Genoeg vir vier.

1. Meng 20 ml (4 t) grondboontjiebotter, 15 ml (1 e) blatjang, 5 ml (1 t) heuning, 10 ml (2 t) sojasous, 60 ml (4 e) klappermelk, sap van ½ lemmetjie, 1 gekapte knoffelhuisie, 1 cm gerasperde gemmer en ½ gekapte rooirissie. Hou eenkant.
2. Verhit 30 ml (2 e) avokado-olie oor hoë hitte in ’n wok of groot braaipan.
3. Roer die helfte van die sous deur 500 g varkfilet, in repies gesny.
4. Braai 2 sarsies vir 3 min. elk tot goudbruin en gaar.
5. Gooi ’n pak klaargesnyde roerbraaigroente by, braai vir nog 3-4 min.
6. Verlaag die hitte en gooi die res van die sous by. Meng tot deurwarm.
7. Sit voor met gaar noedels en vars koljander.

The post Grondboontjie-en-vark-roerbraai appeared first on rooi rose.

Pasteie

Bestanddele

Sowat 8 pasteie

Vulsel

• 700 g gehalte-varkworsies
• 1 ui, fyn gekap
• 10 ml (2 t) fyn gekapte knoffel
• 15 ml (1 e) olyfolie
• 30 ml (2 e) vinkelsaad
• fyn gerasperde skil van 1 lemoen
• 45 ml (3 e) port
• ’n groot hand vol pietersielie en grasuie, fyn gekap
• sout en gemaalde swartpeper
• 1 appel, gerasper

Deeg

• 200 g koekmeel
• 200 g botter
• 200 g cheddar
• gerasper eierglaseersel

Metode

Vulsel 

1. Druk die varkvleis uit die omhulsel in ’n mengbak uit.
2. Braai die ui en knoffel in ’n pan tot goudkleurig. Roer die worsvleis by en braai vir 5 min. Gooi die vinkelsaad, lemoenskil, port en kruie by en meng goed. Geur met sout en peper. Sit laastens die appel by.

Deeg 

1. Verwerk al die bestandele in ’n voedselverwerker tot dit bymekaarkom. Vorm ’n plat sirkel, draai in kleefplastiek toe en sit vir 1 uur in die yskas.
2. Rol die deeg 5 mm dik op ’n skoon, meel-bestrooide werkvlak uit.
3. Druk 15 cm-sirkels uit en voer ’n muffin-pannetjie met 6 holtes met die deegsirkels uit.
4. Verdeel die vulsel tussen die holtes en bedek elk met ’n 7 cm-sirkel. Knyp die deksel met jou vingerpunte toe en verf met geklitste eier.
5. Bak vir 40 min. of tot goudbruin en gaar. Laat effens afkoel voor jy die pasteitjies uithaal.

Quiche

Bestanddele

Genoeg vir sowat 12 klein of 1 groot quiche

Deeg

• 500 g meel
• 240 g botter
• 200 g roomkaas
• 90 ml (6 e) water

Vulsel

• 4 eiers
• 125 ml (½ k) room
• sout en gemaalde swartpeper
• 1 kg botterskorsieblokke, gerooster
• 80 ml (? k) pistasieneute
• 125 g bloukaas
• ’n hand vol pietersielie, gekap

Metode

Deeg

1. Verwerk al die bestandele saam in ’n voedselverwerker tot dit ’n bal vorm. Draai die deeg in kleefplastiek toe en sit vir 1 uur in die yskas.
2. Rol die deeg 5 mm dik op ’n skoon, meelbestrooide werkvlak uit.
3. Sny 12 cm × 8 cm-sirkels uit die deeg en voer quichepannetjies of ’n 20 cm-losboompan daarmee uit. Laat vir 20 min. in die yskas rus.
4. Voorverhit die oond tot 180 °C. Voer die pannetjies met bakpapier uit en vul met droë bone of keramiekballetjies. Bak vir 20 min. blind tot ligbruin. Haal die bakpapier en bone uit en bak vir nog 10 min. Laat afkoel.

Vulsel

1. Klits die eiers en room saam en geur met sout en peper. Hou eenkant.
2. Pak die pampoen, pistasieneute, bloukaas en pietersielie in die tertkors en gooi die eiermengsel oor.
3. Sit op ’n bakplaat en bak by 180 °C tot die eiermengsel gestol het – sowat 60 min. vir die groot tert of 20-25 min. vir die kleintjies. Laat effens afkoel en sit voor.

The post Maklike varkpasteitjies en quiche appeared first on rooi rose.

Bestanddele

#rooirosewenk

Indien jy ’n losser maalvleismengsel verkies, gooi 250 ml (1 k) fyn broodkrummels en 60 ml (¼ k) jogurt by. Ons het nie die maalvleis gesout voor dit gevries is nie omdat dit water sal trek, maar moenie vergeet om dit met die kookslag te geur nie.

• 30 ml (2 e) olyfolie
• 1 ui, fyn gekap
• 2 klein selderystingels, fyn gekap
• 1 wortel, fyn gerasper
• 30 ml (2 e) vinkelsaad, liggies gerooster
• 15 ml (1 e) gekapte knoffel
• 500 g gemaalde beesvleis
• 500 g gemaalde varkvleis
• gerasperde skil van 1 groot of 2 klein suurlemoene
• 15 ml (1 e) mosterdpoeier

Metode

1. Braai die ui, seldery en wortel in die verhitte olyfolie in ’n groot braaipan tot goud en voeg die vinkel en knoffel by.
2. Braai vir nog 5-10 min. tot sag. Trek van die hitte af en laat heeltemal afkoel.
3. Meng die twee soorte maalvleis in ’n groot bak en gooi die afgekoelde ui-mengsel, suurlemoenskil en mosterd by. Meng goed deur maar moenie oormeng nie.
4. Skep porsies van 500 g in sakkies en vries of gebruik dadelik.

Lees ook: Spaghetti Bolognese

Lees ook: Mexikaanse maalvleis met nachos

Lees ook: Maalvleispasteie

The post Basiese maalvleismengsel appeared first on rooi rose.

Genoeg vir 30.

Bestanddele

• 30 ml (2 e) olyfolie
• 1,5 kg varkskouer, ontbeen
• 1 ui, ruweg gekap
• 2 wortels, ruweg gekap
• 2 selderystingels, ruweg gekap
• 4 knoffelhuisies, fyn gekap
• 15 ml (1 e) vinkelsaad
• 250 ml (1 k) hoenderaftreksel
• 1 pynappel, geskil en in klein blokkies gesny
• 250 ml (1 k) pynappelsap
• 30 ml sojasous
• 125 ml bruinsuiker
• 10 samoesadeegstroke of 2 fillovelle in 7 cm-stroke gesny

Karamelpynappel

•  1 pynappel, geskil
•  80 g botter
•  80 g bruinsuiker
•  5 ml (1 t) kaneel
• 5 ml (1 t) gemengde speserye
• 4 naeltjies
• 2 steranys, gebreek

Metode

Verhit die oond tot 200 °C.
Jy het 2-3 vlak tertpannetjies met 30 holtes van 7 cm in deursnee nodig.

1. Verhit die olyfolie oor matige hitte in ’n groot, oondvaste kastrol. Geur die varkvleis met sout. Verbruin die vark in die olie tot goudkleurig aan al die kante. Haal uit.
2. Braai die ui, wortels en seldery vir 3 min. of tot sag in dieselfde kastrol. Voeg die knoffel en vinkelsaad by en braai vir nog 3 min. Sit die vark terug in die kastrol.
3. Gooi die hoenderaftreksel, pynappelblokkies en -sap, sojasous en bruinsuiker by. Kook in die oond vir 2½ uur, of tot die vleis sag is. Haal die vleis uit en trek met twee vurke op ’n kapplank uitmekaar. Gooi die sous deur ’n sif. Sit die sous en rafeltjievleis terug in die kastrol.
4. Sny intussen 30 x 10 cm-sirkels uit die deeg. Voer die tertpannetjies daarmee uit, smeer met gesmelte botter en bak vir 10 min. of tot goud-kleurig. Hou eenkant.
5. Verlaag die oondtemperatuur tot 160 °C.

Karamelpynappel

1. Room die botter, bruinsuiker, kaneel en speserye saam. Vryf die bottermengsel oor die pynappel. Druk die naeltjies en steranys daarin. Bak vir 1 uur of totdat die buitekant gekaramelliseer is. Laat afkoel.
2. Sny die pynappel in dun lappies.
3. Dien die vleis op in die krakerige deegbakkies met ’n skyfie karamelpynappel en ’n salieblaartjie.

The post Varkrafeltjie-vleis met karamelpynappels appeared first on rooi rose.

Genoeg vir 4

Bestanddele

• 1 (750 g) varkfilet
• 30 ml (2 e) kerriepoeier
• 30 ml (2 e) olie
• 1 appel, in dun skyfies gesny
• 2 stingels seldery, oorlangs in skyfies gesny
• 2 komkommers, in dun sirkels gesny
• 6 sprietuie, oorlangs gesny
• ’n hand vol pietersielie
• 1 avokado, in dun skyfies gesny
• 50 g kasjoeneute, gerooster

Jogurtslaaisous

• 60 ml (¼ k) basiese slaaisous
• 200 ml ongegeurde jogurt
• sout en gemaalde swartpeper
• 1 knoffelhuisie, fyn gekap

1. Meng alles en sit voor met die slaai.

Metode

1. Voorverhit die oond tot 200 °C.
2. Smeer die varkfilet met kerriepoeier en geur met sout en peper. Verhit die olie in ’n pan en braai die filet vir 5-7 min. aan alle kante tot goudbruin.
3. Rooster die vleis vir 10 min. tot gaar, maar nog sappig. Laat vir 5 min. rus.
4. Meng die appel, seldery, komkommer, sprietuie, pietersielie, avokado en kasjoeneute. Sny die filet in dun skywe en meng met die res van die slaai.

The post Groenslaai met varkfilet appeared first on rooi rose.

Geroosterde varklende met Oosterse pampoenkoekies deur Vickie de Beer. Hooffoto: Charles Russel

The post Geroosterde varklende met oosterse pamoenkoekies appeared first on rooi rose.

Deur Vickie de Beer. Foto’s: Lee Schwagele, CRPhotographic

The post Rafeltjiesvarkvleis in sagte tacos met taco-piekels appeared first on rooi rose.

The post Amandel-en-appelkoos-pilau appeared first on rooi rose.

Genoeg vir 4

• 1,5 kg skaap- of varkribbetjie, sonder die liesgedeelte
• 80 ml (1⁄3 k) asyn
• 30 ml (2 e) koljandersaad
• 100 ml (1⁄3 k + 1 e + 1 t) sout
• 3 ml (½ t) salpeter
• 30 ml (2 e) bruinsuiker
• gemaalde swartpeper
• knypie fyn naeltjies

1. Saag die ribbetjie aan die binnekant twee of drie keer oorlangs deur die bene. Saag kepe sowat 5 cm uitmekaar aan die borskant sodat die gaar rib in porsies gesny kan word.
2. Sprinkel die asyn oor die vleis – ’n bietjie meer as die vleis baie droog is vanweë verkoeling.
3. Maak die koljander met ’n vysel fyn en meng met die res van die geurmiddels. Vryf die vleis aan albei kante daarmee in.
4. Sit vir 2 tot 3 dae in ’n skottel in die yskas en draai twee keer per dag om.
5. Hang die vleis vir sowat 24 uur op ’n koel, droë plek om droog te word.
6. Was die vleis deeglik af in koue water om oortollige en droë sout te verwyder.
7. Sit in ’n groot kastrol met 1 liter water, verhit tot kookpunt en prut vir sowat 2 uur of tot heeltemal sag. Dreineer.
8. Voorverhit die oond tot 220 °C.
9. Sprinkel olie oor die ribbetjie en rooster in die oond of oor warm kole totdat albei kante bruin en deurwarm is.

The post Soutribbetjie appeared first on rooi rose.

Frik Oosthuizen van Santa Annas het vir ons Kersfees ’n speenvarkie van 7,7 kg gerook. Hier verduidelik hy hoe jy dit in ’n ketelbraai soos ’n Weber rook. Indien jy nie ’n speenvarkie kan kry nie, kan jy dit met ’n varkblad doen soos hier onder verduidelik. Frik laat week die vark eers vir ’n paar uur in ’n soutoplossing wat die vleis baie geurig maak.

1 heel varkblad (omtrent 4,5 kg, met die vel aan en die been nog in) of ’n speenvarkie van omtrent 7 kg.

Soutoplossing
• 3-4 liter water
• 250 ml (1 k) sout
• 250 ml (1 k) bruinsuiker
• 250 ml (1 k) whisky
• 30 ml (2 e) komynsaad
• 4 groot knoffelhuisies, fyn gekap
• 1 groot ui, geskil en fyn gekap
• 4 koppies ys

1 Meng die water, sout, bruinsuiker en whisky in ’n groot plastiekskottel (groot genoeg vir die vark om in te pas) en roer tot die suiker en sout opgelos is.
2 Voeg die komyn, knoffel en ui by en gooi laastens die ys by om die oplossing koud te maak. Sit die vark in die oplossing (in die yskas as dit inpas) en laat lê vir 4-6 uur. Draai die vleis een keer om.
3 Lig die vleis uit die soutoplossing en vryf met kombuis-papier droog.
4 Maak nou eers ’n vuur in die ketelbraaier. Skuif die warm kole eenkant toe sodra dit lekker gloei. Week groterige houtskaafsels goed in water.
5 Sit ’n reghoekige foeliebakkie gevul met water langs die kole neer. Sit die rooster oor die kole en laat lê die varkie/blad langs die hitte, nie bo-op nie. Gooi die deurweekte skaafsels op die kole om rook te maak. Sit die deksel op en draai die luggate halfpad toe.
6 Gebruik ’n termometer. Die temperatuur in die braaier moenie onder 100 °C. daal nie. Voeg nog kole by indien die temperatuur val. Dit help om kole in ’n koolkaggeltjie (cole shute of chimney starter) aan te steek en warm kole by te voeg wanneer die temperatuur te veel val.
7 Rook die vark vir 4-6 uur. Die interne temperatuur van die vleis moet 95 °C wees om te verseker dat dit gaar is. (Gebruik ’n vleistermometer.)
8 Haal die vark van die vuur af en laat rus vir 10 min. Trek die vleis met 2 groot vurke in rafeltjies van die been af. Lê weg.

The post Gerookte speenvarkie appeared first on rooi rose.

Genoeg vir 4

Sous
• 60 ml (¼ k) grondboontjiebotter
• 45 ml (3 e) perskeblatjang
• 15 ml (1 e) heuning
• 30 ml (2 e) sojasous
• 125 ml (½ k) klappermelk

Roerbraai
• 15 ml (1 e) gekapte knoffel
• 15 ml (1 e) gekapte gemmer
• 15 ml (1 e) gekapte brandrissie
• 500 g ontbeende varknek, in blokkies gesny
• knypie sout
• 5 wortels, in dun repies gesny
• 5 murgpampoentjies, in dun repies gesny
• 6 jong mielies, in die lengte middeldeur gesny
• 5 jong preie, in dun repies gesny
• 125 ml (½ k) grondboontjies
• hand vol kruisement
• hand vol koljander
• 125 ml (½ k) gerasperde vars klapper

1 Meng die sousbestanddele in ’n bakkie. Hou eenkant.
2 Verhit die olie oor hoë hitte in ’n groot wok. Voeg die knoffel, gemmer en brandrissie by en roerbraai vir 1 min.
3 Voeg die vark by en roerbraai vir 3 min. of tot goudkleurig en gaar. Geur met sout. Skuif die vleis teen die kante van die wok op.
4 Roerbraai die wortels en murgpampoentjies vir 2 min. in die middel van die wok.
5 Voeg die mielies, preie en grondboontjies by en roerbraai vir nog 2 min. Gooi die sous by en meng alles deur, roerbraai tot alles deurwarm is.
6 Sit voor met vars kruisement, koljander en klapper.

The post Varkroerbraai appeared first on rooi rose.

Genoeg vir 4

• 10 ml (2 t) olyfolie
• 400 g varkfilet, in repies gesny (vra jou slagter om dit te doen)
• sout en gemaalde swartpeper
• 1 rooi ui, in skywe gesny
• 1 knoffelhuisie, gekneus en fyn gekap
• 2 cm- vars gemmer, gerasper
• 1 soetrissie, ontpit en in repies gesny
• 1 wortel, geskraap en in repies gesny
• 2 murgpampoentjies, in ringe gesny
• 6 knopiesampioene, in skywe gesny
• 1 blik pynappelstukke, gedreineer, maar behou die sap
• 10 ml (2 t) mielieblom
• 15 ml (1 e) sojasous
• 15 ml (1 e) balsemiekasyn
• 100 g (1/4 pakkie) Oosterse rysnoedels

1 Verhit die olie in ’n groot pan of wok.
2 Geur die vleisrepies liggies met sout en peper en verbruin in die verhitte olie. Skep uit en hou eenkant.
3 Soteer die uie in dieselfde pan tot sag. Voeg die knoffel, gemmer, soetrissies, wortels, murg­pampoentjies en sampioene by en roerbraai tot sag.
4 Voeg die pynappelstukke en varkvleis by.
5 Meng die res van die bestanddele in ’n afsonderlike mengbak – ook die oorblywende pynappelsap. Voeg by die varkvleismengsel en roer oor lae hitte totdat die sous effens verdik.
6 Sit voor met rys of noedels.

The post Varkvleis-roerbraai met pynappel appeared first on rooi rose.

The post Rollade met bloukaas, peer, okkerneut en spek appeared first on rooi rose.

The post Klewerige varkroerbraai appeared first on rooi rose.