Ek hou meer van winter- en herfskleure as van die somer se helder skakerings of sagte pastelle. Die aardse en juweelkleure van die winter skep ’n gesofistikeerde gevoel en die kleure werk goed saam met (tydlose) swart, wat deesdae my gunstelingkleur is. Jy sal  altyd elegant lyk wanneer jy van kroontjie tot toontjie in swart uitgevat is. Dit bly maar stylvol. – Susra Matthee (moderedakteur).

Moet-hê items

• Bloese met hoë halse en strikkrae
• Leergordel
• Aanglipskoene
• Geplooide romp
• Borsspelde
• Bruin of grys jas

Die kleurwiel

• Goud

Vir ’n moderne, minder uitspattige goue voorkoms, kies ’n blink goue romp by ’n fyn gebreide truitjie. Die besondere styl is die ideale werkvoorkoms. Vermy ’n bonkige trui by die romp omdat dit maklik outyds kan lyk. Let ook op die snit van die romp. Ons het vir seker nog nie die laaste van die immergewilde midi-romp gesien nie. Volgens die modetydskrif InStyle is dié rompe met die Winter/Herfs 2015/16-vertonings glo 2 627 keer op Pinterest te sien. Volg ons op Pinterest.

• Swart

‘Victoriaanse swart’  is die nuwe swart. Die gevoel is sag, maar met baie drama – dink fladderende chiffon, delikate borduurwerk en die mooiste kant.

Een van die winter se moet-hê items (in enige kleur) is die bloes. Die keer is die kledingstuk sagter, vrouliker en van ligte materiaal (nie katoen nie). Die bloes is met valle en kantdetail versier en met ’n strik of ’n hooggesnyde kraag afgerond.

• Rooi

Skarlakenrooi, bloedrooi, tamatierooi, noem dit wat jy wil, solank jy net rooi dra, want dié baldadige kleur is in. Dra rooi van kroon tot toon, of saam met ligpienk. Ja, saam met ligpienk, en moenie bang wees nie, jy sal nie soos ’n Valentynsgeskenk lyk nie.

Wie lyk goed in rooi? Vroue met medium tot donkerbruin hare en helder groen of blou oë lyk goed in helder rooi. Mense met ligte velle lyk beter in ’n ligter rooi, en moet liefs donkerder skakerings soos maroen vermy.

• Roes

Dis nou nie juis of ’n mens gaande raak oor roes nie, maar kom dit by haarkleur, grimering en klere, bly dit ’n gunsteling en is dit gelukkig ook een van die kleure van die seisoen.

• Mostert

Die ‘afskeepkleur’ is met mening terug en boonop statiger as voorheen. Victoria Beckham en Prada was van die eerstes wat mosterd op die loopplank gebruik het.

Wie lyk goed in Mosterd? Mosterd lyk goed by donker velle en donkerbruin hare.

• Mosgroen

Dink aan al die skakerings van mos in die natuur: van die helderder geelgroen kleure en kakiegroen tot donker, byna dennegroen. Dié kleur word ‘mosgroen’ genoem en is perfek vir die luukse, stedelike styl met sy weelderige materiale.

• Geskroeide lemoen

Die sewentigerjare se style is vanjaar effens deftiger: lang rokke met Boheemse patrone, weelderige materiale, fraiings en in herfskleure. Maar dit beteken nie jy moet die uitklokbroeke en rolhalstruie wegpak nie.

• Eiervrug

Dink aan al die skakerings van ’n eiervrug – van ’n ligter tot ’n diep-pers – en jy het die presiese skakerings wat dié winter hoogmode is.

• Kameel

Die sogenaamde ‘nerd’-styl lyk besonder goed in kameelkleur, rooskwarts en kakao. Ikoniese items soos strikbloese, brille en (nagemaakte) skouerpelsies is die moet-hê stukke vir die voorkoms. Die stukke werk ook goed saam met jasse in die vintage-styl en herfskleur rompies met baie tekstuur.

Wie lyk goed in kameel? Roesbruin- en rooikoppe en natuurlike, aarbeikleurige blondines lyk die beste in skakerings van kameel- en roomkleur. Die kontras tussen ’n porseleinvel teen ’n donker kameel- en taankleur lyk ook baie goed.

• Rooskwarts

Rooskwarts, een van die Pantone-kleure van die jaar, pas goed by die sagte kleure van die skoonheidskoningin-neiging. A-lyn mini’s, ‘babydoll’-rokke en blink skoene in rooskwarts en ander pastelkleure was volop op die loopplanke. Hou by afgeronde lyne soos ’n snyers- jas of gestruktureerde rok sodat jy nie te jonk te lyk nie.

• Kakao

’n Bruin jas is een van dié moet-hê items vir die winter. Vanjaar se jas is oorgroot met ’n effense militêre gevoel. Bruin is ook die stapelkleur van klere in die sewentiger- en stedelike styl.

• Sement

Grys en al sy skakerings is in die mode. Jy kan die verskillende skakerings van grys saam dra, of met bruin of kameelkleur kombineer.

Onder mans en vroue, in al die wêreldstede, bly grys die grootste “stadskleur”. ’n Kleur wat ’n stelling maak. Skoon lyne werk goed saam met grys.

• Cabernet

Van die kleur in jou wynglas tot die vlek wat dit op jou lippe maak, hier is ’n kleur wat jy ernstig moet opneem.

• Diepsee blou

Die blou kleur vir die seisoen moet een van die skakerings van die diepblou see wees – dink van donker turkoois tot vlootblou.

Dra ’n helder blou jas of rok saam met ander skakerings van blou of neutrale kleure, of ’n oorgroot donkerblou gestreepte hemp met opgerolde moue en toegeknoopte kraag by denims of ’n swart broek. Die nuwe blou denim is nie rekbaar nie, pas losser en moet by die some opgerol word.

The post Winter 2016 se kleurwiel appeared first on rooi rose.

Kunstig

Hierdie oog-grimering lyk omtrent soos kunswerke! Vir die meeste van ons is dit pragtig om na te kyk, maar dalk ’n bietjie te veel om self baas te raak. Dit sal selfs mooi en meer drabaar wees sonder die blokkies lyne op die oë. Die grimering is van Chanel by die Chanel 2016-17 Herfs/Winter-vertoning.

Kunstige ooggrimering: Foto: Benoît Peverelli

Vel: Les Beiges Healthy glow (R775), Eclat Lumiere (R610), Correcteur Perfefection (R610)

Wenkbroue: La Palette Sourcils de Changel in Brun (N°50) (R880)

Oë: Stylo Eyeshadow in Beige Doré (R520, beskikbaar vanaf Mei 2016), Les 4 Ombres in Tissé Essentiel (R920, beskikbaar vanaf Mei 2016), Ombre Essentiel in Midnight (R520), Dimensions Mascara in Noir (besikbaar vanaf Mei 2016 (R575), Le Crayon Khôl in Noir (R395) en Le Crayon Khôl in Ambre (R395)

Blos: Joues Contraste in Angelique (R720)
Lippe: Rouge Coco Baume (R610) en Rouge Coco in Marlène (R630)

Glinsterende rokerige ooggrimering

By Chanel se Paris in Rome 2015/2016 Métiers d’art-vertoning is hierdie mooi voorkoms geskep. Franse aktrises en Italiaanse films was die inspirasie. Die blinkers maak dit besonders, maar nie ’n moet nie, jy kan die voorkoms ook daarsonder doen. Let wel: nie al die produkte is in Suid-Afrika beskikbaar nie. Die voorkoms sal veral mooi lyk saam met swart, kant klere wat nou baie in is!

Glinsterende rokerige ooggrimering Foto: Benoît Peverelli vir Chanel

Hierdie Chanel-produkte is gebruik:

Vel: Les Beiges Healthy glow (R775), Eclat Lumiere (R610), Correcteur Perfefection (R610), Poudre Universelle Libre (R830)

Wenkbroue: La Palette Sourcils de Changel in Brun (N°50) (R880)

Oë: Illusion d’Ombre in Griffith Green (N°126), deel van die beperkte weergawe Sunrise Spring 2016-versameling (R475), Illusion d’Ombre Velvet in Fleur de Pierre” (N°106) (R475), Stylo Yeux Waterproof in Noir Intense” (N°88) (R450) en Le Volume de Chanel in Noir” (N°10) (R575)

Wange: Les Beiges Healthy glow powder (R880)

Lippe: Rouge Coco Baume (R610) en Rouge Coco Stylo Script” (N°218 (R545), eers vanaf September in Suid-Afrika beskikbaar

Natuurlik

Hierdie is ’n voorkoms wat by almal sal pas. Dra dit saam met mode se nerd-voorkoms (dink pelsies, nerd-brille en strikbloese) om ’n kontras tussen die amper outydse mode en moderne natuurlike grimering te skep. Clarins het hierdie grimering by die Herfs/Winter 2016-2017-modeweek in Parys vir die Mugler-vertoning gedoen.

Natuurlike Clarins grimering by Mugler-vertoning. Foto: Mugler

Die grimering wat gebruik is:

Vel: Clarins Truth Radiance Foundation SPF 15 (R315) en Clarins Bronzing Duo SPF 15 Mineral Powder Compact (R395)

Oë: Clarins Eye Quartet Mineral Palette in Rosewood (R495) en Clarins Be Long Mascara (R295)

The post Ooggrimering: WinterTrends2016 appeared first on rooi rose.