Koffie-en-sjokolade-martini

Genoeg vir 6-10

Wat jy nodig het

• 6 martiniglase
• 100 g donker sjokolade, gesmelt
• 250 ml yskoue vodka
• 75 ml koffielikeur
• gekapte ys
• 75 ml sterk espressokoffie
• suikerklontjies

Metode

1. Druk die rande van elke glas in die sjokolade, laat die meeste sjokolade afdrup en laat staan regop om te set.
2. Meng 250 ml yskoue vodka met 425 ml droë martini, 75 ml koffielikeur en ’n hand vol gekapte ys.
3. Maak 75 ml sterk espressokoffie en laat die gaste sowat 10 ml elk daarvan oor ’n suikerklontjie wat op ’n lepeltjie bo-oor die glas rus giet. Maak die glase halfvol met die martinimengsel en teug!