3 wenke vir ’n groen bankbalans dié feesseisoen

Ons gesels met Michelle Alberts, ’n finansiële adviseur by Alexander Forbes, vir kundige wenke oor hoe om jou geldsake oor dié Kerstyd in die groen te hou

1 Kosblikke is nie net vir skoolkinders nie

Deur vir jouself ’n kosblik werk toe te pak, kan jy goed bespaar. Die krag lê egter daarin om te bepaal hoeveel dit wat jy vir jouself voorberei, jou op ’n weeklikse basis uitwerk. Sy stel voor dat jy vir ’n week lank tred hou van dit wat jy vir jouself werk toe inpak. Is dit duursame, voorbereide etes wat jy gekoop het, of is dit gisteraand se oorskiet? Tel jou uitgawes van elke dag op om te bepaal hoeveel jy werklik spandeer. Jy mag dalk net verbaas wees.

2 Koop slim

Fokus, wanneer moontlik, eerder op prys per gewig eerder as massa aankope. Hoewel ons dit as die norm beskou dat grootmaat aankope ons goedkoper uitwerk, verleen sommige uitverkopings hul daaraan om goedkoper uit te werk wanneer daar in kleinmaat gekoop word.

3 Sien elke rand wat jy spandeer in terme van die hoeveelheid ure wat jy moes werk om dit te verdien

Tyd is letterlik geld en elke rand wat jy verdien verteenwoordig ’n bepaalde hoeveelheid ure wat jy moes werk om dit te verdien. “En dit is nie net jou uurlikse loon nie,” sê Alberts. Bepaal hoeveel tyd elke rand vir jou werd is, dan sal jy met nuwe oë na jou uitgawes kyk. Voordat jy iets koop, vra jouself dan af: “Is dit regtig ’n week se werk werd?”