Gesondheid op die volgende vlak: Toets jou gesondheidsverwagting met ons aftiklysie deur Salomé Delport
Een van die sterk konsepte vir hierdie jaar is gesondheidsverwagting, eerder as lewensverwagting. Baie kersies op die koek is nie so belangrik nie. Wat saak maak, is die aantal lewensjare waarin jy gelukkig en gesond voel. Jy wil elke enkele dag saam met jou liefie geniet, met die kleinkinders én die agterkleinkinders speel, mooi maak, lekker kook en eet, vakansie gaan hou en alles doen waarvoor jy lus is.
Jy sál kan, as jy nou jou gesondheidsverwagting begin opbou. Hoe vroeër jy begin, hoe meer voordeel put jy daaruit. Gelukkig is dit verbasend maklik, aangenaam en boonop bekostigbaar. Jy hoef niks aardskuddends soos ’n ystervroumarathon aan te pak nie – dit is die klein dingetjies wat die grootste verskil maak, soos genoeg slaap en gereelde, lekker hart-tot-hart geselsies.
So vertel dr. Sara Gottfried, gewilde Amerikaanse gesondheidskrywer van die boek Younger, wat juis op gesondheidsverwagting fokus.
Die meegaande aftikgids is hoofsaaklik op haar boek gegrond.
Kry jy punte vir elke regmerkie? Nee, maar merk af wat jy reeds reg doen. Hoe nader jy aan 57 kom hoe beter.
Eintlik is elke item ’n wetenskaplik bewese leidraad wat jou gesondheidsverwagting kan opstoot. Toets jouself. Dalk doen jy al die meeste hiervan? Met die res moet jy maar net jou bes doen,
sê Sara.
Klik hier om die vraelys af te laai
Lees ook: Aleit leef voort in elke kombuis
Lees Meer
