Bestanddele

• 1 vanieljeboontjie of 5 ml vanielje-ekstrak
• 1,5 kg vars aarbeie, stingels afgesny
• 1,125 kg (4½ k) suiker
• uitgedrukte sap van 2 suurlemoene

Metode

Verhit die oond tot 100 °C. Sit ’n piering in die vrieskas.

1. Sny die vanieljeboontjie in die lengte deur en sny in 4 dele.
2. Sit die aarbeie in ’n groot dikboomkastrol en voeg die vanielje by.
3. Gooi die suiker in ’n oondpan en verhit vir 10 min. in die oond.
4. Voeg die warm suiker en suurlemoensap by die aarbeie in die kastrol en verhit oor matige hitte. Roer nou en dan tot die suiker gesmelt is. Moenie te veel roer nie, anders sal die vrugte te pap word.
5. Verlaag die temperatuur en laat die konfyt stadig kook. Toets ná 25 min. of dit setpunt bereik het deur ’n klein bietjie konfyt op die yskoue piering (wat jy in die vrieskas gesit het) te gooi. As jy jou vinger daardeur trek en dit maak plooitjies en vorm ’n velletjie, is dit gereed. Anders moet jy dit vir nog 10 min. kook en weer toets.
6. Steriliseer 4 glasbotteltjies deur ’n bietjie water daarin te gooi en vir 2 min. in die mikrogolfoond te kook. Vul die botteltjies met die konfyt en maak dig toe.

The post Aarbei-en-vanielje-konfyt appeared first on rooi rose.

Warmsjokolade met vanielje. Deur Vickie de Beer. Foto deur Donna Lewis.

Warmsjokolade met vanielje

Lees nog:

Beste, maklikste sjokoladekoek!

Die beste sjokoladebruintjies

The post Warmsjokolade met vanielje appeared first on rooi rose.

The post Geroosterde wintergroente met vanielje en lemoen appeared first on rooi rose.

Sonder dié verleidelike swart, soet spesery kan ’n mens kwalik bak. Die orgidee is in Mexiko ontdek en die Spanjaarde het dit Europa toe geneem. Hier het dit in die hande van die Franse beland (dank Vader) wat die plant na hul tropiese kolonies, Madagaskar, die Comore en Réunion gestuur het. Réunion het toe as Île de Bourbon bekend gestaan, vandaar die naam Bourbon-vanielje. Elke vanielje het ’n kenmerkende geur en karakter wat deur die terroir bepaal word.

Blitsidee 1: Vanieljebotter oor geroosterde pere

Verhit die oond tot 180 °C. Meng 60 ml (¼ k) botter met die saadjies van 2 vanieljepeule en 30 ml (2 e) strooisuiker. Sit 4 pere, middeldeur gesny, op ’n bakplaat en smeer van die vanieljebotter oor elk van die helftes. Sprinkel 30 ml (2 e) olyfolie oor en bak vir 25-30 min. tot sag. Skep die pere uit op ’n bord en strooi ’n hand vol marjoleinblaartjies oor. Sit met van die rosé-stroop voor.

Blitsidee 2: Rosé-stroop

Kook 250 ml (1 k) rosé-wyn, 30 ml (2 e) suiker en 1 vanieljepeul saam in ’n klein kastrol tot dit met die helfte verminder.

Blitsidee 3: Vanieljesuiker

Gooi 500 ml (2 k) strooisuiker in ’n bottel wat dig seël en druk 3-4 gebruikte vanieljepeule in die suiker. Spoel net eers die peule af en druk goed droog. Gebruik in gebak of om oor vrugteslaai te strooi.

Geurpasmaats

Kaneel, perske, bessies, melk, gorgonzola, room, mascarpone, vla, blomkool, amandel, sjokolade, laventel, suurlemoen, framboos en chardonnay.

Koop só
Bourbon-peule van Madagaskar word as die bestes ter wêreld bestempel. Koop peule wat sag en plomp is, en meegee wanneer jy hulle tussen jou vingers rol. As die peule droog is, kan jy nie die sade uitkrap nie. Lees die etikette deeglik wanneer jy vanielje in ander vorme koop. Kies eerder ekstrak as vanielje-essens/geursel.
Bêre só
Bêre die peule in ’n lugdigte houer, of soos ons in die vrieskas, want dan droog hulle nie uit nie en hou baie langer. Vryf die peul tussen jou handpalms om te ontdooi.

Maak só
Rol die peul ’n paar keer tussen jou vingers om die saadjies los te wikkel. Sny die peul met ’n skerp messie in die lengte oop en krap die sade met die lemkant van die mes in een beweging uit sodat die swart saadjies aan die mespunt klou.

Gebruik só
Die heel peul kan ’n paar keer by melk, vla of room gegooi word om geur te gee. Spoel ná gebruik af, druk droog en bêre in ’n lugdigte houer, of in die suikerbottel om daar ook weer geur te gee. Sny die peul oop en krap die blinkswart saadjies in ’n suikerstroop of by gebak in.

The post Blitsidees met vanielje appeared first on rooi rose.

The post Visbredie met vanielje en borrie appeared first on rooi rose.

The post Engeltjiehaarpasta met vanieljeroomsous appeared first on rooi rose.

The post Warm mout-en vanieljedrankie appeared first on rooi rose.