Bestanddele

Viskoekies

• 4 middelslag-aartappels, geskil, in blokkies gesny en sag gekook
• 350 g gaar vis, gevlok
• gerasperdeskil van 1 suurlemoen
• hand vol gekapte dille en pietersielie
• 2 preie of ½ ui, fyngekap en in 15 ml (1 e) botter gebraai
• 250 ml (1 k) karringmelk

Krummelkors

• 30 ml (2 e) olyfolie
• 250 ml (1 k) growwe broodkrummels van ciabatta gemaak
• 125 ml (½ k) gerasperde parmesaan (of pecorino, dis goedkoper)
• gerasperde skil van 1 suurlemoen
• sout en gemaalde swartpeper
• olyf- of canola-olie vir braai

Metode

1. Viskoekies: Druk die aartappels met ’n vurkfyn. Laat afkoel.
2. Meng die vis, aartappels, suurlemoenskil, kruie en gebraaide prei.
3. Geur met sout en vorm viskoekies van 8 cm. Sit vir 20 min. in die yskas.
4. Krummelkors: Verhit die olyfolie in ’n pan en braai die broodkrummels daarin tot goudbruin. Skep uit en laat eenkant afkoel. Roer die kaas en skil by.
5. Gooi die karringmelk in ’n vlak bakkie, doop elke viskoekie vinnig in die karringmelk en druk dan in die krummels.
6. Verhit olie in ’n pan en braai die viskoekie daarin tot goudkleurig aan elke kant. Sit voor met aartappelskyfies, ertjies en Tartaarse sous.

The post Krakerige viskoekies appeared first on rooi rose.

Genoeg vir 8 viskoekies

Bestanddele

Viskoekies:

• 500 g gevriesde stokvis
• olyfolie om mee te braai en oor te sprinkel
• 3 snye witbrood, korsies verwyder
• 1 eier
• 15 ml (1 e) soetrissiesous
• 30 ml (2 e) mayonnaise
• 30 ml (2 e) Dijon-mosterd
• 1 sprietui, gekap
• fyn gerasperde skil en sap van ½ suurlemoen
• hand vol koljanderblare, gekap
• sout en gemaalde swartpeper

Metode

Tartaarse sous:

Meng 125 ml (½ k) goeie mayonnaise met 1 fyn gekapte knoffelhuisie, 1 fyn gekapte ansjovisfilet, 30 ml (2 e) gekapte jalapeño-rissie, 30 ml (2 e) gesnyde kappertjiesaad, ’n hand vol gekapte grasuie ’n hand vol gesnyde Italiaanse pietersielie en ½ rooi ui, gekap.

Voorverhit die oond tot 200 °C.

1. Sit die stokvisfilette op ’n bakplaat, sprinkel olyfolie oor en geur na smaak. Bak vir 20 min. tot gaar.
2. Krummel die brood en meng met die eier, soetrissiesous, mayonnaise, mosterd, sprietuie, suurlemoenskil en -sap en koljanderblare. Vlok die vis by en geur na smaak. Bedek jou hande goed met meel en rol in 8 ewe groot viskoekies.
3. Verhit 30 ml (2 e) olyfolie in ’n groot pan oor matige tot hoë hitte en braai die viskoekies vir 3 min. aan elke kant daarin tot goudbruin. Dreineer op kombuispapier.
4. Sit die viskoekies voor met die Tartaarse sous, gebakte tjips, baba-kruieblare en lemmetjiewiggies.

The post Staatmaker-viskoekies appeared first on rooi rose.

Bestanddele

• 500 g (sowat 3 middelslag-) aartappels, geskil en in blokkies gesn
• 500 g (sowat 6 klein) witvisfilette, sonder vel, in blokkies gesny
• 250 ml (1 k) vars broodkrummels
• 2 eiers
• fyn gerasperde skil van 1 suurlemoen
• 15 ml (1 e) peperwortelroom (horseradish cream)
• hand vol koljanderblare, gekap
• hand vol dille, gekap
• sout en gemaalde swartpeper
• 750 ml (3 k) fyn, vars broodkrummels
• 45 ml (3 e) botter
• 45 ml (3 e) olyfolie

Knoffel-en-kappertjiesaad-mayonnaise

• 250 ml (1 k) mayonnaise
• 15 ml (1 e) suurlemoensap
• 2 knoffelhuisies, gekneus
• 45 ml (3 e) kappertjiesade, gekap
• piekels en suurlemoenwiggies vir die voorsitslag

Metode

1. Kook die aartappels tot sag. Dreineer en druk ruweg met ’n vurk fyn. Laat effens afkoel.
2. Meng die vis, broodkrummels, eiers, suurlemoenskil, peperwortelroom, koljander en dille deur. Geur na smaak.
3. Verdeel die mengsel in 6 balle. Rol elke balletjie in die fyn broodkrummels en druk plat.
4. Smelt van die botter en olie in ’n pan oor matige hitte en braai die viskoekie vir 3-4 min. aan elke kant tot goudbruin. Herhaal met die res.

Knoffel-en-kappertjiesaad-mayonnaise

1. Meng die mayonnaise, suurlemoensap, knoffel en kappertjies.
2. Sit die viskoekies met die mayonnaise, piekels en suurlemoenwiggies voor.

The post Viskoekies met knoffel-en-kappertjiesaad-mayonnaise appeared first on rooi rose.

Hierdie gesonde, smaaklike etes is die ideale uitweg vir almal wie se dae te vol is. En terwyl jy nou aan die kook is, kan jy netsowel ’n bietjie meer kos maak en daarvan vries. Met Vickie de Beer se planne verskyn die kos volgende keer ook sommer in ’n nuwe gedaante op tafel.

Ons deel 20 resepte vir vier weke se weeksaande.

Week 1

1 Beesvleisroerbraai

2 Krakerige viskoekies

3 Vinnige hoenderkerrie

4 Volstruisburgers met tzatziki

5 Geurige tamatie-en-wors-gebak

Week 2

1 Soutdeeg met ’n heerlike sampioenvulsel 

2 Geurige hoenderkerrie in ’n ander gedaante

3 Hoenderkerriepasteie in ’n ander gedaante

4 Staatmaker-viskoekies in ’n ander gedaante

5 Gebakte vispannekoekies met ’n geurige kaassous

Week 3

1 Gerookte tamatiesop

2 Marokkaanse lamskenkels

3 Gebakte tamatie-en-lamsvleis

4 Grondboontjie-en-vark-roerbraai

5 Spaghetti Bolognese

Week 4

1 Blits-moesaka

2 Geroosterde hoender met baba-aartappels

3 Gebakte vis in geurige tamatiesous

4 Vinnige ghoelasj

5 Steakburgers met mosterd-uie

The post Maklike resepte vir ’n maand appeared first on rooi rose.