Mediterreense biefslaai

Resep deur Vickie de Beer. Foto: Johan Wilke

Genoeg vir 6.

Metode

1. Verf 500 g beesfilet met olyfolie.
2. Maal swartpeperkorrels fyn tot jy 45 ml (3 e) het.
3. Rol die filet in die peper totdat dit heeltemal bedek is.
4. Geur met seesout.
5. Verhit ’n riffelpan oor hoë hitte.
6. Rooster die filet vir sowat 8-12 min. (draai 4 keer en rooster 2-3 min. aan elke kant).
7. Haal uit die pan, laat rus vir 5 min. en sny in dun skywe.
8. Dreineer intussen 1 x 400 g-blik artisjokharte en 1 x 400 g-blik piment, in kwarte gesny.
9. Rangskik die artisjokke, gesnyde piment en filet op ’n groot dienbord.
10. Voeg ’n hand vol sondroëtamaties en ’n hand vol vars roketblare by.
11. Sit voor met parmesaankrulle.