Vonkelwyn is ryk aan geskiedenis

Die tradisie om met vonkelwyn iets te vier word histories met luuksheid en die weelderige partytjies van koninklike howe geassosieer, omrede dié duursame drankie as ’n status simbool beskou was. Hoewel die pragtige borrels een van vonkelwyn se beste eienskappe is, was dit in toeka se tyd ’n absolute faux pas in die Franse se wynmaakproses gewees.

Dié glips het as gevolg van ’n tweede fermenteringsproses ontstaan. Ná jare se verfyning het ’n Franse wynmaker die kuns van vonkelwyn-maak vervolmaak deur ’n matige-soet, borrelende, helder variasie van dié drankie te maak.

Is dit MCC of Vonkelwyn?

Suid-Afrikaners maak sedert 1659 wyn en ons wynmakers ken ’n ding of twee van hoe om wêreldklas vonkelwyn te produseer. Die Wes-Kaap se klimaat is soortgelyk aan dié van die wêreld se beste wynproduserende lande soos, Frankryk, Spanje en Italië. Dit is g’n wonder dat ons wyne by van die bestes in die wêreld kan kersvashou nie.

Hoewel baie mense nog na vonkelwyn as sjampanje verwys, is ’n streng wetgewing en handelsooreenkoms sedert 1992 in plek gestel wat vonkelwyn-produsente buite die Champagne-streek in die noorde van Frankryk verhoed om hul vonkelwyn “sjampanje” te noem.

In Suid-Afrika bestaan is daar twee metodes wat gebruik word om vonkelwyn te produseer, waarvan een die tradisionele Champagne-metode naboots. Die ander metode is ’n wel-bekende Italiaanse metode genaamd Charmant.

Onderskei tussen dié twee metodes deur na die fyn skrif op die etiket te verwys. Vonkelwyne wat deur die Champagne-metode geproduseer word, word as Methodé Cap Classique, oftewel MCC, geëtiketteer en die ander metode word bloot as “Vonkelwyn” geëtiketteer.

Hoe om vonkelwyn te drink

• Hou jou glas aan die steel vas om die vonkelwyn koud te hou.
• Verwyder slegs die draadomhulsel wanneer jy gereed is om die vonkelwyn te skink, omrede drukking in die bottel mag opbou wat die kurkprop te vinnig sal laat uitskiet.
• Moet nooit die kurkprop rofweg uittrek nie. Doen dit eerder stadig sodat jy ’n ligte “pop”-geluid hoor om só die borrels te behou.
• Onthou om altyd jou glas skuins te kantel terwyl jy vonkelwyn skink.
• Vonkelwyn moet altyd yskoud bedien word.
• Dit is in die mode om ’n glas vonkelwyn met klassieke canapés soos oesters, kaas en aarbeie te geniet.

Lees ook: WEN ’n wegbreek na Paternoster!

The post Ken jou vonkelwyn appeared first on rooi rose.

Genoeg vir 6

Bestanddele

• 500 g babawitwortels (parsnips)
• 500 g babawortels
• 4 lourierblare
• gerasperde skil van 2 lemoene
• 4 takkies tiemie
• 30 g botter, gesmelt
• 90 g bruinsuiker
• 250 ml (1 k) droë vonkelwyn

Metode

1. Verhit die oond tot 220 °C. Meng die witwortels, wortels, lourierblare, lemoenskil, tiemie, botter en bruinsuiker in ’n groot oondpan.
2. Gooi die vonkelwyn oor en bak vir 30-35 min. of tot goudkleurig, glansend en gaar.

The post Vonkelwyn geroosterde baba- en witwortels appeared first on rooi rose.

Deur Maryke Roberts. Foto’s: Clifford Roberts

Dis slegs die derde keer dat hierdie Cap Classique gemaak is, omdat dit net in uitsonderlike oesjare gemaak word. Daar was vrystellings in 2013 en 2015.

Die geleentheid is onder die druiweprieel op die stoep van die historiese herehuis gehou.

Spier, wat uit 1692 dateer, is een van Suid-Afrika se oudste en bekendste wynplase in familiebesit. Die span se toewyding aan kwaliteit-wyne, het hulle twee keer – in 2011 en 2018 – die gesogte erkenning as Suid-Afrikaanse Produsent van die Jaar deur die Internasionale Wyn- en Spirituskompetisie (IWSC) besorg.

Die druiwe vir die 2016 Prestige Cuvée, wat ook slegs uit uitstaande blokke afkomstig is, is tydens een van die ergste droogtes in die Wes-Kaap geoes. Alhoewel die watertafel laag was, was die druifkwaliteit uitsonderlik. Die Chardonnay- en Pinot Noir-druiwe het ongeëwenaarde konsentrasie en kompleksiteit bereik as gevolg van die droë weer en matige temperature.

Dis met die hand gepluk en gesorteer en die trosse heel gepars. Die vryloopsap van elke variëteit is afsonderlik in vlekvrye staaltenks en 10% in 400L Franse eikehoutvate gefermenteer. Sekondêre fermentasie en rypwording het agt jaar op die gismoer geduur, het Heidi Dietstein, Spier Cap Classique wynmaker gesê.

Sy het voorts vertel dis ’n droom wat gewaar geword het vir haar. Die 2016-oesjaar was baie goed en sy het die Chardonnay vir varsheid en die Pinot Noir vir vrug-aromas versny. “Ons het net die sagste sap gebruik en dis met groot sorg hanteer om die druiwe se essensie te behou.”

“Ons wag al agt jaar hiervoor,” het Johan Jordaan, Spier se keldermeester, tydens die geleentheid vertel. “Maar laat ek jou sê, daardie agt jaar was elke sekonde werd. Die cuvée se langdurige kontak met die moer het dit met ‘n buitengewone diepte van karakter en ’n kompleksiteit wat net tyd kan gee, besorg.”

Die Prestige Cuvée vertoon Spier se breë spektrum wynmaak-vaardighede. “In ’n era waar kitsbevrediging koning is, nooi hierdie Cap Classique jou om stadiger te ry en die oomblik te geniet. Dit gaan nie net oor wanneer jy dit drink nie, maar nog belangriker, die geselskap waarin jy jouself omring en die kwaliteit van die tydjie, wat jy geniet. As jy my vra, is dit die perfekte pasmaat,” sê Johan.

Hy het voorts aan gaste vertel dat die bekendstelling ’n ware outydse fees is met kaas en wyn en mosbolletjies wat die Franse Hugenote ingebring. “Ons gebruik mos gedeeltelik gegiste druiwesap hiervoor en dis deur die span by VADAS op die plaas gebak.”

Die ou gebou neffens die herehuis was die plaas se eerste gebou en dateer uit 1776 en was altyd die wynkelder. “Jy kan dit steeds gebruik as jy ’n garageist is, maar ons is so bietjie daar verby,” het hy met ’n knipoog gesê.

Heidi en Johan het vertel dis die vroegste ooit oes op Spier vanjaar en teen die tweede week van Februarie is meer as die helfte van die oes afgehandel en dis “ongelooflik”. Heidi het bygevoeg dat hierdie ’n oes is om mee rekening te hou. “Dis ’n oesjaar vir stewels in die wingerde; nie stewels in die kelder nie. Die druiwe moet geproe word, jy kan nie net op lesings en tellings gaan nie.”

• As Spier se top Cap Classique, word die Prestige Cuvée in beperkte hoeveelhede vervaardig. As jy nuuskierig is om hierdie raar borrels te proe, kan jy die Prestige Cuvée Oesproe bespreek, tans beskikbaar is by die proelokaal tot einde Februarie. Die proe word met ’n glas van die Cuvée en varsgebakte VADAS mosbolletjies – wat met druiwemos van vanjaar se oes gefermenteer is – aangebied.

Bespreek jou plek vir R110 per persoon: https://www.spier.co.za/visit/wine-tasting

Lees ook: Wynsterre blink weer by spogwynskou in die Kaap

The post Nuwe verouderde vonkelwyn vir Spier appeared first on rooi rose.

Vonkelwyn-en-bessie-lollies deur Vickie de Beer. Foto: Lindie Kriek

The post Vonkelwyn-en-bessie-lollies appeared first on rooi rose.

Deur Maryke Roberts. Foto’s: Clifford Roberts en Klein Roosboom 

Die wynmaker, Piti Coetzee het hom uistekend van sy taak gekwyt en die nuwe vlagskip My Way Brut Nature 2019 en My Way Brut Rosé 2019 het reeds voor hul vrystelling die hoogste lof ontvang: die Platter-wyngids het vier sterre aan die My Way Brut Rosè toegeken, en vier en ’n half sterre aan die My Way Brut Nature. Albei wyne het goud ontvang by die 2022 Michelangelo International Wine & Spirits-toekennings en die Rosé, Goud by die Rosé Wine and Spirits Challenge. 

Wynmaak by Klein Roosboom het in 2007 begin met matriarg Karin de Villiers, wat een doel voor oë gehad het – om haar eie vonkelwyn te maak. Nou, 16 jaar later, het die familie die My Way vonkelwyne by hul breër wynportefeulje gevoeg wat reeds die Marné Brut Cap Classique insluit. 

Die wyne is ’n viering van die De Villiers-familie se herkoms en passie en die plaas se nabyheid aan die see. Die familie het Klein Roosboom van ’n nederige begin laat groei tot ’n groot gunsteling op die Durbanville Wynvallei-roete. Hul omskepte sementkuipe met elkeen ’n ander tema, is gewilde kuierplekke om wyn te proe. 

“Dit is ’n baie spesiale geleentheid vir ons,” het Karin by die funksie vertel. “Ons wyne is tradisioneel na familielede vernoem. Die My Way-reeks bring egter hulde aan my pa, wat mal was oor die My Way-liedjie wat deur Frank Sinatra bekend gemaak is. 

“Die besluit om twee borrels te maak wat waardig is om die My Way-etiket te dra, het in 2019 begin. Ons wou baie spesiale verpakking en etikette hê, so ’n spesiale bottel is ingevoer, en die bekende ontwerper en illustreerder, Hannes Koegelenberg het die ontwerp hanteer. 

Hannes het antieke illustrasies met klassieke elemente en lettertipes gekombineer om ’n elegante en tydlose ontwerp te skep. Verskeie subtiele insluitings weerspieël die Klein Roosboom-verhaal. “Die gebruik van engeltjies, wat met wynvate en blomme baljaar, gee ’n speelse perspektief,” sê hy. 

“Saam weerspieël die ontwerp die ouwêreldse sjarme en kontemporêre passie, wat werklik opsom waaroor Klein Roosboom gaan.” 

Slegs 2 890 bottels van die 2019 My Way Brut Nature en 1 350 bottels van die 2019 My Way Brut Rosé is vervaardig. Gaste kon met hul aankoms op die plaas ’n klok lui en dan het ’n gehandskoende hand yskoue vonkelwyn deur ’n gat in die muur aangegee. 

Heerlike happies wat die vonkelwyn komplementeer het, is deur sjef Lorianne Heyns en haar span voorberei. 

Ander wyne van die My Way-reeks sluit in ’n Sauvignon Blanc van 35 jaar oue boswingerde, ’n vat-seleksie rooi versnit en ’n Petit Verdot. 

Lees ook: Spier herehuis herleef met kuns, kos en wyn

The post Laat die kurke klap vir Klein Roosboom se vlagskip borrels appeared first on rooi rose.

Die suksesvolle en hoogs verwagte Brooklyn Bubbles keer in 2017 terug na Pretoria, dié keer uitgestrek oor twee dae – Vrydag en Saturdag (3 & 4 Maart). Die fees sal meer as 20 van Suid-Afrika se beste Méthode Cap Classiques insluit, asook sjampanje wat al die pad uit Frankryk ingevoer is! Vonkelwyne wat getoets sal word sluit in Avondale, Champayne Nicolas Feuillatte, Charles Fox, Domaine des Dieux, Champayne Taittinger, Luc Belaire, Villiera, Montpellier de Tulbagh, Genevieve MCC en Paul Rene.

Musiek, soesji, oesters, charuterie en ’n keuse van plaaslike en ingevoerde kase plaas die kersie op die koek. Dié fees beloof om ’n hoogtepunt op almal se sosiale kalender te wees. Kaartjies vir hierdie BBP (VIP)-gebeurtenis beloop R600 vir die Vrydag en sluit sjampanje en kos in. Saterdag se kaartjies beloop R300 per persoon en sluit toegang tot die fees, ’n komplimentêre proe-glasie en 15 proe-koepons  in.

• Waar: Brooklyn Mall (In ’n markiestent reg langs Tashas in Veale straat)

• Datum: Vrydag (3 Maart) vanaf 18h00 tot 22h00 en Saterdag (4 Maart) vanaf 12h00 tot 17h00

• Besprekings by www.webtickets.co.za

• Sosiale media: #BrooklynBubble

The post Brooklyn Bubbles terug in Pretoria appeared first on rooi rose.

Die heel eerste Paul René Vonkelwyn-fees skop vanjaar in flair af! Nie net beloof dié geleentheid om elegant en swierig te wees nie, maar die beeldskone Robertson-omgewing verleen ’n asemrowende agtergrond wat dié dag beslis een vir die boeke maak.

Gaste kan uitsien na outentieke, handgemaakte Paul René Brut en Brut Rosé terwyl hulle die luukse gasvryheid van die Kaapse Wynlande eerstehands geniet. So ook sal pienk jenewer van die bekende Hope on Hopkins-distilleerdery, een van die fees se vennote, by dié fees beskikbaar wees.

Bygesê kan kosliefhebbers ook op die uitkyk wees vir Saldana Baai-oesters, Noorse Salm en verskeie ander gourmet lekkernye wat deur die loop van die dag te koop sal wees.

Ander vermaaklikhede sluit in musiekvertonings, motorfietsritte en Croquet. Daar sal ook aktiwiteite soos perderitte vir die kleinspan wees!

Die hoogtepunt van die dag is egter die vrystelling van die eerste Paul René Magnum-reeks.

Wanneer: 5 November

Waar: Wonderfontein Wynplaas

Kaartjies beloop R200 per volwassene (kinders gratis) en is op Webtickets te koop.

Let wel: slegs 200 kaartjies is beskikbaar

The post Paul René Vonkelwyn-fees appeared first on rooi rose.

The post Lietsjie-jasmyn-en-vonkelwyn-jellie appeared first on rooi rose.

The post Bessie-en-vonkelwyn-vorm appeared first on rooi rose.

Sleutelwoorde wat by vonkelwyn pas

Kleur
Helder
Lewendig
Strooi
Geel

Geure
Sitrus
Blomme
Suurlemoen
Pomelo
Vrugtig
Beskuitjie
Gisserig
Gebakte brood
Brioche
Heuning
Spanspek
Parfuumagtig
Appel

Het jy geweet?

• Die naam “Champagne” mag slegs gebruik word vir wyne wat in die Sjampanje-streek in Frankryk gemaak word.
• Die res van die wêreld gebruik verskillende benaminge, maar vonkelwyn bly die gewildste.
• Basiese reëls word gevolg by die maak van Champagne (in Frankryk) of Méthode Cap Classique (MCC in Suid-Afrika).
• Slegs Pinot Noir-, Pinot Meunier- en Chardonnay-druiwe mag gebruik word.
• Dit moet gemaak word volgens die Champagne-metode: natuurlike wyn moet ’n tweede fermentasieproses in die bottel ondergaan. Die gis word verwyder deur die remuage- en dégorgement-proses voor die bottels gevul en gekurk word.
• Byna al die MCC-wyne in Suid- Afrika word van Chardonnay- en/of Pinot Noir-druiwe gemaak.
• As net Chardonnay gebruik word, word dit Blanc de Blanc genoem.
• Nog ’n metode is karbonisering waartydens koolsuurgas in die natuurlike wyn gepomp word.
• By die tenk/Charmat-metode word natuurlike wyn in die tenk gefermenteer en onder druk gebottel.
• Die uniekheid van vonkelwyne is natuurlik die borrels, ook bekend as die bead, of in Frans die mousse.

The post Wat is vonkelwyn? appeared first on rooi rose.

The post Vye in witsjokolade met sjampanje-sabayon appeared first on rooi rose.