Die ekstra lang jas

Die ekstra lang snit het die loopplanke verlede jaar reeds getref en dit gaan nog lank daar bly. Hierdie snit is veral gewild omdat dit saam met enige uitrusting gedra kan word. Dit is egter belangrik om die regte lengte vir jóú te kies. Hoe lank of kort jy ookal is, maak seker jou jas se soom eindig tussen jou kuit en enkel. Sodoende verhoed jy dat jou uitrusting nie reghoekig voorkom nie, en jou enkel vertoon ook dunner onder die jas.

Die koekon

Net soos ’n koekon, omvou hierdie snit jou lyf soos ’n silinder en dit werk die beste saam met noupassende klere. Hierdie jasstyl is kenmerkend aan sy wyer middel en nouer some – daarvandan die koekon-naam. Dra dit toegerits saam met skouerlengte-oorrringe, of oopgerits saam met ’n fokus-nekstuk. Kies dunhakskoene met gepunte tone vir ’n meer formele voorkoms.

Soldatejas

Almal herken dié sjiek, regafsnit met sy dubbelry-knope. Hierdie klassieke jas is tydloos en sal altyd op ons top-lysie wees. Dit beteken egter nie jy hoef outyds te lyk nie – Vernuwe die styl deur jou jas met verskillende belde vas te maak. Boonop sal dit jou middel beklemtoon, veral as jy bonkige klere saam met die jas dra. Die soldatejas kom in baie lengtes voor om almal op haar beste te laat lyk.

A-snit

Dié styl is soortgelyk aan die soldatejas, maar dit klok effens uit van die middel na onder en eindig by jou knieë. Dus kan jy die jas alleen as ’n rok ook dra saam met ’n paar lang stewels en ’n serp. Bekendes soos Kate Middelton is veral lief vir hierdie snit, omdat dit ’n vleiende silhoeët, soos ’n uurglas, vertoon wat jou middel beklemtoon, maar ook breër heupe kan verdoesel.

Lees ook: Verleng jou trui se lewe

The post Almal dra ’n jas appeared first on rooi rose.

Jou velsorgroetine behels in die winter meer as net bevogtiging met ’n goeie room. Daar is ander maniere om jou vel deur hierdie temperatuurskommeling te kry.

Hier is ’n paar wenke om jou vel se glans terug te kry.

• Sonskerm, sonskyn

Die feit dat dit winter is, beteken nie jy moet nie sonskerm gebruik nie. Die winter se sonstrale is net so hard op jou vel soos die somerson. Wend sonskerm aan voor jy soggens die huis verlaat en as jy weet jy gaan deur die dag buite wees, hou die room in jou handsak sodat jy gedurig daarvan kan aanwend.

• Bevogtig die lug

Gebruik ’n vogsproeier in jou woon- en slaapkamer. Verwarmers versprei warm lug wat jou vel uitdroog – vogsproeiers plaas vog terug in droë lug wat help om jou vel te bevogtig.

• Moet dit nie aftrek nie

As jou vel deur ’n baie droë stadium gaan, vermy growwe gesigmaskers wat belangrike olies uit jou vel trek. Jy het juis hierdie olies in die winter nodig. Kies eerder ’n ligte reiniger sonder alkohol.

• Vermy hitte

’n Lekker warm bad in die middel van die winter is wonderlik, maar ’n vuurwarm bad is nie goed vir jou vel nie. Die hitte haal belangrike olies uit jou vel. Al klink ’n louwarm bad nie so lekker soos ’n warm bad nie, is dit beter vir jou vel. Probeer dit eerder.

• Versorg jou lippe

Moenie jou lippe vergeet nie – hulle verdien dieselfde hoeveelheid liefde as die res van jou lyf. Belê in ’n goeie lipbalsem wat jou lippe beskerm en bevogtig. Wend dit saans aan, asook soggens onder jou lipstiffie.

Lees ook: Raad vir ’n tienervel

The post Wenke vir ’n mooi wintervel appeared first on rooi rose.

 Deur: Elandrè Swart. 

Reën is gewoonlik welkom, maar ons huise is soms nie gereed vir die veranderinge in weerpatrone nie – wat groot skade kan veroorsaak. Instandhouding is dus noodsaaklik om jou huis te beskerm teen die koue en reënweer.

Geute

Verwyder blare en takkies uit die geute en afvoerpype om te keer dat dit verstop raak.

Dak en geiser

Maak seker jou dak is reëndig en dat jy betyds enige moontlike lekplekke herstel. As jy te lank gewag het en die reën het jou onkant gevang kan jy lekplekke tydelik regmaak met ’n silikoonseëlaar.

Tot 40% van jou huis se hitte ontsnap deur die dak. Isoleer jou plafon sowel as jou geiser en geiserpype om krag te spaar.

Vensters en deure

Maak seker jou deure en vensters kan dig sluit. Vul alle barste rondom vensters en deure om te keer dat die water nie binne die huis kan kom nie.

Swembad

Indien jy nog nie het nie, maak jou swembad toe met ’n bedekking om te keer dat die herfsblare in die filter verstop

Tuin

Maak seker dat die stormwaterdrein in jou tuin vry is van blare en ander obstruksies.

Lees ook: Berei jou tuin voor vir reën

Kaggels

Maak jou kaggel se skoorsteen skoon om blokkasies te vermy en om swak ventilasie te voorkom.

Lees ook: Kies die regte kaggel vir jou huis

Lees ook: 5 maniere om kamers groter te laat lyk

The post Kry jou huis reg vir die winter appeared first on rooi rose.

Mikrogolfoond-beesvleisbredie

Genoeg vir 4

Bestanddele

• 1 kg beesvleis (bladstuk), in 3 cm-blokkies gesny
• 1 knoffelhuisie, gekap
• 2 repies spek, in kleiner stukkies gesny
• 250 ml (1 k) cabernet sauvignon, of enige rooiwyn
• 250 ml (1 k) beesvleisaftreksel
• 15 ml (1 e) tamatiepuree
• 1 lourierblaar, ’n takkie pietersielie en ’n takkie tiemie
• 1 pak (500 g) klaarbereide en gesnyde botterskorsie
• 1 wortel, in ringe gesny
• ’n hand vol gekapte pietersielie en oregano
•  skil van 1 suurlemoen

Metode:

1. Sit al die bestanddele, behalwe die groente en gekapte kruie, in ’n groterige mikrogolfbestande kastrol of bak.
2. Kook vir 5 min. op 100% of hoog en roer goed deur.
3. Kook vir nog 25 min. op 60% of medium en roer elke 5 min.
4. Voeg die groente die laaste 10 min. by die bredie.
5. Wanneer die bredie gaar is, roer die gekapte kruie en suurlemoenskil by. Sit saam met rys of kapokaartappels voor.

Lees ook:

Pampoenbredie

Groenboontjiebredie

The post Vinnige mikrogolfoond-beesvleisbredie appeared first on rooi rose.

Resep deur Vickie de Beer. Foto Lee Schwagele van crphotographic.co.za

Genoeg vir 4.

Bestanddele

• 2 e (15 ml) botter
• 2 uie, fyngekap
• 1 t (5 ml) fyngekapte vars knoffel
• 1 e (15 ml) vars tiemie, van die takkies gestroop
• 2 middelslag-wortels, gerasper
• 2 t (10 ml) tamatiepuree
• 2 x 400 g-blikke heel tamaties
• 1 k (250 ml) goeie hoenderaftreksel
• 1 k (250 ml) melk
• ½ k (125 ml) crème fraîche
• sout en gemaalde swartpeper
• ’n hand vol vars basiliekruid, fyngekap

Kaasroosterbroodjies

• 1 k (250 ml) beleë kaas, gerasper
• 2 e (30 ml) korrelmosterd
• 2 e (30 ml) crème fraîche
• 4 groot snye brood, middeldeur gesny

Metode

Tamatiesop:

1. Verhit die botter in ’n groot kastrol oor matige hitte en braai die uie, knoffel en tiemie vir 2-3 min. daarin. Voeg die wortels by en braai vir nog 2-3 min. of tot sag en gaar.
2. Voeg die tamatiepuree by en laat die mengsel vir 2-3 min. kook.
3. Voeg die geblikte tamaties en aftreksel by en bring die mengsel tot kookpunt.
4. Voeg die melk by en laat die sop vir sowat 10-15 min. prut tot effens verdik. Voeg die crème fraîche by en trek van die hitte af.
5. Verhit die oond tot 180 ˚C.
6. Verwerk die sop in ’n voedselverwerker of met ’n stokmenger tot glad en romerig. Geur met sout en gemaalde swartpeper.

Broodjies: Meng die kaas, mosterd en crème fraîche in ’n mengbak.

1. Skep 2 e (30 ml) van die kaasmengsel op elke sny brood.
2. Sit die brood op ’n bakplaat en bak tot die brood bros en die kaas gesmelt is.
3. Sit die tamatiesop met vars basiliekruid, ekstra crème fraîche en die warm kaasroosterbroodjies voor.

The post Tamatieroomsop met kaasroosterbroodjies appeared first on rooi rose.

Deur Cornel Dunn. Foto: Pexels.com

Hoekom jy bekommerd moet wees

Ryp beskadig plante deur yskristalle in die plant selle te vorm. Dit verhoed dat water die plantvesels bereik. Ryp beskadigde blare krimp ineen en word donkerbruin of swart.

Plante word geklassifiseer volgens die temperature wat hulle kan hanteer. Geharde plante kan ’n klein hoeveelheid van ryp hanteer terwyl meer sensitiewe plante krepeer. Sitrus, avokado’s , bougainvillea, fuchias en vetplante word gesien as sensitiewe plante. Indien jy in ’n area woon wat gereeld ryp ervaar, praat met jou plaaslike kwekery voor jy plant.

Die area is belangrik

Die hoogte van die bedding, area, grond samestelling sowel as die omliggende teenwoordigheid van strukture en plante is bepalende faktore in die hitte verspreiding. Verhoed om sensitiewe plantjies in oop en laagliggende areas te plant waar koue lug sirkuleer. Plant dit naby ’n suid- of wes liggende muur wat die hitte gedurende die dag absorbeer en snags reflekteer. Heinings en struike kan ook as beskerming dien indien die plante naby hieraan geplant word.

Beskermende metodes

• Maak die plante goed nat. Dit sluit vetplante uit. Nat grond hou hitte beter binne as droë grond.
• Daar is spesifieke doeke wat jy by jou kwekery kan koop om jou plante mee te bedek. Gebruik stokke om die doeke mee te lig sodat dit nie aan die plante raak nie.
• Verwyder die doeke sodra die temperature lig.
• Vir kort termyne kan die plante bedek word met strooi of blare. Verwyder dit sodra die temperature lig.
• Plaas ’n 100 watt buite lamp naby die bedding. Verkieslik in ’n boom.
• Groepeer potplante in ’n klein kring naby aan die huis.

Vetplante benodig ekstra sorg

Alhoewel die meeste vetplante gehard is, is ander uiters sensitief. As jy die eerste tekens van rypskade gewaar, is dit wenslik om dit binnehuis te verskuif. Hou die wat nie in potte is nie, redelik droog. As die plant selle vol water is, kan dit by vriespunt bars. Moenie beskadigde blare afpluk tensy dit vrot nie.

Moenie oorreageer nie

Plante is baie weerstandig. As jy rypskade sien, moenie onmiddellik die plant snoei of uithaal nie. Dit is veral van toepassing op palms. Wag vir warmer weer en dalk sien jy nuwe lote op die plant. Snoei slegs dan die beskadigde dele af.

Lees ook: Vyf inheemse plante vir waterwyse tuinmaak in Suid-Afrika volgens Tanya Visser

The post Beskerm jou plante teen ryp appeared first on rooi rose.

Wintershande? Ons het die allerbeste raad opgespoor. Deur Salomé Delport

Ons het ’n dokter, ’n apteker én ’n fisioterapeut gevra hoe hulle wintershande hanteer.

Behandeling vir wintershande, soos ’n dokter dit doen

Dr. Corlene Odendaal, algemene praktisyn van Aliwal-Noord in die Karoo, se raad vir pernio:

• ’n Kortisooninspuiting

“Moenie skrik omdat jy kortisoon inkry nie. Dit is ’n veilige, langwerkende formule wat die inflammasie teëwerk en die ongemak drasties verlig. Maar, jy moet vroeg in die winter kom, voor jou vingers klaar rooi en teer is.”

Dit behoort jou deur die winter te dra, maar as die winter baie lank is kan dit nodig wees om die inspuiting te herhaal. As jy dus na twee tot drie maande sien jou vingers begin weer rooi en seer raak, gaan vir ’n tweede inspuiting.

• Hou jouself warm – veral wanneer jy buite is

“Pernio ontwikkel wanneer jou yskoue hande en tone te vinnig warm word. Wanneer jy vanuit die koue binnenshuis gaan, word jou liggaam baie gou warm, wat jou are wyer maak. Die gevolg is dat baie bloed skielik na jou vingers en tone vloei – so skielik dat dit uit die fyner aartjies lek. Dit veroorsaak die inflammasie wat die jeuk-brand en rooiheid veroorsaak.

Die beste voorkoming is om jou hande en voete altyd egalig warm te hou sodat jy daardie opwarming wanneer jy van buite af binnetoe kom, minimaliseer.”

Dus: voor jy buitentoe gaan, moet jy alles doen wat jy kan om jouself warm te hou. Trek warm handskoene aan en dra goeie wolkouse om jou voete warm te hou. Dra ’n mus of ’n serp om jou ore en neus te beskerm.

Party mense raak snags baie koud. Slaap in warm nagklere, met lekker dik kouse, handskoene en ’n slaapmus. Gaan slaap met ’n warmwatersak, elektriese sakkies of gebruik ’n ‘all-nighter‘ elektriese kombers, as jy kan.

Lees ook: Raad vir hardlywigheid

• Die geheim is louwarm water

“As jy van buite af inkom en jou hande en/of voete is baie koud, moet jy hulle baie geleidelik klimatiseer. Week die ledemate in water wat na jou gevoel net-net louwarm is. Die water moet nié te warm wees nie. Dus moet iemand anders nie besluit hieroor nie. Net jy weet wat is louwarm vir jou hande en voete.

Eers as jou hande en/of voete aan die louwarm water gewoond is, voeg jy ’n klein bietjie effens warmer water by om die temperatuur geleidelik op stoot. Die punt is dat jou tone en vingers stadig moet warm word – nooit vinnig nie.”

Selfhelp vir wintershande by jou apteek

’n Clicks-apteker van Durbanville, Kaapstad, sê jy kan jouself help, veral as jou wintershande nie te erg is nie. Haar raad is:

• Anti-inflammatoriese salf

“Wend anti-infammatoriese salf aan sodra jou vingers en/of tone rooi begin raak.”

• Aspirien

“Een van die vernaamste redes vir wintershande is swak bloedsomloop, veral by seniors en mense wat sitwerk doen. Dit help dus om jou bloed te verdun, sodat dit makliker na die kleinste aartjies in jou vingers en tone kan vloei. Die oplossing hiervoor is ’n halwe dosis aspirien per dag, die hele winter deur.

Maar – baie belangrik – gesels met jou apteker voor jy aspirien vir jouself voorskryf, veral as jy diabetes, ’n harttoestand of allergie het of op chroniese medikasie is. Aspirien kan die werking van ander medikasie beïnvloed.”

• Bietjie brandewyn  … nie vir die keel nie

Jy drink dit nie. Jy smeer dit aan jou vingers en tone. Drankies – brandewyn of andersins – is nié doepa vir wintershande nie. Dit kan pernio vererger.

Raad vir wintershande van ’n fisioterapeut

Fisioterapeute kan jou ook met winershande help, veral as dit gaan oor swak bloedsomloop. Anneret Wolfaardt, ’n Kaapse fisioterapeut, se raad is die volgende:

• Ken jy die oefeformule? Gebruik hom!

“Die beste raad is om jou sentrale bloedsirkulasie tiptop te hou. Hoe beter die bloedsirkuasie in jou romp is, hoe beter reguleer jou liggaam bloedvloei na jou tone, vingers en ore.”

Hoe kry jy dit reg?

Oefen elke dag vir twintig minute om jou bloedsomloop goed aan die gang te kry.

Maar jy moet hárd oefen, selfs al is jy bejaard. Oefen hard genoeg dat jou hartklop goed opgejaag word, want eers dan baat jy daarby, maar nie so hard dat jou hart skade ly nie. Daar is inderdaad ’n formule wat jou wys presies hoe hard jy moet oefen. Die geheime formule is “80% van 220 minus jou ouderdom.”

Vir iemand van 68 werk dit uit op 220-68=152; 80% daarvan is 121. Sy moet dus so hard oefen dat haar hart 121 slae per minuut haal, met ander woorde ’n polsslag van 30 in 15 sekondes. Onthou dat meer as dertig slae per minuut skadelik kan wees vir jou huidige vlak van fiksheid. Soos jy fikser raak, sal jy harder moet oefen om by 30 uit te kom.

• As jy 30 is, moet jy só oefen dat jou hart 38 slae in 15 sekondes haal
• Op 40 is jou mikpunt ’n polsslag van 36
• Op 50 is dit 34 hartsslae
• En op 60 is dit 32 slae in 15 sekondes

As jy regtig baie onfiks is, begin stadiger en verhoog jou telling geleidelik tot jy jou teiken bereik. Moenie jou syfer oorskry nie.

• Keer wintershande met warm onderklere

“’n Tweede manier om te sorg dat die bloedvloei na jou hande en voete optimaal bly, is om te sorg dat jou lyf gemaklik warm is. Frokkies en langjannies van wol en katoen wat hitte teen jou lyf skep en hou, is uitstekend, of kyk na die lieflike nuwe materiaal wat vir bergklimmers ontwikkel is. Dit is dun sodat jy gemaklik voel, en haal asem sodat jy jou nie nat sweet nie, selfs al oefen jy.”

Lees ook: Hoeveel slaap het jy regtig nodig?

The post Wintershande? Ons het die allerbeste raad opgespoor appeared first on rooi rose.

Jy kán hierdie winter gemotiveerd bly vir oefening! deur Anet Schoeman 

Dit bly maar ’n uitdaging om te oefen as dit nat en koud is, maar as jy eers in die gewoonte is, gaan jy só lekker voel. Boonop keer dit dat jy in die koue maande soos ’n mosbolletjie uitrys.

Jy kán gemotiveerd vir oefening bly hierdie winter!

Hier is 10 goeie wenke:

1. Oefen vir iets

Skryf vir ’n wedren in September in en vertel al wat leef en beef daarvan.

Lees ook: Jy vra: Hoekom kry mens net in die winter griep?

2. Brei jou klerekas uit

Kry die regte klere vir die weer. Beskou dit as ’n belegging in jou gesondheid.

Lees ook: 6 wenke vir wanneer jy oefenklere koop

Help, my oefenklere stink! 

3. Teken in vir iets wat jou motiveer

Teken in op ’n oefentydskrif wat jou elke maand aan jou doelwitte herinner.

Lees ook: 7 maniere om jou bloeddruk laag te hou

Teken in vir rooi rose

4. Twee (of meer) is beter as een

Kry ’n oefenmaat of sluit by ’n klub aan.

Lees ook: 8 wenke om in die koue te draf

5. Word wakker met ’n glimlag op jou gesig.

Kies ’n lekker liedjie vir jou wekker, eerder as daardie irriterende wekkerklank. Jy sal makliker opstaan om te gaan oefen.

Lees ook: Die beste wenke vir winterfiksheid

6. Slim warm!

Kry ’n verwarmer met ’n outomatiese skakelaar (jy kan dit afsonderlik koop) wat jou kamer ’n halfuur voor opstaantyd begin warm maak .

Lees ook: Hou ’n slaapdagboek om jou nagrus te verbeter

7. Probeer iets nuuts

Kry ’n nuwe oefensoort vir die winter. Kyk na dansoefenklasse, nuwe tromoefeninge, regte danslesse, enigiets om jou aan die beweeg te kry. Hoor by die gim wat nuut en interessant is.

Lees ook: Jy is nooit te oud om fiets te ry nie!

28-dag oefenplan vir beginner-fietsryers

8. Warm op!

Warm op voor jy uitgaan deur rond te spring of vir ’n paar minute op die plek te draf.

Lees ook: Oorkom die winter blues!

9. Nou is ’n goeie tyd vir lesse

As jy graag ’n driekamp wil doen, is dit die tyd om aan ekstra swemlesse te bestee, of dalk aan Wattbike-fietsryklasse

Lees ook: Oefen só wanneer jy bibber

10. Oefen binne

Regtig te koud buite? Speel harde musiek en kry ’n oefenroetine wat jy in die huis kan doen.

Lees ook: “Plank”: Die een oefening wat almal elke dag moet doen

The post Jy kán hierdie winter gemotiveerd bly vir oefening! appeared first on rooi rose.

Ons het die Cochrane Library deurgewerk om te sien wat navorsing oor verskillende vitamiene en kruie te sê het. Party werk terwyl ander net geld in die water is.

Iets interessant: Jy moet weet wanneer om hulle te neem en verstaan wat elkeen vir jou kan doen. Knoffel kan byvoorbeeld help keer dat jy verkoue kry. Maar as jy eers verkoue het, is dit te laat vir knoffel. Dan gaan malva-ekstrak jou baie beter help.

Dit werk so: Verkoues kom in fases. Jy voel hom aankom, of jy het hom. En dan kan jy maar net die simptome probeer verlig of probeer om hom vinniger oor te kry.

1 Selfhelpplanne wat verkoues keer

’n Bederfdingetjie

• Talle ondersoeke wys dat verkouevirusse eintlik nie so maklik aansteek of mense siek maak nie. Hulle kan selfs in jou neus beland en niks meer as ’n krieweling veroorsaak nie.
• Die sleutel is stres – sielkundig en fisies.
• Fisieke moegheid omdat jy te min slaap, te hard werk of te veel oefen verswak jou immuunstelsel. Emosionele stres verhoog jou kortisolvlakke, wat jou immuunstelsel onderdruk.
• Help jou immuunstelsel deur jou lyf te laat rus en jou kop te laat ontspan met iets wat nét lekker is.

Probiotika

• Probiotika is een van die onderskatte verkouemiddels, aldus die Cochrane-verslae.
• Gereelde gebruikers van probiotika het nie net minder verkoues gekry nie, maar hul verkoues het korter geduur, hulle het minder kere antibiotika vir komplikasies nodig gehad en hulle was minder afwesig van die skool of werk.

Knoffel

• Die meeste van ons kry twee tot vier verkoues per jaar.
• ’n Cochrane-vergelyking het gewys dat knoffel verkoue met minstens die helfte verminder – jy kan met een of twee verkoues per jaar wegkom.
• Dit is nou as jy in die wintermaande elke dag knoffel of ’n knoffelpil gebruik.
• Werk vars knoffel? Vermoedelik ja, maar met ’n knoffelpil kry jy genoeg knoffel, terwyl jy waarskynlik nie elke dag genoeg knoffel sal eet nie.
• Oppas vir klaarbereide gekapte knoffel in olie. Dit is dikwels niks anders as uie in knoffelgegeurde olie, en sal dus niks help nie.
• Wat van knoffel as jy reeds verkoue het? Dan is dit te laat vir knoffel. Dit laat jou nie vinniger van jou verkoue herstel nie.

Vars knoffel

2 Selfhelpplanne wat die simptome van ’n slegte verkoue verlig

Volgens die Cochrane-verslae help dit nie om elke dag deur die winter vitamien C te drink om te keer dat jy verkoue kry nie. Maar ekstra vitamien C wanneer jy reeds ’n verkoue het sorg vir ’n ligter verkoue wat boonop gouer verby is.

Doen jy harde wintersport? Volgens Cochrane help vitamien C vóór jou rugby- of netbalsessie om jou teen verkoues te beskerm.

Vars lemoen

• Pelargonium (malva-ekstrak)

• Aspirien

Aspiriene, ibuprofens en naproxen verlig beslis jou olikheid – veral lyfseer, gewrigpyne, oorpyn en kopseer. Dit help ook dat jy beduidend minder nies. Maar dit help min vir koors, hoes of om die swelling in jou sinusse te verlig. Dit sal ook nie help dat jy gouer op die been is nie.

• Parasetamol

Sal jy beter voel as jy parasetamol-pille drink om jou olikheid te verlig? Die navorsers sê die uitslae weerspreek mekaar. Hulle kan jou nie parasetamol aanbeveel of afraai nie.

3 Selfhelp planne wat jou verkoue gouer kan laat oorgaan

Sink
Jou verkoue sal gouer oor wees as jy sink begin gebruik binne 24 uur vandat jy voel ’n verkoue is aan die kom. Maar dan moet jy genoeg sink inneem – minstens 75 mg per dag. Party mense voel naar daarvan.

Sal jy verkoue weghou deur elke dag sink te drink? Nee, ongelukkig nie.

Echinacea
Die resultate was baie wisselvallig. Die outeurs vermoed dit gaan oor die gehalte. Topgehalte produkte met ’n hoë konsentrasie van Echinacea kan die duur van verkoues verkort, terwyl ‘flou’ produkte jou net geld uit die sak jaag. Skynbaar ontwikkel ’n beduidende groep mense newe-effekte van Echinacea. Onthou ook dat Echinacea die Pil minder doeltreffend maak. Oppas vir swangerskap weens jou verkoue!

Soutspoeling
Dit help. Maar die verskil is bra klein. Sinusspoelers se verkoues is maar net ’n halwe dag korter. Maar daar is twee groot voordele:

• Die meeste is ook ’n dag of wat minder afwesig van die werk.
• En hulle word effens minder kere op antibiotika gesit as nie-spoelers

Soutspoeling kan die slymvliese uitdroog. Dit kan ’n voordeel wees as jou neus baie loop. Maar dit kan nadelig wees omdat neusslym juis die doderselle bevat wat die verkouevirusse moet vernietig.

Vars sout

The post Kruie en vitamiene vir jou verkoue appeared first on rooi rose.

Pak jou jou somerlinne só weg deur Cornel Dunn. Hooffoto: iStock.

1. Was jou beddegoed met sorg

Moenie net die oortreksels en slope was nie; onthou ook van die duvet en die kussings om te verseker dat alles vir ’n slag silwerskoon is.

As jou wasmasjien groot genoeg is, kan jy dit versigtig tuis was. Indien nie, maak gebruik van ’n wassery. Lees die instruksies op die  beddegoed sorgvuldig deur om te verseker dat dit nie beskadig word nie.  Was delikate kussings en erfstukke met die hand en sondroog.

Hierdie is ook ’n goeie tyd om na die toestand van jou beddegoed te kyk. Vervang of herstel enigiets wat ’n bietjie aandag kort.

Lees ook: Die knusste kussings: Alles wat jy moet weet voordat jy weer beddegoed koop

Pixabay

2. Maak seker dis kurkdroog

Klammigheid is bedlinne se grootste vyand. Gooi ’n paar bolle wol of ’n skoon tennisbal saam met die linne in die tuimeldroër. Dit help die warm lug beter sirkuleer en pof die beddegoed uit.

Selfs ná ’n sessie in die droër kan jy die dekens en ander dikker items vir ’n paar uur in die son laat om enige oorblywende klammigheid te verhoed. Niemand wil aan die begin van die lente verras word met muwwerige beddegoed nie!

Lees ook: Verleng die lewe van jou gunsteling-jeans

pexels

3. Stoor jou linne slim

Wanneer jou linne skoon en droog is, plaas dit in ’n materiaalsak om dit teen stof te beskerm.

Jy kan dit eers met linnesproei behandel, of ’n sakkie laventel daarmee saam wegpak. Dit sal die linne vir maande geurig hou.

Vermy egter verseëlde plastieksakke omdat dit die materiaal laat vergeel.

Antieke linne kan tussen lae suurvrye papier weggepak word.

Lees ook: Allergies vir stofmyt? 14 plekke waar hulle in jou huis skuil

Pixabay

4. Tot volgende somer!

Plaas die sakke met linne in ’n stofvrye area met lae humiditeit soos ’n gangkas.

Indien jy nie ’n gangkas het nie, belê in ’n houtkis wat jy aan die voet van jou bed kan plaas vir stoorplek. Dit lyk sommer ook luuks!

Lees ook: Kies die regte kaggel vir jou huis

The post Pak jou somerlinne só weg appeared first on rooi rose.

Die beste-este steak-toebroodjie deur Vickie de Beer, bygestaan deur Inemarie Rabie. Foto: Lee Schwagele, CRPhotographic.

Bestanddele

• ½ rooi-ui, geskil en in ringe gesny
• 5 ml (1 t) suiker
• 10 ml (2 e) rooiwynasyn
• 400 g beesfilet in dun steaks gesny (probeer minstens 8 steaks uitkry, 2 vir elke broodjie)
• 8 lappies beleë chedder
• 8 snye suurdeegbrood
• 30 ml (2 e) crème fraîche
• 30 ml (2 e) Dijon-mosterd
• 45 ml (3 e) botter

Sous

• 45 ml (3 e) olyfolie
• 15 ml (1 e) rooiwynasyn
• 1 knoffelhuisie, geskil en fyngekap
• 1 anjovisfilet
• 5 ml (1 t) Dijon-mosterd
• 5 ml (1 t) heuning
• 60 ml (¼ k) crème fraîche
• ’n hand vol (omtrent 20) basiliekruidblare
• ’n klein handjie vol Italiaanse pietersielie
• ’n hand vol roketblare, gewas

Metode

Begin met die sous

1. Gooi al die bestanddele, behalwe die roketblare, in die bak van ’n voedselverwerker en verwerk tot glad (of gebruik ’n stokmenger).
2. Meng die uie, suiker en asyn in ’n klein bakkie en hou eenkant tot benodig.

Broodjies

1. Meng die crème fraiche en mosterd en hou eenkant. Verhit die botter oor matige hitte in ’n middelslagpan. Braai elke sny brood vinnig aan albei kante daarin tot goudkleurig. Haal uit en hou eenkant.
2. Verhit ’n swaarboom-riffelpan oor hoë hitte. Geur die steaks met sout en smeer met olyfolie. Skroei die vleis om die beurt (1-2 min.) aan elke kant in die verhitte pan. Moenie die pan te vol pak nie, en laat die pan weer goed warm word voor die volgende steaks gebraai word. Laat rus.
3. Sit al die steaks terug in die pan en sit ’n lappie kaas op elkeen, laat staan om te smelt.
4. Pak die brood op ’n broodbord. Smeer een kant van 4 van die snye met die crème fraîche-en-mosterdmengsel.
5. Sit 2 skywe steaks op elke broodjie gevolg deur ’n groot skep van die sous, ’n paar roketblare en die gepiekelde uie.
6. Sit die ander snye brood bo-op elke broodjie en val weg!

The post Die beste-este steak-toebroodjie appeared first on rooi rose.

Romerige wildesampioen-risotto. Resep deur Vickie de Beer

Bestanddele

• 1,5 liter hoenderaftreksel
• 15 ml (1 e) olyfolie
• 2 middelslaguie, fyn gekap
• 10 ml (2 t) gekapte knoffel
• 400 g risottorys (arborio)
• 125 ml (½ k) droë witwyn
• 50 g droë porcini-sampioene (te kry by Woolies, delikatesses, of sommige Spar-winkels)
• 125 ml (½ k) warm water
• 125 g parmesaan, gerasper
• sout en gemaalde swartpeper
• 30 ml (2 e) botter
• ’n Groot hand vol gemengde sampioene soos portobellini, sjiitake, enoki en oestersampioene

Metode

1. Verhit die hoenderaftreksel in ’n klein kastrol en hou warm maar moenie laat kook nie.
2. Verhit die olyfolie in ’n middelslagkastrol en braai die uie en knoffel daarin tot sag en deurskynend. Voeg die rys by en braai saam tot al die korrels met olie bedek is. Voeg die witwyn by en roer tot al die vloeistof geabsorbeer is en weggekook het.
3. Voeg die warm hoenderaftreksel ’n half koppie op ’n slag by en roer ná elke byvoeging. Wag tot al die vloeistof geabsorbeer is voor jy die volgende koppie byvoeg.
4. Sit die droë porcini-sampioene in ’n mengbak en gooi die warm water oor. Laat staan vir 20 min. en voeg dan by die risotto. Roer die parmesaan by en geur met sout en gemaalde swartpeper.
5. Verhit die botter in ’n braaipan en braai die eksotiese sampioene ’n bietjie op ’n slag daarin tot goudbruin. Skep die warm sampioene en van die pansous oor die risotto en sit met ekstra skaafsels parmesaan voor.

Lees nog:

Romerige sampioensop met kraakbrode

Pêrelgort-en-sampioen-risotto

The post Romerige wildesampioen-risotto appeared first on rooi rose.

Lees nog: 

Deegdekseltjie vir sop

Geurige hoendersop

The post Basiese hoender-en-groente-sop appeared first on rooi rose.

Ribollita deur Vickie de Beer, bygestaan deur Inemarie Rabie. Foto: Lindy Kriek

The post Ribollita appeared first on rooi rose.