Sewe jaar gelede het ’n ma se selfoonvideo van haar dogter wat teen ’n rugbypaal vasry soos ’n veldbrand versprei en die woorde “my f*k, Marelize” het deel van die volksmond geword. Skielik het almal geweet wie die Horns van Windhoek was.

My f*k, Marelize! maak sy kykNET-debuut op 9 Mei om 20:00 en sal ook op DStv Stream en Catch Up beskikbaar wees.

Dis aangewys as die gehoor se gunsteling by verlede jaar se Silwerskermfees, en by die glansryke Silwerskermtoekennings vir Film en TV het My f*k, Marelize! nog twee groot pryse losgeslaan. Je-ani Swiegelaar, wat Heidi Horn speel, het gewen in die kategorie vir beste aktrise, en Zandélle Meyer het vir haar vertolking van Marelize Horn die toekenning vir beste vroulike byspeler ingepalm.

Toe die fliek einde Augustus 2025 in rolprentteaters vrygestel is, was dit nommer een by die loket in die openingsnaweek. 

“Dié eersteklas Afrikaanse rolprent is nie wat jy verwag nie, en dis verkwiklik. Dit is ’n bekoorlike fliek oor barmhartigheid en die hegte bande in ’n gesin. Dit sal ’n pleister oor jou depressie plak. Gaan kyk – dis buitengewoon!” het Leon van Nierop in Rapport geskryf. 

My f*k, Marelize! is gegrond op ’n ware verhaal van ’n virale video wat ’n nasie geïnspireer en ’n uitdrukking in die volksmond geword het. Dis ’n grootwordrolprent wat gaan oor Heidi, ’n vrou met verbete wilskrag wat haar kanker vir haar familie wegsteek, en Marelize, haar ongeluksvoëldogter wat moet leer fietsry om as au pair in Nederland te gaan werk.

My f*k, Marelize! maak sy kykNET-debuut op 9 Mei om 20:00 en sal ook op DStv Stream en Catch Up beskikbaar wees. 

KYK| My f*k, Marelize! se amptelike lokprent

Lees ook: In die sop: Gastehuisrevolusie doen dit weer: ‘Dit kos soveel om gaaf te wees, Yvonne!’

The post GOEIE NUUS | Trefferfliek ‘My f*k, Marelize!’ eersdaags op kykNET te sien appeared first on rooi rose.

Van afval en opstaan

Die voorblad van hierdie maand se rooi rose straal – nie net vanweë die helder Namibiese son waar die fliek My f*k Marelize geskiet is nie, maar vanweë die warmte en opregtheid van twee vroue wat hul harte en talente ten volle aan ’n storie toevertrou het. In die fliek vertolk Je-ani Swiegelaar en Zandélle Meyer die rol van ’n ma en dogter – karakters met dieper lae as wat ’n mens op die oppervlak sou raaksien. Maar dit is ook hul eie reis – as aktrises, as vroue, as mense op soek na betekenis en geluk – wat dié rolprent só besonders maak.  

Skool by die huis – dis MOS lekker     

Al  hoe meer ouers oorweeg deesdae om verskeie redes tuisonderwys vir hul kinders. Moderne tegnologie maak tuisskool vandag ook soveel meer toeganklik. Wat is die voordele van tuisskool en watter uitdagings moet ouers oorbrug wanneer hulle dié groot stap neem?   

Ons loer in by Pieter Koen en Annie Malan

Nadat die bekende sanger en aanbieder vir ’n wyle oor die waters in Amerika saam met sy gesin gaan bly het, is hulle terug. Pieter Koen is ook douvoordag op mense se kassies in ’n nuwe program te sien en hy vertel meer daaroor.  

Met min kan jy ver kom

Varkvleis is meer as net ’n varktjoppie op die braairooster. Daar is soveel wat jy daarmee kan doen as om dit net te braai. Hier volg ’n paar maklike varkvleisgeregte.  

Stééds ’n man

Prostaatkanker is een van die ingrypendste uitdagings wat ’n man kan trotseer, nie net fisiek nie maar ook emosioneel. Elred Lawrence praat openhartig oor sy ervaring, vanaf die diagnose tot die manier waarop dit sy lewensuitkyk verander het.

Saam opgewonde oor môre 

Tenile Müller en Lucet de Beer Müller se ma-en-dogter-reis was nie altyd maanskyn en rose nie. Maar dié wenners van ons ma-en-dogter-kompetisie, kan getuig dis juis die swaarkrytye wat hul band vandag sterker as ooit gemaak het.  

Gaan groot met grenadella      

Grenadellas is ’n somervrug met ’n soetsuur, eksotiese smaak. Probeer hierdie eenvoudige idees die volgende keer wat jy lus is om iets te bak.       

Lente is in die lug! 

Dis die tyd van die jaar wat mense tradisioneel skoonmaak, weggooi en ’n nuwe blaadjie vir die lente omslaan. Jy kan egter meer as net jou huis skoonmaak en ook van klotter in jou lewe ontslae raak   

Vir pienkvoete

In ons jongste uitgawe is twee maklike skoenpatrone vir klein mensies om te probeer.  

Doelloos in jou dertigerjare      

Jongmense het soveel drome en ideale in hul twintigerjare, maar soms wag die derde dekade met minder genade. Skielik kyk jy op en is jy vas in ’n groef, maar hoe kom jy daaruit?   

Lees ook: WEN ’n SKIN Willem Botha Beauty-geskenkpak ter waarde van R2 700!

The post 10 redes waarom jy rooi rose se Oktober-uitgawe móét lees! appeared first on rooi rose.

Resensente en gehoorlede wat dit by die Silwerskermfees gesien het, is dit eens dat My f*k, Marelize! een van die flieks is wat jy vanjaar móét sien. En die goeie nuus is dat jy dit dadelik in ’n teater kan gaan kyk, want Marelize het vanaf vandag 29 Augustus in bioskope in Suid-Afrika en Namibië begin draai.

Dis aangewys as die gehoor se gunsteling by vanjaar se Silwerskermfees, en by die glansryke Silwerskermtoekennings vir Film en TV het My f*k, Marelize! nog twee groot pryse losgeslaan. Je-ani Swiegelaar, wat Heidi Horn speel, het gewen in die kategorie vir beste aktrise, en Zandélle Meyer het vir haar vertolking van Marelize Horn die toekenning vir beste vroulike byspeler ingepalm.

“Dié eersteklas- Afrikaanse rolprent is nie wat jy verwag nie, en dis verkwiklik. Dit is ’n bekoorlike fliek oor barmhartigheid en die hegte bande in ’n gesin. Dit sal ’n pleister oor jou depressie plak. Gaan kyk – dis buitengewoon!” – Leon van Nierop, Rapport

“Swiegelaar hou en stuur dié prent soos Heidi haar gesin. Nooit wankel sy na goedkoop emosie nie, nooit tap sy of speel sy vir effek nie. Heidi is soos ’n boegbeeld in ’n stormsee, Swiegelaar speel haar met stil oortuiging.” – Laetitia Pople, Netwerk24

“Die storie agter die titel was verrassend. Net weer ’n bewys dat daar altyd ’n storie agter die storie is. My f*k, Marelize! is ’n verhaal wat diep snare roer – van gewone familie-dinamika, liefde en humor ten spyte van klippe wat in ons pad gerol word. Uitstekende fliek!” – Justine Krige ná afloop van die première

Hier is nog vyf redes om nie My f*k, Marelize! mis te loop nie.

• Die fliek vertel die storie agter die storie van die selfoonvideo wat ’n ma van haar dogter geneem het waar sy teen ’n rugbypaal vasry. Die woorde “my f*k, Marelize” het ’n gewilde uitdrukking in die volksmond geword, en skielik het almal geweet wie die Horns van Windhoek is. Dis ’n rolprent oor hierdie gesin se lief en leed en is vol humor, familieliefde en medemenslikheid.
• Die regisseur is Zandré Coetzer, en die draaiboekskrywer is Brett Michael Innes. Beide is vir Silwerskermtoekennings vir My f*k, Marelize! benoem. “Dis ’n storie oor familie,” sê Zandré Coetzer. “Hierdie is ’n fliek vir enigiemand wat weet hoe familie-dinamiek ook familie-dinamiet kan wees. Die storie is in sy wese eintlik so klein, maar dit tref so diep. Dis ’n storie oor die lewe.”
• Die rol van Tiaan Horn word deur Neels Clasen (Niggies, Spoorloos: Losprys) gespeel, en Nichola Viviers is Marelize se ousus, Wilmari. Nichola, wat drama aan die Universiteit Stellenbosch studeer het, het vroeër vanjaar die Fleur du Cap-toekenning vir belowendste student gewen.
• My f*k, Marelize! is in Windhoek verfilm en deur Nagvlug Films en Nostalgia Productions van Suid-Afrika, en Joe Vision Productions van Namibië vervaardig. Indigenous Film Distribution versprei die film.
• Die Horns van Windhoek was gaste by vanjaar se Silwerskermfees en was nie net daar vir die première nie, maar kon ook in die vreugde deel toe Je-ani en Zandélle  Saterdagaand hulle toekennings gewen het.

Hiermee die lys van fliekteaters waar dit gaan wys in Suid-Afrika en Namibië:

Ster Kinekor

• Bay West – Port Elizabeth
• Blue Route Mall Tokai – Kaapstad
• Brooklyn Mall – Pretoria
• Cape Gate – Kaapstad
• Cradlestone Mall – Johannesburg
• Cresta Mall – Johannesburg
• The Grove – Windhoek
• Maerua Mall – Windhoek
• Garden Route – George
• Waterest – Pinetown
• Ilanga Mall – Mbombela
• Mall of the North – Polokwane
• V&A Waterfront – Kaapstad
• Mimosa Mall – Bloemfontein
• Mooi River – Potchefstroom
• Rosebank Nouveau – Johannesburg
• Somerset Mall – Somerset West
• Rustenburg – Rustenburg
• Eastgate – Johannesburg
• Irene – Pretoria
• The Grove Lynnwood – Pretoria
• Tygervalley – Kaapstad
• Vaal Mall – Vanderbiljl Park

Nu Metro

• Canal Walk – Kaapstad
• Menlyn – Pretoria
• Ballito Junction – Kwazulu-Natal
• Worcester – Wes-Kaap
• Boardwalk Casino – Port Elizabeth
• Loch Logan – Bloemfontein
• Woodlands – Pretoria
• Galleria – Amanzimtoti
• Clearwater Mall – Johannesburg
• The Pavillion – Durban

Onafhanklik

• Whale Coast Roadhouse – Hermanus
• Epic North Ridge – Bloemfontein
• Movies @ Montecasino – Johannesburg
• Movies @ Silverstar – Krugersdorp
• Grand West Casino – Kaapstad

Lees ook: Charl Arangies gesels oor Vaal Riviera se verassings en sy liefde vir motorsport

The post ‘My f*k, Marelize!’ in teaters ná triomf by Silwerskermfees | 5 redes om dit nie mis te loop nie appeared first on rooi rose.

Ses jaar gelede het ’n ma se selfoonvideo van haar dogter wat teen ’n rugbypaal vasry soos ’n veldbrand versprei en die woorde “my f*k, Marelize” het deel van die volksmond geword. Skielik het almal geweet wie die Horns van Windhoek was.

Vanjaar by die Silwerskermfees, wat van 20 tot 23 Augustus in Kampsbaai, Kaapstad gehou word, word My f*k, Marelize! vir die eerste keer vertoon, maar daar is goeie nuus vir elkeen wat nie kan wag om te sien hoe hierdie video tot ’n volwaardige speelfilm uitgebou is nie: My f*k, Marelize! is van 29 Augustus landwyd in Suid-Afrika asook in filmteaters in Namibië te sien.

“Dis ’n storie oor familie,” sê die regisseur Zandré Coetzer. “Hierdie is ’n fliek vir enigiemand wat weet hoe familie dinamiek ook familie dinamiet kan wees. Die storie is in sy wese eintlik so klein, maar dit tref so diep. Dis ’n storie oor die lewe.”

My f*k, Marelize! is ‘n roerende familiestorie oor Heidi, ’n wilskragtige ma wat haar kanker wegsteek vir haar familie, en haar dogter Marelize, ’n ongeluksvoël, wat moet leer fietsry om ’n au pair in Nederland te word.

In die rolverdeling is Zandélle Meyer as Marelize met Je-ani Swiegelaar en Neels Clasen as haar ouers, Heidi en Tiaan. Nichola Viviers is Marelize se kleinsus Wilmari.

“Nooit in ons wildste drome nie,” sê die ware Marelize Horn oor die feit dat hierdie kort video van haar op ’n fiets so ’n groot storie, en nou ’n fliek, geword het. “Mamma het die video met sussie en familie gedeel en ons het gedink dit was die einde. Maar oornag het dit soveel mense aangeraak. Ander mense het dit op Facebook en YouTube gesit en dit het gewys ander mense wou ook hierdie prettige oomblik deel. Dis eintlik nog steeds nie ’n realiteit nie. Met hoeveel mense gebeur so iets?”

Sy sê die fliek is vir ma Heidi belangrik juis omdat dit haar storie en pad met kanker vertel. “Haar storie is nie ’n maklike een nie. Sy het hard baklei en sy wou die lig aan die einde van die tonnel sien. Dit is die belangrikste. Ons wil graag hê mense moet weet die antwoord is die Here. Ons sou nie hierdie pad op ons eie kon stap nie. Mense moet besef jy is nooit alleen nie, maak nie saak hoe die wêreld daar buite lyk nie.”

In hulle badkamer hang daar ’n bordjie met die woorde ‘elke dag is nie goed nie, maar daar is goed in elke dag’.

“Die lewe het al met ons gemors en hierdie is van die waarste woorde vir ons familie,” sê Marelize. “Die fliek gaan oor mamma. Sy het die geleentheid om haar storie te vertel en iemand te help wat dit nodig het.”

Zandré en Brett Michael Innes, die draaiboekskrywer van My f*k, Marelize! en bekend vir die rolprente Sink (2015) en Fiela se kind (2019), het ’n hele paar keer by die Horn-gesin in Namibië gaan kuier.

“Hulle het hul huis en harte vir ons oopgemaak en dit het later gevoel of ons by familie kuier. Ek wou ’n film maak waarop hulle trots sal wees. Die Horns het my weer laat besef hoe belangrik dit is om aan familieverhoudings te werk en hoe bevoorreg mens is om ’n familie te hê. Ek wou dít graag vasvang. My hoop is dat wanneer mense die fliek klaar gekyk het, hulle hul familie sal bel om planne te maak om saam te kuier.”

My f*k, Marelize! is in Windhoek verfilm en deur Nagvlug Films en Nostalgia Productions van Suid-Afrika en Joe Vision Productions van Namibië vervaardig. Indigenous Film Distribution versprei die film.

Die film is moontlik gemaak deur kykNET, Multichoice Namibië en die NFVF (Nasionale Rolprent-en-videostigting).

KYK| My f*k, Marelize! se amptelike lokprent

My f*k, Marelize! begin op 29 Augustus landwyd en in Nambië in rolprentteaters wys.

Hiermee die lys van fliekteaters waar dit gaan wys in Suid-Afrika en Namibië:

Ster Kinekor

• Bay West – Port Elizabeth
• Blue Route Mall Tokai – Kaapstad
• Brooklyn Mall – Pretoria
• Cape Gate – Kaapstad
• Cradlestone Mall – Johannesburg
• Cresta Mall – Johannesburg
• The Grove – Windhoek
• Maerua Mall – Windhoek
• Garden Route – George
• Waterest – Pinetown
• Ilanga Mall – Mbombela
• Mall of the North – Polokwane
• V&A Waterfront – Kaapstad
• Mimosa Mall – Bloemfontein
• Mooi River – Potchefstroom
• Rosebank Nouveau – Johannesburg
• Somerset Mall – Somerset West
• Rustenburg – Rustenburg
• Eastgate – Johannesburg
• Irene – Pretoria
• The Grove Lynnwood – Pretoria
• Tygervalley – Kaapstad
• Vaal Mall – Vanderbiljl Park

Nu Metro

• Canal Walk – Kaapstad
• Menlyn – Pretoria
• Ballito Junction – Kwazulu-Natal
• Worcester – Wes-Kaap
• Boardwalk Casino – Port Elizabeth
• Loch Logan – Bloemfontein
• Woodlands – Pretoria
• Galleria – Amanzimtoti
• Clearwater Mall – Johannesburg
• The Pavillion – Durban

Onafhanklik

• Whale Coast Roadhouse – Hermanus
• Epic North Ridge – Bloemfontein
• Movies @ Montecasino – Johannesburg
• Movies @ Silverstar – Krugersdorp
• Grand West Casino – Kaapstad

Lees ook: Hirome wen Die brug: “Ek het geweet ek gaan deel, nog voordat ek geweet het ek gaan wen”

The post PAS BEKEND | ‘My f*k, Marelize!’ binnekort in fliekteaters in SA en Namibië appeared first on rooi rose.

As regisseur bring die filmmaker Zandré Coetzer dié Namibiese familieverhaal na die grootskerm met My f*k, Marelize!, ’n hartroerende en humoristiese film, geïnspireer deur die Horn-gesin.

Zandré vertel meer:

Je-ani Swiegelaar vertolk die rol van die ma, Heidi, en Zandélle Meyer is die dierbare Marelize. Hoe het julle die rolverdeling benader?

Die rolverdeling was absoluut sentraal. As jy regte mense moet uitbeeld, soek jy meer as net talent en iemand wat soos die karakter lyk. Daarvoor het ek geweet ek het reeds ’n grimering- en garderobe-span wat magic kan maak. Jy soek teenwoordigheid en ’n gevoel van egtheid. Ons het nie die akteurs volgens voorkoms gekies nie; ons het eerder gefokus op die energie tussen hulle voor die kamera.

Ek het Je-ani jare gelede tydens oudisies vir ’n ander projek ontmoet en ek was toe reeds beïndruk. Hierdie keer was die tyd en die projek nommerpas, en gelukkig was ’n speelfilm ook op haar wenslysie. Je-ani, tesame met Zandélle, Neels Clasen en Nichola Viviers, het vir ons die Horns se dinamika met humor, egtheid en siel laat voel. Dit was regtig ’n ongelooflike rolverdeling.

Hoe balanseer jy vermaak met respek wanneer jy regte mense in ’n speelfilm moet uitbeeld?

Dis ’n delikate balans. Jy werk met regte mense, so as jy dit nie met respek aanpak nie, stel jy hulle regtig teleur. Ons het die storie benader soos iemand wat die verhaal van ’n mal aand oorvertel … Dalk dramaties, dalk deurmekaar, maar met die gevoel van waarheid.

Ons het doelbewus elemente van vermaak ingesluit, maar altyd met die Horns se essensie in gedagte. Die film moes voel soos ’n tuisvideo – eerlik en intiem. Ons het selfs by die kankerorganisasie waar Heidi werklik behandeling ontvang het, geskiet. Ons wou hul wêreld so getrou as moontlik vasvang. Meeste goed in die draaiboek het werklik gebeur, dalk net nie in daardie week of jaar nie.

Wat het julle in hierdie storie laat belangstel en hoekom dink julle werk dit as speelfilm?

Ek en Brett Michael Innes, die draaiboekskrywer, wou lankal al saamwerk. Soos mense wat aanhou belowe hulle gaan nog saam braai! En toe besluit ons dit is nou of nooit. Hy’t nog lank ná die video uitgekom het daaroor getob, en toe met Marelize begin gesels. Ons het besluit om Namibië toe te gaan om die Horns te ontmoet. Tiaan, Marelize se pa, het ’n lekker kroeg by sy huis en daar het ons gesit, stories gedeel en besef daar’s baie meer aan hierdie gesin as net ’n snaakse video.

Hulle het my herinner aan vakansies by my ouma, met kos, speelkaarte en liefde sonder woorde. Brett het later gesê ek moet regisseer, want ek het hul hart verstaan. Ons het geweet ons wou nie nóg ’n disfunksionele gesin uitbeeld nie, ons wou iets wys wat warm, herkenbaar en liefdevol is. Die Horns is ’n goeie, gesonde familie.

Het julle van die begin af daardie lae in die film gesien, of het dit tydens die proses ontvou?

Ons het met ’n raamwerk begin, maar alles het verdiep toe ons hulle ontmoet. Die Horns het ons vertrou met hul storie, iets waarvoor ek baie dankbaar is. Hulle was nie betrokke in die verfilmingsproses nie, maar hulle het ons visie volkome vertrou. Hulle het self nog nie die finale film gesien nie, só groot is hul vertroue.

Wedersydse respek en oop kommunikasie was noodsaaklik. Ons gesamentlike doel was om ’n film te maak wat mense inspireer en herinner aan ’n eenvoudiger tyd, voor dinge so gejaagd geraak het en alles om tegnologie begin draai het.

Hoekom dink jy het Heidi en Marelize so ’n sensasie geword? Watter emosies dink jy het dit by mense ontlok?

Dit was daardie perfekte epic fail-oomblik, iets waarna ons almal bly soek op sosiale media. Maar wat dit onvergeetlik gemaak het, was Heidi se rou, eerlike reaksie. Iets in haar uitroep was so menslik, so universeel, dat mense dadelik daarby aanklank gevind het.

Ek dink dit het mense laat voel asof hulle nie alleen in hul foute en flaters is nie. Dat dit oraait is om jouself te wees en om ’n bikini aan te trek, al voel jy nie volmaak nie. Die video het iets van ’n stuk menslikheid en selfaanvaarding losgemaak. En dít is die kern van die film.

By familie kan jy wees wie jy is. Hulle rol hul oë vir jou, maar ondersteun jou ook onvoorwaardelik. Dit is die tipe warmte wat ons gehoop het om met My f*k, Marelize! by kykers aan te wakker.

Daar is ’n tweede vertoning van My f*k Marelize! op Saterdag 23 Augustus om 11:30 by die Silwerskermfees. Kaartjies beskikbaar by Quicket.

KYK| My f*k, Marelize! se amptelike lokprent

Lees ook: Boer soek ’n vrou se Reandi oor die langpad na liefde: “Dít was sonder twyfel die moeilikste deel”

The post My f*k, dis nou ’n fliek! Marelize & gesin se hartroerende verhaal binnekort op die grootskerm appeared first on rooi rose.