Deur Maryke Roberts. Foto’s: Clifford Roberts 

Terwyl Suid-Afrika jaarliks sy erfenis in September vier, is daar geen beter oomblik as nou, om ‘n glas Roodeberg met vriende te klink nie – dis immers ‘n oorspronklike en ‘n geliefde huishoudelike naam. 

‘n Spesiale verjaardagpartytjie is wel tydens Erfenismaand by Mertia-restaurant op Stellenbosch gehou en ‘n paar gelukkige gaste kon deel in die pret. Nie net is die handelsmerk se driekwarteeu gevier nie, daar is ook ouer wyne geproe – waarvan die oudste 49 jaar! Gaste moes met elke oesjaar wat geproe is, staan as hulle jonger as die wyn was. 

Marais Uys (Mertia-eienaar), Justin Corrans (hoof Wynmaker by KWV) en Matt van den Berg (Mertia se uitvoerende sjef).

Roodeberg, wat in 1949 deur die visioenêre Dr. Charles Niehaus gestig is, het sy naam te danke aan die asemrowende rooikleurige sonsondergange oor die Paarl-berge. Nou, terwyl Roodeberg 75 jaar vier onder die einste son wat sy naam geïnspireer het, reflekteer dit op ‘n reis ryk aan stories wat in die lewens van sy verbruikers ingeweef is. 

Die eerste bottel Roodeberg – wat oorspronklik ontwikkel is as ‘n eerlike Kaapse rooiwyn – is uit die 1946-oes gemaak. Dr Niehaus was die opvolger van dr. Abraham Izak Perold, die KWV se hoofwynwetenskaplike en pa van Suid-Afrika se unieke druifsoort, Pinotage.  

Vir die eerste 55 jaar is Roodeberg uitsluitlik vir die uitvoermark gemaak en die versnit was ‘n geheim. Alhoewel dit nie tot 2004 sonder ‘n KWV-kwota plaaslik beskikbaar was nie, het Roodeberg nog altyd ikoniese status in die harte en gedagtes van Suid-Afrikaners geniet.  

Daar word gesê dat gesogte toetswedstrydkaartjies, biltong en dies meer “onder die tafel” geruil is vir  ‘n bottel of twee van dié gesogte rooiwyn. Volgens die tydskrif, Wynboer (nou Wineland) van Januarie 1986, was ‘n glasie Roodeberg vir Suid-Afrikaners in die buiteland, soos ‘n drukkie van die huis af. Dieselfde geld vandag nog. Vir baie mense roep Roodeberg goeie herinneringe op van mense, plekke en geleenthede, en van die deel van spesiale oomblikke met familie en vriende, dikwels met seldsame oesjare wat spesiaal vir daardie een geleentheid weggesteek is. 

Van die klassieke Roodeberg Red tot die avontuurlike Roodeberg Black en die lewendige Roodeberg Rosé (gemaak van rooi variëteite), weerspieël elke versnit die handelsmerk se diep generasie wynmaakkundigheid.  

James Ochse, Roodeberg se wynmaker – slegs die 12de in die handelsmerk se geskiedenis – het aan gaste vertel dat die kelderspan se versnydingssfilosofie berus op ‘n diepliggende begrip van die wingerde, die streke waarmee die kelderspan werk en dat hulle waardeer wat elke variëteits-element bydra.  

Sandy Goliath, Roodeberg se handelsmerkbestuurder en James Ochse, Roodeberg se wynmaker, proe die 1975 voor gaste dit gaan geniet.

“Hierdie wenformule strek verder as keldermure: Roodeberg gaan nie net oor die wyn self nie – dit gaan oor die herinneringe wat jy daarmee skep. Dit gaan daaroor om om die tafel bymekaar te kom, te talm by ou stories en nuwes te maak,” sê James.  

“Roodeberg was nog altyd op die kuns van versnyding geskoei,” het hy vertel. “Selfs die Rosé is ‘n versnit.” 

Hy het vertel dat die span wyn maak om nou te geniet, maar ook met goeie verouderingspotensiaal. 

Die eerste oesjaar wat kleiner vate in gebruik gekom het, was 1989. 

Selfs ná 75 jaar bly Roodeberg standvastig in sy strewe na kwaliteit terwyl innovasie gul omhels word. “Die band wat Suid-Afrikaners met Roodeberg het, is besonders. Dit is ‘n wyn wat mense nie net drink nie – hulle deel dit, gee dit geskenk en gee dit aan en skep nuwe stories met elke bottel. En terwyl Roodeberg na die toekoms kyk, doen hy dit met dieselfde sorg en liefde wat dit nog altyd gedefinieer het, en gaan voort om wyne te maak wat meer as net ‘n ervaring is—hulle is deel van die lewe se grootste oomblikke,” het Sandy Goliath, Roodeberg se handelsmerkbestuurder vertel. 

“In 1995 is die twee biljoenste bottel geproduseer en ons is trots op hoe die handelsmerk steeds groei,” het sy bygevoeg. 

Al Roodeberg se oesjare word gemaak om nou te geniet, maar het uitstekende verouderingspotensiaal.

Die oudste wyn wat geproe is – die Roodeberg 1975 – is ‘n versnit van Cabernet Sauvignon, Shiraz, Pinotage, Cinsault en Tinta Barocca en het nog baie vrug. “Roodeberg is altyd Cabernet en Shiraz-gedrewe en sal altyd vier of vyf verskillende kultivar-komponente hê. Die afgelope paar jaar het hy Pinotage gehou, maar ook Cabernet Franc en Merlot ingebring en die Cinsault en Tinta Barocca begin weglaat.

Een van die ander wyne wat gaste kon proe en met middagete kon geniet, is die Roodeberg Black 2021. James het gesê: “Wanneer die Tandemuis, Kersvader, die Loch Ness monster en die Paashaas bymekaar kom, is die Roodeberg Black 2021 wat hulle sou drink. Dit sou dan al die legendes om een tafel versamel het,” het hy gesê.

Die oesjare wat gaste voor middagete kon proe en ook saam met die ete kon geniet.

Gaste het die Roodeberg Classic Rosé2024 met peuselhappies geniet ; daarna wildsvleis met haselneut en seldery saam met die Roodeberg Classic Red Blend 2022; toe varklies, met okkerneut en raap met die Roodeberg Reserve 2021 geniet. Die hoofmaal was vrywei beeshaas met geel aartappels en ‘n melkrolletjie wat met die Roodeberg Dr. Charles Niehaus 2020 geniet is. Nagereg van Valrhona, swartbessie en timurpeper is met die Roodeberg 2021 bedien. 

Die 2022-oesjaar is tans op winkelrakke en die wyn word nooit dadelik nadat dit gebottelleer is, vrygestel nie. Dis tans Cabernet Sauvignon en Shiraz nou ook Petit Verdot, Tanat, Pinotage en Petit Syrah. 

Die 2022-oesjaar is tans op winkelrakke en die wyn word nooit dadelik nadat dit gebottelleer is, vrygestel nie.

Lees ook: Tekstiele eer vakmanskap én Afrika-landskappe

The post Roodeberg vier 75 jaar van erfenis, herinneringe en samesyn appeared first on rooi rose.

Deur Maryke Roberts. Foto’s: Clifford Roberts 

Dit het die Tangram Red 2013, 2016 en 2020 en Tangram White 2017, 2021 en 2022, ingesluit.  

Met die kelder se vonkelwyn in die glas, kon gaste mekaar beter leer ken, voor die aand se wynproe – opgedeel in die vier elemente volgens die Griekse filosofie wat die wingerde en die lewe op aarde beïnvloed: wind, water, vuur en grond – by verskillende tafels met snoepgoed bedien is. 

Elkeen van die wynmakers het ‘n tafel beman en meer oor die spesifieke wyn en oesjaar vertel. 

Van die vier kategorieë was dit die Vuur-afdeling met Springboksmoor, gekruide beskuitjies, Carpaccio, Brie en gerookte sampioen jus, wat my hart steel. Ons proe die The Tangram 2013 rooiwyn-versnit daarmee. My geliefde se gunsteling is die sitrushoender met lemmetjie en spookasem wat met die The Tangram 2016 wit-versnit bedien is. 

Die doel van die proe was om die uitstekende verouderingspotensiaal van die versnitte ten toon te stel en ook die effektiwiteit van die koeler klimaat op wingerde te wys.  

Die aandete daarna was omtrent ‘n vertoonstuk van die gewilde restaurant se sjefspan, onder leiding van hoofsjef Tamzyn Ehlers. Met lewendige musiek in die agtergrond, kon gaste smul aan voorslagkos met die Tangram White 2022 en Tangram Red 2020.  

Gaste het gehoor dat tangram ‘n Chinese geometriese legkaart is, wat bestaan ​​uit ‘n vierkant wat in sewe stukke gesny is wat gerangskik kan word om verskeie ander vorms te maak. Om die Tangram te bemeester, moet ‘n mens na die hele legkaart kyk om die magdom beelde wat gevorm moet word te verstaan en te vorm. Op die ou end is die geheel groter as die som van sy dele. Die verskillende elemente wat uniek is aan die kelder, landskap en wynmakers, is almal saam geweef om hierdie eksklusiewe Bordeaux-styl versnitte, Tangram, te vervaardig. 

Die sjef het vertel dat die spyskaart vir die aand soos dié legkaart is. Die nuwe keldermeester, Pieter-Niel Rossouw, se eerste wyn by dié kelder, die Durbanville Hills Chenin Blanc 2024, is ook bedien. 

Daar is drie opkomende geleenthede oor waar gaste die wynmakers kan ontmoet, hul stories kan hoor en hul wyne met voorslag kos kan geniet. Op 24 Julie is dit ‘n viergang maaltyd om die diversiteit van die Durbanville terroir met sy oneindigende heuwels en koel oseaan wind te vertoon. Tangram Restaurant se sjef Tamzyn het ‘n wonderlike spyskaart saamgestel om die wyne op hul beste te vertoon. 

Op 14 en 15 Augustus kan gaste die Collectors Reserve-reeks proe; die stories agter die Kaapstad historiese bakens wat op die sewe etikette van die Collectors Reserve-wyn deur die bekende Kaapstad kunstenaar, Theo Paul Vorster, geskilder is. Die reeks vier die kelder se nabyheid aan die stad en die unieke koel klimaatstoestande van die area, wat die reeks as beide ‘n versamelstuk vir wyn- en kunsliefhebbers merk. Snoepgoed gevolg deur ‘n driegang-aandete en lewendige musiek is op die spyskaart.  

Vir Merlot-liefhebbers is 4 en 5 September beslis een vir die dagboek. Wynmakers neem gaste op ‘n Merlot proe-avontuur, met die kelder se Merlot in verskeie style onder die tema “Metro Merlot proe” en gee insiggewende agtergrond en proe-geleentheide oor die diversiteit van Merlot wat in rosé, enkelkultivar, versnitte en ‘n brandewyn gebruik is. Daar sal weer proestasies wees, waarna gaste aansit vir ‘n driegang maalttyd met die Durbanville Hills Merlot, Tangram Red Bordeaux versnit en Durbanville Hills 10-year-old Merlot potketel brandewyn as pasmaats.  

Die aande kos R575 per persoon en sluit die proeë, kos en wyn, in. Bespreek by durbanvillehills.co.za 

As jy jou besoek nog meer insiggewend wil maak, gaan vroeër en ervaar die self-begeleide toer oor die reis van wynmaak van die wingerd tot die bottel. 

Dit word in die verouderingskelder aangebied en bied ‘n interaktiewe kaart, om oorsig te gee en dan ’n stap-vir-stap gids oor hoe wyn gemaak word en met oorfone aan, kan jy alles oor die vlagskip Tangram- en Collectors Reserve-reekse en daar is ook ‘n afdeling oor Durbanville Hills se toewyding tot volhoubaarheid, die omgewing en hul gemeenskap. Jy kan ook waardevolle wenke oor die regte stoormetodes vir jou wyn, hier kry. Geen bespreking is hiervoor nodig nie. 

Lees ook: WEN kaartjies na die Montblanc Signature-teemaaltyd!

The post Geniet die diversiteit van Durbanville Hills  appeared first on rooi rose.

Woorde en foto’s: Clifford Roberts

Soos elke geleentheid in hierdie gewilde kos-en-wyn geleentheid wat vanjaar volg, is dit in die historiese en elegante Kaaps-Hollandse herehuis gehou en gee dit gaste die geleentheid om die plaas se wyne en kos-aanbieding te ervaar.

Die laaste goue strale van die dag het gaste ingewag, ‘n magiese toon vir die swierige funksie wat met ‘n glas Spier Cap Classique ingewy is. “Vanaand is die begin van ons reeks, maar dit is ook ‘n viering,” het Spier se handelsmerkbestuurder vir Suid-Afrika, Rowan Ellappen, ons ingelig.

“Ons is opgewonde dat ons hotel tans gesluit is om ‘n hele nuwe baadjie te kry en sal volgende jaar teen Maart heropen; en, ons het ‘n nuwe geskenkwinkel – die Cowshed – op die plaas gevestig.”

Die fokus draai toe na die wyn. “Die afgelope tyd het Spier weer ‘n klomp toekennings ingepalm, onder andere die benoeming vir volhoubaarheid by die Drinks Green Business Awards,” vertel Rowan. “Ons wyne het ook uitstekende gevaar, met plaaslike en internasionale pryse vir omtrent elke druif variëteit en prysklas.

“Vanaand gaan ons ‘n aantal van hulle proe,” het hy bygevoeg toe hy ons nooi om te gaan aansit.

Die wynmaker-etes word in die herehuis se deftige eetsaal gehou, met ‘n maksimum van 22 gaste aan een lang tafel. Dit is bedek met ‘n wit tafeldoek, versier met kerse in elegante kersstaanders en potjies met fynbosblomme. Om ons in die vertrek is die bekende blou en wit van Delft-porselein en kunswerke.

Keldermeester Johan Jordaan is ons gasheer vanaand – ‘n taak wat hy deur die reeks met sy span wynmakers deel. Hy stel die wyne bekend, maar ook die spyskaart wat deur Spier se sjef, Hennie Nel, ontwerp is.

Elke ete bestaan uit ‘n reeks gange wat met spesiale Spier wyne gepasmaat word. Vanaand smul ons aan salm-gravadlax met lemmetjie roomkaas en Spier se Seaward Sauvignon Blanc; en, ‘n aartappel velouté en neut-espuma bedien met die 21 Gables Chenin Blanc.

Oor laasgenoemde wys Johan uit dat die wingerde in 1983 geplant is sê dat ons terroir se bydrae aan wyn nie genoeg vier nie. “Terroir word wel oorgebruik om ‘n wyn te kwantifiseer, maar dit gaan dieper as dit. Dit is die invloed van grond, mikroklimaat…”

Hy brei uit oor die wingerde wat in Durbanville geleë is, naby en onder die invloed van “’n oop oseaan, nie ‘n baai nie”.

“Dis ‘n baie spesiale area en is deel van die Koeberg streek, wat ‘n top-presteerderende landbou gebied – veral vir graan – is. Dit word droeland en volhoubaar geboer met noukeurige versorging.”

Die laaste drie geregte bestaan uit Farmer Angus vleise, bedien met Creative Block 3; gebraaide springbok en wilde sampioen-risotto met 21 Gables Pinotage; lamsboud en gebraaide groente met die 21 Gables Cabernet Sauvignon Blanc; en, appeltert en suurlemoen roomys met Spier se nuutste Prestige Cuvee cap classique.

Soos die smake-reis ontvou, val die ure weg. Met koffie besef ons dis tyd om te groet, maar ons keer graag terug. Gelukkig is daar nog ‘n hele reeks etes wat voorlê.

Wynmaker-dinees wat nog kom

Op 7 Junie is daar ‘n dinee met die fokus op Magnum-maat wyne en hoe hierdie grootte wynveroudering bevorder.

Op 12 Julie word ‘n nuwe reeks met die dinee bekend gestel. Die tema vir die aand is wortels en hernuwing, met die fokus op wyn asook Spier-gebaseerde boer, Farmer Angus, en sy plaas-tot-tafel benadering.

Die kollig op 16 Augustus val op wynversnitte met die tema wat na die kreatiewe dis-dekonstruksie deur getrek word.

Die finale twee etes vir die jaar vind op 6 en 7 September plaas. Die spesiale geleentheid sal ‘n viering van Frans Smit, Spier se besturende direkteur wat voorheen keldermeester was, wees. Kaartjies is R750 pp en sluit ‘n vier-gang ete met wyn in.

Bespreek by www.spier.co.za.

Lees ook: Nuutste beperkte hoeveelheid wyn-etiket van KWV se The Mentors

The post Spier stel weer sy gewilde wynmaker-aandetes bekend appeared first on rooi rose.

Deur Clifford Roberts

Wie is die land se beste wynprodusente? Kenners se antwoorde sal altyd begin: “Wel, dit hang af…” As jy net toekennings in ag neem, dan is geleenthede soos die Vinimark Night of the Stars wat die afgelope week plaasgevind het, ‘n goeie aanduiding.

Vinimark is die land se grootste, onafhanklike spesialis-wynmaatskappy. Elke jaar sedert 2017 – behalwe tydens Covid – word wynkoop-ondernemings uitgenooi om die maatskappy se top-presterende wyne te kom proe. Vanjaar is 27 produsente verteenwoordig – sowat die helfte van Vinimark se wynportefeulje. Die proe is by die One & Only hotel in die V&A Waterfront gehou.

Dit het Kleine Zalze, Delheim, Le Riche, Leeuwenkuil, Dalla Cia, Alto, Boekenhoutskloof, Glenelly, Vilafonté, Reyneke, Ernie Els, Thelema, De Krans, Neil Ellis, Rustenberg Wines, Sutherland Vineyards, Shannon Vineyards, Spier en Beyerskloof ingesluit.

Wit- en rooiwyne is vir die proe aangebied asook wyne soos Delheim se edellaatoes en Dalla Cia se verouderde grappa.

Vinimark besluit op wie gaan deelneem, afhangende van die bes-presterende plase in hul portefeulje by ‘n verskeidenheid kompetisies. Dit sluit in:

– Dubbel Goud by Veritas, Suid-Afrika se oudste wynkompetisie;

– 95+ punte deur die Britse wynmeester Tim Atkin aangewys; en

– Vyfster-wenners deur die Platter’s wyngids, die land se oudste gids van sy soort.

Dit word vroeg in die jaar gehou omdat meeste toekennings aan die einde van ‘n jaar aangekondig word en wyn vinnig daarna uitverkoop. Die geleentheid gee ondernemings soos restaurante, hotelgroepe en wynwinkels die kans om die laaste van hierdie wyne aan te skaf, maar ook om in sommige gevalle die nuwe oesjaar-vrystellings van die wenwyne te proe.

Gaste van hierdie spoggeleentheid weet altyd hulle is in vir ‘n gul geleentheid. Vanjaar is daar met die intrapslag die Bon Courage se Jacques Bruére Cap Classique Cuvée Rosé Brut 2014 as verwelkomingsdrankie bedien.

Gissings by vanjaar se geleentheid was dat alhoewel tonnemaat vanjaar laer as vorige jare is – in sommige plek tot ‘n kwart minder – heelwat streke na uitstekende kwaliteit uitsien. Droë toestande laat die druiwe belowend lyk. Oor die algemeen was die oes ten tyde van die geleentheid, omtrent net oor die halfpad. Met meeste witwyn-druiwe agter die rug vir meeste plase, begin spanne nou met rooi-druifsoorte.

Lees ook: WEN ’n groot Valentynsbederf!

The post Wynsterre blink weer by spogwynskou in die Kaap appeared first on rooi rose.

Deur Maryke Roberts. Foto’s: Clifford Roberts en verskaf.

Die Lady May 2018 is pas bekend gestel en die landgoed vier ook 20 jaar sedert May de Lencquesaing die landgoed gekoop het. Sy was die vorige eienaar van Bordeaux se Château Pichon-Lalande

Om middagete op die terras by Vine Bistro te geniet, wat jou baie aan iewers op die Franse platteland herinner, is ’n ware fees. Ons proe die nuwe Lady May 2018 met Dirk van Zyl, keldermeester en Afrika verkoopsbestuurder.

Nicolas Bureau, hoof uitvoerende beampte van Glenelly en May se kleinseun, is druk besig in vergaderings, maar kom groet vinnig en klink ’n glasie op dié nuwe vrystelling.

Dirk druk sy neus in sy glas en adem die heerlike aromas diep in. Hy vertel dat die 2018 oesjaar daardie baie berugte droogte-oes was en die wingerde het swaar gekry. “Dit was nie so warm nie, maar droog. Dit was Glenelly se kleinste oes ooit en net 50% van gewone jare. Maar die vrugte het baie konsentrasie en groot sorg is geneem om nie elegansie te verloor nie.”

Maar in sy oë kan jy sien dat hy gelukkig is met hierdie oesjaar. Hy erken dat mens maar altyd krities is wanneer jy oes. “Wyn moet tyd en plek vasvang. Dit moenie lig en blomagtig wees nie, want dit sou nie getrou wees aan 2018 nie.”

Dirk het twee jaar gelede by die plaas aangesluit en sê die wingerde is nou meer volwasse en hul span verstaan die wingerde beter.

Die 120 hektaar plaas aan die voete van die berge buite Stellenbosch met sy indrukwekkende betonkelder het 58 hektaar wingerd en kan nie hul aanplantings uitbrei nie. Die wingerde is oorwegend rooi met minder as 10% wit. Dirk vertel hulle het tans 45% Cabernet Sauvignon en wil dit graag vermeerder na meer as 55% en hulle beplan om ook hul Merlot-wingerde te laat groei.

Hy vertel bietjie oor die interessante navorsing oor die SA wyngeskiedenis wat op hul webwerf vervat is en ek maak ’n nota in my geheue. Ek gaan later meer lees by: https://glenellyestate.com/our-history-timeline/

Maar terug by die Lady May in ons glas. “Die rede vir hierdie plaas is Lady May. Ons hou van ons ander wyne, maar die hoofrede hoekom ons hier is, is Lady May. Die persentasies verskil van oesjaar tot oesjaar, omdat net die beste druiwe daarin gaan,” vertel hy terwyl ons aan heerlike geregte peusel.

Die 2018-oesjaar is ’n versnit van 85% Cabernet Sauvignon, 6% Cabernet franc, 6% Petit Verdot en 3% Merlot. Daar is 13 757 bottels gemaak en dis in 750ml en 1,5 l Magnums beskikbaar. Die wyn is vir 24 maande in Franse eikehoutvate verouder.

Met nagereg is ons reg vir ’n middagslapie, maar Dirk belowe ons sal nie spyt wees as ons sy raad volg nie: “As jy so lekker versadig is, gaan stap deur die tuine of besoek die indrukwekkende glasmuseum hieronder die restaurant. May de Lencquesaing se glasversameling wat in die wynkelder gehuisves word, is een van die grootste versamelings in privaat besit ter wêreld. Die uitstallings wissel van die 1ste en 2de eeu tot moderne klassieke werke, insluitend stukke deur Salvador Dali en Lino Tagliapietra.”

Ons doen toe net dit. En weet, voortaan is dit ons somer-kuierplek!

Lees ook: Erfenis-reeks vir Lozärn Wines bekendgestel

The post Nuwe wyn vrystelling en verjaardag vir pragplaas appeared first on rooi rose.

Deur Maryke Roberts. Foto’s: Clifford Roberts

Die restaurant, ëlgr wat pas twee sterre ontvang het in die Eat Out-toekennings 2023, was gasheer vir die middag, en vir ’n viering van ’n ander aard: die bekendstelling van Lozärn Wines buite Bonnievale se Heritage-wynreeks én die 100ste verjaardag van die plaas. Doornbosch, wat ’n eeu gelede deur Sebastian en Kathleen (Ouma Kay) Smuts gekoop is en vandag die tuiste van Lozärn Wyne is.

Die geleentheid? Wel, eerstens vra Internasionale Carménèredag sekerlik vir ’n feesviering en as dit gedoen kan word met Lozärn Wines se liplekker Carménère Ivan S. 2022, des te beter.

Wynmaker Salome Buys-Vermeulen en die vyfde geslag Smuts, Margarite, het trots die wyne aan gaste bekend gestel. Salome en haar man, Sybrand is die harde werkers agter die wyn handelsmerk. Lozärn was die eerste wyn handelsmerke om enkelkultivar Carménère te maak en ook die Carménère Rosé vry te stel.

Sy het vertel Lozärn Wines pars jaarliks 55 ton en is die kleinste kelder in die vallei en spog vandag met 13 wyne. Lozärn – die Swis-Duitse uitspraak van Lucerne – se etikette spog met ’n eend-geraamte, om hulde te bring aan die plaas se suksesvolle pluimveeboerdery. Ouma Kay is ook vereer met ’n Bordeaux-styl rooi, Kay’s Legacy.

Le Roi van de Vyver en Jesper Nilsson, eienaar van ëlgr het die kos- en wynpasmaat vir die middagete behartig. Die restaurant se naam is ou Noors vir ’n “moose” en bring hulde aan Jesper se Sweedse herkoms.

Gaste kon met hul aankoms peusel aan beet, kasjoeneut, koljander en sultana happies; ook bokmelkkaas met geroosterde pepers en oesters met ’n habanero mayo.

Die eerste gang was ’n charcuteriebord met waatlemoen en bokmelkkaas, tuisgebakte brood en ricotta. Die tweede gang was ’n verskeidenheid van wit pizza met murgpampoentjie en roosmaryn; babaskorsie met rady en breëbone met knoffel suurroom en ander vars slaaie. Die derde gang was vark met geroosterde kool, appelkoos, tiemie en mostert jus.

Nagereg was bloedlemoen semifreddo en olyfolie. Die kos is met die drie wyne in die Heritage-reeks: Carménère Ivan S. 2022, Sebastian Chardonnay 2022 en Kay’s Legacy 2020 gepasmaat. Die wyne is almal vernoem na Smutse omdat hulle so ’n groot rol in die wyne se herkoms gespeel het.

Die eerste oesjaar van Lozärn Wines is in 2017 vrygestel.

Lees ook: Nuwe hoofstuk vir Solms-Delta

The post Erfenis-reeks vir Lozärn Wines bekendgestel appeared first on rooi rose.

Deur Maryke Roberts. Foto’s: Clifford Roberts en verskaf

Dis deel van die plaas se viering van 50 jaar as een van die eerste 14 wynlandgoedere in Suid-Afrika.

Besoekers sal die geleentheid kry om ‘n verskeidenheid nuwe ervarings te geniet, terwyl hulle deur die bekende reeks wyne proe wat Meerendal so bekend gemaak het, Bennie Howard, bemarkingsbestuurder.

Die nuwe proelokaal het ’n voltydse Chocolatier sowel as ’n deli onder leiding van Cocoafair, met opwindende en prikkelende pasmaats van ’n keuse van sout en soet aanbiedinge met ‘n verskeidenheid Meerendal-wyne.

Die deli het onder meer varsgebakte brode, kase, charcuteries en ander verrassings en gaste word aangemoedig om ’n piekniekmandjies vol te pak en ’n eersteklas ervaring te geniet. Die plaas is ook baie bekend onder fietsryers en met die toevoeging van die proelokaal, is dit die ideale plek om ’n voldag met vriende te ontspan.

As die weer guur is, brand die kaggel binne in die proelokaal wat herinner aan ’n ondergronde vatekelder, met hout teen die mure en plafon en gemaklike banke en sitplekke vir informele kuiers. Daar is gemaklik plek vir 200 besoekers, wat elk hul eie proe by ’n tafeltjie langs die vuurtjie kan doen.

Die proespyskaart bied iets vir elkeen en stel terselftertyd die deli en sjokolademaker se talente ten beste ten toon.

Meerendal is sedert 2004 in die Coertze-familie se besit en die idee om die proelokaal heeltemal te skuif en nuut te bou, het ’n paar jaar se beplanning geverg.

Die plaas is bekend vir bekroonde wyne en die kelder wat uit 1943 dateer, is ook intussen opgeknap en uitgebrei om die plaas se hoër volumes te hanteer.

Wyne kan saam met soet, sout of sonder kos geproe word en daar is selfs ’n proe vir kinders, vertel Heinrich Kotze van Cocoafair. Die proehappies is groot genoeg dat dit met elkeen van die wyne op jou proebord geproe kan word.

Die restaurant neffens die proelokaal is die ideale plek om jou wyn- en koslus verder te gaan bederf, met ’n wye verskeidenheid van die landgoed se wyne.

Lees ook: Heerlike nuwe eetplek vir Franschhoek

The post Nuwe proelokaal vir geskiedkundige Meerendal appeared first on rooi rose.

Deur Maryke Roberts. Foto’s: Clifford Roberts

Klubs kry verskeie wyne en skryf dan hul finale versnit met die korrekte persentasies in om die titel as versnit-kampioen te wen en ook hul versnit in Magnum-bottels te kan geniet.

Blaauwklippen is een van die oudste wynplase in Stellenbosch en dateer uit 1682. Die plaas het verlede jaar 340 se erfenis gevier en Van Loveren is ook sedert 2022 ’n trotse aandeelhouer in Blaauwklippen.

Gaste het vanjaar nie net gekom om die geleentheid van die 40ste Blaauwklippen versnitkompetisie te vier nie, maar ook om Blaauwklippen se eerste Chardonnay sedert 1993 te proe en Narina Cloete, Blaauwklippen se wynmaker en voorsitter van die beoordelaarspaneel, se sewende jaar as wynmaker daar te vier.

Sy het vertel dat die Chardonnay waarmee gaste na hul aankoms kon kuier, ’n “groot oomblik vir die plaas is. Daar was beslis ’n gaping in die mark vir ’n premium wit gehoute wyn en dit was heerlik om die wyn te maak.”

Sy het vertel dat die druiwe op 14 Februarie 2022 gepluk is en toe in Franse eikehoutvate verouder is. “Ek wou ’n goed-gehoute Chardonnay maak – nie een wat oorgehout is nie, maar waar eikehout goed ingespan is om goeie balans te gee.”

Die beoordelaarspaneel het verder uit Clive Torr, Marius Lategan, die wynmaker en -konsultant, Guy Mcdonald, radio-omroeper en seremoniemeester vir die dag en Bussell Retief, keldermeester van Van Loveren, bestaan. Die wyne word almal blind geproe.

Die beoordelaarspaneel is van links, Bussell Retief, keldermeester van Van Loveren, Marius Lategan, wynmaker en -konsultant, Narina Cloete, Blaauwklippen se wynmaker en voorsitter van die beoordelaarspaneel, , Guy Mcdonald, radio-omroeper en seremoniemeester vir die dag en Clive Torr.

Marius het aan gaste vertel dat die Chardonnay nie die eerste sedert 1993 is nie, want daar is later uitgevind die druiwe vir die 1993-oesjaar, was toe eintlik ’n mutasie van Chardonnay, so die wyn in gaste se glas, is die plaas se eerste ware Chardonnay!

Narina het vertel dat vanjaar se versnit ook ’n spesiale uitdaging aan wynklubs gestel het: hulle moes ’n klassieke rooiwyn versny, wat goed kan verouder. “Die kinkel in die kabel was egter dat hulle vanjaar vier wyne ontvang het, maar slegs drie kultivars: die Merlot 2022, Petit Verdot 2022 en twee style Shiraz: een tenk heelbessie en een tenk 50/50 heelbessie en heeltros,” het sy vertel.

Die vyf wynklubs wat uit die 64 inskrywings tot die finale rondte deurgedring het, is in alfabetiese volgorde: Doktors van der Merwe (Wes-Kaap), Kempton Park Wine Circle (Gauteng), Merlotz (Wes-Kaap), Tygerberg Wine Tasting Guild (Wes-Kaap) en Venterhootsenmarkram (Wes-Kaap).

Narina het vertel dat daar vanjaar selfs ’n duplikaat versnit was en die ander vyf een of twee persent verskil het. “Dit was ongelooflik naby.”

Doktors Van Der Merwe is die jongste wynklub en was maar twee maande oud ten tyde van die kompetisie en het ook net twee lede: Melissa van der Merwe en Anreza van der Merwe, twee blonde vriendinne met PhD in Landbouwetenskap. Hul wen-versnit was Shiraz 55%, Merlot 37% en Petit Verdot 8%.

Kempton Park Wine Circle was in tweede plek. Ester Smuts het vertel: “Ons is van Boksburg, maar ons drink nie wyne uit bokse nie.” Hul klub proe wyne tussen R70 en R150 en vergader by restaurante. Hulle herhaal nooit landgoedere nie en laat net 35 mense per proe toe. Daar is ’n streng stel gedragsreëls en hulle skryf sedert 2005 elke jaar in vir die BCC.

Johan Fourie van die Tygerberg Wine Tasting Guild, het vertel hul klub het in Gauteng begin, maar nadat hy in 1989 na Bellville verplaas is en hy eenmaal moes hoor toe hy Pinotage bestel: “is dit rooi of wit? En die winkel-assistent nie “jou Pinotage op die rak kry nie, maar het Cellar Cask”, het hy besluit hy moet ’n klub stig en mense opvoed.

“Die klub was baie formeel aanvankli en word een maal per maand gehou – tuis of op wynplase. Die afgelope 33 jaar het die klub al meeste plase besoek en ’n paar het selfs van 2008 tot 2011 hul eie wyn gemaak. “As jy self wyngemaak her, kan jy mense beter inlig,” het hy vertel. Hul klub het derde geeindig.

Doktors Van Der Merwe was die wen-span, met hul twee lede, Melissa van der Merwe en Anreza van der Merwe en Narina Cloete, Blaauwklippen se wynmaker en voorsitter van die beoordelaarspaneel.

In die gesamentlike vierde plek was Merlotz, met Jan Willem – ook ’n radio aanbieder – wat saam met sy suster in die klub is. Hul van is Lotz en daarvandaand die naam. Dis die eerste maal wat hulle inskryf en hul versnit se naam is Eternal Symphony.

Venterhootsenmarkram was ook in die vierde plek. Ian Venter was hul segsman. Hy het vertel die klub is ’n familie wynproe geleentheid, wat deur sy pa begin is. Dit het tans 12 lede, waarvan die jongste 18 jaar oud is. “Lede verouder tot lidmaatskap. My ma is oorlede net nadat ons ingeskryf het. Ons proe wyn oor Zoom of Teams, want ons lede woon in Amerika, Rustenburg en Kaapstad. En ons ‘proeë’ is pret – jy lag en deel en maak memories. Ons is deur my pa geinspireer en vandag is my kinders geinspireer – nie deur volume nie, maar deur die passie vir kwaliteit.”

Guy McDonald het namens die beoordelaars gesê al die wyne is baie drinkbaar nou, maar het uitstekende verouderingspotensiaal.

Narina Cloete, Blaauwklippen se wynmaker en voorsitter van die beoordelaarspaneel en Bussell Retief, keldermeester by Van Loveren. Van Loveren is ook sedert 2022 ’n trotse aandeelhouer in Blaauwklippen.

Die beoordelaarspaneel se wynproenotas oor vanjaar se wen versnit het as volg gelui: “Hierdie klassieke rooiwyn is meesterlik deur Doktors van der Merwe versny. Dit het speseryagtige pruim, donkersjokolade en ryk blomgeure op die neus. Gestruktureerde tanniene met ’n ryk middel-smaak gewig lei tot ’n deftige en voortslepende afwerking. Geniet nou of verouder.

“’n Pragtige wyn vir heilsame bredies, ’n klassieke Suid-Afrikaanse braai of om op sy eie saam met vriende en familie te geniet.”

Lees ook: Top wyne in vanjaar se Terroir-kompetisie aangewys

The post 40ste versnitkompetisie sorg vir groot opwinding by Blaauwklippen appeared first on rooi rose.

Deur: Clifford Roberts. Foto’s: Clifford Roberts

‘n Algehele 264 wyne het vanjaar by hierdie kompetisie ingeskryf.

Die wenners is by die Lanzerac Wynlandgoed op Stellenbosch aangekondig.

Bo-aan die lys was vyf trofee-wenners, naamlik Alto Cabernet Sauvignon 2018, gekies as vanjaar se beste wyn; Rietvallei Wyne, as beste produsent en wynlandgoed; Arbeidsgenot Wyne wat die Malmesbury-streek verteenwoordig, vir beste area; en, Slanghoek Wynkelder se Vinay Vin Rosé NV in die kategorie vir lae alkohol rosé.

Dit is die derde agtereenvolgende jaar dat Rietvallei met die trofee vir Beste Landgoed wegstap.

Nasionale wenners van al die kultivars en style is ook aangewys en het vanjaar 35 produsente van regoor die Kaapse wynlande ingesluit.

Die uitblinkers se sukses berus op goeie besluite, byvoorbeeld, waar kultivars geplant word omdat sommige vaar beter op sekere plekke as ander, en dan is daar ook die komplekse wynmaak-proses. Die mikpunt vir meeste premium-produsente – en beslis vir dié wat by die kompetisie ingeskryf het – is om die egtheid van ‘n spesifieke oesjaar so helder as moontlik in die wyn te weerspieël.

Dit is hiervandaan dat die Franse woord terroir sy ontstaan het. Terroir word algemeen gebruik om die natuurlike omgewing te beskryf waar ‘n wyn sy oorsprong gehad het. Dit sluit in onder andere grondtipes, hellings en klimaat.

Om aan die Terroir SA-kampioenskap deel te neem, moet wyne gesertifiseer wees as enkel-wingerd wyne, landgoed-geproduseerde wyne en wyne van ‘n afdeling of distrik nie betrokke in meer as een afdeling. Wyn word ten opsigte van kwaliteit oorweeg, maar ook ten opsigte van ‘n sy bo-gemiddelde weerspieëling van terroir. Die kompetisie is uitsonderlik omdat elke inskrywing deur die hele paneel van vyf spesialiste beoordeel word.

Die SA Terroir-toekennings is ‘n uitvloeisel van die Wyn van Oorsprong-skema wat vanjaar 50 jaar oud is. Dit is in 1973 ingehuldig en het verskeie gedaantes ondergaan, maar word steeds beskou as een van die beste stelsels om die egtheid van wyn in die bottel en wat op die etiket verskyn, te bevestig.

Tydens die geleentheid op Stellenbosch verlede week is ‘n spesiale toekenning ook aan die Wyn en Spiritus-raad vir hul bydra tot die volgehoue sukses van die Wyn van Oorsprong-skema.

Die funksie is Saterdag op KykNet se Ontbytsake uitgesaai.

Lees ook: Hierdie is geen geloofsdaad, maar van talent

The post Top wyne in vanjaar se Terroir-kompetisie aangewys appeared first on rooi rose.

Deur Maryke Roberts. Foto’s: Clifford Roberts

Dit was die afsluiting van Wine Town Stellenbosch, ’n jaarlikse geleentheid wat die wyne, kultuur en gastronomie van die Stellenbosch-streek bevorder. Dit poog om Stellenbosch as ’n uitstekende wynbestemming uit te lig deur ervarings te bied, wat sy ryk geskiedenis, lewendige kultuur en ongeëwenaarde wynkeuse dek.

Wine Town Stellenbosch, wat in 2021 vir die eerste maal gehou is, bied ’n diverse reeks geleenthede en ervarings, met iets vir almal. Hieronder is lewendige musiek-optredes, plaaswandelings, geïnspireerde maaltye en begeleide proeë – van formele tot informele geleenthede – alles met top-wyne as die sterre.

Mens kan nie anders as om vrolik te wees as jy by die Capo Classique Association se stalletjie met yskoue borrels kan kuier nie. Van links is Alastair Rimmer, wynmaker by De Morgenzon, Caroline van Schalkwyk en Louise Joubert van Kleine Zalze wyne.

Meer as 55 vooraanstaande Stellenbosch-produsente het meer as 200 wyne by die fees geskink. Sjefs Bertus Basson en Adele Grewar het gesorg dat besoekers se mae gevul bly.

Gaste het nie net lekker by die stalletjies gekuier of op die verhoog op die lekker fluweelbanke ontspan nie, hulle kon luister na die lewendige optredes deur Carol Thorns (Tjello in ’n borrel) en Dorette Roos (elektriese tjello), wat aangevul is deur die lewendige ritme van DJ Anker.

Wine Town het ook die bekendstelling van die maandlange #Stellenbucks Restaurant -beloningsprogram ingesluit. Die Stellenbucks Restaurant -beloningsprogram nooi besoekers uit om by enige deelnemende restaurant te eet, ’n minimum van R300 deur SnapScan te spandeer en Stellenbucks ter waarde van 30% van die rekening te sny.

Die maksimum koopbewyswaarde per transaksie is R250. Die koopbewys (ook bekend as Stellenrande) kan binne die veldtogtydperk via SnapScan Wallet by enige deelnemende restaurant in die dorp of by wynkelders gebruik word.

Jeanneret Momberg, HUB van Visit Stellenbosch, is opgewonde oor die bekendstelling van die veldtog en sê: “Die Stellenbucks Restaurant Rewards-program vier die kulinêre rykdom van Stellenbosch en nooi ons besoekers uit om die dorp se uiteenlopende gastronomiese aanbiedinge te geniet – van fynproewer restaurante en gemaklike eetplekke, tot wynkroeë.”

“Stellenrande is nie net ’n ete op ons nie; dit is ’n lonende ervaring waarmee jy geld kan verdien terwyl jy heerlike disse by van die beste eetplekke in die dorp geniet, terwyl jy die restaurant-ekonomie voed.”

Elmarie Rabe, Bestuurder van Stellenbosch Wynroetes, sê: “Ons streef voortdurend daarna om die eet-ervarings in Stellenbosch te verhoog. Die Stellenbucks-beloningsprogram vier kulinêre verkenning deur maaltye in belonings te omskep. Jou deelname is ons bederf, en jou ondersteuning onderhou hulle. Daar is meer a 35 restaurant,bistros en wynkroeë deel van die program.”

Die geleentheid is gebou op die deelname van wynkelders, wat gewissel het van erkende staatmakers tot opwindende nuwe deelnemers.

• Aanstaande jaar se Town Stellenbosch 2024 word van 30 Julie tot 4 Augustus 2024 gehou en sluit die Stellenbosch Wynfees op 2 en 3 Augustus in.

Lees ook: Een van SA se geliefde wyne word 50

The post Gewilde wynfees weer gehou appeared first on rooi rose.

Deur Maryke Roberts. Foto’s: Clifford Roberts

Die nuwe stylvollerestaurant, Upper Union naby Kloofstraat, was gasheer vir die dag en die sjef, Amori Burger, het aan gaste die verskillende deelborde kos verduidelik, wat elkeen gekies is om die wyne te komplimenteer. Die restaurant word in ’n gerestoureerde erfenisgebou van meer as 125 jaar oud in Upper Unionstraat, gehuisves.

De Wetshof is wêreldwyd bekend vir sy Chardonnay-wyne en by die proe het die derde geslag De Wets, Johann, wat besturende direkteur is en ook verantwoordelik is vir die wingerde, terwyl sy broer, Peter finansies en logistiek bestuur, meer oor die plaas vertel.

De Wetshof was die eerste geregistreerde wynlandgoed in die Robertson-wynvallei en het internasionaal bekend geword as Suid-Afrika se vooraanstaande Chardonnay-huis vanweë die baanbrekersrol wat dit gespeel het om hierdie edel Boergondiese druif aan die land bekend te stel.

Die De Wet-familie se wynmaak-erfenis kan egter teruggevoer word na 1694 toe die eerste De Wets aan die Kaap aangekom het en dadelik ‘n merk op die Suid-Afrikaanse wynbedryf gemaak het.

Johann het vertel die swaar reën in Junie wat groot dele van die Wes-Kaap laat verspoel en riviere hul walle oorstroom het, die hoogste watervlakke in 100 jaar tot gevolg gehad het en hulle ’n paar wingerdrye laat verloor het. “Maar ek het eerder reënskade wat ek kan herstel, as geen reën waaraan ek niks kan doen nie,” het hy vertel.

Johann het vertel daar is ’n groot fokus op Chardonnay in die Robertson area, waar al meer Chardonnay nou aangeplant word.

De Wetshof se Bateleur Chardonnay 2020 is deur die hoogsaangeskrewe wyntydskrif se Decanter Decanter World Wine Awards 2022 as een van die wêreld bestes en as Suid-Afrika se beste Chardonnay met 97 punte uitgesonder. Beoordelaars het die wyn as “elegant, super steenvrugtig en baie zippy” beskryf.

Johann het gesê: “Dis wat De Wetshof doen – en met die vingerafdruk vanwaar dit kom. Amper 90% van ons wingerde op die plaas is Chardonnay en ons het die meeste kalkgronde in die vallei. Altesaam 200 hektaar is onder wingerd en ons produseer ses verskillende Chardonnay van een plaas, met een wynmaker en een kelderspan. Dis baie divers en aanpasbaar. Ons fokus op egtheid van plek.”

Die landgoed oes jaarliks 2500 ton druiwe en die 2023 oesjaar, was volgens die wynmaakspan, twee oesjare in een. “Dit was ’n superster voor die reën en ’n nagmerrie ná die reën. Dit wat ná die reën gekom het, het net nie daardie persoonlikheid nie,” het Johann verduidelik.

Hy het voorts gesê klone was baie belangrik in sy pa, Danie – wat deur baie gereken word as die Vader van Suid-Afrikaanse Chardonnay – se dae. “Kloon 277 was baie belangrik vir hom. Ek gee nie veel om vir klone nie. Die grond het ’n groter invloed op druiwe, as die kloon. Kloon 55 word baie in die area geplant, maar ek het een blok met ses verskillende klone geplant. Ry vir ry verskillend. Dit lewer ’n lieflike resultaat. Ek sal nooit weer ’n blok net met een kloon beplant nie. Die intensiteit en geurprofiel is net só veelsydig met keuses uit dieselfde blok,” het hy vertel.

Gaste het sewe Chardonnays geproe: die Blanc de Blancs Cap Classique, Limestone Hill 2023, Bon Vallon 2022, Finesse 2022, The Site 2022 en Bateleur 2021.

Johann het bygevoeg die enigste probleem met ons Suid-Afrikaanse witwyne, is dat ons dit te jonk drink. Hulle kom eintlik tot hul reg op vier tot vyf jaar.

Johan het ook vertel van die nuwe Robertson-wynprojek waar wynplase kan deel wees van die eg Robertson Chardonnay-wynetiket, Calcrete Chardonnay genoem. Die wyne wat vir dié etiket gekeur word, moet die Robertson-vallei se vingerafdruk dra en tradisionele Robertson Chardonnay karaktereienskappe hê.

Wynplase skryf hul wyne in wat blind geproe word en as dit die “teksboek Robertson Chardonnay karakter het”, mag dit die etiket dra. Die wyn moet kalkagtig, oesterskulp, lae alkohol, lig, elegant, goeie mineraliteit hê en ongehout wees.

Die projek se rentmeester-wynmaker is die bekroonde Tommy Loftus, wat verlede jaar die Pon van Zyl-trofee ontvang het vir sy reuse bydrae aan die wynbedryf.

Elke plaas se wyn gaan verskil, maar dit moet binne sekere riglyne val. Die idee kom van Phillip Jonker by Weltevrede en vanjaar was hy, De Wetshof, Bon Courage, Rietvallei en Excelsior ook deel. Die etikette verskil, maar die Calcrete se font is oral dieselfde. Dit moet WO Robertson wees om die egtheid van plek oor te dra.

Johann het gesê: “Ek sal seker nie die positiewe nadraai hiervan sien in my leeftyd nie, maar hopelik sal my kinders en Robertson die vrugte pluk. Ek glo ongehoute Chardonnay kan Sauvignon blanc opdraende gee en dié van Robertson nog meer.

“Ek hoop Calcrete is dié kick-start van ongehoute Chardonnays in die wynmark.”

Lees ook: Bederf jouself hierdie Vrouemaand met spa-behandelings onder R 300

The post Chardonnay vertoon plek van egtheid appeared first on rooi rose.

Deur Maryke Roberts. Foto’s: Clifford Roberts

Die kompetisie wat vanjaar deur die bekende Franse vatmaker, Taransaud Tonnelier, geborg is, het 69 inskrywings uit die meeste van die Kaapse wynlande gelok.

Die Top 10 wenners is: Bein Merlot 2020, Carmen Stevens Merlot 2021, De Grendel Merlot 2019. Holden Manz Merlot Reserve 2019, Nabygelegen Merlot 2022, Nilberg Merlot Reserve 2018, Rainbow’s End Merlot 2020, Ridgeback Merlot 2020, Vondeling Barrel Selection Merlot 2020 en die Zorgvliet Merlot 2020.

Rainbow’s End het met die hoogste puntetelling geseëvier en sodoende nie net ’n plek in die Top 10 verseker nie, maar ook ’n eikehoutvat (barrique) van Taransaud én ’n bottel van Suid-Afrika se heel eerste Merlot, die Overgaauw 1982, ontvang.

Die Top 10 wenners is: Rainbow’s End Merlot 2020, Nilberg Merlot Reserve 2018, Carmen Stevens Merlot 2021, Vondeling Barrel Selection Merlot 2020 , Zorgvliet Merlot 2020, Ridgeback Merlot 2020, Holden Manz Merlot Reserve 2019, De Grendel Merlot 2019, Bein Merlot 2020 en die Nabygelegen Merlot 2022.

Die beoordelaars het aan gaste vertel dat vanjaar se inskrywings beslis ’n baie meer dinamiese verspreiding van Merlot-style getoon het, as verlede jaar se kompetisie. Die beoordelaars was Matthew Copeland (wynmaker by Vondeling en voorsitter van die beoordelaarspaneel), Cathy van Zyl MW, Malu Lambert, Raymond Noppé, Kaapse wynmeester en Francois van Zyl, Ladybird Vineyards se wynmaker.

Matthew het gesê Merlot is dalk oor ’n klein oppervlak in Suid-Afrika geplant, maar dit word wyd geniet en mense stem met hul beursies. “Waarmee ons nou met hierdie kompetisie besig is, is lank agterstallig.”

Hy het ook vertel dat Dr. Jean Brand van die Universiteit Stellenbosch wat altyd met Merlot-statistieke uithelp, tans besig is om die eerste Merlot aromawiel te ontwikkel.

Mathew het afgesluit en die borge, Beveratech, Amorim Cork, Theron du Plessis Prokureurs, Laffort, bedank met die woorde: “Dis so lekker dat ons borge by ons gestaan het toe Corona-virus gemaak het dat ons geen beweging op die wynfront gehad het nie.”

Mark Goldsworthy, die Suid-Afrikaanse agent van Chene & Cie, wat die Taransaud-vat vir die wenners geborg het, het gesê dis ’n voorreg om deel van die Merlot-kompetisie te wees. “Mens vergeet hoe jonk Merlot maar eintlik is in SA en ons produsente het ongelooflik ver gevorder sedertdien,” het hy gesê.

Dawie Botha, voorsitter van Hallo Merlot en wynmaker by Anthonij Rupert Wyne, het gesê die uitslae van die tweede Top 10 Merlot-kompetisie beklemtoon weer Suid-Afrikaanse wynmakers wat Merlot vervaardig, se algehele verbintenis tot kwaliteit, asook die streeks terroir-uitdrukkings.

“As die top-verkoper enkelvariëteit rooiwyn in Suid-Afrika, was die ontbrekende skakel in die land se Merlot-aanbiedings, die gebrek aan ’n kompetisie om hierdie wyn-variëteit te evalueer en erkenning aan die top-produsente te gee.”

Hy het voort gesê: “Hierdie tweede Hallo Merlot Top 10 het presies dit gedoen. Die wyne wat ingeskryf is het ’n diversiteit van terroir getoon en ’n kollektiewe verbintenis om uitstekende wyne van hierdie gewaardeerde Bordeaux-variëteit te maak.”

Al die wenners van die Hallo Merlot Top 10 met hul sertifikate.

Dawie het spesiale melding gemaak van Taransaud wat van vanjaar nie net die primêre borg is nie, maar ekstra aansporing tot die Hallo Merlot Top 10 gevoeg het deur ‘n nuwe Franse eikehout-barrique aan die top-telling wyn te bied.

“Die oordeelkundige gebruik van gehalte-vate, is ’n noodsaaklike deel van enige kwaliteit Merlot-wyn en Taransaud is vir jare ’n integrale deel daarvan om Kaapse wynmakers die beste houtvate te bied om ons in staat te stel om top-klas Merlot te maak,” het hy gesê.

“Taransaud is dus nie net ’n vennoot in die Hallo Merlot Top 10 nie, maar ’n belangrike skakel tussen ons wynmakers en ons doel om die diverse kwaliteit van Suid-Afrikaanse Merlot-wyne te wys.”

Dawie Botha, voorsitter van die Merlot Forum en wynmaker by Anthonij Rupert Wyne, Mark Goldsworthy, die Suid-Afrikaanse agent van Chene & Cie, David van Velden van Overgaauw, gasspreker en Matthew Copeland, wynmaker by Vondeling en voorsitter van die beoordelaarspaneel.

David van Velden van Overgaauw, die vierde generasie op die plaas, het by die geleentheid vertel Suid-Afrika se Merlot-reis het in 1969 in Bordeaux begin, toe sy oupa, ook David van Velden en Frans Malan van Simonsig – groot vriende – ’n oorsese reis na Frankryk onderneem het.

Hulle het eintlik gereis om meer van Cabernet Sauvignon te gaan leer. Hulle het verskeie plase in verskeie dele van Bordeaux besoek waar Cab Sauv geplant is, maar Merlot het hul oog gevang, toe hulle besef dit word meestal in grond met meer klei-inhoud geplant – tipiese Overgaauw terroir.

“Op hul besoek, sien hulle gereeld die 225 liter vate (barriques) – iets wat vir hulle vreemd was, want op daardie stadium het hulle net sementtenke en 4 000 liter foudres (groot eikehoutvate) geken.

“By Château Latour vra hulle toe uit oor dié kleiner vate en die redes hoekom dit gebruik word. Die feit dat vate gerooster word en die effek op die wyn tydens veroudering, het hul baie interesseer.

Hy het gesê hulle kry toe toestemming by die landgoed se wynmaker om hul tweedehandse vate te koop en na Suid-Afrika te bring. “Dit maak hulle die eerste Suid-Afrikaanse wynmakers om barriques te gebruik. Op daardie stadium het my oupa baie aandag aan die wingerde gegee, maar al sy druiwe self verwerk en in bulkwyn aan die groothandel verkoop. Met die 1970 oes, het die Latour-vate arriveer en hy het Cabernet Sauvignon in daardie vate verouder en sy eie handelsmerk in die daaropvolgende jaar vrygestel.”

Mark Goldsworthy, die Suid-Afrikaanse agent van Chene & Cie, wat die Taransaud-barrique vir die wenners geborg het, Anton Malan en Francois Malan van Rainbow’s End en David van Velden met ’n bottel van die eerste SA Merlot, die 1982 Overgaauw wat ook aan die wenners geskenk is.

David het verduidelik daar was egter nog geen druifkwekerye in die omgewing nie; elke plaas het sy eie klein kwekery en onderstokke gehad en nuwe materiaal deur Nietvoorbij gekry.

“Steeds opgewonde oor wat hulle rakende Merlot in Bordeaux gesien het, bekom hy in 1973 Merlotstokke, maar die stokke toon toe kort ná aanplanting, rolbladvirus simptome. My oupa het aanhoudend teruggegaan na Nietvoorbij en gevra vir virusvrye materiaal, ook toe my pa by hom aangesluit het in 1974. Die “vuiler” materiaal op Richter 99 onderstok hou toe nou maar aangroei op die plaas, terwyl hulle wag. Die antwoord kom toe het in die vorm van ’n Italiaanse kloon, MO3 wat hulle toe op die onderstok ent en in 1976 aanplant.”

Die 1979-oesjaar was Overgaauw se eerste Bordeaux-versnit (ten minste twee Bordeaux-kultivars waaronder Cabernet Sauvignon, Merlot, Cabernet Franc, Petit Verdot, Carmenère en Malbec) maar op daardie stadium steeds van die Merlot-wingerd met die ouer kloon.

In 1982 – een van die beste oesjare vir Stellenbosch – het sy pa, Braam, die twee verskillende klone in daardie oesjaar nagegaan en die wyn van die MO3 het mooier as die ouer materiaal gelyk. Hy het besluit om sy eerste enkelkultivar Merlot van dié kloon te bottel, maar almal het hom afgeraai en gesê Merlot is ’n versnit-komponent, dit word nie op sy eie gebottel nie, want dit sal nie verkoop nie.

“Hy het egter by sy besluit gehou en die land se eerste Merlot is inderdaad gebottel. Dis een van dié bottels wat ek vandag aan die wenners gee.”

David het gesê: “Kompetisies soos hierdie, hou my op my tone om elke jaar die bes-moontlike Merlot te produseer en dis lekker om van die land se voorste Merlots by geleenthede soos hierdie te proe.

“Ek het geleer dat die Merlot-pad vorentoe lê beslis by virusvrye wingerde geplant op die ideale ligging en ek is trots om te sien watter kwaliteit tans hier in Suid-Afrika produseer word.”

Die middag is afgesluit met ’n raar Merlot brandewyn van Durbanville Hills.

Lees ook: Halfeeu vir twee wyn mylpale

The post SA se Top 10 Merlots bekend appeared first on rooi rose.

Deur Maryke Roberts. Foto’s: Clifford Roberts

Dis ook ’n halfeeu sedert die bekendstelling van die Wyn van Oorsprong-skema (W.O.), wat internasionaal gereken word as een van die beste van sy soort. Hierdie skema het die wetlike beskerming van Suid-Afrikaanse wynproduserende streke én die regulering van wyne van ’n spesifieke kultivar of oesjaar, verseker.

Baie ander lande het in dié voetspore gevolg die afgelope vyf dekades en ook afgebakende gebiede bepaal, waaruit druiwe verkry word.

Daar is natuurlik geen beter plek om hierdie geskiedkundige verjaardae te vier as by Groot Constantia Landgoed – Suid-Afrika se oudste wynplaas – nie.

Verteenwoordigers van die Eerste 14 landgoedere wat in Suid-Afrika verklaar is, klink ’n glasie voor die historiese Groot Constantia kelder – Suid-Afrika se oudste wynplaas.

Bennie Howard, een van die eerste drie Kaapse Wymeesters en voorsitter van die reëlingskomitee van die Eerste 14-geleentheid, het gesê dis belangrik om die geskiedenis van hierdie skemas in ag te neem, as jy vir die toekoms beplan. Bennie is ook Meerendal -een van die eerste 14 – se bemarkingsbestuurder. Hy het gesê dis belangrik dat Suid-Afrikaners nie net die eerste 14 nie, maar ook die huidige meer as 200 landgoedere in die land, vier. Al 14 eerste landgoedere is vandag steeds in bedryf.

“Ons moet meer geraas maak oor die kwaliteit van ons wyne en ons wyn-erfenis se trotse geskiedenis.

“Ons geskiedenis is deel van ons toekoms.”

Hy het die bladsy uit die Staatskoerant van 10 Augustus 1973 aan gaste gewys, waarin die Minister van Landbou, Hendrik Stephanus Johan Schoeman, die amptelike aankondiging van landgoed-status verklaar het.

Die eerste 14 wynlandgoedere het op 1 September 1973 wynlandgoed-status ontvang, wat gespesifiseer het dat druiwe op die landgoed gepluk, gepars en verwerk moet word, verouder en gebottel moet word, soos gedokumenteer in die Staatskoerant nr. 1388.

Bennie het ook vertel dat as deel van die herdenkings, is ’n spesiaal ontwerpte logo, goedgekeur deur die Wyn- en Spiritusraad, op alle wyne, wat as landgoedwyne aangewys is, gebruik kan word.

Verteenwoordigers van al 14 eerste landgoedere – Alto, Backsberg, Groot Constantia, Middelvlei, Meerendal, Montpellier, Muratie, Neethlingshof, Overgaauw, Simonsig, Theuniskraal, Twee Jongengezzelen, Uiterwyk en Verdun (nou Asara) – was daar om die geleentheid te herdenk. En natuurlik kan mens nie feesvier sonder wyn nie en elke landgoed het van sy ouer wyne (ja, sommige 50 jaar oud!) saamgebring vir gaste om te geniet.

David en Braam van Velden van Overgaauw, een van die pioniersplase in die Suid-Afrikaanse wynbedryf, waar verskeie eerstes vir kultivar-spesifieke druifsoorte geplant en gebottel is. Vier wyne van 1973 tot 2020 kon hier geproe word.

Jean Naude (uitvoerende hoof van Groot Constantia) het ’n historiese proe van die afgelope 50 jaar se wyne van dié landgoedere voorafgegaan.

’n Uitgelese paneel en lede van die gaste wat al vir jare in die wynbedryf aktief is, het die belangrikheid van die W.O-skema en die wynlandgoed-konsep uitgelig en onder meer gesê dat die totstandkoming van die W.O-skema deurslaggewend was in die behoud van die identiteit van Suid-Afrikaanse wyne en die verbetering daarvan. Sonder die eerste 14 wynlandgoedere, sou die Suid-Afrikaanse wynbedryf nie vandag gewees het waar dit is nie en ook nie die internasionale aansien geniet het, wat dit tans geniet nie.

Die W.O-skema gee nie net aan wynkopers gemoedsrus oor kwaliteit nie, maar is ook ’n gewaarborgde sertifiseringstelsel van naspeurbaarheid.

Die Suid-Afrikaanse wynbedryf het verlede jaar 368,8 miljoen liter wyn na 130 lande uitgevoer: ’n bydrae van R9,9 biljoen tot die bruto binnelandse produk (BBP). Die bedryf verskaf ook werk aan meer as 350 000 mense.

Die aangepaste landgoed-wetgewing het dalk die afgelope paar dekades verbruikers verwar, maar die enkelwingerd-wyne waar wyne uit spesifieke blokke of wingerdrye gemaak word, blyk dalk ’n beter manier te wees om in die toekoms naspeurbaarheid te verteenwoordig en sodoende die waarborg van kwaliteit te wees.

Lees ook: Twintigste Decorex Kaapstad lok duisende

The post Halfeeu vir twee wyn mylpale appeared first on rooi rose.

Deur  Maryke Roberts. Foto’s: Clifford Roberts

Natalie Kühne is een van die wynmakers by Perdeberg Kelder en sy en Chantelle Boucher, bemarkingsbestuurder, vertel ons meer en laat ons ook sommer van die bekroonde wyne proe.

Die kelder het in 1941 sy deure as koöperatiewe kelder onder die leiding van die dinamiese Jan Rossouw geopen. Die eerste wyne is in 1942 met die hand gepars en P. Dreyer was die eerste wynmaker. Maar draai die horlosie vinnig aan na 2023. Die kelder is sedert 2010 nie meer ’n  koöperatiewe kelder nie en druiwe word uit uitgesoekte blokke meestal in die Paarl en Swartland gekoop, nadat ’n span wynmakers hul keuses gemaak het vir die wye reeks wat die kelder maak.

Die kelder het in 2005 die bottelmark betree en weggedoen met net bulkwyne lewer. Dis egter die loodsing van die The Dry Land Collection, sekerlik een van die bekendste wyn-etikkete in die land, wat hulle waarlik in die kollig geplaas het. Die kelder wen ook die Beste Produsent by die Michaelangelo-toekennings en loods die Joseph’s Legacy-rooi versnit, om hulde te bring aan Joseph Huskisson, wat in 1956 as eerste voltydse wynmaker aangestel is en ’n deurslaggewende rol gespeel het in die modernisering van Perdeberg se wynmaakmetodes. Hy het Perdeberg die tweede kelder in Suid-Afrika gemaak wat koue gisting gebruik en ander nuwe tegnologieë uit Europa implementeer.

In 2014 word die verouderingskelder ingewy en na Pieter du Toit, een van die langsdienende direkteure vernoem. In 2015 stel Perdeberg die Rossouw’s Heritage-wynreeks bekend om Jan Rossouw, die stigterslid, te eer.

Tydens Covid vier Perderberg hul 80ste verjaardag en waar baie ander mense moedeloos wou wees oor die stand van uitvoere, die verbod op drankverkope en ander struikelblokke wat die pandemie meegebring het, is die kelder weer ’n pionier. Die beperkte hoeveelheid Rex Equus Limited Release Pioneer’s Blend sien die lig. Dit is geïnspireer deur die 80 jaar van kwaliteit en uitnemendheid gevolg deur die pioniers van Perdeberg. Hoewel die wyn deur Franse flair en elegansie beïnvloed word, word dit van vier Bordeaux-kultivars gemaak –  Malbec, Cabernet Sauvignon, Merlot en Petit Verdot – en is dit so trots Suid-Afrikaans as wat kan kom. Dis die kelder se eerste Bordeaux-versnit en het Malbec as hoeksteen.

Die Rex Equus Pioneer’s Blend 2019 is vir die kelder se 80ste verjaardag gemaak.

Nog is het einde niet. Die afgelope twee jaar sien die Soft Smooth Range (SSR) die lig – in blikkies. Hierdie reeks oorbrug die gaping tussen semi-soet en droër wyne; die Classic Selection is uitgebrei en bied enkel versnitwyne met ’n klassieke styl; die Lighthearted-reeks wat laer in alkohol is, word ook as stilwyn in bottels en wyngebaseerde seltzer blikkies vrygestel. Die pragtige etiket met ’n fynboshart gee presies weer wat in elke bottel wyn gaan. Drie Fair trade wyne word onder die nuwe Saam-etiket vrygestel, ’n Chenin blanc, Cabernet Sauvignon en Pinotage.

Die Lighthearted-reeks wat laer in alkohol en dus ook laer in suiker is. Die pragtige etiket met ’n fynboshart gee presies weer wat in elke bottel wyn gaan.

Die Vineyard Collection, ’n wanderlus reeks met niskultivars, bied maklike drinkwyne wat nie jou beursie sal platdruk nie, met witwyne wat ongehout is en rooiwyne wat kort houtveroudering geniet.

Natalie sê die filosofie by Perderberg is sedert 2017 is ’n groter fokus op vruggedrewe, elegante en komplekse wyne, wat nie deur houtveroudering oorheers word nie.

Alle Vineyard Collection rooiwyne word vir 12 maande in vate verouder en die Dryland Collection se rooiwyne vir 18 maande.

Van 2021 is The Vineyard en Dryland-reekse veganis-vriendelik en van 2022 is al die Perderberg wyne  nou veganis-vriendelik.

Om Perdeberg se toewyding tot volhoubare boerderypraktyke te vertoon, word die eerste organiese wyn, die Natuurlik Organic Chenin blanc in September verlede jaar vrygestel. Die druiwe kom uit bosstokwingerde in Darling, wat deur fynbos omring word. Die eerste organiese rooi is ook in die vooruitsig.

Om Perdeberg se toewyding tot volhoubare boerderypraktyke te vertoon, word die eerste organiese wyn, die Natuurlik Organic Chenin blanc vrygestel.

Ander hoogtepunte is die vrystelling van die Enkelkultivar Grenache Noir, wat ’n Dubbelgoud by Veritas ingepalm het; ’n nuwer, byderwetse ontwerp vir die wyn-etikette waar elemente van die kelder se ou logo inkorporeer is met meer moderne style; ’n eerste Chardonnay met baie min houtkontak; en die bekendstelling van Suid-Afrika se eerste wyngebaseerde Selzer in blikkies. Dit het Chenin blanc as hoeksteen en tans is daar suurlemoen en lemmetjie; en gemengde bessies in die reeks.

Die Grenache Blanc, was saam met die Cinsault die eerste enkelkultivar in The Vineyard Collection en is nou in Pick ’n Pay-takke landswyd beskikbaar.

Perdeberg het nou ook vier geregistreerde ou wingerde onder die Old Vine Project (OVP), ’n sertifisering dat wingerde ouer as 35 jaar oud is en Chantelle sê dit is veral gewild én van groot waarde met oorsese bemarking, waar kopers ’n outentieke storie soek.

So tussen die gesels deur, teug ons aan yskoue The Vineyard Collection Chenin blanc Cap Classique 2020, voor ons die The Vineyard Collection Grenache Blanc 2022, Endura Chenin blanc 2020 en twee witwyne uit The Dryland Collection, die 2020 Rossouw’s Heritage, ’n versnit van Chenin blanc, Grenache blanc en Viognier en die nuwe Courageous, ’n houtgegiste (OVP) Chenin blanc 2022 geniet. Na dié heerlike witwyne, besef ek net weer hoekom hierdie kelder hulself die Huis van Chenin gedoop het.

Ons proe die The Vineyard Collection Grenache Blanc 2022, Endura Chenin blanc 2020 en twee witwyne uit The Dryland Collection, die 2020 Rossouw’s Heritage, ’n versnit van Chenin blanc, Grenache blanc en Viognier en die nuwe Courageous, ’n houtgegiste Chenin blanc 2022 geniet.

Die Barrel Fermented Chenin se 2022-oesjaar is pas vrygestel en die naam is heel gepas, Courageous. “Dit sal altyd ’n jaar nadat die druiwe gepluk is, vrygestel word. Dis ’n voller Chenin en ryper, want dit bring 8-10 maande in vate deur. Dis die een wyn wat in parstyd gebottel word, maar dis wat die wyn vra,” gesels Natalie. Sy sê as hy nog drie maande in die bottel kan wees, gaan hy op sy lekkerste wees.

Ons proe daarna uit The Vineyard Collection die Cinsault 2022, Grenache Noir 2021 en Malbec 2020; die Endura Cape Blend 2018 en die kersie op die koek, die Rex Equus Pioneer’s Blend 2019. Natalie vertel die Endura 2018 is ’n Kaapse versnit (dit moet oorwegend Pinotage bevat) en een van die ses Absa Top 10 2022 Perold Cape Blend wenners.

Ons proe daarna uit The Vineyard Collection die Cinsault 2022, Grenache Noir 2021 en Malbec 2020; die Endura Cape Blend 2018 en die kersie op die koek, die Rex Equus Pioneer’s Blend 2019. Natalie vertel die Endura 2018 is ’n Kaapse versnit (dit moet oorwegend Pinotage bevat) en een van die ses Absa Top 10 2022 Perold Cape Blend wenners.

Dis haar gunsteling wyn. “Naas Pinot Noir is ’n ordentlike Bordeaux-versnit vir my heerlik. Daar is net geure wat geen ander versnit vir jou gee nie. Die natuur, die fynbos en die omgewing is in hierdie wyn. Hy kruip in jou mond in en dan ontplof hy. Dis grotendeels Malbec, want dit was ’n uitsonderlike Malbec-oesjaar.”

Daar is net 1941 bottels en 80 Magnums beskikbaar en kopers kan per nommer bestel, as hul verlangde nommer nog beskikbaar is.

Haar raad is dat hul rooiwyne soos die Cinsault en Grenache Noir is heerlike rooiwyne vir die somer of as jy ligter rooiwyn in die winter soek. “Verkoel dit na so 16 grade in die somer en kyk hoe lekker werk dit met jou gunsteling vriende (en geregte)!”

Die hoofman in die kombuis by Eat @ Perderberg is die ervare Robert Hahn wat al regoor die land by groot hotelle en gastehuise ook gekook het.

Na die lekker wynproe, stap ons om na Eat@Perdeberg, wat in April 2019 geopen het. Nou kan wynproewers nie net peuselborde geniet nie, maar volwaardige etes en plattelandse hartlikheid in elke bord kos geniet. Die hoofman in die kombuis is die ervare Robert Hahn wat al regoor die land by groot hotelle en gastehuise ook gekook het. Hy was ook in 1994 vir die presidensiële inhuldiging van president Nelson Mandela, deel van die sjefspan.

Lees ook: Kaapstad nou op Norwegian Cruise Lines se skeepsvaart-roete

The post Groot gebeure by Perdeberg die afgelope twee jaar appeared first on rooi rose.