Ivan Botha en Donnalee Roberts is verloof. Eintlik het dit alreeds in Mei vanjaar gebeur, maar hulle het dit tot gister (3 Augustus 2017) geheim gehou. Dié paartjie, wat op die stel van 7de Laan ontmoet het en oorspronklik net vriende was, het saam ’n produksiebesigheid. Hulle skryf en werk saam in films en tonele – twee van hul eies is Vir Altyd en Pad Na Jou Hart. Hul mees onlangse projek was die verhoogproduksie Beurtkrag wat wat by Aardklop, Woordfees, KKNK en Innibos te sien was.

Volgens ons susterskoerant, Pretoria East Rekord, het Ivan en Donnalee in November 2016 ’n verhouding aangeknoop en het Ivan vir Donnalee die ja-woord gevra toe hulle in Mei vanjaar in Nederland was.

The post Donnalee en Ivan is verloof! appeared first on rooi rose.

“Erik is só sterk en terselfdertyd ook so sag. Hy het geweldig baie deernis met ander maar hy het ook so ’n vrye gees.” Lees die volledige EKSKLUSIEWE onderhoud met Tinarie en Erik in die Januarie 2017-uitgawe van rooi rose.

Erik oor Tinarie

“Hartverskeurend-mooi”

Dolverlief. Dis seker die beste beskrywing vir Erik Holm.

Nog voordat hulle amptelik verloof geraak het, was al die tekens daar dat Tinarie die rede was vir sy vertrek uit die sepie Binnelanders én die groot trek Kaap toe.

Som haar op in tien woorde, as jy kan?
“Sjoe, net tien? Droomdierdiepverliefbeeldskoonhart … dit tel as een woord. Hartverskeurendmooi is nog een. En vrotvandietalentenhardwerkend is ’n derde een. Maar nee, ek kan haar onmoontlik nie in net tien woorde opsom nie! Daar is nie woorde wat lank genoeg of mooi genoeg is nie.

Wat betower jou van haar?
“Haar oë. As ek eers dáár verdwaal, kry jy my nie sommer weer nie.”

Hoe voel jy oor hierdie nuwe hoofstuk in jou lewe?
“Trots, gelukkig, verlief.”

Ons het tydens die voorbladfotosessie by Glenshiel in Johannesburg ook EKSKLUSIEF agter die skerms met hulle gesels. Kyk hier na die video-onderhoud:

The post Agter die skerms met Erik en Tinarie appeared first on rooi rose.

Erik Holm (bekend vir sy rol as Rian Malherbe in die kykNET-sepie Binnelanders), en sy meisie, die aktrise Tinarie van Wyk-Loots, is verloof.

Tinarie, wat onder andere in die reeks Vallei van Sluiers te sien was, het saam met Erik in die teaterstuk Dogma verskyn waar dié verloofdes die rol van ’n verliefde paartjie gespeel het.

Erik het na agt jaar op die Binnelanders-stel sy mede-akteurs gegroet om by Tinarie in die Kaap aan te sluit.

Erik en Tinarie was ook vroeër in 2016 op die voorblad van Taalgenoot te sien in ’n sensuele foto. Erik verklap in dié onderhoud hoe lief hy vir Tinarie is.

The post Tinarie & Erik raak verloof appeared first on rooi rose.

Oorspronklikheid het ’n nuwe betekenis gekry nadat die Olimpiese duiker, Qin Kai van China, sy meisie, He Zi (ook deel van China se duikspan), die ja-woord gevra het direk nadat sy haar Olimpiese silwermedalje vir haar 3 m-duikplank ontvang het.

Kai het voor al die toeskouers op sy knieë gegaan en die liefde van sy lewe gevra om met hom te trou. Zi het onmiddellik ja gesê! As ’n mens so na die foto kyk, was Kai behoorlik in die wolke.

Al ooit gewonder wat maak ’n vrou vir Chad le Clos en Cameron van der Burgh onweerstaanbaar? Kyk net wat sê Cameron:

“Ek dink ’n vrou wat lekker kan lag, haarself kan geniet en gemaklik in haar vel is, is ongelooflik sexy.”

Lees wat sê hulle nog oor roem, vroue en hul sekssimbool-status. Klik hier.

The post Nog ’n onvergeetlike Olimpiese oomblik appeared first on rooi rose.