Hierdie resep was in rooi rose September 2022

Bestanddele

• 8 (1,2 kg) hoenderdyfilette, in 2 cm-stukke gesny
• 5 ml (1 t) kerriepoeier
• 2,5 ml (1/2 t) uipoeier
• 2,5 ml (1/2 t) knoffelpoeier
• 1,25 ml (1/4 t) fynkomyn
• 1,25 ml (1/4 t) rissiepoeier
• 30 ml (2 e) grondboontjie-olie
• 1 groot ui, gerasper
• 10 ml (2 t) gemmer, gerasper
• 250 ml (1 k) klapperroom
• 180 ml (¾ k) growwe grondboontjiebotter
• 30 ml (2 e) soetrissiesous
• 30 ml (2 e) laevet-sojasous
• 60 ml (4 e) geroosterde grondboontjies, fyngemaak
• 450 g mikrogolf-witrys
• 1 komkommer, in wiggies gesny
• 1 vars, klein rooi brandrissie, ontpit, dun gesny

Metode

1. Meng hoender, speserye en helfte van olie saam in bak en geur. Bedek en verkoel vir ‘n uur.
2. Verhit roosterplaat (of roosterpan of braaivleisrooster).
3. Ryg hoender op 12 sosatiestokkies. Braai vir 3 minute aan elke kant of tot hoender gaar is.
4. Verhit intussen orige olie in pot. Braai ui en gemmer en roer vir 1 minuut of tot ui sag word.
5. Voeg klapperroom, grondboontjiebotter, souse en grondboontjies by en roer terwyl dit vir 1 minuut prut. (Sous kan skei as dit staan, maar sal weer bind wanneer dit geroer word voor opdiening.)
6. Verhit rys volgens aanwysings op pakkie.
7. Sit hoenderstokkies voor saam met grondboontjiesous, rys, komkommerwiggies en brandrissie. Lemmetjieskywe en vars koljanderblare sal heerlik proe.

rr wenk: Metaalstokkies versnel die kooktyd omdat dit kos verhit. Bamboesstokkies moet vir 20 minute in water geweek word voordat die hoender opgesit word, om te voorkom dat dit tydens die braaiproses skroei.

Lees ook: Hoenderblatjangvlerkies

The post Hoender-en-grondboontjie-sosaties appeared first on rooi rose.

Brandrissies is nie in almal se smaak nie en nie almal se palet hou van branderige kos nie, maar vir dié mense wat doen, sal hierdie resep ’n wonderlike toevoeging tot jou gunstelingsop, -roerbraai, -noedels, en meer maak!

TikTok-verbruiker @christieathome deel haar resep vir Chinese brandrissie-olie:

@christieathome Easy Homemade Chinese Chili Oil. Visit profile for recipe links #dinnerrecipe #recipes #easyrecipes #goodfood #foodie #chilioilrecipe #chilioil ♬ Night Drive – Elijah Lee

Bestanddele

• 375 ml (1½ k) Sichuan-brandrissievlokkies
• 3 knoffelhuisies, fyngemaak
• 625 ml (2½ k) avokado-olie of ’n neutrale olie
• 2 ml (¼ t) Sichuan-peper (poeier)
• 15 ml (1 e) sout
• 4 gemmerskyfies
• 1 klein bruin-ui, in kwarte gesny
• 4 steranys
• 2 lourierblare
• 1 kaneelstokkie
• 5 naeltjies

Metode

1. Voeg brandrissievlokkies, knoffel, peper en sout in hittebestande bak.
2. Voeg olie in pot op stoofplaat op lae hitte.
3. Voeg 1 ui kwart, gemmer, steranys, kaneel, lourierblare en naeltjies by olie en meng.
4. Laat prut in olie vir 20 minute op lae hitte.
5. Verwyder en gooi kruie weg.
6. Skink warm olie oor brandrissiemengsel in hittebestande bak en roer onmiddellik sodat dit nie brand nie.
7. Laat dit afkoel en hou in ’n fles wat dig kan toemaak. Stoor vir maksimum 2 maande.

Lees ook: Gebakte vispannekoekies met ’n geurige kaassous

The post Hoe om brandrissie-olie te maak appeared first on rooi rose.