit ruik wonderlik (dink vars roos en hamamelis). Deesdae, wanneer ons watersituasie hier in Kaapstad my effens taai en “af” laat voel, sproei ek my gesig met die blomgeure – maar teen daardie prys werk ek erg spaarsamig daarmee! Dit laat my sommer dadelik vars voel. Ek spuit dit voor of ná grimering ook aan

Corné se gunstelinge

Wonderstafie

Smashbox Skin Shaping Foundation Stick (R660). Ek het onlangs by ’n grimeerklas (aangebied deur Smashbox se grimeerkunstenaar uit Parys, Manuela Horn) waar ek met hierdie dubbelkantige kontoerstafie kennis gemaak het. Dit is fantasties vir verbloeming, beklemtoning én kontoering. Dié stafie maak aanwending maklik en netjies. Jy kan die illusie van ’n sterker kakebeenlyn, fyn besnede wange en ’n slanker neus met die produk skep.

‘Wow!’-wimpers

Benefit They’re Real! Mascara (R355 en R175 vir die klein houertjie beskikbaar by uitgesoekte Edgars- en Red Square-winkels en redsquare.co.za). Nie net gee dit jou wimpers bykomende lengte en volheid nie, maar dit krul jou wimpers mooi en skep die nodige definisie. Die borseltjie is doeltreffend, jy kom selfs daardie klein wimpers in die hoekies van jou oë by.

The post Dis nuut en nou en waarvan ons hou appeared first on rooi rose.

Deur Bea Lingenfelder. Hooffoto pixabay. 

Een

’n Silwer handsakkie kan jou staatmaker-uitrusting in ’n oogwink vernuwe.

Twee

Silwer juwele was nog altyd gewild, maar waag dit bietjie meer hierdie seisoen en fokus op geometriese vorms saam met blaar- en diermotiewe.

Lees ook: fokus op oorringe

Drie

’n Paar silwer tekkies kan die oplossing wees om jou donker, welige, winteruitrusting woema te gee.

Vier

’n Futuristiese tema is in al die nuutste modes te sien en al besluit jy om net ’n bietjie silwer by te voeg, kan dit jou op ’n subtiele dog modieuse manier laat deelneem aan dié nuut-en-nou-trend.

Vyf

Wie kan nou die kenmerkende voorkoms van ’n sneeukoningin in wit en silwer weerstaan?

Ses

Silwer pas saam met net mooi enigiets! Ja, jy kan dit selfs saam met goud dra.

Sewe

Silwer en jou gunsteling klein swart nommertjie bly altyd ’n wenresep.

Agt

Het jy ’n dag-tot-aandgeleentheid aan? ’n Silwer aangliprok werk perfek saam met ’n denimbaadjie deur die dag. Verruil die baadjie later vir ’n syserpie en hakke.

Nege

Silwer mode beteken nie meer net daardie rubberige metaalglans nie. Silwer gare word nou in woltruie en jasse ingeweef vir ’n stylvolle wintervoorkoms. Blinker-afwerkings is ook gewild op die moue van hemde, truie en broeksome.

Tien

As jy steeds nie oortuig is dat silwer die kleur vir jou is nie, kan jy altyd veilig speel met ’n silwer belt. Hierdie item sal altyd ’n tydlose item by enige uitrusting bly, of dit nou hoogmode is of nie.

Gaan loer gerus in die winterstylgids van ons Mei 2018-uitgawe vir silwer items waarmee jy kan rondspeel!

The post 10 redes hoekom silwer en winter pasmaats is appeared first on rooi rose.

Deur Ansu Visser en Mila Guy. 

My beste vriendin en gunsteling-mens par excellence, Mila Guy, was Februarie in New York. Wanneer ’n reisagentskap ’n special vir retoerkaartjies het – wat vir net R6 000 ook drie dae se verblyf in New York insluit – het jy geen ander keuse as om die sprong te waag en al jou spaargeld te bestee nie.

Aangesien Februarie nog ’n wintermaand in New York is, was dit noodsaaklik dat Mila nie net lekkernye huis toe bring nie, maar ook ’n oorsig van al die trends wat op ons wag.

Mila het woord gehou en hier is jou winterhandleiding. Deur Mila Guy.

“New York is bekend vir sy all black style, want almal dra swart. Jy kan dalk dink dat dit vervelig sou raak, maar danksy juwele, handsakke, allerhande ander bykomstighede en die feit dat amper alles by swart pas, is daar geen skaamte oor die eenselwigheid van die voorkoms en boonop niks verveligs aan ’n all black outfit nie.

Nog iets wat ek besef het, is dat New York ’n vuil stad is. Dit het ’n vinnige tempo en die normale aktiwiteit van klere was, word as ’n mors van tyd beskou (daar is nie rêrig wasmasjiene in New Yorkers se huise nie). Die stad beweeg so vinnig dat wanneer jou klere droog is, dit net mooi gereed vir die oudedoos is.

Hier is ’n aanhaling wat na my mening die vertrekpunt van die New York-styl goed vasvang:

“We wear black because we are not tourists here to see a show; because we are in a sense with the band. The band is New York and the colour is black”- The Cut, New York Times Magazine.

Swart is sexy en eenvoudig.

Daar is wel niks verkeerd met ’n bietjie kleur om jou swart nommertjie ’n bietjie oemf te gee nie. Maak dit saak dat jy soos ’n toeris lyk wanneer jy die swart voorkoms opgehelder het? Jy ís immers ’n toeris in New York!

Wanneer ek pak, is dit gewoonlik ’n proses van mix en match totdat ek die perfekte outfit gekry het. Die proses begin dan van vooraf totdat ek genoeg uitrustings het vir die aantal dae wat ek weggaan. Met ’n limiet van slegs 23 kg vir my sak, asook my winterjasse en -skoene (wat meer weeg as wat ’n mens dink) moes ek ’n nuwe pakproses begin.

Ek het met die basiese items begin: 3 kleurryke rokkies, 2 high waisted jeans en warm sykouse. My twee winterjasse: vlootblou en swart. My twee serpe: een ’n mengsel van bruin en swart en die ander ’n mengsel van vlootblou en bruin. Dis hoe ek beplan het om oemf in my basiese klerekas te sit.

Ons is geneig om in ’n Suid-Afrikaanse winter by blou te bly (enige skakering daarvan), of die getroue ou kakiebaadjie in te span. Hierdie winter gaan ek probeer om die voorkoms met swart bykomstighede klassiek te probeer hou, maar darem so ’n klein kleurpartytjie in die vorm van bykomstighede, of ’n paar brawe keuses, soos ’n shocking pink jas, in te smokkel. Net om dit gesofistikeerd te hou maar darem so ’n bietjie ruimte vir flirt ook in te werk.”

The post Ansu Visser se blog: hoe werk wintermodes in New York? appeared first on rooi rose.

Saamgestel deur Anélle Tewson. Foto’s deur Eunice Driver, Eunice Driver Photography. 

Mode-ontwerpers van regoor die land werk al maande lank om reg te maak vir die onthulling van hul nuutste skeppings by die Suid-Afrikaanse modeweek 2018.

Hierdie maand was die SA-modeweek by die Protea Court Rooftop, Sandton City.

Hier is ons gunstelinge:

The post SA-modeweek Lente/Somer 2018 appeared first on rooi rose.

Ons vier steeds #Vrouemaand en hierdie video van olifante sal jou beslis laat glimlag. Hoekom? Want hul troppe word deur matriarge gelei. Hierdie video word eintlik jaarliks gesirkuleer, maar dit bly kosbaar (plus ons help jou om jou volgende Safari te beplan …)

Jaarliks tussen einde-Oktober en middel-Desember is daar ’n trop olifante wat by die Luangwe Natuurreservaat in Zambië se boskamp kuier. Dié kamp is (onwetend) op ’n ou olifantpaadjie gebou en omdat olifante nie sommer vergeet nie, gebruik hulle dit steeds om by ’n lekkerny uit te kom – die wilde mango. Die olifante toon ’n bewustheid van die mense in die kamp, asook ’n groot mate van vertroue. Olifante is maar sku vir mense, veral wanneer daar kalfies in die trop is.

Die leier van die groep, Wonky Tusk (so genoem omdat sy ’n skewe tand het), neem haar gesin jaarliks deur die kamp. Haar kalfie, Wellington, is in 2009 gebore en het dadelik deel geword van die groep wat dié boskamp besoek. Wellington speel glo soms met die ontvangstafel se skryfbehoeftes!

Hierdie tog het ’n gewilde toeriste-aantreklikheid geword maar die natuurreservaat doen baie moeite om seker te maak dat die olifante nie gesteur word tydens hul besoek aan die kamp nie.

Kyk hier na twee video’s

The post Die olifant in die kamer … appeared first on rooi rose.

Eers ’n paar jenewer-feite

• Jenewer is ’n helder alkohol wat in ’n potketel gestook en met jenewerbessies en allerlei ander natuurlike plantgeure gegeur word.
• Die Nederlanders het heel eerste jenewer gestook. Die Britte het dit in die 17de eeu by hulle gesien maar eers ’n eeu en ’n half later is die bessies op Britse bodem stookpot toe. Dit het nog 150 jaar geneem voordat jenewer soos ons dit ken, daarvan gemaak is.
• Jenewer word selde skoon gedrink. Dit word gewoonlik met tonikum gemeng of andersins in skemerkelkies soos martini’s gebruik.

Die tonikum is ook belangrik

Tonikum is aanvanklik gemaak met die doel om kinien,’n malaria-teenmiddel van chinchona-bas, drinkbaar te maak – tot die Britse soldate toentertyd besef het dat dié doepa veel lekkerder smaak met ’n skeut jenewer daarby! Goeie kroegmanne beveel gehalte-tonikum aan en baie spesialiteitskroeë voer tonikum van oorsee af in, of maak hul eie.

Ons hou van:
Fitch&Leeds se tonikumwater en veral die pragtige nuwe pienk tonikum wat met roosblaar en komkommer gegeur word. Fitch&Leeds filtreer die water in hul tonikum viervoudig om suiwerheid te verseker.

Jenewerkroeë

Daar is ’n hele paar kroeë wat net op jenewer toegespits is.

• The Gin Bar in Wale-straat, Kaapstad, het vier ontwerpersdrankies met jenewer op die spyskaart: Heart, Soul, Head en Ambition.

• Mother’s Ruin Gin Bar in Breë-straat, Kaapstad, het meer as 70 jenewers om van te kies. Probeer ook drankies soos Lawrence of Arabia (met gekneuse dadels) en Klein Slaaitjie.

• Asara-wynlandgoed het ’n stylvolle Art Deco-kroeg net buite Stellenbosch en bied 200 verskillende soorte jenewer te proe aan en bykans 12 verkillende handgemaakte tonikum-waters.

Foto: Charles Russell

Unieke Suid-Afrikaanse jenewers

• Cruxland, KWV Kalahari Truffle Infused London Dry Gin
Die jenewer word twee keer gedistilleer met botaniese geure soos jenewer, rooibos, koljander, heuningbos en Kalahari-truffels.

• Blaauwklippen-wynlandgoed Triple Three Distillery
Die African Botanicals Gin vertoon geure van boegoe en rooibos, naeltjie, sederhoutskaafsels en denne saam met lemoenskil, kamfer en donker bessievrugte. Die Juniper Berries Gin spog met kamfer, denneboom en eukaliptus en die Citrus Infusion Gin met sonrypgeure van lemoen en suurlemoen.

• Wilderer Fynbos Gin
Die Wilderer-distilleerdery is op die Spice Route-landgoed buite Paarl geleë. Daar is 27 verskillende botaniese geure, insluitend boegoe, heuningbos en wilde dagga in dié aromatiese jenewer.

• Inverroche Gin
Inverroche is ’n beeldskone distilleerdery net buite Stilbaai. Hier maak hulle klein hoeveelhede jenewer en fokus op gehalte. Die jenewer word met handgeplukte fynbos gegeur.

• Cape Town Rooibos Red Gin
Dié jenewer word slegs in klein hoeveelhede gemaak en met organiese rooibos uit die Sederberge gegeur. Ander geure soos lemoenskil en kaneel word ook gebruik en is ’n perfekte kombinasie saam met die rooibos.

• Hope on Hopkins Distillery
Dié distilleerdery in Sout Rivier, Kaapstad, is beslis ’n besoek werd. Lucy Beard en Leigh Lisk maak die allerbeste handgemaakte jenewer. Ons hou veral van die Hope Mediteranean Gin wat met olywe gegeur word! Jy kan ook die meer tradisionele London Dry Gin of Bloedlemoen probeer, ’n geurige jenewer wat met lemoenskil gemaak word. Besoek Hope on Hopkins vir ’n proe op Saterdae tussen 12 en 4 nm. Kontak sarina@hopeonhopkins.co.za vir besprekings.

• The Duchess Alkohol-en-Suikervrye Jenewer
Hierdie jenewer proe net soos die ware Jakob maar sonder die suiker en alkohol. Dié jenewer word met ’n verskeidenheid botaniese geure soos steranys en karamonk gegeur om dit die perfekte jenewer- en tonikum-smaak te gee. Dit werk net so goed as suikervrye mengeldrankie by jou gunsteling jenewer! Kry dit by die meeste drankwinels en supermarkte of kontak hulle by info@theduchess.co.za

The post Nuut & Nou: Jenewer appeared first on rooi rose.

Diere-ontwerpe en -ornamente het in 2016 reeds begin om ons binnekamers te bekruip. Daar is soveel om van te kies! Hierdie trend, wat deel is van die Happy Living-neiging, help om jouself effe ligter op te neem en jou te omring met dinge wat ’n glimlag op jou bakkies sit. Diere-elemente is veral beskikbaar in ornamente, tekstiel-ontwerpe, muurpapier en tafelgerei.

Hoe om diere-ontwerpe in jou huis te gebruik

• Die kuns is om op ’n tema te besluit sodat jou huis nie na ’n dieretuin lyk nie. Gebruik dit spaarsamig met die oog op die res van jou dekor.

• Hou kleur in gedagte en kies groepering eerder as ’n té groot versameling wat jou huis oorweldig. Hou dit lig en prettig. #rooirosewenk: Vermy die Groot Vyf!

• Hase was vir ’n paar jaar groot nuus, maar behalwe vir unieke langore, het hulle intussen die hasepad gekies om plek te maak vir ander opwindende karakters.

• Dinosourusse is ’n goedkoop manier om jou kind se kamer ’n nuwe voorkoms te gee. Verf ’n laaikassie en die plastiekdiertjies in dieselfde kleur. Skroef dit dan aan die laaie vas as unieke handvatsels.

Verskaffers

Rialheim: www.rialheim.co.za
Sugar and vice: www.sugarandvice.co.za
Head on design: www.headondesign.co.za
Crema Design: www.cremadesign.co.za
Mr Price Home: 0800 212 535
@Home: 0860 576 576
Head on design: www.headondesign.co.za
African Creative: www.africancreative.co.za

The post Diere-ontwerpe in jou huis appeared first on rooi rose.

Dis verbasend hoe jou skoene die vermoë het om met jou uitrusting te toor, maar om gemaklik te voel én stylvol te lyk, is makliker gesê as gedaan. Ons het egter goeie nuus: met 2017 wat op ’n eksotiese noot afgeskop het, kan ’n mens nie anders as om plek te maak vir ’n paar buitengewone tekkies nie.

Bring die tuin na jou tekkie

Kry ’n “tuin”-voorkoms met ’n paar kleurvolle blompatrone of bring die kind in jou na vore met ’n speelse afdruk vanuit jou gunstelingstrokiesprentboek. Voel jy kreatief? Niks keer jou om hierdie jaar jou verbeelding vrye teuels te gee en jou tekkies as skilderdoek te gebruik nie; gryp daardie verfkwas en spog met jou tekkie, enig in sy soort. Ander gewilde style sluit in geometrie, Afrika-inspirasie en ietsie blink. Bont en besonders – dís die pad om te loop.

Ons is veral versot op die nuwe Toy Story-skoenreeks van Vans wat afdrukke van al die gunstelingkarakters uitbeeld. Ikoniese figure soos Buzz Lightyear en Woody pronk regoor jou skoen wat jou sommer kinderlik opgewonde op enige dag sal laat voel. Verder oortref hierdie skoen jou verbeelding deur die seunskarakter “Andy” se naam in ’n kinderhandskrif op die sool te teken.

The post Trek jou stoute skoene aan appeared first on rooi rose.

Gewone mense het aan die #Green2017-gesprek deelgeneem en getwiet oor wat hulle gaan doen om 2017 ’n “groen” jaar te maak. Heelparty mense het onderneem om twee dae per week vegetaries te lewe om die las op Moeder Aarde te verlig. Hier is van die #Mygreenpledge-twiets:

The post ’n Groener jy, ’n groener 2017! appeared first on rooi rose.

Swart en wit geruite vloere en damas se tyd is verby. Gaan eerder vir ’n meer Skandinawiese gevoel om ’n moderne en eenvoudige aanslag op die palet te gee. Daar is niks mooier as ’n spierwit spasie met moderne swart skottelstoele en ’n spierwit eetkamertafel nie. Rond dit af met ’n swart industriële lamp.

As Skandinawies te eenvoudig lyk vir jou, plak ’n muur met swart muurpapier met tekstuur en gooi wit skaapvelletjies oor jou sitplekke.

200 Draadtelling duvet (R379.99) Mr Price Home

Bak (R269) @Home

Handgeweefde pouffe (R1 595) Weylandts

Kai Pod stoel (R14 995) Weylandts

Duvet (Vanaf R350 tot R1 300) Mono shop

Klerehanger (R1 950) Mono shop

Skoenlapper-stoel (R2 000) Mr Price Home

Industriële lig (R3 995) Sutherlands

Leer-boekrak (R1 999) @Home

Verskaffers

www.mrphome.com
@Home: 0860 576 576
Sutherlands Furnishers: www.shf.co.za
Weylandts: 021 914 1433
www.monoshop.co.za

The post Swierig in swart en wit appeared first on rooi rose.