Valentynstroos: 3 maniere om jou “ou” geliefde in ’n nuwe lig te sien deur Mariette Snyman. Foto: Unsplash

Nie almal is so gelukkig om ’n Valentyn te hê wat hul knieë laat swik of ongelooflike  dinge aan hul hartklop doen nie. Dalk sit jy, soos baie vroue, al jare met jou Valentyn “opgeskeep”. Ja, wat, jy mág maar in ’n oomblik van swakheid so dink. Dis mos ’n uitdaging om jou emosionele balans te behou as die hele wêreld oornag op langsteelrose, ballonne, ondergoedjies en nagte van passie begin fikseer.

Lees ook: Die dieper betekenis van seks

Ons het ’n paar voorstelle indien jy Valentynsdag met ’n ligter hart tegemoet wil gaan. Toemaar, ons praat hier nie van egskeiding, kwaadwillige verlating of ’n ambisieuse lewensmaat-rehabilitasieprojek nie, eerder van voorstelle wat nie morsig sal raak of jou geld gaan kos nie.

Lees ook: Seksuele etiket – die 10 foute wat jy nooit mag maak nie

Let wel: Die 3 strategieë is nie kitsoplossings nie. Dit gaan moeite  én wilskrag verg. Maar maak dit saak as jy op Valentynsdag – en die dae daarna – gelukkiger kan voel?

Hier gaan ons!

3 dinge wat jy moet onthou

1 Die doelstelling

Die doelstelling is om jóú beter te laat voel, net ’n tikkie op ’n slag. ’n Bietjie vir bietjie, dag vir dag … en voor jy jou kom kry, het jy ’n merkbare gemoedsverskuiwing ondergaan.

Die doelstelling sluit nie in om jou geliefde te verander nie. Jy is welkom om ’n poging aan te wend, maar mans het die manier om viervoet vas te steek wanneer iemand hulle probeer “verbeter”.

Lees ook: Die mooiste tuin-idees vir Valentynsdag

2 Die werkswyse

Kies die strategie wat jou die sterkste aanspreek – en “doen dit net”!

3 Tekens van vordering

As jy ’n gevoel van verligting ervaar, is jy suksesvol. Herhaal, en herhaal weer. Ons mik nie vir “alles is skielik fantasties nie”, ons gaan hoofsaaklik vir “hmm, dit voel beter.”

Die 3 strategieë wat jy kan probeer

1 Maak lysies wat jou hart sag maak

Trek pen en papier of jou rekenaar nader, en maak ’n lys van

1. Vyf geite van jou maat waarvan jy steeds hou – klein gewoontetjies, takies wat hy vir mens of dier doen, of mooi dinge wat hy sê
2. Die drie wonderlikste dinge wat jou maat ooit vir jou gedoen het
3. Vyf liefdevolle wense wat jy jou maat toewens

Dis natuurlik goeie inhoud om in ’n Valentynskaartjie te skryf, maar die eintlike doel is om dankbaarheid in jou hart te laat nes skrop.

Hoe moeiliker dit is om die lysies te voltooi, hoe groter die impak wat die oefening kan hê, veral as jy dit gereeld herhaal. Dis ’n bietjie soos om in die supermark na die rak met haarprodukte te stap en onmiddellik op die sjampoe wat jy gebruik, in te zoem. Dit raak tweede natuur.

Lees ook: Hoe om die beste orgasmes en seksuele bevrediging op enige ouderdom te kry

2 Wat soek jy? Stel vas waar jy dit reeds kry

Is daar dinge wat jy begeer maar wat in jou verhouding ontbreek? Dalk hinder dit jou dat jou maat glad nie op drukkies ingestel is nie of dat julle selde ’n grappie deel.

Dié oefening kom uit die boek The Heart of Love deur dr. John Demartini – beskikbaar op www.drdemartini.com

Lees ook: Mans moet dokter toe gaan as hulle enige van hierdie 7 tekens sien

Dit ontbreek nie in jou lewe nie; dit kom net in ’n vorm wat jy nie herken nie

1. Maak ’n lys van wat jy in jou ideale geesgenoot soek. Skryf élke eienskap neer.
2. Kyk nou waar en deur wie elke kenmerk reeds in jou lewe gestalte vind. Wie is vol lewenslus, die ene kreatiwiteit, suksesvol, of laat jou lag? As jy aanhou soek, sal jy agterkom watter vriend, kollega, familielid of kliënt – of boek, fliek of dagdroom – hierdie eienskap in jou lewe indra. Dit wat jy begeer, ontbreek nie in jou lewe nie; dit kom net in ’n vorm wat jy nie herken nie.
3. Word stil, eien die vorm wat die vervulling aanneem en wees in liefde dankbaar daarvoor. As dit vir jou na skrale troos klink, kan jy jou afvra wat jy op die lange duur sou verkies: een allesomvattende verhouding, of ’n ryke ervaring van baie mense, dinge en plekke?
4. Onvoorwaardelike liefde omvorm verhoudings. Moenie verbaas wees as die terloopse aanraking wat jy in jou verhouding mis, op ’n dag begin realiseer nie.

Lees ook: Wat mans – en vroue! – moet weet oor erektiele disfunksie

3 Knoop julle prioriteite aan mekaar

’n Paartjie wat lank saamwoon, maak soms aannames oor mekaar wat eintlik getoets moet word. Een wanindruk is dat hulle prioriteite ooreenstem. Die vraag is: is dit waar?

“Die enigste betroubare voorspelling wat jy ooit oor ander kan maak, is dat hulle aan hul eie waardes getrou sal wees,” skryf dr. John Demartini in The Heart of Love. “Waardes” hou hier eerder verband met dit wat belangrik is as dit wat reg en verkeerd is – ons praat met ander woorde van prioriteite.

Dr. Demartini onderskei sewe waardevelde: spiritueel, intellektueel, loopbaan, finansieel, familie, sosiaal en fisiek. Elkeen van ons lys hierdie velde in ’n spesifieke volgorde.

Lees ook: Die oorsake van lae libido in mans

Die geheim is om jou hoogste waardes in terme van syne oor te dra

Ons lewe wys wat voorop staan – dit waaroor ons die meeste dink, droom en praat, waarmee ons ons ruimte vul en waaraan ons tyd, geld en energie bestee. Dis gewoonlik die velde in ons lewe waar daar orde is.

Lees ook: Wat jy moet weet oor seks en kanker

• Rangskik jou velde en jou maat se velde onderskeidelik van belangrik na minder belangrik. Is die gesin vir jou belangriker as jou loopbaan? En vir hom? Is finansies vir jou belangriker as fisieke oefening? En vir hom? Is spiritualiteit vir jou belangriker as intellektuele stimulering? En vir hom?

Lees ook: Hoe om beter oor seks te praat

Nie net maak voorkeure en besluite skielik meer sin nie, maar jy het nou ’n kragtige instrument om doeltreffend met jou maat te kommunikeer. Die geheim is om jou hoogste waardes in terme van syne oor te dra. Gestel jou topprioriteit is familie, en syne intellektueel. Sodra hy voel jy gee te veel aandag aan die kinders, kan jy hom daaraan herinner dat dit hom ekstra tyd gee om interessanthede op die internet op te soek. Dié kuns word breedvoerig in The Heart of Love bespreek.

Lees ook: Hoe diabetes jou seksuele gesondheid beïnvloed

As jy wonder hoe twee mense wie se waardes soveel verskil, na aan mekaar kan bly, is hierdie oefening vir jou:

• Skryf jou vyf belangrikste waardevelde neer, en sy topvyf langsaan. Lys minstens vyf maniere waarop jou maat se boonste waarde jou help om jou hoogste prioriteit te vervul. Druk deur as dit moeilik voel!
• Lys nou vyf maniere waarop jou boonste waarde hóm help om sy prioriteit te vervul. Herhaal die proses vir die ander vier items op elkeen se lys.  Dié bedrieglik eenvoudige oefening herbedraad jou brein en open ’n nuwe deur tot kommunikasie en intimiteit. Omdat ons waardes kan verander, is dit goed om dit elke kwartaal te herhaal.

Lees ook: Wat elke vrou oor menopouse en seks moet weet

Lees ook:

29 Maniere om te sê ek het jou lief

Belê in jou huwelik

The post Valentynstroos: 3 maniere om jou “ou” geliefde in ’n nuwe lig te sien appeared first on rooi rose.

Maak só gereed vir jou Valentyns-afspraak deur Corné Greeff. Hooffoto: Pixabay

Maskers

iStock/simarik

Bederf jouself en lê vir ’n paar minute op jou rug met ’n masker op jou gesig en strelende musiek op die agtergrond. Jy kan dit sommer doen voor jy gaan slaap!

#rrWenk: Dit is oor die algemeen goed om maskers deel van jou skoonheidsroetine te maak.

#rrWenke

• Maak seker jy gebruik ’n masker wat jy al voorheen gebruik het sodat jou vel nie uitslaan nie
• Reinig altyd jou vel voor jy die masker aanwend

Lees ook meer oor Lappiesmaskers hier

Kry die perfekte tuismanikuur:

Foto Pixabay

Elana Jooste, naelspesialis vir BellaMia Specialist in die Strand en ambassadeur vir Sparkle Cosmetics, gee raad:

• Hou jou naellakbotteltjies veral by die nek mooi skoon sodat daar nie lug ingaan en die naelverf dik word nie.
• Rol die botteltjies tussen jou hande om die kleur mooi te meng. As jy hulle skud, kan dit die verf dik maak.
• Maak jou naels met ’n alkohollappie skoon voor jy ’n basislagie aanwend. Die lagie laat die kleur langer mooi lyk. Morgan Taylor React Base Coat is Elana se gunsteling.
• Wend twee dun kleurlagies aan en onthou om die voorpunt ook ’n strepie te gee om die kleur te seël.
• ’n Goeie bolaag gee mooi glans en laat die manikuur langer hou.
• Laat die lagie vir minstens agt tot tien minute droog word. Hoewel dit “touch dry” sal wees, moet jy liefs nie jou naels teen iets stamp of in jou handsak krap nie.

Lees ook meer oor mooi naelkleure vir die somer

Sit jou beste voetjie voor

Sagte, versorgde voete sonder skurwe hakke is ’n moet voor jou Valentynsafspraak, veral as jy sandale dra. Spaar tyd en wend jou gesigmasker aan terwyl jy jou voete bederf.

Lees ook: Toets jouself: Wat moet jy vir Valentynsdag dra?

1. Week jou voete:

Gooi warm water en Epsom-sout in ’n kommetjie of groot genoeg bak (waarin albei jou voete sal pas) en week jou voete vir 5-10 min. daarin.

2. Skilfer en skuur jou voete af

Gebruik ’n afskilferaar terwyl jy jou voete masseer en raak ontslae van al die dooie velletjies wat jou voete skurf laat voel.

Maak jou eie afskilferaar by die huis met Janet Stewart van Pink Cosmetics se resep:

Bestanddele:

• 80 g klapperolie
• 100 g druiwepitolie
• 2 eetlepels uitgedrukte suurlemoensap
• 4 eetlepels rou heuning
• 200 g bruinsuiker
• 2 opgehoopte teelepels laventel, roosblare of jasmynbloeisels
• 1 teelepel laventel of essensiële roosolie

Metode:

Smelt die klapperolie in ’n glasbak wat op ’n kastrol kookwater pas.

Meng die druiwepitolie, suurlemoensap en heuning by die gesmelte klapperolie en laat dit afkoel voor jy die suiker bygooi en alles meng.

Gooi die blomme en essensiële olie laaste by en meng.

Hou die afskilferaar in ’n fles en gebruik dit binne ’n week.

Probeer om nie water in die fles te mors wanneer jy bad of stort nie.

Lees ook: Kruie vir jou voete

Gebruik ’n voetvyltjie en skuur en vyl jou voete.  

Dit sal help dat minder eelte vorm en jou voete weer streelsag laat voel.

Bevogtig jou voete

Kies ’n sokkiemasker (wat serum bevat en beter bevogtig) sodat jy kan rondbeweeg terwyl jy dit aanhet; jy moet dalk nog jou uitrusting regkry en so spaar jy tyd

Smeer room aan jou bene en lyf

Bevogtig gereeld jou lyf en indien jy ’n kort rokkie gaan dra, onthou om room aan jou bene te smeer en smeer sommer aan jou arms ook.

#rrWenk: Jy kan selfs ’n room gebruik met ’n parfuum in om jou heelaand lekker te laat ruik.

Lees ook: Die mees romantiese haarstyle wat jy self tuis kan skep

#rrWenke

• Moenie ’n selfverbruiningsproduk die dag voor jou afspraak aansmeer nie, jy wil nie soos ’n gestreepte Oros-mannetjie lyk nie.
• Probeer om vir ’n paar dae voor jou afspraak  produkte te vermy wat natrium bevat (souterige produkte). Natrium veroorsaak dat jou liggaam water hou, en dit kan ook jou gesig opgepof laat lyk!
• Maak seker jy slaap genoeg, want jy wil nie sakke onder jou oë hê nie. Indien dit wel gebeur: hou  ‘n eetlepel onder jou oë sodat die swelling kan sak.
• Moenie voor jou afspraak enige nuwe produkte koop  en gebruik nie, jy is dalk allergies en jou vel kan uitslaan of opswel.
• Indien jy parfuum aansit voor jy uitgaan, hou dit subtiel, jy wil nie jou metgesel se neus laat jeuk nie.
• Moenie vergeet om ’n sweetweerder aan te wend nie.
• Onthou, jy is mooi en besonders net soos jy is en jy hoef niemand te beïndruk nie, wees net jouself, want jy verdien die beste!

The post Maak só gereed vir jou Valentyns-afspraak appeared first on rooi rose.

Doen dit self: Romantiese haarstyle vir Valentynsdag deur Corné Greeff. Hooffoto: ghd

Vir lang hare:  Sagte, romantiese krulle

Sagte krulle lyk altyd elegant en romanties en met ’n klein bietjie hulp van jou krultang kan jy in sewe maklike stappe hierdie mooie styl sommer by die huis skep. Dié voorkoms is perfek vir diegene wie se hare in ’n langer, of selfs ’n korter bob,  gesny is.

Lees ook: Die beste wenke vir sagter, soenbare lippe

Stap 1

Skep volheid met ‘n haarpoeier of sproei wat bedoel is om volume in jou hare te skep. Maak seker jy wend die produk net op die wortels van jou hare aan.

Stap 2

Berei jou hare voor deur ‘n mousse of haarsproei slegs van die middel van jou hare tot by die punte aan te wend. Dit sal help dat jou krulle langer hou.

Stap 3

Begin agter by die onderste hare net bokant jou nek. Vat ‘n klompie hare en plaas jou krultang horisontaal onder die gedeelte en hou die krultang se mond oop.

Lees ook: Maak só gereed vir jou spesiale afspraak

Stap 4

Vou die hare nou rondom die krultang en hou dit vir 5 tot 8 sekondes.

Stap 5

Werk nou stelselmatig boontoe tot by jou kroontjie gesien. Begin altyd onder en hou die krultang in die rigting weg van jou gesig af, soos jy op die foto kan sien.

Stap 6

Rond die voorkoms af deur van die korter gedeeltes of jou kuif ook te krul.

Stap 7

Kam die krulle liggies met ‘n borsel uit en skep volheid deur die krulle effens terug te kam.

Spuit laastens jou hare met ʼn haarsproei om seker te maak jou kapsel  bly die hele aand mooi.

The post Doen dit self: Romantiese haarstyle vir Valentynsdag appeared first on rooi rose.