Katy Perry
Die sangeres Katy Perry het vroeër vanjaar ’n skoenreeks, Katy Perry, bekendgestel. Sy beskryf die ontwerpe as ’n voorstelling van haar lewenservaringe en pittige persoonklikheid en onderskei style tussen Tribe, Granma’s Closet, Holiday, Nocturnal en so meer. Volgens Katy beklemtoon haar ontwerpe die belangrikheid van detail en hoe dit ’n eenvoudige silhoeët kan optower.
Besoek Katy Perry se webblad vir meer
Jessica Simpson
Jessica Simpson het nadat sy geboorte geskenk het die swangerskapreeks, Motherhood Maternity, begin. Hierdie reeks bestaan uit ’n verskeidenheid van swem- oefen- en onderklere, bra’s, slaapklere en skoonheidsprodukte gepas vir ’n nuwe ma. Die reeks mik om swangerskap-drag modieus en vleiend te laat lyk terwyl dit steeds gemak en funksionaliteit bied.
Besoek Motherhood Maternity vir nog
Victoria Beckham
Victoria Beckam is bekend op menigde platforms, maar haar liefde vir mode het die afgelope paar jaer die voorgrond geneem. Haar nuutste ready-to-wear-reeks het verlede week op New York-modeweek se loopplanke gepronk. Victoria is gereeld in van haar eie ontwerpe te sien en het al erken dat haar man, David Beckham, en kinders soms kommentaar op haar uitrustings lewer wat bydra tot sekere elemente in haar reekse. Haar styl word deur tydskrifte soos Vogue en ander bekende ontwerpers as “Posh” beskryf – toevallig?
Besoek Victoria Beckham se webblad vir nog
Kendall en Kylie Jenner
Die werklikheidsterre, Kendall en Kylie Jenner, het onlangs hul eie reeks uitgebring buiten die feit dat die Kardashians-handelsnaam reeds regoor Hollywood se winkels te sien is. Hulle reeks vang die essensie van die hedendaagse jong modeliefhebber vas – iemand selfversekerd, stylvol, modieus en doelgerig. Dié reeks het in 2015 behoorlik vlamgevat na hulle in samewerking met Topshop ’n versameling Kaliforniese-style bekendgestel het.
Lees Meer
