Vier die koms van die nuwe somer met langsame kuiers op die stoep. Kook uit die tuin en hou die spyskaart vars en eenvoudig soos met hierdie somerse groenslaai met ’n rokerige pancetta-slaaisous. Resep deur Vickie de Beer. Foto deur Charles Russell
Die lekkerste tert met beet, bokmelkkaas en vye of pruime. Resep deur Vickie de Beer. Foto Charles Russell
"Hoenderpastei is deel van Suid-Afrika se kookkunserfenis en is, saam met bobotie, die perfekte manier om ons heerlike kos met besoekers te deel." Kry Jan Braai se liplekker resep vir ’n hoenderpastei hier. Foto verskaf
Dié vlerkies is lekker taai en klewerig. Deur Vickie de Beer. Foto deur Johan Wilke
Jy kan dié heerlike, maklike gereg vinnig aanmekaarslaan, en die beste is dat dit met die nuwe Knorr Naturally Tasty-reeks gemaak word. Dié reeks is propvol natuurlike bestanddele plus dit gee heerlike smaak aan jou geregte.
’n Klassieke Caesar-slaai bevat gewoonlik broodblokkies, Parmesaan-kaas, suurlemoensap, olyfolie en eier. Hierdie kinkel kry ’n paar ander lekker bestanddele by. Resep deur Vickie de Beer
Gebruik ons resep vir ’n basiese pawlowa en maak dan lekker meringue-bakkies met enige vrugte van jou keuse. Ons het gemengde bessies gebruik. Resep deur Vickie de Beer
Ons het sommer vir die lekkerte reuse-viskoeke gebak, maar jy kan gewone viskoekies ook maak as die grotes jou nie aanstaan nie. Resep deur Vickie de Beer
Kyk met nuwe oë na ou gunstelinge, kombineer staatmakerbestanddele soos aartappels met byderwetse bestanddele vir ’n nuwe smaak-ervaring soos hierdie warm geroosterde aartappelslaai met brandrissie en bros gebraaide spek. Resep deur Vickie de Beer. Foto Johan Wilke
Dis ’n baie ryk variasie op klassieke aartappelslaai. ’n Slim manier om ekstra geur aan die aartappels te gee, is om twee geskilde en gekneusde knoffelhuisies by die aartappels te sit wanneer jy dit kook. Deur Vickie de Beer. Foto Johan Wilke
As die lewe jou suurlemoene in die hand stop, moet jy limonade maak ... veral kruielimonade met tuisgemaakte suurlemoenstroop. Resep deur Vickie de Beer. Foto deur Dawie Verwey
Send this to a friend
