Middelslagtert genoeg vir 6-8 mense.

Bestanddele

Deeg

• 350 g koekmeel
• 60 ml (¼ k) suiker
• ’n knypie sout
• 225 g koue botter, in blokkies gesny
• 2 eiergele, liggies geklits
• 30-60 ml (2-4 e) room

Amandelroom

• 75 g botter, by kamertemperatuur
• 75 g strooisuiker
• 75 g gemaalde amandels
• 15 g meel + ekstra vir oorstrooi
• 1 eier
• 7,5 ml (½ e) rum
• 15 ml (1 e) tiemie, harde takkies verwyder

Vulsel

• 3 nektariens, in wiggies gesny
• 1 eier, liggies geklop met ’n knypie sout
• 30 ml (2 e) appelkooskonfyt, verhitmascarpone-kaas, vir opdieningheuningkoek, vir opdiening’n hand vol kruisementblare

Metode 

Deeg
1. Meng die meel, suiker en sout vir sowat 10 sek. in ’n voedselverwerker. Voeg die botter by terwyl die menger aan is.
2. Verwerk tot dit soos growwe broodkrummels lyk. Voeg die eiergele by. Voeg die room geleidelik by terwyl die masjien op ’n lae spoed is.
3. Bring die deeg bymekaar en druk effens plat. Bedek met kleefplastiek en laat vir ’n uur in die yskas rus.

Amandelroom
4. Klop die botter tot sag in ’n staanmenger. Voeg die suiker en gemaalde amandels by en meng. Voeg die meel, eier, rum en tiemie by en meng tot glad. Skep in ’n bak, bedek met kleefplastiek en sit in die yskas.
5. Voorverhit die oond tot 190 °C. Smeer ’n bakplaat of spuit met kleefwerende kossproei. Rol die deeg sowat 4 mm dik op ’n meelbestrooide werkvlak uit. Lig die deeg versigtig op die bakplaat en smeer die amandelroom daarop, los ’n rand van 7-8 cm oop.

Vulsel
6. Pak die nektariens in ’n sirkel op die amandelroom. Vou die deegrande oor die vrugte. Verf die deeg met die eier en die nektariens met die appelkooskonfyt.
7. Bak vir 25 tot 30 min. tot die tert goudbruin is. Laat afkoel en sit met skeppies mascarponekaas, stukke heuningkoek en kruisementblare voor.

The post Nektarientert appeared first on rooi rose.

The post Somervrugtetert appeared first on rooi rose.