Instructions

1 Verhit die olie in ’n groot swaarboomkastrol, braai die ui, preie en knoffel oor lae hitte daarin tot sag. Verhoog die temperatuur en braai die wortels en seldery tot al die groente goudkleurig is.
2 Voeg die patats by en braai tot sag.
3 Gooi die krulkool, babakool en spinasie by en braai tot dit begin verwelk. Gooi die rissievlokkies by en braai vir nog 10 min.
4 Roer die fyngedrukte tamaties, aftreksel, lourierblare, tiemie en heel en fyngedrukte bone by en geur na smaak. Bring tot kookpunt. Verlaag die hitte en laat prut vir 35 min. of tot die groente sag is.
5 Skep die lourierblare uit en gooi die opgebreekte brood by die sop. Laat prut vir nog 10 min. tot die brood uitmekaar begin val en die sopbredie lekker dik is. Gooi die 2 k parmesaan by en roer deur.
6 Verhit die oondrooster. Pak die tama-ties op ’n bakplaat en sprinkel die olyf-olie en sout oor. Rooster tot die tamaties begin oopbars. Pak die snye brood uit op ’n bakplaat, sprinkel olyfolie en die ekstra parmesaankaas bo-oor.
7 Rooster vir so 6-7 min. tot goudkleurig en bros. Skep die sop in bakkies en sit die brood en geroosterde tamaties daarop.

Instructions

1 Voorverhit die oond tot 160 °C.
2 Verhit die olie in ’n groot oondvaste kastrol oor hoë hitte. Geur die lamsvleis met sout en swartpeper en braai elke skenkel tot goudkleurig alkant. Haal uit die kastrol en hou eenkant.
3 Verlaag die temperatuur en braai die uie, wortels en seldery tot goudkleurig. Voeg die knoffel by en braai vir nog 3 min. Gooi die tamatiepasta by en braai tot gekaramelliseer.
4 Gooi die wyn by en skraap al die gebraaide deeltjies met ’n houtlepel van die boom van die kastrol af. Kook vir 3-4 min. of tot al die alkohol uitgekook is.
5 Voeg die aftreksel, tamaties, kruie en die skenkels by en bedek met foelie of ’n deksel. Sit vir 2–2½ uur in die oond of tot die vleis sag is.
6 Haal uit en verwyder die bene. Trek die vleis ruweg met twee vurke uitmekaar en roer die room by. Geur na smaak. Sit met die gnocchi voor.

Instructions

1 Verhit die olie in ’n groot kastrol oor matige hitte. Braai die ui vir 4-5 min. daarin tot sag. Voeg die knoffel by en braai vir nog 3 min.
2 Gooi die aftreksel en klapperroom in ’n ander kastrol, bring tot kookpunt en verlaag die temperatuur baie.
3 Gooi die rys by die uie in die ander kastrol en braai vir 2-3 min. of tot die rys liggies gerooster is en met olie bedek is.
4 Gooi die wyn by en roer tot al die alkohol uitgekook is.
5 Gooi ½ k van die warm aftrekselmengsel op ’n slag by en roer tot al die vog weggekook is. Herhaal tot die aftreksel op is, of tot die rys gaar is.
6 Meng die botter deur en geur na smaak.

Instructions

1 Voorverhit die oond tot 160 ˚C.
Sny die nek in twee ewe groot stukke. Geur die vleis goed met die sout en laat eenkant staan.
2 Verhit die olie in ’n groot oondbestande swaarboomkastrol met ’n deksel. Braai die vleis alkant tot goudkleurig. Haal uit en hou eenkant.
3 Verlaag die temperatuur effens en gooi die knoffel, preie en vinkel in die kastrol. Braai vir 7-8 min. tot goudkleurig.
4 Sit die vleis terug in die kastrol en gooi die melk, kruie en suurlemoenskil by. Maak dig toe met die deksel. Sit vir 2½ uur in die oond. Draai die vleis elke 30 min. om.
5 Haal die deksel af, sit die kastrol terug in die oond vir nog 20 min. of tot die vleis sag is en die melk afgekook het.

Polenta
6 Gooi die melk en room in ’n middel-slagkastrol en verhit oor matige hitte. Hou maar mooi dop. Gooi die polenta in ’n dun straaltjie by die melk terwyl jy dit deurentyd met ’n draadklitser roer.
7 Kook die polenta vir 5 min. tot dit begin verdik en verlaag dan die tempe-ratuur. Laat prut saggies vir 30 min. tot dit gaar en dik is. Roer dit elke nou en dan deur. Geur met sout.
8 Smelt die botter in ’n pannetjie oor matige hitte en voeg die salie wat jy uitgehou het by.
9 Braai die botter tot neuterig en goudkleurig. Trek van die hitte af en hou eenkant.
10 Sny die vleis in dik skywe en sit voor met die sagte polenta met die salie-bruinbotter bo-oor gesprinkel.

Instructions

1 Was die hoenders en druk met kombuispapier droog. Geur die binnekant met Maldon-sout. Sit ’n paar knoffelhuisies en ’n bossie lourierblaar in elke hoender.
2 Sit in ’n oondpan en geur oral met Maldon-sout. Vryf die olyfolie oor die hoenders. Voeg die pekeluitjies by.
3 Bak die hoenders vir 1 uur 20 min. by 200 °C. Draai die pan een keer om. (Toets gaarheid deur die boudjie van die dytjie weg te trek - die vleis moet wit wees en die sappe helder.)
4 Haal die hoenders uit, lig uit die pan, bedek met foelie en laat vir 10 min. rus. Sit die oondpan met die pansouse op ’n warm stoofplaat.
5 Druk die uie met ’n vurk plat. Laat die sous ’n bietjie afkook en voeg die room en mosterd by. Kook oor matige hitte verder af tot die sous verdik. Sit saam met die geroosterde hoender voor.

Maak so
6 Trek al die oorskietvleis van die karkasse af en hou in ’n digsluitende bak in die yskas. Jy kan ook 200 g-porsies in sakkies verseël en vir later se gebruik vries.
7 Maak ’n geurige aftreksel met die karkasse. Die aftreksel is nie helder nie - meer soos ’n Engelse broth.
8 Kook ook ekstra rys vir die Sondagmiddagete.