Lees meer: Teken in vir ons nuusbrief en kry elke week inspirerende artikels plus kompetisies GRATIS in jou e-mandjie!

1. Voorbladvrou: Quinne Brown

Quinne Brown is ná 10 jaar terug in 7de Laan. En nes haar karakter Connie, het dié pragtige donkerkop ook die afgelope dekade heelwat gegroei en beleef. Ilse Salzwedel gesels met haar oor die Laan, moederskap en Suid-Afrika.

Kyk ook na ons video: 41 vrae aan Quinne Brown

Foto: Leana Clunies-Ross

2. Margaret uit Hollywood: George Clooney

George Clooney is een van die min sterre van wie almal hou. Hy is gaaf, snaaks, ryk en dit help natuurlik dat hy as een van die aantreklikste mans in die wêreld beskou word. Op 56 het hy ’n nuwe era betree as gesinsman en pa van ’n skattige tweeling. Ons Hollywood-korrespondent, Margaret Gardiner, gesels eksklusief met hom.

Lees ook Margaret se ander eksklusiewe onderhoude

Foto: Franco Origlia

3. Ode aan die liefde

Toe die skrywer André P. Brink tien jaar gelede aankondig hy trou vir die vyfde keer met ’n vrou vier dekades jonger as hy, is daar behoorlik gegons. Maar dié liefde met Karina Szczurek het die wêreld bekoor. Ilse Salzwedel gesels met Karina, wat sê dat André die liefde van haar lewe was.

Foto: Johan Wilke

4. Kop in een mus

Twee hane wat op een mishoop wil koning kraai, kan die vere laat waai. Anet Schoeman gesels met twee pare sibbe (Lea en Trix Vivier en Seline en Leandri van der Wat) asook een paartjie (René en Corné van Rooyen) wat dit nie anders wil hê nie.

Lees ook: Skryf dit in jou dagboek – Wonderlus 2018

Foto: Hema Patel

5. Magiese Meerkat Maantuig

Meerkat Maantuig is een van die opwindendste Afrikaanse flieks wat ons in ’n lang ruk gesien het. Hierdie magiese verhaal sal jou laat lag én huil, en sal jou bybly lank nadat jy dit gesien het.

Kyk ook na ‘Meerkat Maantuig’ se amptelike lokprent hier

Foto: Dehan Janse van Rensburg

6. Ben Theron: Ridder teen korrupsie

Van voorvegter teen die onregte van apartheid tot ridder teen korrupsie en staatskaping. Dis Ben Theron, bedryfshoof van OUTA. Lees ons “In die rooi stoel”-onderhoud met dié dinamiese man.

Foto: Andrea Caldwell

7. Anrich Herbst oor Raaiselkind

Die fliek Raaiselkind het Anrich Herbst aan die hart gegryp. As pa van twee gesonde, normale seuntjies besef hy hoe moeilik dit moet wees om ’n kind met outisme te hanteer. Martie Swanepoel gesels met hom oor dié fliek wat op 16 Februarie uitgereik word.

Foto: Hema Patel

8. Eties mooi

Maak seker dit wat jy koop en ondersteun, weerspieël ook jou eie waardes. ‘Reg koop’ word al hoe belangriker. Ons mode-en skoonheidspan kyk na herwinning, veganis-vriendelike produkte, sosiale bemagtiging en meer.

Foto: Hadithi-sisalmandjie (hadithikenya.com)

9. Dekor

’n Slaapkamer is die plek waar jy letterlik en figuurlik tot rus kom. Omring jou met mooi dekor-items wat by jou persoonlikheid pas en jou behaaglik laat voel.

10. Kook een keer, eet drie keer

Maak een van dié blitsvinnige geregte op ’n Sondagaand en jy het middagetes of kosblikkos vir ’n hele week. Ons kosredakteur, Vickie de Beer, deel ook vinnige variasies waarmee jy die etes interessant kan hou.

Foto: Lee Schwagele (crphotographic.co.za)

Kry die resep vir dié heerlike snoek-jaffels hier

The post 10 redes om die Februarie-uitgawe van rooi rose te koop appeared first on rooi rose.

Wonder jy wat is Quinne Brown se bynaam, haar gunstelingdrankie of haar gunstelingwoord in Afrikaans? Ons vra #41vrae aan dié 7de Laan-aktrise. Kyk na die video-onderhoud hier:

Lees ook: Quinne Brown: Oos wes, tuis bes

Die Februarie 2018-uitgawe van rooi rose is nou op die rakke!

Meer oor Gentlemens Arthouse

Gentlemens Arthouse is ’n fantastiese outentieke styl-restaurant in Newtown, Johannesburg wat die historiese Victoriaanse era in hul dekor en kos-aanbiedinge uitbring. Burlesque en vuurdans vorm deel van die vermaak by dié 1911-erfenisgebou en die kos is uit die boonste rakke.

Gentlemens Arthouse sal in 2018 ook meeding om ’n Michelin-ster.

Klik hier vir meer besonderhede oor dié magiese plek

The post 41 vrae aan Quinne Brown appeared first on rooi rose.

Quinne Brown is ná tien jaar terug in 7de Laan. En nes haar karakter, Connie, het dié pragtige donkerkop ook die afgelope dekade heelwat gegroei en beleef.

Ilse Salzwedel gesels in die Februarie 2018-uitgawe van rooi rose met Quinne oor haar en haar gesin se terugkeer na Suid-Afrika, die sepiewêreld en moederskap.

“Daar is dinge oor ’n mens se geboorteland wat vir altyd in jou hart lê en waaraan jy nie noodwendig woorde kan gee nie. Dinge soos reuke, smake en klanke”

Die Februarie 2018-uitgawe van rooi rose is nou op die rakke! Lees ook in dié uitgawe meer oor die aantreklike George Clooney, André P. Brink se vrou Karina Szczurek, Lea en Trix Vivier en vele meer.

The post Quinne Brown: Oos wes, tuis bes appeared first on rooi rose.

Elma Postma, wat binnekort haar eerste huweliksherdenking vier, straal van geluk en selfvertroue, en is baie meer tuis in haar vel as toe sy 17 jaar gelede die kollig betree het. Ilse Salzwedel het uitgevind wat haar geheim is.

‘Die leerproses van die lewe is intens. Soms is dit ongelooflik mooi, soms moeilik. En op die ou einde is dinge gewoonlik goed net soos wat dit is’

Lees die volle onderhoud in die Desember 2017-uitgawe van rooi rose.

Kyk hier na agter die skerms-foto’s tydens Elma se voorbladfotosessie vir rooi rose:

Produksie: Hannelie Diedericks
Stilering: Riaan Hulley
Hare & grimering: Adelle Jung met Make Up For Ever
Naels deur Sorbet in Gelish hot rod red
Produksie-assistent: Michelle Nortjé

The post Agter die skerms met Elma Postma appeared first on rooi rose.

“Ek dink ons was albei net uiteindelik gereed om te leer hoe om sáám te leef, speel, doen en droom,” sê Erica Wessels oor die stap wat sy gedoen het om verlede jaar (2016) – grasieus in die rok waarin haar oudste suster dertig jaar gelede getroud is – trou te sweer aan die man in haar lewe.

Erica oor haar troue

“’n Paar vriendinne het vir my die raad gegee om elke oomblik regtig bewustelik te ervaar en ek het geluister. Dit was kosbaar. Ons persoonlike beloftes aan mekaar in die teenwoordigheid van al ons geliefdes. Die toesprake. My ouers wat so erg oor Willem is. En elke klein konneksietjie met al ons gaste. Dit het al die harde werk só die moeite werd gemaak.”

Lees die volledige onderhoud in die Augustus 2017-uitgawe van rooi rose.

Kyk hier na agter die skerms-foto’s en ’n video tydens haar voorbladfotosessie:

The post Agter die skerms met Erica Wessels appeared first on rooi rose.

Waarmee hou jy jou tans besig?” begin ek tastend my weg oopvoel na die mens voor my. Amalia Uys loer met groot blinkbruin oë na my oor haar warm sjokoladedrankie en lag onnutsig. “Niks!”
Maar eintlik skep sy net ’n slag asem, sê sy. Haar stem is sterk en warm, haar woorde geartikuleerd soos dit ’n aktrise betaam. “Ek het maar verlede week teruggevlieg uit Johannesburg waar ek weer ’n maand lank opnames vir Binnelanders gedoen het. En die afgelope internasionale advertensieseisoen was besiger en lekkerder as ooit. Omdat Kaapstad so ’n besonderse bestemming is en dit vir die internasionale advertensiemaatskappye soveel goedkoper is om hier te skiet, sak hulle deesdae in die somermaande op ons toe.”

Sy kruis haar bene in die nousluitende langbroek met die gate op die knieë. Alles deel van die dekor wat die fyne juffrou eksie-perfeksie komplementeer. Nie verniet die dogter van ’n man wat sê daar loop ’n dik stroom Piet Presies deur sy are nie. En tog begin sy vervaard keer as mense haar idealiseer. “Ek is baie bewus van my foute!”

Maar sy lyk en voel goed. Werksgewys bied die advertensies ook ’n finansiële buffer. “Dis ’n aspek van die bedryf wat maklik ’n mens se gemoedsrus en kreatiewe energie steel as jy dit nie reg bestuur nie. Ek bly darem ook tussendeur skryf en stoei met idees en projekte. Dan is jy eintlik nooit sonder werk nie.”

Maar geen nuwe rol kan haar oë so laat blink soos die vooruitsig om in Desember vanjaar mevrou Shaun Golding te word nie. Sy het haar kwota brouhoue gehad voor sy weer op die skoonveld beland het. “Ek was voorheen in ingewikkelde verhoudings wat my meer kwaad as goed gedoen het. Ander kan jou probeer waarsku teen sekere goed maar dit lyk my sekere lesse moet ’n mens maar self leer. Die een voordeel is dat hierdie ervarings my in staat gestel het om te weet dat hierdie verbintenis anders is. Dit laat my toe om myself te wees. ’n Mens moet soms gewoon sagter met jouself kan omgaan.”

Shaun se beste vriend en haar beste vriendin het hulle aan mekaar voorgestel. Toe hy haar ’n ruk later kontak, was sy gelukkig sonder enige verbintenis en weer in voeling met haarself. “Ek het weer ’n eie nes geskop, potte sop gekook en saans kerse gebrand,” spot sy oor hierdie fase in haar lewe.

“Ander kan jou probeer waarsku teen sekere goed maar dit lyk my sekere lesse moet ’n mens maar self leer”

Haar verloofde is ’n eerste generasie Suid-Afrikaner met ’n Britse pa en ’n Hollandse ma, ’n watertegnoloog wat onder meer met watersuiwering en groot verkoelingstelsels werk. “Jy sal nie glo hoeveel liters vars water gaan in die nywerheidsgebiede in dreine af nie,” vertel sy iets van die nuwe wêreld wat sy via hom betree het. “En tog het ons ondanks ons uiteenlopende aanlope op ’n vreemde manier net gepas.”

Haar suster Hermien is twee weke nadat hulle begin uitgaan het, op 36 oorlede. Sy was skisofrenies en in ’n tehuis. “Haar dood het my en Shaun gekonfronteer in ’n tyd toe ons eintlik blinkoog en verlief moes wees.”

Die feit dat sy in daardie tyd die karakter Margot wat met onstabiliteit sukkel in Binnelanders moes speel, het dinge nie makliker gemaak nie. “Ek het in trane by die skrywers gaan pleit om die teks te verander maar dit was reeds te ver gevorder.”

Shaun se nugter aanslag en ondersteuning kon ’n grondslag lê wat haar laat besef het dis ’n man met wie ’n vrou ’n pad kan stap. “Waar Hermien se siekte ’n groot invloed op ons huisgesin gehad het, kom hy uit ’n ongekompliseerde, gewone raamwerk.”

“Ek het in trane by die skrywers gaan pleit om die teks te verander maar dit was reeds te ver gevorder”

Verlede Desember het hy in die geheim vir haar mense wat op Port Owen aan die Weskus woon, gaan ouers vra. “Ek het hulle nogal die volgende dag op Stellenbosch gesien maar hulle sprak geen sprook nie.” Sy lag. “Ek het geweet hulle hoop ons wil aanstaltes maak maar het nog probeer waarsku dat hy eers sy eie onderneming behoorlik gevestig moet kry voordat daar sprake van trou kan wees.”

Sy het niks vermoed toe Shaun kort daarna tydens ’n kuier by haar ouers langs die see wou gaan stap nie. Haar gesig verlewendig by die herinnering. “My ma het verseg om saam te stap. Ek en hy het sommer oor ons verhouding loop en praat. My woorde ‘jis, ek is happy!’ was skaars koud toe hy die boksie uithaal. En dis toe nié die oorbelle wat ek gedink het dit sal wees nie!

“Alles was net so lekker ongekunsteld en eerlik. En sy ouers het die volgende dag gekom om dit saam met ons te vier.”

Sy trek haar baadjie uit en ’n geblomde vintage hemp, een van die tweedehandse vondste wat vir haar soveel genot verskaf, maak sy buiging. Amalia is van kleins af dol daarop om onverwagse dinge bymekaar te klits en haar klerekas te laat práát. Sy en haar ma, Celia, is voëls van eenderse vere as dit by aantrek kom. Albei verstaan hoe om jouself raak te vat en te poets as dit moet. “Soos in die teater toor kuns mos goud uit die gewone,” verklaar sy.

Sy het haar ook al as kostuumbestuurder op ’n stel bewys, die soort mens wat, afhangend van die geleentheid, vat en voel aan teksture en put daaruit. “Ag, die lewe bied eintlik so ’n rykdom om te ontgin en te ontdek,” sê sy. “Ek doen graag dinge soos kursusse in fotografie of navorsing oor skryfkuns, alles goed wat jou opskerp om meer bewustelik te leef.”

Die afgelope tyd was sy besig met ’n kortfilmkonsep oor geestesgesondheid. “Dis my poging om wanpersepsies oor sogenaamde ‘mal’ mense te help bestry. Skisofrenie is iets waaraan een uit elke honderd mense ly. Dis mense met ’n interne wêreld wat hulself nie eens kan begryp nie en waaroor daar soveel onkunde bestaan.

“Die manier waarop dit in rolprente en televisie uitgebeeld word, vestig net die aandag op die onstabiliteit terwyl daar soveel ander, mensliker dimensies is. Ja, my suster het ons laat skrik, maar sy was ook liefdevol – sy het dikwels gelag oor die vreemde goed wat sy aangevang het.”

Op 32 geniet Amalia dit om haar op verskillende gebiede te begewe. Dit bied ook kontak met gelykgestemdes wat soos sy kyk, dink en voel.

Sy was medevervaardiger van Jagveld, Deon Meyer se skop-skiet-en-donder-fliek wat vanjaar uitgereik is, en op die KKNK was sy te sien in die Noorse dramaturg Henrik Ibsen se laat-Romantiese meesterwerk Die Vrou uit die See. Hierdie liefdesverhaal met Jana Strydom in die hoofrol was verlede jaar een van die sterkste debuutproduksies by Innibos.

Lees ook: Ons is opgewonde oor Jagveld

Daar bestaan eintlik geen “klein” rolle by Ibsen nie en haar rol van Bolette het haar weer op ’n nuwe emosionele verkenningstog gedwing omdat die karakter so anders is as wat sy is.

“Sy beweeg in reguit lyne en is gegrond; ek is meer van ’n dromer en het ook ’n emosionele verbintenis met die see soos Jana se karakter. Maar dis ’n ongelooflike leerskool om met die regisseur Henry Mylne te werk. Hy lééf vir die teater en het soveel kennis. Ek is nog in ’n verkennende fase maar sou ook graag eendag regtig ’n deskundige op een of ander gebied wou wees.”

Haar kinderjare in Pretoria was goed maar agterna gesien dink sy haar ouers en hul hegte gesinslewe het ’n groter invloed as die buitewêreld op haar gehad. “Ek en my ma kon ure om die kombuistafel sit en gesels en filosofeer. Ek het my kunssinnigheid en liefde vir letterkunde van haar gekry. My pa se leergierigheid, daardie amper gulsigheid om te weet hoe dinge werk en inmekaarsteek, het ook ’n groot invloed op my gehad. Ek delf en deurgrond graag. Of dit nou is oor waar ons vandaan kom, of oor ander kulture, of die geskiedenis.”

Amalia is so sensitief as wat sy fyn van gestalte is. Dit sou haar ’n papierskuitjie op die stormwaters van die teaterwêreld kon maak. Maar haar delikaatheid maak beslis nie van haar ’n poppie nie. Haar jare se balletdissipline wys. ’n Mens bespeur die toewyding, die dans deur die pyn heen en die vasberadenheid om weer op jou tone te land al kantel die lewe jou soms.

Sy het vroeër dinge soos sielkunde, regte en spraakterapie oorweeg. Maar sy berou dit nie dat die kunstenaar in haar gehoor gegee het aan dit wat met haar binneste resoneer nie. Die opgedamde skeppingslus moes iewers ’n uitloop kry. Haar hare moes loskom uit die stywe bollatjie.

The post Amalia Uys: blinkoog oor die liefde appeared first on rooi rose.

Sedert ons onderhoud 13 jaar gelede vir een van haar eerste tydskrifvoorblaaie, het daar baie water in die see geloop vir die veelsydige Antoinette Louw. En dis nie net haar CV wat indrukwekkend gegroei het nie. Op 42 is sy nóg meer selfversekerd as destyds, ooglopend gemakliker met haarself, uitgesproke oor die dinge wat vir haar belangrik is. Kortweg: Sy weet wie sy is.

Ons gesels in die Mei 2017-uitgawe van rooi rose met haar. Kry jou uitgawe, nou op die rakke!

Kuier ook saam agter die skerms tydens Antoinette se voorbladfotosessie in Kaapstad:

Kyk ook na die video hier:

The post Agter die skerms met Antoinette Louw appeared first on rooi rose.

Elma en manlief Paul het ’n warm dag in Desember gekies om trou aan mekaar te beloof. Die intieme seremonie in Limpopo het voor 50 gaste plaasgevind wat hul naaste familie en vriende ingesluit het.

Elma se pragtige rok is deur die bekende ontwerper Anel Botha ontwerp.

Elma het in Julie 2016 tydens ’n voorblad-onderhoud vir rooi rose vertel dat die privaatheid van haar verhouding vir haar baie belangrik is.

“Kom ons bewaar die misterie. Ek is baie gelukkig om iemand te hê met wie ek alles kan deel. In ons verhouding kan ek ’n volronde mens wees. Ek het vlerke om te vlieg en ’n veilige landingsplek by hom. Maar dis my stukkie van die lewe wat ek toevou, my privaatheid.”

Lees die volledige onderhoud hier en kyk ook na foto’s van die pragtige voorbladfotosessie!

The post Elma Postma-troufoto’s appeared first on rooi rose.

Karlien en haar man, die oud-rugbyspeler Joe Breytenbach aan wie sy vanaf September 2016 verloof was, het onlangs getrou.

Sy het Sondagmiddag, 26 Maart 2017, ’n foto op Instagram gedeel waarin ’n mens baie duidelik kan sien sy is ’n bruid. Sy het daarby geskryf: “Vandag kan ek met oorgawe en soveel dankbaarheid vir jou sê – moet nooit opgee op die liefde nie.”

Ons was eers onseker of dit wel waar is, maar Karlien se ma (wat ook haar bestuurder en woordvoerder is), het die nuus bevestig.

Karlien het die naweek by Nickelodeon se NickFest opgetree en vir ons vertel hoe baie sy daarna uitsien. “Ek is vreeslik opgewonde! My kinders is MAL oor Nickelodeon en ek kyk selfs saam. Ek is soms meer opgewonde oor Paw Patrol as hulle. Ek wil hulle graag saam neem om al die karakters te ontmoet.” Lees die volledige onderhoud hier

The post Karlien van Jaarsveld trou appeared first on rooi rose.

Jy is vanjaar by die NickFest betrokke. Hoe het dit gebeur?

Ek is regtig bevoorreg dat hulle my gevra het! Ek is deur hulle gekontak en gevra om betrokke te wees. Ek is só opgewonde om deel van die Fest te wees.

NickFest is dié slymfees van die jaar – duisende opgewonde kindertjies, bakke en bakke vol slym en boonop ’n lekker line-up van bekendes. Gaan jou seuns ook daar wees?

Ek is vreeslik opgewonde! My kinders is MAL oor Nickelodeon en ek kyk selfs saam. Ek is soms meer opgewonde oor Paw Patrol as hulle. Ek wil hulle graag saam neem om al die karakters te ontmoet.

Gril jy nie vir al daai slym nie? 

Dit lyk vir my nog altyd na vet pret – so, as dit gebeur dat ek gaan deurloop, hoop ons net dat dit wel maklik af kom.

Ons hou baie van jou en boet Bobby se werklikheidsreeks Karlien en Bobby. Het die program jou uitkyk op die lewe verander?

Niks kan mens ooit vanselfsprekend aanvaar nie. Alles in die lewe is ’n voorreg en ’n blessing.

Van al die episodes wat tot dusver uitgesaai is, wat het jy vir jou uitgestaan? 

Sjoe! Elke episode het maar sy oomblikke gehad. Vir my was Vernon se episode beslis een wat my lewe verander het, maar so ook elke ander een. Dit verander jou uitkyk en sieninge oor omstandighede en die wêreld.

Jy en Bobby is baie na aan mekaar. Hoe werk julle saam?

Ons was nog altyd, van kleintyd af, daar vir mekaar en maar altyd mekaar se konfidante. Deur dik en dun is familie waarop mens staat maak.

Waaraan werk jy tans?

Ek is tans besig om reg te maak vir ’n hele paar toere en optredes. Ek is ook vreeslik opgewonde oor my nuwe album wat amper uitkom!

Kry jou kaartjies vir NickFest 2017 hier

The post Karlien van Jaarsveld oor groen slym, boet Bobby en Paw Patrol appeared first on rooi rose.

“My eerste pak slae was omdat ek ’n mikrofoon gebreek het. Dit was in ’n poging om Elvis na te boots.” Karen Zoid

Kyk hier! Agter die skerms tydens Karen se voorbladfotosessie:

Het jy geweet?

Daar is reeds 52 episodes opgeneem van Republiek van Zoid Afrika, Karen se bekroonde geselsprogram op kykNET. Die nuwe reeks word waarskynlik in die tweede helfte van vanjaar uitgesaai.

Dit was vir haar uit die staanspoor belangrik om nie net aanbieder te wees nie, maar ook kreatiewe beheer te hê. “Ek was aanvanklik baie huiwerig toe regisseur Carien Loubser voorstel dat ek aan die einde van elke program saam met van Suid-Afrika se topkunstenaars sing. ’n Mens wil darem nou nie narcisties begin lyk nie … Maar dit het gelukkig gewerk.

“Die onderhoude met die uiteenlopende bekendes is ’n meesterklas in die lewe. Ons lag én huil emmersvol trane. Ek het die grootste bewondering vir iemand soos Thuli Madonsela wat letsels dra omdat hulle standpunt inneem vir wat hulle glo reg is.”

Lees ons volledige onderhoud met Karen in die April 2017-uitgawe van rooi rose, ons spesiale 75ste verjaardaguitgawe!

Kyk ook hier na foto’s tydens ons fotosessie:

The post Karen Zoid: agter die skerms appeared first on rooi rose.

Katryn was ’n tiener toe sy in ’n winkelsentrum deur onder meer ’n akteur “ontdek” is. Na daardie dag het haar lewe handomkeer verander en is sy vandag ’n bekende internasionale model wat al vir groot name soos Prada, Givenchy en Vogue Paris werk gedoen het. Sy het ook al op rooi rose se voorblad (Mei 2015) verskyn.

Katryn het pas haar eie blog begin en eksklusief met ons daaroor gesels!

Jy is op die jong ouderdom van 15 ontdek. Hoe het jy dié uitdaging ervaar? 

Dit was alles vreeslik oorweldigend. Aan die een kant was ek opgewonde oor die nuwe avontuur, maar ek was ook vreeslik onseker omdat ek op daardie stadium niks van die industrie geweet het nie. Ons Afrikaners leef mos ’n baie “sheltered” lewe: ons gaan skool, speel netbal, kuier met vriende en kamp saam met familie. Dit was so buite my gemaksone en verwysingsraamwerk! So, ek het nie eintlik verstaan wat aangaan nie. Aan die begin was ek gefokus op die amper onmoontlike taak om my lewe tussen skoolwerk en modelwerk te balanseer. Ek het ook nie besef hoe vinnig ek vorder in my loopbaan nie. Eintlik was dit ’n goeie ding dat ek nie altyd 100% geweet het wat aangaan nie.

Ek wil graag weet, wie het jou ontdek? Daardie persoon het baie duidelik ’n oog vir talent gehad!

Haha, dankie! Ek is deur die akteur en model, Robert Bester, ontdek. Ek en my gesin was in Canal Walk toe hy my raaksien en my ouers vra of ek modelwerk doen. Ons was uit die veld geslaan, want dit was nie iets wat ek of hulle ooit oorweeg het nie. Hy het ons oortuig om Y Models (waar hy was) te gaan sien. Ons het dit gedoen en ek het ’n kontrak met hulle geteken. Ek het nie veel daarvan gedink nie en net nou en dan ’n casting gaan bywoon as dit nie met my skoolwerk ingemeng het nie. Een van die castings was vir IMG (die grootste modelagentskap in die wêreld). Hulle het kom scout vir nuwe modelle en van my gehou, soveel so dat ek gevra is om na hul kantore in Parys te gaan. So is ek en albei my ouers in die Junie-skoolvakansie oorsee (ek was toe skaars 16 jaar oud).

Jy is oorspronklik van Kaapstad, maar het jou lewe daar verruil vir ’n glanslewe in die buiteland. Hoe het jy aangepas by ’n lewe van reis, uit ’n tas uit leef en vir lang tye van die huis af wees? 

Dit was vir my vreeslik erg! En, na 5 jaar, is dit steeds nie vir my lekker nie. Dis ook nie altyd ’n glanslewe om so uit ’n tas te leef en alleen in ’n hotelkamer te wees nie. Maar dis deel van my werk en elke beroep het mos maar sy voor- en nadele. Aan die begin was dit veral moeilik omdat ek vreeslik huisvas is. Skielik was ek sonder roetine, my ouers en boonop in ’n onbekende omgewing. Die drome wat ek gehad het, soos om eendag universiteit toe te gaan, het skielik vêr gevoel. Dit was ook ekstra moeilik om so weg van die huis te wees omdat ek en my man (Cilliers) toe al saam was.

Jy skryf in jou blog dat jy later besluit het om skool te los om voltyds modelwerk te doen. Hoe het jou familie en vriende hieroor gevoel? 

Dit was ’n reuse besluit wat my lewe vir altyd verander het. Ek was mal oor skool – om tyd saam met vriende te spandeer, netbal te speel en sommer net kind te wees. En skielik was ek daarsonder! Ek het nie net skool verlaat nie, maar ook die lewenspaadjie wat ek gedink het ek gaan stap. Ek sou nie saam met my vriende matrikuleer, ’n matriekafskeid hê of selfs universiteit en die koshuislewe ervaar nie.

Die grootheid van my besluit het my eers later getref, toe ek stadig maar seker al my skoolvriende verloor het omdat ons wêrelde te veel verskil het. Vir my ouers was dit ook ’n groot besluit – hulle is verantwoordelik vir my en mens het geen waarborg oor besluite nie. Maar hulle het my ondersteun en bly hoop en bid dat dinge mooi sal uitwerk. Ek word gereeld gevra of ek spyt is oor my besluit, en ja met tye was ek, maar waar ek tans is in my lewe is ek nie spyt nie.

Vertel ons meer van jou man en jul troudag. Jy is op 20 getroud?

Ek en Cilliers (hy is 6 jaar ouer as ek) het pas begin uitgaan toe ek voltyds begin werk het, so hy is al van die begin af saam met my. Ek sou dit verseker nie kon doen sonder sy ondersteuning nie! Hy is my beste vriend – ek kon nie vir ’n beter man vra nie.

Om op ’n baie jong ouderdom te trou, was ’n groot besluit (dit lyk asof my lewe uit ’n hoop buite-die-norm-besluite bestaan!), maar dit was die beste besluit. Ons was 4 jaar saam toe ons getroud is. Ons het lank daaroor gepraat en gebid, met ons ouers gesels en besef dat dit die regte besluit is. Ons wou nie saam woon tensy ons getroud is nie.

Ek dink daar was baie mense wat gereken het ek is te jonk om te trou, maar onthou, ek moes vreeslik vinnig groot word omdat ek op 16 voltyds begin werk en alleen om die wêreld gereis het. En wat maak dit nou saak wat ander mense dink? Dit was besonders om ons naaste vriende en familie by ons troue te hê en om te sien hoe almal ons ondersteun en met totale liefde en seën omvou het. Om jou lewensmaat op ’n jong ouderdom te ontmoet, is voorwaar ’n voorreg.

Jy het toe wel in 2013 huis toe gekom om matriek te voltooi. Was dit vir jou moeilik om weer dissipline te moet hê of dink jy juis dat dit makliker was omdat jy ouer en meer volwasse was?

Dit was moeilik omdat ek deur korrespondensie gestudeer het, so die roetine en hulp van die gewone skoollewe was nie daar nie. Maar in ’n mate was dit makliker, omdat ek geweet het ek wil dit baie graag voltooi en het dit nie as vanselfsprekend aanvaar nie.

In ’n artikel wat vroeër in rooi rose verskyn het, het jy met Ilse Salzwedel gedeel dat jy graag universiteit toe sou wil gaan om ’n graad in bemarking en sakebestuur te doen. Het jy toe jou graad gekry? 

Ek het nog nie verder gaan studeer nie. Dit is steeds ’n droom van my en wanneer ek dit wel eendag doen, sal dit wees net omdat ek dit vir myself wil doen en nie omdat dit van my verwag word nie. Dis nog net nie die regte tyd nie, en ek weet dit sal nog eendag wees. Tans werk ek nog voltyds en werk ek ook daagliks aan my blog. Ek doen wel verskeie kort kursusse deur UCT se aanlynprogram, GetSmarter. Dis lekker, want so kan ek my horisonne verbreed en studeer waarvan ek hou (of uitvind of ek van iets hou of nie). Die kursusse is gewoonlik so 12 weke lank. Dis alles aanlyn, wat ideaal is vir my wat rondreis.

Hoe voel dit om jouself so dikwels in advertensie-veldtogte te sien?

Dis steeds vir my vreemd! Ek kan lekker lag, want gelukkig herken mense my nie sommer nie. Cilliers raak kinderlik opgewonde en wys gewoonlik na my werk (soos in Woolworths). Dan raak ek lekker skaam en loop vinnig weg. Ander kere kyk ek natuurlik met hope kritiek na my werk en dink dat ek dit beter kon doen, of dat ek soms simpel lyk. Maar op die ou end maak dit nie regtig saak nie – solank die kliënt gelukkig is, is ek gelukkig.

As jy moes teruggaan, sou jy iets verander het of anders gedoen het? 

Ek is gelukkig met al die keuses wat gemaak het, van skool verlaat tot vroeg trou. Maar dit was met tye regtig moeiliker as wat mens besef. Ek het soms aande om gehuil en was bang vir wat die toekoms inhou want niks was verseker nie. Maar dis die paadjie wat ek moes stap om te wees waar ek nou is. Ek het baie gegroei en groeipyne is nooit lekker nie. Nou is ek gelukkig met die persoon wie ek is. Ek dink nie mens gaan ooit weet of jy “regte” of “verkeerde” besluite in jou lewe neem nie. Ek dink wel die “regte” ding om te doen is om die beste te maak van die omstandighede en voluit te leef.

Wat doen jy in jou vrye tyd?

Ek is ’n totale boekwurm en ek lees maklik ’n boek ’n week! My gunstelingplek is ’n boekwinkel. Ek is ook ’n movie-fanatic en kyk sommer enige iets, van ou classics tot nuwe flieks. Ek lees ook graag op oor die boeke en films waarvan ek hou. Ek geniet dit om op Goodreads te gaan en boekresensies te skryf of om op die internet op te lees oor die boek. Ek kyk nie graag sport nie maar ek is mal oor verhoogproduksies en gaan nou en dan na simfoniekonserte toe saam met my ma. Ek doen ook graag joga, soveel as wat ek kan.

Lewe jy volgens ’n lewensmotto?

Daar is verskeie stukkies wysheid wat ek deur die jare by verskillende mense versamel het. Cilliers se raad aan my, wanneer dinge of planne skeilik verander, is: “Kom ons regroup.” Die “ons” in die sin help my die meeste, want ek weet ek is nie alleen nie.

My joga-instrukteur se raad is: “Haal net diep asem.” Dit werk wonders om net rustig te raak en diep asem te haal.

My pa se wyse woorde is: “Always be true to yourself.” Dis die motto wat ek daagliks toepas, in alles wat ek doen.

Lees meer oor wat Katryn aanvang, wat sy beleef en waar sy tans is op haar baie nuwe blog: katrynkruger.com/

The post Supermodel Katryn Kruger: meer as net haar werk appeared first on rooi rose.

Vandag gaan sy paaie kruis met Bosman, Baz, Jay, Boela, AJ en Piet. Bosman is die meesterbrein van die dwelmsindikaat, ’n psigopaat, wreed en gewelddadig. Baz en Jay is sy handlangers- moordenaars, monsters! AJ en Boela, bedorwe brokkies op soek na bekragtiging, is aan boord om ’n vinnige geldjie te maak in die kriminele onderwêreld. En dan is daar Piet, die swakkeling, wat bereid is om enige iets vir sy neef, Bosman, te doen.

Emma sien hoe hulle ’n moord pleeg, hulle sien haar en besef dat sy hulle gesien het. Nou jag hulle haar af soos ’n dier, maar hulle weet nie wie die meisie is waarna hulle soek nie. Niks gaan volgens plan nie, alles val uitmekaar uit (en vinnig). Aan die begin was hulle gedryf deur haat en wraak. Skielik, is dit vir oorlewing …

JAGVELD – rolverdeling:

• Leandie du Randt: Emma le Roux

• Neels van Jaarsveld: Bosman

• Tim Theron: Baz

• Bouwer Bosch: Jay

• Edwin van der Walt: Boela

• Luan Jacobs: Piet

• Danie Putter: AJ

• Tertius Meintjies: Jacques

Die hoogs verwagte nuwe Afrikaans aksie- en rillerfilm, JAGVELD (Afrikaans, met Engelse subtitels) – geskryf deur die bekende meester van die rillergenre, Deon  Meyer – sal vanaf 17 Maart 2017 in Suid-Afrika te sien wees op die grootskerm.

Volg JAGVELD op sosiale media:

Facebook (Jagveld):                       https://www.facebook.com/jagveld/

Facebook (Fresh Flieks):               https://www.facebook.com/FreshFlieks/

Kyk gerus ook na die JAGVELD lokprent op:

The post Ons is opgewonde oor: JAGVELD appeared first on rooi rose.

Nina Swart het 17 jaar gelede die karakter van Wilmien begin vertolk. Kykers het haar liefgekry as die wulpse Wilmien met die borrelende persoonlikheid. En sal ons ooit haar verhouding met die aantreklike Zak (gespeel deur Robert Bester) vergeet? Wilmien en haar woonstelmaats Dezi (Elma Postma) en Karien (Christi Panagio) het baie diep in kykers se harte gekruip en hulle word vandag, al is die drie van hulle reeds nie meer by dié sepie betrokke nie, steeds onthou vir hul karakters.

Elma het in 2007, na 7 jaar op die kassie, die karakter van Dezi Terreblanche gegroet. Ons onthou ook die romanse tussen Karien en George … dié twee (Christi en Nico Panagio) is natuurlik ook in die werklike lewe getroud.

Kyk ook: Agter die skerms tydens Christi Panagio se rooi rose-voorbladfotosessie vir die Maart 2017-uitgawe

Ons kan egter deel dat Wilmien, Dezi en Karien in die 4 000ste episode van 7de Laan gaan verskyn! Dié mylpaal-episode word Donderdagaand, 9 Maart 2017, op SABC 2 uitgesaai.

Lees ook: Elma postma – ’n nuwe toekoms wink

Kyk na hierdie lokprent:

Ons gunsteling-sêgoed van Elma, Christi en Nina

• Elma: “Ek waardeer mense wat anders is as ek. Iemand wat vir my sê ruk jou reg, dis nie so erg nie, is nodig in my lewe.”
• Christi: “Moenie tyd mors met iemand wat jy weet nie reg is vir jou nie en moenie vir minder as die beste settle nie.”
• Nina: “Ek ken my vrese en tekortkominge en ontken dit nooit teenoor myself nie. Ek gun my die ruimte om hierdie gevoelens te ervaar.”
• Elma: “Ek sal selde ’n sterk mening uitspreek, maar ek is ’n goeie luisteraar. En baie kere soek iemand net ’n oor wat luister.”
• Christi: “Ek wens ek het Oprah se vermoë gehad om mense gelukkig te maak. Dit is my grootste droom om geluk aan ander te kan gee.”
• Nina: “Ek is nie ’n kulturele snob as dit by werk kom nie. Werk is werk, en klaar.”
• Elma: “Ek en ’n paar vriendinne het op ’n reënerige dag op ’n verlate strand in Natal kaal geswem. Ek wou eers nie, maar dit was die grootste vryheid wat ek nog gevoel het. Niks kon my toe keer nie.”
• Christi: “Daar is ’n spesiale iets wat gebeur wanneer jy voor die Here staan en sy seën op jou verhouding vra.”
• Nina: “Wees eerlik met jouself, maar nie met die wêreld nie. Dit maak jou weerloos.”
• Elma: “Ek wil nooit ophou om te leer en bykomende vaardighede te ontwikkel nie.”
• Christi: “As jy van kleins af weet wat is belangrik en wat jou waardes is, word jy nie so vasgevang nie. Dit gee jou wysheid. Ek hoop my kinders sal dink dis koel om die regte ding te doen.”
• Nina: “Ek glo jy moet eers besef hoe klaaglik beskrompeld jy is voor jy die vreugde van die lewe kan ervaar.”

The post Wilmien, Dezi & Karien terug in 7de Laan appeared first on rooi rose.