truffels | rooi rose

Amandeltruffels

Rooi Rose — Tue, 12 Nov 2024 08:12:00 +0000

Genoeg vir 20 baie lekker blokkies

Bestanddele

Die bolaag moet verkieslik oornag set, maar as jou tyd knap is, kan dit binne 3-4 uur in die yskas set.

150 g heel amandels, met die skil
90 g (½ k) koekmeel
100 g (105 ml) strooisuiker
50 g botter + ekstra om die pannetjie mee te smeer
150 g melksjokolade, in klein stukkies gekap
2 groot eiers

Bolaag

350 g sjokolade, helfte donker- en helfte gewone melksjokolade, ruweg gekap
225 ml dubbeldikroom

Metode

Voorverhit die oond tot 180 °C. Smeer ’n vierkantige 20 cm-pannetjie (’n pan met ’n losboom werk goed) met botter en voer met bakpapier uit. Strooi kakao in die pannetjie en stamp die ergste kakao uit.
Rooster die amandels vir ’n paar minute in ’n pannetjie. Laat afkoel.
Maal 100 g van die neute, meel en suiker in ’n voedselverwerker tot ’n growwe mengsel. Kap die res van die neute ruweg met ’n mes en meng by die meel.
Smelt die botter in ’n kastrolletjie en voeg die sjokolade by. Laat effens smelt en klop glad.
Haal van die hitte af en voeg die eiers een vir een by terwyl jy die mengsel deeglik klop.
Voeg die neutmengsel by en meng goed deur. Skep in die pannetjie en maak gelyk met ’n paletmes.
Bak vir 15-20 min. Haal uit en laat in die pannetjie afkoel.
Bolaag: Sit die sjokolade in ’n mengbak. Kook die room in ’n klein kastrol tot dit net begin borrel en gooi oor die sjokolade. Roer tot dit gesmelt is en effens begin verdik. Gooi oor die amandelbasis in die pannetjie en laat set in die yskas. Dit duur sowat 3 uur, maar dis beter as jy dit oornag kan laat set, want dit sny makliker.
Keer uit die pan, sny in blokkies en smul!

The post Amandeltruffels appeared first on rooi rose.

Donkersjokolade-truffels

Rooi Rose — Mon, 05 Feb 2024 12:53:44 +0000

Donkersjokolade-truffels

Ingredients

• 125 ml dubbeldikroom
• 200 g donkersjokolade, ruweg gekap
• 45 ml (3 e) botter
• 125 ml kakao in ’n bakkie

Instructions

1 Hou die sjokolade eenkant in ’n glasbak.
2 Verhit die room in ’n kastrolletjie oor matige hitte tot dit begin borrel.
3 Gooi die warm room oor die sjokolade en laat vir 3 min. eenkant staan. Roer tot glad.
4 Klop die botterblokkies by tot die mengsel glansend is. Sit die glasbak oor ’n bak warm water indien alles nie mooi wil smelt nie.
5 Gooi die gesmelte sjokolade in ’n vlak oondpan van 1 cm diep en laat afkoel.
6 Bedek met kleefplastiek sodra dit heeltemal afgekoel is. Laat staan oornag by kamertemperatuur - nie in die yskas nie. Die ganache is gereed wanneer dit ’n ligte duikie maak wanneer jy met jou vinger daarop druk.
7 Skep teelepels vol van die ganache in die bakkie met die kakao en vorm balletjies.
8 Pak op ’n bakplaat wat met kleefplastiek bedek is. Herhaal met die res van die ganache.

The post Donkersjokolade-truffels appeared first on rooi rose.

Sjokoladetruffels

Rooi Rose — Mon, 24 Nov 2008 08:16:00 +0000

Sjokoladetruffels

Serves: 20 sensuele happies saam met 20 verleidelike sopies brandewyn. Nutrition facts: 200 calories 20 grams fat

Ingredients

250 g van die donkerste donkersjokolade (probeer 70% kakao kry), gekap
90 ml (6 e) vars room
50 g botter, in blokkies gesny
kakao

Instructions

Voer ’n 10 x 20 cm-pan met bakpapier uit.
Verhit die sjokolade, room en botter in ’n kastrolletjie en roer oor lae hitte tot alles gesmelt, glad en blink is.
Giet die mengsel in die voorbereide pannetjie. Verkoel in die yskas vir sowat 2 uur tot geset. Keer die truffelmengsel op ’n skoon werkvlak uit en sny in 20 ewe groot blokkies.
Rol in ewe groot balletjies en daarna in kakao sodat dit nie aanmekaarkleef nie.

The post Sjokoladetruffels appeared first on rooi rose.