Deur Maryke Roberts. Foto’s: Clifford Roberts

Die Sauvignon-safari sal ’n interaktiewe om-die-wêreld ervaring van Sauvignon Blanc wees, wat ’n proe van deelnemende Concours-mededingende wyne, sowel as trofee-, goue- en silwermedaljewenners van vanjaar se kompetisie, insluit. Volledige uitslae is na Maandag by www.cmsauvignon.com beskikbaar.

Suid-Afrika het vandeesweek nog meer rede om breëbors te wees. Die mees gesogte Sauvignon Blanc-kompetisie ter wêreld, is vir die eerste keer ooit in ’n Nuwe Wêreld Land, op die Afrika kontinent en spesifiek Suid-Afrikaanse bodem, aangebied.

“Dit is ’n droom wat waar geword het,” sê RJ Botha, voorsitter van Sauvignon Blanc Suid-Afrika. “Ons het vier jaar gelede begin met onderhandelinge met Quentin Havaux, direkteur van die Concours Mondial du Sauvignon en uiteindelik is hulle hier.”

Die Concours Mondial du Sauvignon word tot laatmiddag vandag in Franschhoek beoordeel. Tydens hierdie kompetisie sal Suid-Afrika se opwindende Sauvignon Blanc-streke ook ten toon gestel word deur daaglikse uitstappies na Durbanville, Constantia en Stellenbosch, en met spesiale aandetes wat deur Diemersdal, Groot Constantia en Vergelegen aangebied word.

Beoordeling het drie dae geduur en die resultate sal Maandag 20 Maart 2023 in Düsseldorf, Duitsland, by Prowein, die enigste internasionale handelskou wat die globale mark dek, bekend gemaak word.

Meer as 1 000 Sauvignon Blanc-wyne ding mee om die aandag van 50 beoordelaars waarvan 40 internasionaal en 10 plaaslike wynkenners is. Die gewaardeerde proeërs, ’n uitgesoekte paneel van regoor die wêreld, sluit in Andrea Amadei, joernalis by Decanter van Italië, Jean Smullen, joernalis en wyngeleentheidsbestuurder van Ierland, wynskrywer Paula Sidore van Duitsland, Peter De Leeuw, besturende direkteur van Kaapwijn Import De Leeuw in België, Christophe Bourgeois, wynprodusent in Frankryk, Daphne Teremetz, wynkoper by Waitrose Verenigde Koninkryk en Stefan Potzinger, President van die Oostenrykse Wynvereniging. Die res van die internasionale beoordelaars kom van Brasilië, Kroasië, Denemarke, Italië, Meksiko, Nederland, Noorweë, Pole, Spanje, Swede, Oostenryk, Frankryk, Duitsland, België, Groot-Brittanje en die Verenigde State.

Aurelio Montes Baseden van Chili (links) is een van die 40 internasionale beoordelaars. By hom staan Martin Moore, keldermeester by Durbanville Hills en Natasha de Villiers, bestuurder van die Durbanville Wynvallei-bestuurder.

Joernaliste en ander wynmakers is hierdie week saam met die beoordelaars by Durbanville Hills wynkelder onthaal, waar die wynvallei se beste en bekroonde Sauvignon blancs geproe kon word.

Natasha de Villiers, bestuurder van die Durbanville Wynvallei, het almal verwelkom en gesê op dié safari gaan ons nie die Groot 5 sien nie maar 13 top Sauvignon blancs.

Gaste is in groepe verdeel, wat na bekende landmerke in en om die vallei genoem is en by elke tafel as twee wynplase gereed met wyne. Elke tafel het ook ’n bypassende peuselhappie gehad, wat die beste elemente in die wyne na vore gebring het. Plase kon ouer en meer onlangse gehoute, ongehoute, wildgegiste of vonkelwyne ten toon stel.

Dis groot pret as die fotograaf vra jy moet vir jou buurvrou wyn ingooi, glimlag en vir die kamera kyk! Steffi Layer van Diemersdal en Irené Botha van Signal Gun se het hulle egter baie goed van hul taak gekwyt! Die Signal Gun Sauvignon blanc kom uit die hoogste SB wingerde in die Wes-Kaap, dit groei teen 455 meter bo seespieël.

Witwyne van Altydgedacht, Bloemendal, Canto, D’Aria, De Grendel, Diemersdal, Durbanville Hills, Groot Phesantekraal, Klein Roosboom, Nitida, Signal Gun, Maastricht en Meerendal geproe.

Nadat die witwyne geproe is, het almal na die restaurant beweeg vir ’n oesfees en rooiwyne van die streek geproe.

Martin Moore, keldermeester by Durbanville Hills, het aan gaste gesê: “Ek ken die vallei baie goed. Ek was van die eerste baksteen hier. Hier baklei ons nie met mekaar nie, ons baklei eerder om Durbanville wynvallei se heerlike wyne op almal se lippe te hou.”

Die operasanger, Elizabeth Marais, het gaste met bekende operamusiek vermaak.

Elizabeth Marais het gaste met bekende operamusiek vermaak. Haar pragtige rok van tradisionele shwe shwe materiaal, is blou en wit, Durbanville Wynvallei se roetekleure.

Lees ook: Groot gebeure by Perdeberg die afgelope twee jaar

The post Gesondheid op Suid-Afrikaanse Sauvignon Blancs! appeared first on rooi rose.

Deur Maryke Roberts

Vanjaar se kompetisie, die enigste kompetisie ten volle toegewy aan Sauvignon Blanc, is weereens met die ondersteuning van die Top 10-titelvennoot FNB en die platinumvennoot EVER Solutions aangebied. Van die tien kampioenwyne is ses van die 2022-oesjaar, drie van 2021 en een van 2020. Die wenners kom van vele uiteenlopende streke soos Bonnievale en Worcester, Durbanville en Kaapstad, Stellenbosch se Polkadraai-heuwels, Elgin en Elim. 

Vanjaar se Top 10 (in alfabetiese volgorde) is: Bonnievale The River Collection Sauvignon Blanc 2022, Cilmor Winemaker’s Selection Sauvignon Blanc 2021, De Grendel Sauvignon Blanc 2022, Diemersdal Sauvignon Blanc Reserve 2022, Kleine Zalze Vineyard Selection Sauvignon Blanc 2022, KWV Cathedral Cellar Sauvignon Blanc 2020, Paul Clüver Village Sauvignon Blanc 2022, Spier 21 Gables Sauvignon Blanc 2021, Strandveld Pofadderbos Sauvignon Blanc 2022 en Zevenwacht Z Collection Sauvignon Blanc 2021. 

Die wenners van vanjaar se 2022 FNB Sauvignon Blanc SA Top 10-kompetisie.

Die wenners is voor van links Front: Andries Burger (Paul Clüver), Kobus van der Merwe (KWV), Quintin van der Westhuizen (Cilmor), Edwin Mathambo (Bonnievale), Nataleé Botha (Kleine Zalze) en Hagen Viljoen (Zevenwacht). Agter is Johan Jordaan (Spier), Charles Hopkins (De Grendel), Stephan Claassen (FNB se provinsiale besigheidshoof in die Wes- en Oos-Kaap), Shaun McVey (Strandveld), Juandre Bruwer (Diemersdal), Brent Claassens (besturende direkteur EVER Solutions).

Die paneel vir vanjaar se beoordeling was Dr. Winifred Bowman (Kaapse Wynmeester en sameroeper van die beoordelaarspaneel), Fiona McDonald (wynbeoordelaar en -skrywer), Johann Fourie (hoofwynmaker by Benguela Cove), Morgan Steyn (wynmaker by De Grendel), René Groenewald (Kaapse Wynmeester) en aspirant-beoordelaar Mahalia Kotjane (assistent-wynmaker by Lievland). 

“Vanjaar se Top 10 is opwindend en besonder treffend,” sê RJ Botha, Sauvignon Blanc SA se voorsitter. “Dit is ongelooflik hoe ons wynmakers hul besonderse terroir benut om hul eiesoortige style van Sauvignon Blanc te produseer. Die 102 produsente wat ingeskryf het verdien lof vir die stempel wat hulle afdruk in die style en geurprofiele uit verskeie terroirs en streke. Hierdie jaar word weer eens geken aan die uitstekende balans van wen-wyne wat vir die eerste keer in die Top 10 verskyn, asook díe wat reeds voorheen hierdie prestasie behaal het,” sê Botha.  

Sauvignon Blanc SA bevorder Suid-Afrikaanse Sauvignon Blanc plaaslik en internasionaal.  ʼn Tegniese seminaar word op Woensdag 30 November 2022 in samewerking met die Departement Wingerd-en Wynkunde by Universiteit Stellenbosch gehou.  

Die Concours Mondial du Sauvignon, die grootste en belangrikste internasionale kompetisie toegewy aan Sauvignon Blanc, vind vir die eerste keer in sy 14-jarige bestaan buite Europa plaas wanneer Sauvignon Blanc SA hierdie kompetisie van 13 tot 17 Maart 2023 in Franschhoek aanbied.  

Stephan Claassen, FNB se provinsiale besigheidshoof in die Wes- en Oos-Kaap, het die Top 10-wenners gelukgewens wat steeds in ’n uiters wisselvallige en mededingende omgewing presteer. “Vir Suid-Afrikaanse Sauvignon Blanc om mededingend en volhoubaar in die wêreldarena te bly, is dit noodsaaklik dat ons voortgaan om hierdie wyne te vier én platforms te bied aan talentvolle produsente wat hulle in staat stel om hul vaardighede te slyp en ten toon te stel. Ons plaaslike Sauvignon Blanc-produsente maak deurlopend wyn van uitstekende gehalte,” sê Claassen. 

Stephan Claassen (FNB) en Edwin Mathambo (Bonnievale). Dit was die eerste maal wat Bonnievale Wyne in die top 10 ingesluit is.

Emanuele Bartolucci, Uitvoerbestuurder van EVER srl, het die wenners gelukgewens in ‘n videoboodskap uit Italië. EVER, ’n toonaangewende internasionale vervaardiger van hulpmiddels in die wynmaakproses sedert 1973, dryf sedert 2006 handel in Suid-Afrika.  

• ’n Aanlynboekie met proe-notas van die Top 10 is gratis by www.sauvignonblanc.com beskikbaar.
• Koop die 2022 FNB Sauvignon Blanc SA Top 10-versameling aanlyn via www.wineofthemonth.co.za 

Lees ook: Volhoubaarheid die wagwoord met dié wyn

The post SA se Top 10 Sauvignons bekend appeared first on rooi rose.

Deur Maryke Roberts. Foto’s: Clifford Roberts 

Altesaam 417 uitstallers, wat die hele Suid-Afrikaanse wynbedryf verteenwoordige het, het nie net hul wyne te proe aangebied nie, maar ook hul voortgesette toewyding tot volhoubaarheid met die planeet, mense en voorspoed as drie kernpilare, ten toon gestel. Hoewel die toekoms van die wynbedryf van groot belang is, is daar ook hulde gebring aan Suid-Afrika se 363 jaar wynmaak-geskiedenis. 

Elke element van CapeWine is noukeurig saamgestel om te verseker dat die mees volhoubare praktyke gevolg word met herwinbare stalletjies, minimale afval en -koolstof-vrystelling en volhoubare verpakking. Produsente is geïnspireer om hul individuele stories van hul volhoubaarheidsreise te vertel. 

Die wynskou is die grootste van sy soort in Afrika en ’n trotse toonbeeld van die sukses van die Suid-Afrikaanse wynbedryf. 

Glase is ongeveer vier keer geroteer, wat beteken ongeveer 32 000 eenhede is gebruik en ongeveer 26 400 bottels wyn – ter waarde van R6 miljoen – is oor die drie dae na die skou gestuur om te proe. Volgens vennote Waste(Planet) is ongeveer 7 ton wynbottels geskink en toe herwin; 2 ton waterbottels; 6,5 ton algemene afval; meer as 4 500 maaltye is bedien en byna 4 000 koppies koffie het uitstallers aan die gang gehou. ’n Bykomende 160 ondersteuningspersoneel het in die saal gehelp, wat leerlingsjefs van School of Skills, kelners, glaswassers, baristas en algemene helpers ingesluit het. 

Siobhan Thompson, uitvoerende hoof van Wines of South Africa (WoSA), sê: “CapeWine2022 was ’n wonderlike viering van ons kwaliteit wyne, met ’n spesiale fokus op die volhoubaarheid van ons wynlande, mense en besighede. Die resultaat van hierdie reuse-projek het ons verwagtinge oortref met besoekers van alle uithoeke van die wêreld. Die energie en opgewondenheid in die saal oor die drie dae was ’n bewys van die harde werk wat deur al die produsente gedoen is, om wyne te skep wat die lewenskragtigheid van ons nasie verteenwoordig.” 

Sy het voorts gesê dat sy hoop dat al die internasionale agente huiswaarts keer met hernieude entoesiasme oor die Suid-Afrikaanse wynbedryf en die media sal aanhou om die bedryf te loof vir sy posisionering as ’n groot rolspeler in die internasionale wynmark.  

In haar toespraak om besoekers op die eerste oggend van CapeWine 2022 te verwelkom, het Thoko Didiza, minister van landbou, grondhervorming en landelike ontwikkeling, opgemerk: “Die wynbedryf is een van die opwindende bedrywe van ons landbousektor, met duidelike en groeiende resultate van transformasie, beide op geslag en ras.” 

’n Paar interessante statistieke oor die SA wynbedryf in 2021: 

• ’n Totaal van 1,46 miljoen ton druiwe is gepars; 1133 miljoen liter wyn gemaak en wyn ter waarde van R27,2 miljoen is verkoop. 
• Altesaam 19 miljoen glase Suid-Afrikaanse wyne word daagliks regoor die wêreld geniet.
• Uitvoere het 50.1 persent van totale produksie beloop en was 411 miljoen liter ter waarde van R10,3 bijoen. Plaaslike verkope se 49,9 persent was 392,9 miljoen liter ter waarde van R16,9 biljoen. 

Een van die seminare en spesialis-wynproeë wat aangebied is, is deur die Old Vine Project (OVP) aangebied. Hier skink Andre Morgenthal, bestuurder van die projek, van die raar wyne uit wingerde ouer as 35 jaar.

Lees ook: Ontdekkingsdag gee gaste intieme kykie na Van Loveren

The post Suid-Afrikaanse wynbedryf pronk by dié wynskou appeared first on rooi rose.

Seekospotjie met heerlike witwyn

Serves: Bedien 4 tot 6 Nutrition facts: 200 calories 20 grams fat

Ingredients

• Bestanddele
• 250 ml Drostdy-Hof Chardonnay
• 450 g gemengde skoongemaakte skulpvis soos mossels en garnale
• sout en gemaalde swartpeper
• 15 ml olyfolie
• 2 uie, in blokkies gesny
• 2 opgekapte selderystingels
• 1 vinkelbol in dun skywe gesny
• 1 fyn gedrukte knoffelhuisie
• 30 ml meelblom
• 250 ml groente- of hoenderaftreksel
• Bouquet garni
• 6 pietersieliestingels, 2 tiemiestingels en 2 lourierblare, als saamgebind met kombuistou
• 500 g jong aartappels
• 675 g witvis, ontbeen en in filette gesny
• 250 ml melk
• 250 ml room
• handvol opgekapte pietersielie of grasuie

Instructions

Metode
1. Maak ’n vuur en sorg dat jy genoeg kole het om die potjie gaar te maak.
2. Giet 125 ml Drostdy-Hof Chardonnay in ’n mediumgroot gietysterpotjie en verhit tot dit saggies kook. Plaas die mossels en garnale daarin, sit die deksel op en stoom vir 5 minute. Die garnale is gaar wanneer hulle pienk is. Verwyder enige mossels wat nie oopgemaak het nie. Haal uit die potjie en hou die vloeistof vir gebruik later.
3. Verhit die olie in die potjie en braai die uie, seldery, vinkel en knoffel liggies tot hulle sag is. Roer die meelblom in en braai vir 3 minute. Voeg die oorblywende 125 ml wyn stadig by en roer terwyl jy dit doen. Verhit tot dit saggies kook.
4. Voeg nou die aftreksel, bouquet garni en jong aartappels by. Voeg sout en swart peper na smaak by.
5. Voeg die vis, melk en room by sodra die aartappels sag is. Laat prut vir vyf minute en plaas dan terug die skulpvis asook die vloeistof wat jy uitgehou het, roer om al die bestanddele te laat kombineer.
6. Bring die potjie weer tot prut en verwyder dan van die hitte. Voeg sout en peper by na smaak asook die opgekapte pietersielie. Bedien met brood vars uit die oond en ’n glas verkoelde Drostdy-Hof Chardonnay.

Besoek www.drostdyhof.com/za vir meer oor die handelsmerk.

Volg Drostdy-Hof op Facebook en Twitter

Seekospotjie met Drostdy-Hof Chardonnay

The post Seekospotjie met heerlike witwyn appeared first on rooi rose.

Ceasar-slaai bedien met witwyn

Serves: Bedien 4 tot 6 Nutrition facts: 200 calories 20 grams fat

Ingredients

• Caesar-slaai bedien met Drostdy-Hof Extra Light
• Bestanddele
• Vir die slaai:
• 1 x 30 cm-baguette, in dun snye
• 10 ml avokado-olie
• 1 volledige blaarslaai
• 1 ryp avokadopeer, geskil en gesny
• handvol kasjoeneute
• Vir die slaaisous:
• 1 knoffelhuisie, geskil en fyn gedruk
• 100 ml karringmelk
• 5 ml Dijon-mosterd
• 10 ml heuning
• Parmesaanse-kaasskaafsels

Instructions

Metode
1. Voorverhit die oond tot 200°C. Plaas die snye baguette in ’n enkele laag op ’n bakpan en borsel liggies met die avokado-olie. Bak vir 5 tot 10 minute tot goudbruin.
2. Berei die slaaisous voor: Verhit ’n braaipan en braai die knoffel liggies tot sag. Kombineer die karringmelk, mosterd en heuning en voeg by die knoffel in die pan. Roer om te integreer.
3. Sny die blaarslaai in sy lengte in vier ewe groot stukke. Plaas die snye avokadopeer en geroosterde snye baguette bo-op. Sprinkel die slaaisous oor die blaarslaai en plaas Parmesaanse-kaasskaafsels en kasjoeneute bo-op.

Drostdy-Hof Extra Light kos sowat R30 per bottel en is landwyd beskikbaar.

Besoek www.drostdyhof.com/za en volg Drostdy-Hof op Facebook en Twitter

The post Ceasar-slaai bedien met witwyn appeared first on rooi rose.

Die Stellenbosch-distrik het vanjaar die oorhand op hierdie lys!

Vyf sterre 
1. Hartenberg The Eleanor 2012
2. Uva Mira 2013

Vier-en-’n-half sterre
3. Chamonix Reserve 2013
4. Eikendal 2013
5. Grand Vin de Glenelly 2013
6. Haskell Anvil 2012
7. Longridge 2013
8. Newton Johnson Southend 2013
9. Paul Cluver 2013
10. Stellenrust Barrel Fermented 2013

The post Top 10 Chardonnay’s vir 2014 appeared first on rooi rose.

Sleutelwoorde wat by chardonnay pas

BOTTERKARAMEL
BOTTER
GEROOSTER
VANIELJE
MARMELADE
ELEGANT
SITRUS
VRUGTIG
SENSUEEL
HEUNING
BALANS
VARS
LEWENDIG
LEMMETJIE
VOL
NEKTARIEN
PERSKE
FINESSE
NEUTMUSKAAT
APPELKOOS
RYK
ROMERIG

Chardonnay-feite

– Dis maklik om chardonnay te verbou en die druif word dikwels die mees vergewensgesinde kultivar genoem.
– Chardonnay-druiwesap het nie veel smaak nie, maar die kenmerkende geure ontwikkel deur die wynmaakproses.
– Chardonnay kan in hout verouder word, of op die gismoer (die Franse noem dit “sur lie”) verouder word om ekstra geur en rykheid aan die wyn te gee. Jy kry ook chardonnay wat onverouder gebottel word.
– Chardonnay is een van drie kultivars wat in die maak van sjampanje gebruik mag word (die ander twee is pinot meunier en pinot noir).
– Ongehoute chardonnay moet jonk gedrink word, maar swaarder, gehoute chardonnays kan vir vier tot vyf jaar gebêre word.

The post Wat is Chardonnay? appeared first on rooi rose.

Chenin Blanc-sleutelwoorde

Chenin Blanc-feite

Suid-Afrika verbou meer Chenin Blanc as enige ander plek in die wêreld en is ook die kultivar wat die meeste in Suid- Afrika aangeplant word.

• Chenin is net so gewild in die Loire-vallei in Frankryk (waar die kultivar sy naam gekry het). Chenin is ’n dorpie in dié vallei en “blanc” beteken wit.
• Daar was sedert 1997, toe dit dertig persent van alle wingerde beslaan het, ’n afname in die hoeveelheid Chenin Blanc wat in Suid Afrika geplant is. Vandag beslaan dit sowat twintig persent, maar daar is ’n herlewing wat die gehalte betref.
• Wynmakers fokus die afgelope jare daarop om Chenin Blanc van gehalte te produseer. Al hoe meer houtverouderde Chenin Blanc-wyne word bekend gestel vanweë dié kultivar se natuurlike affiniteit vir hout.
• Die Chenin Blanc-vereniging is in 2000 gestig. Tesame met die jaarlikse Wine Magazine Chenin Blanc-kompetisie het dit baie gedoen om die beeld van Chenin Blanc te verbeter.
• Chenin Blanc is ’n baie veelsydige druifsoort en kan gebruik word om ’n verskeidenheid wyne te maak, van vonkelwyne tot droë nageregwyne, sjerries,brandewyn en wit port.

The post Wat is Chenin Blanc? appeared first on rooi rose.

Bestanddele
4 dik dorado-filette of 1 sy van ’n geelstert
3 tot 4 eetlepels (45 tot 60ml) olyfolie
Sap van 1 suurlemoen
Sap van 2 lemoene
1/2 tot 3/4 koppie (125 tot 183ml) hoenderaftreksel
Seesout en gemaalde peper
2 knoffelhuisies, fyn gedruk
1 suurlemoen, in baie dun skywe gesny
2 lemoene, in baie dun skywe gesny
20 kalamata-olywe, ontpit
Handvol gekapte platblaarpietersielie, koljander of origanum

Metode
Voorverhit die oond tot 200°C.
Plaas die vis op ’n braaipan.
Meng die olyfolie, lemoen- en suurlemoensap asook die speserye en giet oor die vis.
Wissel die snye lemoen en suurlemoen af en laat hulle oorvleuel om al die vis te dek.
Gooi olywe oor, bedrup met ’n bietjie ekstra olyfolie en bak vir 10 tot 15 minute, afhangende van die dikte van die vis.
As alles bietjie vaal of bleek lyk, plaas die vis onder ’n voorverhitte rooster om vinnig te verbruin.
Strooi kruie oor en bedien op rys.

The post Sitrus-geroosterde vis en olywe appeared first on rooi rose.