Wen | rooi rose

WEN ’n Twinings-geskenkpak ter waarde van R1 000!

Chanel Petersen — Wed, 15 Jul 2026 04:00:01 +0000

Met ’n geskiedenis van meer as 300 jaar is Twinings een van die wêreld se mees geliefde teemaatskappye. By Twinings hou ons nooit op om te leer, eksperimenteer en om nuwe tee-ervarings te skep nie. Ons passie vir tee strek van die eerste blaartjie tot die laaste slukkie, en ons werk reeds sedert die vroeë 18de eeu saam met sommige van ons teeplantasies wêreldwyd.

Die nuwe Twinings Green Tea Matcha is pas bekendgestel:

Dis tradisioneel en vol karakter – ons meesterlik gemengde Matcha Groen Tee in Japannese styl prikkel die sintuie met ’n heerlike aroma en ’n sagte, vol geur wat deur Japan se mees geliefde tee geïnspireer is.

Hierdie versnit van gestoomde en geroosterde groen tee en matcha, bied ’n sagte, gebalanseerde smaak en ’n ryk aroma. Dit bied die kenmerkende matcha-geur, maar sonder die bitter nasmaak.

Staan ’n kans om ’n Twinings-geskenkpak ter waarde van R1 000 te wen, wat die volledige nuwe Twinings Green Tea Matcha-reeks, ’n keur van Twinings-tee en ’n teekissie met vier kompartemente insluit.

Bepalings en voorwaardes: Voorwaardes en bepalings geld en sal met die wenner gekommunikeer word. Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Om in te skryf, vul die onderstaande vorm in.

Naam en Van*
Voornaam Van
Selnommer*
E-posadres*
Afleweringsadres*

Sluitingsdatum: 15 Augustus 2026

The post WEN ’n Twinings-geskenkpak ter waarde van R1 000! appeared first on rooi rose.

WEN ’n Willem Botha Beauty-geskenkpak ter waarde van R3 050!

Karlien Meiring — Wed, 01 Jul 2026 06:00:47 +0000

Willem Botha tooi alledaagse vroue én bekende persoonlikhede in ’n pragprentjie met sy talent én gehalteprodukte.

Een leser kan ’n Willem Botha Beauty-geskenkpak ter waarde van R3 050 wen.

Dit sluit die volgende in:

Oogskadupalet
Borsel-stel
Blosserpoeier
Highlighterpoeier
Sculptpoeier
Lip-gloss
Liquid Matte Lipstick

Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Om in te skryf, voltooi die onderstaande vorm:

*Slegs een inskrywing per persoon

Sluitingsdatum: 30 Julie 2026

Lees ook: 5 redes hoekom jy ‘Beter as Gister’ móét kyk

The post WEN ’n Willem Botha Beauty-geskenkpak ter waarde van R3 050! appeared first on rooi rose.

WEN ’n naweek-wegbreek

Rachel Jonker — Fri, 26 Jun 2026 06:00:55 +0000

Foto’s: Verskaf

Thuúla Haven, wat tussen die hemel en aarde in die Hemel & Aarde-vallei weggesteek is, is ’n moderne toevlugsoord omring deur die natuur. Dit is deeglik ontwerp om liggies as moontlik op aarde die land te trap en dit bied ’n stil, luukse ervaring wat in eenvoud, skoonheid en verbintenis gewortel is.

Hierdie privaat toevlugsoord bied slaapplek vir tot agt gaste en nooi jou uit om dinge stadiger te neem – of dit nou deur lang plaaswandelings, gedeelde maaltye of oomblikke van stilte onder die uitgestrekte hemelruim is. Thuúla is nie net ’n plek om te bly nie, maar ’n ruimte om weer te verbind – met jouself, met ander en met die natuurlike wêreld.

Om in te skryf, vul die onderstaande vorm met die sleutelwoord uit die tydskrif in:

Naam en Van*
Voornaam Van
Selnommer*
E-posadres*

Sluitingsdatum: 24 Julie 2026

Lees ook: WEN ’n Winterwelstandsgeskenkpak van The Harvest Market ter waarde van tot R3 000

The post WEN ’n naweek-wegbreek appeared first on rooi rose.

Wen ‘n By Armon-geskenkpak met haarstileringsprodukte ter waarde van R5 650!

Chanel Petersen — Thu, 25 Jun 2026 10:11:21 +0000

Ná ’n dekade in die haarbedryf vier By Armon nie net haarstilering nie, maar ook die vroue wat eienaar Armon Barnard inspireer. Met ervaring wat strek van tydskrifvoorblaaie, TV-produksies, musiekkonserte tot troudae en matriekafskeide, het Armon ’n handelsmerk gevorm wat in kunssinnigheid, selfvertroue en moderne dog eenvoudige glansrykheid gegrond is.

By Armon, wat uit professionele stileringservaring ontstaan het, word produkte van salon-gehalte met elegante ontwerp en verbruikersvriendelikheid gekombineer om in professionele haarstiliste en die moderne vrou se alledaagse roetines te pas.

Inhoud vir weggeekompetisie

1 x The Dry (hoëspoedhaardroër)
1 x The Multi (stelbare 5-in-1–krultangstel)
1 x The Rounds (luukse rondeborselstel – bestaan uit vier borsels in verskeie groottes)
1 x The Brush (sonder balletjies aan die punte en van varkhaar gemaak)
1 x The Comb (hittebestand, koolstofveselkam)

Om in te skryf, voltooi die onderstaande vorm:

*Slegs een inskrywing per persoon

Naam en Van*
Voornaam Van
Selnommer*
E-posadres*

Lees ook: WEN ’n Willem Botha Beauty-geskenkpak ter waarde van R3 050!

The post Wen ‘n By Armon-geskenkpak met haarstileringsprodukte ter waarde van R5 650! appeared first on rooi rose.

Vier hierdie winter die veelsydigheid van De Krans se portstylwyne

Rachel Jonker — Mon, 22 Jun 2026 12:50:50 +0000

De Krans, wat op Calitzdorp in die Klein-Karoo geleë is, is bekend vir hul bekroonde portstylwynreeks. Ons gunstelingeienskap van die De Krans se portstylwyne (voor die naamsverandering in 2010 bekend as port) is die veelsydigheid daarvan as dit kom by hoe en waar om dit te geniet. Hierdie wynreeks, met sy natuurlike soet smaak, heerlike vrugtige karakter en gebalanseerde sappige suurheid, is perfek vir die winter.

Meng die De Krans Cape Pink met sodawater, gemmerbier of tonikumwater vir ’n heerlike drankie of skemerkelkie voor die aand se verrigtinge begin.

Die De Krans Premium Cape Ruby is die perfekte plaasvervanger vir ’n gewone droë rooiwyn as dit by kook kom. Gooi dit gerus by jou bredies, lamskenkels en potjiekos of gebruik dit selfs vir ’n heerlike sous – sampioensous of selfs ’n soet opsie soos sjokoladesous. Die portsstylwyn het ’n lekker soet smaak en hoër alkoholinhoud wat dit perfek maak vir die sagmaak van vleisgeregte of selfs in sjokoladesous by poedings.

Die De Krans Cape Vintage proe uitstekend saam met sjokoladegeregte soos ’n bruintjie (brownie), sjokoladefondant of selfs ’n biefstuk met ’n sampioensous.

Met ’n geurprofiel van koffie, karamel, gedroogde lemoenskil en neute, is hierdie verouderde portstyl wyn, die De Krans Cape Tawny, perfek saam met sout geregte (dink pampoensop en gebakte camembert met roosmaryn en heuning) sowel as nagereg (dink malvapoeding, lemoenkoek of crème brûlée). Die opsies is eindeloos en heerlik.

Om die aand af te sluit, geniet ’n glas van die De Krans vlagskip-portstylwyn, die Cape Vintage Reserve, op sy eie of saam met beleë kaas.

De Krans Cape Pink, Cape Vintage, Premium Cape Ruby, Cape Tawny en Cape Vintage Reserve.

Geniet die De Krans se portstylwynreeks hierdie winter deur te eksperimenteer met verskillende geurkombinasies, en natuurlik terwyl jy in goeie geselskap is. Ons bederf graag twee lesers wat elk ’n kans staan om ’n gemengde kissie De Krans-portstylwyne te wen, tot die waarde van R1 200. Slegs vir persone 18 jaar en ouer met ’n geldige Suid-Afrikaanse afleweringsadres. Bepalings en voorwaardes geld.

Die De Krans-portstylwynreeks is beskikbaar by uitgesoekte drankwinkels sowel as ons aanlyn winkel by dekrans.co.za. Vir meer inligting, kontak ons by 044 213 3314 of admin@dekrans.co.za.

Om in te skryf, voltooi die onderstaande vorm:

*Slegs een inskrywing per persoon

Hierdie kompetisie is gesluit.

Sluitingsdatum: 7 Julie 2026

Lees ook: WEN ’n Winterwelstandsgeskenkpak van The Harvest Market ter waarde van tot R3 000

The post Vier hierdie winter die veelsydigheid van De Krans se portstylwyne appeared first on rooi rose.

WEN ’n Winterwelstandsgeskenkpak van The Harvest Market ter waarde van tot R3 000

Rachel Jonker — Sun, 14 Jun 2026 22:00:48 +0000

Om die opening van The Harvest Market se eerste Wes-Kaapse winkel in die Paarl te vier, bied The Harvest Market een gelukkige wenner die kans om ’n Winterwelstandsgeskenkpak vol van die beste gesondheids- en lewenstylprodukte ter waarde van R3 000 te wen.

The Harvest Market is ’n welstandsbestemming wat praktisynsgraad-aanvullings, organiese vars kos en produkte, gesonde wenners vir die spens, skoonheidsprodukte, omgewingsvriendelike lewenstylprodukte, sportvoeding, baba- en kinderprodukte, en nog baie meer aanbied.

Jy aanlyn koop of een van hul pragtige winkels in KwaZulu-Natal of die Wes-Kaap besoek; hul doel is om welstand inspirerend en toeganklik te maak.

Die wenner ontvang ’n spesiaal saamgestelde geskenkpak met van hul gunsteling- welstandsprodukte.

Om deel te neem, vul eenvoudig jou besonderhede hieronder in en maak seker jy teken op hul nuusbrief in: https://harvesttable.co.za/join/. As jy nie ingeteken is nie, is jy nie ingeskryf nie.

Die gelukkige wenner word lukraak getrek, baie sterkte vir jou!

Om in te skryf, voltooi die onderstaande vorm:

*Slegs een inskrywing per persoon

Inskrywings vir hierdie kompetisie is gesluit.

Sluitingsdatum: 15 Julie 2026

Lees ook: WEN ’n Willem Botha Beauty-geskenkpak ter waarde van R3 050!

The post WEN ’n Winterwelstandsgeskenkpak van The Harvest Market ter waarde van tot R3 000 appeared first on rooi rose.

Nuut op die boekrak + Drie gelukkige lesers kan elk drie tienerboeke WEN!

Rachel Jonker — Fri, 12 Jun 2026 03:00:53 +0000

Saamgestel deur Elna Rossouw

Die seun met die swaeltjie deur Fanie Viljoen

Fanie Viljoen (Foto: Verskaf)

Genre: Jeugroman

Prys R190

Oor sy eerste prys sê Fanie: “Dit is ’n geweldige voorreg om in Afrikaans te kan skryf, en om dan ook bekroon te word vir jou skryfwerk, soveel meer. ’n Driekuns in dié kompetisie slaan my asem weg, weg, weg. Mag Die seun met die swaeltjie lesers inspireer om bo hulle omstandighede uit te styg, waar hulle ook al is, wie hulle ook al is en hoe moeilik dit ook al is”. In 2019 was Fanie se Offers vir die vlieë, en in 2023 Ons laaste legendariese somer in die topposisie.

Die Tusseninners deur Zelda Bezuidenhout

Zelda Bezuidenhout (Foto: Verskaf)

Genre: Jeugroman

Prys R220

Vir haar Die Tusseninners, “ ‘n skreeusnaakse verhaal vir almal wat nie op hoërskool inpas en net in die spasies tussen-in oorleef” is Zelda Bezuidenhout is vanjaar as die naaswenner aangewys.

Die fluisteraar deur Jacolet van den Berg

Jacolet van den Berg (Foto: Verskaf)

Genre: Jeugroman

Prys R220

Jacolet van den Berg het die derde plek met Die fluisteraar gewen. Die verhaal speel in die jaar 2075 af. Kato is 17 en ‘n fluisteraar wat nuwe plantegroei aanmoedig en moet besluit of hy die wêreld gaan red …

Tweejaar gelede het Zelda se Quinn se jaar van kwik die kollig met Jacolet se Bravo! Charlie en Annerle Barnard se Sterstof as naaswenners gedeel.

‘n Dag in François Bloemhof se lewe

As jy wonder hoe lyk ‘n dag in dié bekroonde skrywer se lewe en hoe hy balans tussen werk en speel skep, lees die boekerubriek in die Junie-uitgawe van rooi rose. François vertel ook hoe dit gebeur het dat hy die draaiboek van die televisiereeks Een keer om die son in ‘n roman omskep. het.

Wen dié boeke vir jou kind

Drie rooi rose-lesers kan elk ‘n geskenkpak met dié drie bekroonde boeke met die komplimente van LAPA Uitgewers wen.

Naam en Van*
Voornaam Van
Selnommer*
E-posadres*

*Slegs een inskrywing per persoon Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Sluitingsdatum: 8 Julie 2026

Lees ook: Kry vir jou nog koek! Bekroonde misdaadkomedie se tweede seisoen binnekort op DSTV Stream

The post Nuut op die boekrak + Drie gelukkige lesers kan elk drie tienerboeke WEN! appeared first on rooi rose.

Wen ’n R5 000-geskenkbewys van American Swiss om ’n geskenk vir Ma te kies!

Karlien Meiring — Thu, 30 Apr 2026 07:05:31 +0000

Hierdie Moedersdag gaan dit alles oor haar.

Die een wat altyd daar is, alles doen, en dit op die een of ander manier moeiteloos laat lyk. Sy is jou ikoon, en by American Swiss glo ons haar geskenk moet presies dit weerspieël.

Van juweliersware wat nooit uit die mode raak nie tot horlosies wat haar in pas met die jongste neigings hou, ons het ’n uitgesoekte keuse van bederfstukke saamgestel om haar in styl te vier. Stukke wat deurdag, relevant en duursaam voel, want slegs die beste is goed genoeg vir haar.

Of jy nou na iets tydloos of modieus op soek is, dit is jou kans om vir haar ’n geskenk te gee wat net so spesiaal soos sy is. Dink aan iets moois wat sy elke dag kan dra, iets uitsonderliks wat die aandag trek, of ’n moderne klassieke stuk wat soomloos by haar leefstyl kan aanpas. Dit gaan daaroor om die perfekte balans tussen nou en vir altyd te vind – styl waaroor sy vandag mal is en ’n skat wat sy vir jare sal koester.

Sy verdien meer as net ‘n geskenk. Sy verdien iets wat erken wie sy is – sterk, stylvol en absoluut uniek. En soms is die beste bederf een wat haar die keuse gee om presies te kies wat sy wil hê, want sy ken haar eie styl die beste.

Van modieuse juweliersware en tydlose goud wat ’n toekomstige skat kan word, tot hierdie seisoen se noodsaaklike horlosies – ons het die beste bederfartikels vir haar.

Koop aanlyn by Bash of in die winkel om The Trend Edit-versamelin g te ontdek.

Maak hierdie Moedersdag betekenisvol!

Een leser kan ’n American Swiss-geskenkbewys ter waarde van R5 000 wen!

Om in te skryf, voltooi die onderstaande vorm:

*Slegs een inskrywing per persoon

Sluitingsdatum: 24 Mei 2026

Lees ook: Ons Moedersdaggeskenkgids: Bederf vir Ma!

The post Wen ’n R5 000-geskenkbewys van American Swiss om ’n geskenk vir Ma te kies! appeared first on rooi rose.

Wenners

Anelle Tewson — Wed, 29 Apr 2026 07:44:28 +0000

Junie 2026

Willem Botha Beauty-geskenkpak

Karin Olivier

Wenners die LAPA Uitgewers se jeugromans

Anke Wilhelm

Denise Simons

Liza Vorster

Mei 2026

Santé-welstandsvakansie

Daleen Greeff

Willem Botha Beauty-geskenkpak

Elizabeth Steffen

American Swiss-geskenkbewys

Surita Steenkamp

April 2026

Nicci-parfuum

Eline van Lill

Joey Schoeman

Etta Lombard

Carel Buchner

Willem Botha Beauty-geskenkpak

Venetea Smit

Marieta Carrick se boeke

Rachel Stemmet

Marinda Venter

Rolé van der Merwe

Maart 2026

Willem Botha Beauty-geskenkpak

Cathy Boer

Geskenkbewys van Carmién Tea

Zelna Rahl

Almond Girl-geskenkpakke

Rina Owen

Marie-Leen Liebenberg

Erina van der Westhuizen

Marietjie Cornelissen

P Carstens

Februarie 2026

Willem Botha Beauty-geskenkpak

Arné Botha

Medic8 Mist en Micellar Elixir vanaf The Laser Beautique

Stephanie Rodrigues, Narina Louw, Suzaan Hall, Nadia van Schalkwyk, Annalize Marais, Magda le Roux

Januarie 2026

Abalone Beach Villa-wegbreek

Lisinda Bester

Willem Botha Beauty-geskenkpak

Elize Booysen

Jockey-geskenkpak

Annet Le Grange, Marie du Plessis, Laurette Redelinghuys

Monise Beauty-geskenkpak

Leone Cloete

Desember 2025

Willem Botha-geskenkpak

Susan Marais

Musgrave Spirits-geskenkpak

Sandra Fourie, Linda Laing, Ann Foster, Thea Kleynhaus, Janine Fourie

The post Wenners appeared first on rooi rose.

WEN ’n welstandsvakansie na ’n toevlugsoord!

Karlien Meiring — Thu, 23 Apr 2026 07:05:18 +0000

Foto’s: Verskaf

Santé Wellness Retreat & Spa is ’n bekroonde luukse welstandsbestemming in die hartjie van die Wes-Kaapse wynlande. Santé, wat omring is deur majestueuse berge en bekend vir ’n rustige omgewing en warm gasvryheid is, is ’n persoonlike toevlugsoord wat ontwerp is om te genees, te herlaai en jou weer lewendig te laat voel.

Deur natuurlike skoonheid met die jongste welstandskundigheid te kombineer, bied Santé ’n geïntegreerde benadering tot goeie leefstyl. Gaste ervaar ’n kombinasie van ’n wêreldklas- dagspa, ’n gesondheidsoptimaliseringskliniek, ’n omvattende bio-energiesentrum en voortreflike, gesonde kookkuns.

Die akkommodasie is rustig en verfyn, met 5-ster-suites en ’n villa wat asemrowende uitsigte oor die wingerde en berge bied. Elke ruimte weerspieël Santé se filosofie van ongekompliseerde luuksheid – elegant, kalm en diep herstellend. Die toevlugsoord se gesonde gourmet-spyskaarte word saamgestel uit vars, onverwerkte bestanddele, vry van suiker, gluten, suiwel en bymiddels, maar bly vars, kreatief en heerlik voedsaam.

Met fiksheidsaktiwiteite, bewuste beweging en ’n rustige natuurlike omgewing, bied Santé ’n holistiese omgewing vir selfontdekking, vernuwing en volhoubare welstand. Of dit nou vir ‘n transformerende welstandsreis of ’n vreedsame ontsnapping is, sal gaste weggaan met balans, energie en die inspirasie om goed te leef.

Die prys sluit verblyf vir twee vir een aand in ’n luukse retreat-suite in asook drie 60-minuut- behandelings per persoon.

Benewens die behandelings, is elke maaltyd – van ontbyte tot middagetes, heerlike aandetes en gesonde versnaperinge – deel van die ervaring. Die wenner en hul gas sal ook ten volle gebruik mag maak van alle oordgeriewe tydens hul besoek. Hulle kan die fiksheidslokaal, joga- of Pilates-ruimtes, skilderagtige wandelpaaie soos die labirint, binnenshuise verhitte swembad, sauna, jacuzzi en buiteswembad verken.

Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Die waarde van die pryse was korrek ten tyde van die publikasie van hierdie kompetisie en kon gedurende die 6-maande geldigheid van die prys verander het. Geldig vir 12 maande vanaf die wenner se aankondiging. Alle bykomende uitgawes sal vir die wenner se eie rekening wees (fooitjie nie ingesluit nie). Die wenner van hierdie prys moet 18 jaar of ouer wees. Geen familielede of werknemers van Novus Media of Santé mag vir hierdie kompetisie inskryf nie. Santé behou homself die reg voor om nie die prys te oorhandig nie as daar ongerymdhede of bedrieglike aktiwiteite vermoed word. Ons sal nooit betaling of bankbesonderhede aanvra om jou prys te eis nie. Deur in te skryf, bevestig jy dat jy aan die geskiktheidskriteria voldoen en instem tot hierdie bepalings en voorwaardes.

Om in te skryf, voltooi die onderstaande vorm:

*Slegs een inskrywing per persoon

Sluitingsdatum: 28 Mei 2026

Lees ook: WEN ’n Willem Botha Beauty-geskenkpak ter waarde van R3 050!

The post WEN ’n welstandsvakansie na ’n toevlugsoord! appeared first on rooi rose.

WEN ’n geskenkbewys vanaf Carmién Tea!

Karlien Meiring — Fri, 27 Feb 2026 07:43:32 +0000

Sedert die rooibosbedryf in 1993 gedereguleer is, is Carmién Tea as ’n vervaardiger en verskaffer van topgehalte kleinhandel-rooibos-teeprodukte in Suid-Afrika gevestig. Die maatskappy is ook ’n suksesvolle uitvoerder van tee op grootmaat en etiket-verpakker na baie lande wêreldwyd.

Carmién Tea verseker die beste organiese en konvensionele rooibos van voorste groeigebiede, soos Piekenierskloof, Nieuwoudville, Wupperthal en Gifberg. Die Carmién-rooibosreeks is beskikbaar in organiese (bio) en/of gewone (konvensionele) produkte en word vervaardig volgens Fairtrade-beginsels. Carmién Tea bied produkte van uitstaande gehalte teen mededingende pryse, direk van die plaas na hul kliënte, terwyl totale voedselnaspeurbaarheid in die voedselketting verseker word.

Die Carmién-teewinkel, De Tol, is beslis ’n besoek werd op die N7 op pad na Citrusdal in die Sederberg-omgewing. Proe hul volledige reeks Carmién-rooibostee (wat wissel van suiwer rooibostee, welstandstees met kruie, koue rooibostee wat met vrugte ingetrek is, tot spesiale tees vir vrouegesondheid en vir die kleinspan). Jy kan daar teug aan ’n rooi cappuccino, of ’n tee-en-jenewer-proe geniet. Kinders kan op die speelgrond baljaar terwyl jy ontspan, plaaslike produkte by die Deli koop, of ‘n wynproe by Piekenierskloof Wines langsaan geniet. Die teewinkel is ’n topkeuse vir dinge om te doen in die Sederberg-omgewing, en ’n heerlike stop vir middagete naby Citrusdal.

Een gelukkige leser kan ’n geskenkbewys ter waarde van R1 500 wen!

Met dié geskenkbewys kan die wenner hom- of haarself bederf en ’n verskeidenheid van produkte ter waarde van R1 500 vanaf Carmién Tea se webwerf koop.

Om in te skryf, volg Carmién Tea op Instagram en Facebook, en voltooi die volgende vorm:

*Slegs een inskrywing per persoon

Sluitingsdatum: 27 Maart 2026

Lees ook: 10 redes waarom jy rooi rose se Februarie-uitgawe móét lees!

The post WEN ’n geskenkbewys vanaf Carmién Tea! appeared first on rooi rose.

Ma-en-dogter-kompetisie: Hier’s die res van ons top-20-finaliste!

Karlien Meiring — Thu, 26 Feb 2026 10:20:04 +0000

Ons ma-en-dogter-kompetisie het vanjaar alle verwagtinge oortref. Met die meeste inskrywings nóg vir rooi rose se jaarlikse kompetisie, het ma’s en dogters van regoor die land hul harte, herinneringe en unieke stories met ons gedeel – wat ’n voorreg!

Elke inskrywing was ’n viering van ’n besonderse band, en die taak om finaliste te kies, was allesbehalwe eenvoudig. Ons beoordelaarspaneel het bestaan uit rooi rose se redakteur Anlie Janse van Rensburg; die veelsydige sanger, TV-persoonlikheid, fotograaf én grimeerkunstenaar, Willem Botha; die gerekende joernalis dr Elna Rossouw, asook die bekroonde modeontwerper Anél Botha.

Daar wag ’n onvergeetlike ervaring op die ma en dogter wat wen: ’n oormaak- en fotosessie deur Willem Botha, ’n ontwerper-uitrusting vir elkeen deur Anél Botha, ’n goue ring vir elk van Schermans, asook ’n geskenkpak vol skoonheidsprodukte van NUXE. Hul fotosessie sal boonop ook in ’n uitgawe van rooi rose verskyn! Die wenners sal in Maart aangekondig word.

Vandag maak ons die res van ons top-20-finaliste bekend.

Ma-en-dogter-kompetisie: Hier’s die eerste 10 van ons top-20-finaliste!

Hier’s die ander 10 ma-en-dogter-pare wie se stories ons harte geraak het.

Lynmari en Michelle Moore

Bloemfontein

“Dis die grootste kompliment wanneer mense vir my sê dat ek nes my ma lyk. Ons klink ook presies dieselfde en mense sukkel om ons uit te ken as ons oor die foon praat. Ek het selfs in haar voetspore gevolg en ‘n paramediese rigting as beroep gekies. Haar passie vir haar werk was so aansteeklik dat dit oorgedra is.”

Misha en Madelyn Kruger

Pretoria

“As ’n enkelma is elke tree wat ek gee, elke uitdaging wat ek oorwin, elke droom wat ek jaag, deurdrenk met haar naam. Misha is nie net my kind nie — sy is my wonderwerk, my vreugde, my anker en my aandete-gebed in mensvorm.”

Margaret en Jamoré Olivier

Vredefort

“Ons verstaan mekaar sonder baie woorde: sy weet wanneer ek ’n drukkie nodig het, en ek weet wanneer sy net stilte en ’n warm koppie tee nodig het. Ons lag saam oor klein goed, ons dra mekaar deur moeilike dae, en ons vier selfs die kleinste oorwinnings asof dit groot is.”

Corra-Mari en Paula Klaassen

Koster

“Ons hou mekaar by die Here se voete, ons bid vir mekaar, ons dra mekaar se laste saam, en ons dank saam vir elke seën — groot en klein. Hierdie geestelike eenheid maak dat ons nie net ma en dogter is nie, maar ook geloofsvriende, mekaar se steunpilare en mekaar se gebedskrag.”

Suzahn en Lara van Staden

Baltimore

“Ek sien so baie in my dogter wat ek wens ek gehad het! Haar hart vir mense maak dat myne sommer smelt en wil bars van trots! Ek verstaan nou my ma se woorde: ‘As jy n dogter het, het jy n vriendin vir die res van jou lewe.'”

Viola Wilson en Varene Wilson-Hammond

Roodepoort

“My ma het my nie net geleer hoe om ’n ma te wees nie, maar ook hoe om geduldig, liefdevol en sterk te wees. Sy is ’n ongelooflike ouma vir my dogter en stort dieselfde liefde en toewyding in haar as wat sy altyd aan my gegee het. Om haar met my kind te sien, het my waardering vir die vrou wat sy is, net verdiep.”

*Dit is met innige leedwese en hartseer dat ons verneem het van die afsterwe van Viola vanjaar. Ons innige meegevoel gaan uit na haar familie en geliefdes.

Naomi Boonzaier en Jonadrie Van Aardt

Pretoria

“Alhoewel my dogter net 23 is, het sy lewenswysheid wat baie volwasse vroue sal beny. Sy het al soveel bereik in haar kort leeftyd, en haar geloof en sagte hart laat my stom. Ek leer daagliks by haar, en sy by my. Al sien ons deesdae baie min van mekaar is ons in hart en siel gebind. Sy bevind haar oral oor die wêreld en ek toer saam in haar hart.”

Annelize en Shenelle du Plooy

Rustenburg

“Wat ons verhouding besonders maak, is dat my ma my altyd laat voel dat ek genoeg is. Sy het my geleer dat my waarde nie in my voorkoms lê nie, maar in wie ek is. Haar geduld, haar sagte woorde en haar onwrikbare geloof in my het my gehelp om stadig maar seker weer myself te vind.”

Theresa en Madison Pakulski

Kaapstad

“Een van ons mylpale waarop ons die trotsste is, is toe ons in 2017 saam as lewensredders gekwalifiseer het, ‘n simbool van ons gedeelde gees, spanwerk en vertroue. Ons gaan saam na musiekfeeste, dans sy aan sy en maak herinneringe wat ons minder soos ma en dogter laat voel en meer soos beste vriendinne wat die lewe in harmonie navigeer.”

Wilma en Melissa Naudé

Centurion

“Ons twee het al die jare saam in hospitaalgange deurgebring. Ons hoes saam en deel mekaar se emosies. Dit is ‘n lang pad sover. My dogter is absoluut my Joan of Arc en superhero!”

Lees ook: Ma-en-dogter-kompetisie: Hier’s die eerste 10 van ons top-20-finaliste!

The post Ma-en-dogter-kompetisie: Hier’s die res van ons top-20-finaliste! appeared first on rooi rose.

Ma-en-dogter-kompetisie: Hier’s die eerste 10 van ons top-20-finaliste!

Karlien Meiring — Wed, 25 Feb 2026 09:04:31 +0000

Vandag begin ons om ons top-20-finaliste bekend te maak.

Hier’s die eerste 10 ma-en-dogter-pare wie se stories ons harte geraak het.

Elize Sands en Joanne Human

Swellendam

“My ma is my beste vriendin, my grootste aanhanger, maar ook my eerbaarste kritikus. Ons gesels elke dag, soms meer as vier keer. Ek deel alles met haar en sy met my. Ons kan baie lekker saam lag vir die simpelste goed en dan kan ons ook weer lekker baklei, maar nie vir lank nie.”

Estelle Kapp en haar dogters, Janine en Chanél

Vanderbijlpark

“’n Ma-en-dogter-verhouding word gesmee wanneer julle saam huil, saam bid, saam hoop, en saam juig. Dit is die krag van liefde wat nie opgee nie, en die lig van geloof wat nooit verdwyn nie.”

Elischa Eloff en Heila Dedekind

Pretoria

“My ma het my van kleins af gewys hoe om reg te kies, om sag te wees, en om sterk te staan. Ons verhouding is spesiaal omdat dit eerlik, warm en konstant is. Ek kan haar elke dag bel, alles met haar deel, en voel altyd veilig. Sy is nie net my ma nie — sy is my anker, my voorbeeld en my beste vriendin.”

Chriszelda Le Grange en haar ma

Klerksdorp

“Niks is ooit te veel vir my ma nie, sy is altyd daar en ek kan enige tyd op haar knoppie druk. Sy is die beste ouma vir my seuntjie en ons drie doen alles saam. Ons is nie net ma en dogter nie, maar ook beste vriendinne.”

Christelle en Salomy Jacobs

Brits

“Ons is beslis mekaar se grootste ondersteuners en vertrouelinge. Ek probeer my dogter die wêreld te laat sien en te verstaan, maar eintlik is sy die een wat my die lewe laat verstaan.”

Madeleen van den Berg en Charlize Odendaal

Wes-Kaap

“Dis vir ons ‘n voorreg om elke jaar ‘n hartsprojek saam aan te pak. Ons is albei busy bees, planners & operators en ‘n projek saam versterk ons band.”

Charl-Mari Lubbe en Elmarie van Wyk

Pretoria

“My moeder het my geleer om met sagter oë na die lewe te kyk. Sy herinner my daagliks daaraan dat ons die mooi moet raaksien, en dat selfs die moeilike tye waardevolle lesse dra.”

Chanel en Giselle Rautenbach

Krugersdorp

“Giselle het grootgeword in ’n huis waar ek nog self grootgeword en gegroei het. Dis dalk hoekom ons verhouding só spesiaal is — ons het saam geleer, saam geval en saam opgestaan. Terwyl sy haar potensiaal ontwikkel het en soveel dinge bereik het, het sy my gehelp vorm. Sy het my geleer wat liefde en volharding is.”

Carina en Minyonne Schutte

George

“Minyonne se werk op die skepe neem haar weg vir die grootste gedeelte van die jaar. Die tye wat sy wel by die huis is, maak ons op vir verlore tyd. Ons gaan doen line dancing (ritme of nie!), ons gaan proe wyn en pizza, ons gaan Sondae saam kerk toe, ons stap saam en ek kyk terwyl my enigste kind van ‘n hemelhoë brug afspring (en al wat jy kan doen is bid).”

Alicia van Niekerk en haar ma, Cecilia

Pretoria

“My ma is my voorbeeld van wat dit beteken om te oorleef met grasie, om te gee sonder om te tel, en om lief te hê sonder om terug te hou.”

Lees ook: Ma-en-dogter-kompetisie: Hier’s die res van ons top-20-finaliste!

The post Ma-en-dogter-kompetisie: Hier’s die eerste 10 van ons top-20-finaliste! appeared first on rooi rose.

ONS KYK TERUG | Verlede jaar se ma-en-dogter-kompetisie-wenners!

Karlien Meiring — Tue, 13 Jan 2026 13:08:33 +0000

Deur Maretha Botes.

Foto’s, hare en grimering: Willem Botha, Willem Botha Beauty

Klere: Diaan Daniels Couture

Tenile Müller en Lucet de Beer Müller se ma-en-dogter-reis was nie altyd maanskyn en rose nie. Maar dié wenners van ons ma-en-dogter-kompetisie, kan getuig dis juis die swaarkrytye wat hul band vandag sterker as ooit gemaak het.

Geen droom is te groot om gedroom te word nie, glo dié ma-en-dogter-span wat vandag hard werk om soveel as moontlik van hul drome – saam én op hul eie – waar te maak. “Want wat sal die lewe dan nou wees as ons nie met verwagting na môre kan uitsien nie?” sê hulle.

Lucet (50) en Tenile (21) gesels ’n hond uit ’n bos vanuit hul huis in Pretoria-Oos oor hoe hulle tot hiér gekom het. Hier waar hulle kan terugkyk en hul reis met al sy hoogte- en laagtepunte kan waardeer. Maar bowenal kyk hulle vorentoe om die toekoms met oop arms tegemoet te gaan.

“Dit gaan regtig goed met ons!” sê Lucet opgewonde. Dié oud-lugwaardin se blou oë straal van geluk. Sy en Tenile is besig om hul droom te verwesenlik om ’n geleentheidsbeplannings onderneming, Schepper, op die been te bring. “Dis nou nie meer net ’n droom nie, dis nou ’ n werklikheid,” sê sy.

Vir Tenile val dinge ook netjies in plek. Sy het dié jaar vir die Mej Suid-Afrika-kompetisie ingeskryf – iets waarvan sy al as kleuter gedroom het. Sy sou dié platform graag wil gebruik om die stigma wat ná al die jare steeds aan depressie kleef, te verbreek. Vir háár is daar ook ’n verlowing in die dagboek. Sy en haar kêrel van twee jaar, Jacques de Jager, is dolverlief en ernstig om saam ’n toekoms te bou.

Maar voor Tenile en Lucet op dié punt kon kom waar môre hulle opgewonde maak, moes hulle hul weg deur die donker vind om weer saam gesond te wees.

Hul verhaal is een van deernis, respek en vernuwing. Van seerkry en opstaan. Van saamstaan en groei. Depressie is ’n gemene deler in hul verhouding en ook een wat maak dat hulle mekaar se uitdagings verstaan en respekteer. As gesin is hulle deur diep waters en sou hulle verskeie kere deur lewe en dood navigeer. Hulle praat ook openhartig oor hul selfdoodpogings – Lucet as jong ma, en Tenile as tiener. “Deur die genade was ons nie suksesvol (in ons pogings) nie, en kan ons vandag gesels oor depressie en die stigma wat daaraan kleef,” sê Lucet. “Soveel mense verstaan steeds nie wat depressie is en wat die impak daarvan op ’n mens en jou verhoudings is nie.”

In haar brief oor haar en haar ma se verhouding, skryf Tenile: “Ek en my ma is soos twee sterre in dieselfde naghemel: uniek, maar onafskeidbaar verbind deur ’n diep, onbreekbare band. Ons verhouding is nie altyd eenvoudig of perfek nie, maar dit is eg en deurleef. Ons het albei deur groot depressietye gegaan – donker dae wat ons wêreld kleiner en swakker gemaak het – en ironies genoeg was dit hierdie swaarkry wat ons nader aan mekaar gebring het.”

Tenile is die middelkind van drie. Sy het ’n ouer broer, Gerardt (23) en jonger sussie, Danique. Lucet se depressie het kort ná Tenile se geboorte in 2004 kop uitgesteek. Dit was ook in dié tyd dat haar ma, Suzette, met baarmoeder-, maagwand- en dikdermkanker gediagnoseer is. Dié nuus het die mat onder Lucet uitgeruk.

“Ek is die oudste van twee kinders en moes altyd die sterk een wees. Ek het aan ná Tenile se geboorte aan nageboortelike depressie gely en het gesukkel om die nuus van my ma se kanker te verwerk,” sê Lucet.

Suzette (59) is in 2007, drie jaar ná haar diagnose, oorlede. Intussen is Lucet se tweede dogter, Danique (18), gebore. Sy sê: “Ek het gevoel my wêreld tuimel in mekaar. Ek kon nie meer cope nie. Ek moes ná my ma se dood sterk wees vir my pa, my broer en my kinders. Ekself het geen uitlaatklep gehad nie. Op ’n dag het ek my eie lewe probeer neem deur ’n oordosis pille en alkohol te sluk.”

Lucet het op ’n manier daarin geslaag om by ’n vriendin uit te kom en dié het met haar hospitaal toe gejaag. “Ek het vir haar gesê ek is besig om dood te gaan, sy moet my help,” sê Lucet. “Vandag wil ek regtig vir mense sê depressie is werklik. Dis ’n siekte, maar daar is hulp. Moet dit nie alleen probeer dra nie.”

Tenile se depressie het gedurende Covid ’n punt bereik waar sy gevoel het haar wêreld tuimel inmekaar. Die wortels daarvan lê egter in haar kinderjare. Sy verduidelik: “Met alles wat met my ouma gebeur het toe ek baie klein was, en Mamma wat depressief was, het ons boonop byna my sussie verloor toe sy van ’n stoel afgeval en ’n noodbreinoperasie moes ondergaan. Ek het ’n groot deel van my lewe gevoel ek was verantwoordelik, ek kon gekeer het dat sy val. Vandag nog is ek byna oorbeskermend teenoor haar. Ek het, net soos my ma, baie keer gevoel ek moet ander se sterkte en krag wees, maar self het ek nooit met mense oor my eie gevoelens en angs gepraat nie.”

Daar was ook ánder dinge wat met Tenile as kind gebeur het, wat haar onskuld gesteel het. Sy is op agt, en weer op 16, gemolesteer. Sy vertel dat die impak daarvan op haar lewe byna vernietigend was. Sy is ook in die tydperk tussen dié twee voorvalle verkrag. Sy glo dat enigeen wat deur sulke trauma gaan, hulp moet kry.

Dinge het in Covid vir dié blondekop net te veel geword. Daar was in dié tyd geen sport, ’n reuse-uitlaatklep vir Tenile wat ’n kranige atleet en netbalspeler was, toegelaat nie. Haar kêrel van toe het hul verhouding beëindig en haar vriendinne het hul rug op haar gedraai. Een aand, terwyl haar ouers nie tuis was nie, het sy ’n hand vol pille gesluk in die hoop om nie weer wakker te word nie. Danique het op haar afgekom , haar wakker geruk en hul ouers gebel. Hulle is dadelik met haar na die hospitaal waar sy in die hoësorgeenheid opgeneem is. Hierna het intensiewe terapie en berading gevolg, en Tenile sien steeds elke paar maande ’n terapeut.

“Ek is dankbaar ek leef. Vandag kan ek my storie deel en ek hoop werklik dit kan ’ n verskil in iemand anders se lewe maak. Ek en my ma is ook soveel nader aan mekaar. Ons het mettertyd geleer hoe om mekaar te ondersteun sonder om mekaar te probeer fix. Ons verstaan dat dit soms net tyd en geduld neem om deur ’n moeilike tyd te kom. Dit het ons verhouding sterker gemaak – omdat ons mekaar in ons mees weerlose oomblikke gesien het,” sê sy.

Geniet die soet en die sout

As deel van hul prys in die ma-en-dogter-kompetisie is Lucet en Tenile met ’n mooimaakdag deur Willem Botha bederf. Hieroor kan die twee nie uitgepraat raak nie. Lucet sê: “Dit was lieflik verby! Ons het soos koninklikes gevoel. Ek dink ons vergeet soms van onsself. Ons kyk nie meer in die spieël nie, en fokus op ander. Maar hy het my weer gewys ek ís mooi.”

Vir Tenile was dit net so spesiaal. “Die rok, die parfuum, die grimering en glamour. Alles in ’ n pakkie. Ons vergeet hoe belangrik dit is om te hoor jy is spesiaal. Jy is mooi. Sulke woorde dra gewig en is belangrik om te weet. So, sit aan daai lipstiffie, trek aan jou mooi rok en spuit die parfuum. Doen moeite, daag op en bo alles, geniet dit – die soet, die sout, die alles.”

Hul raad aan ander ma’s en dogters wat hul verhouding wil versterk, is eenvoudig: wees daar vir mekaar. “Nie om mekaar te verander of reg te maak nie, maar net om daar te wees – sonder oordeel, sonder verwagtinge. Skep ruimte vir eerlike gesprekke en wees geduldig met mekaar se seer. Onthou dat niemand perfek is nie, maar dat liefde in klein, eenvoudige gebare lê.“My ma is nie net my ma nie; sy is my veilige hawe, my vennoot in lag en huil, my bewys dat swaarkry ’n mens net dieper aan mekaar kan bind. As jy jouself in ’n donker plek bevind, weet net dat jy nooit alleen hoef te wees nie – daar is altyd iemand wat verstaan. Vir my, is daardie iemand my ma,” sê Tenile.

Is julle ‘n ma & dogter duisend? Wen pryse van meer R85 000!

rooi rose is weer op soek na ’n ma en dogter wat ’n baie hegte band het.

Vertel ons wat dit is wat jul verhouding so spesiaal maak en julle het ’n kans om ’n oormaak- en fotosessie deur Willem Botha en Willem Botha Beauty, ’n uitrusting vir elkeen deur Anel Botha Couture, ’n goue ring vir elk van Scherman’s en ’n geskenkpak vol skoonheidsprodukte van NUXE te wen. Jul fotosessie sal ook in ’n uitgawe van rooi rose verskyn.

Wat moet julle doen?

Stuur ’n foto van julle twee saam, beantwoord ’n paar vrae en betaal ’n inskrywingsbedrag van R100. Betaalopsie op die webwerf beskikbaar.

Klik hier om in te skryf!

Sluitingsdatum: 29 Januarie 2026

Lees ook: Kokkedoor: Son & see: Leer naaswenners Andrew en Leoné buite die kombuis ken

The post ONS KYK TERUG | Verlede jaar se ma-en-dogter-kompetisie-wenners! appeared first on rooi rose.