1. Dra ’n hoed of sonskerm en verkieslik altwee tegelyk
Die skaduwee van ’n breërand hoed gee uitstekende ekstra beskerming teen sonbrand en plooie. As jy nie ’n hoed dra nie, het jy ten minste ’n ekstra halwe teelepel sonskerm nodig vir jou gesig.
2. Dra soveel klere as wat jy kan
Selfs ’n dun bloesie gee jou ’n bietjie beskerming
3. Smeer baie sonskerm aan jou ore en neus
Hulle staan uit en vang méér son en méér UVA en UVB sonstrale wat die DNA van jou velselle kan verander en aanleiding gee tot velkanker as jy baie ouer is.
4. Sonskerms wat ’n wit lagie op jou vel los is oukei
Dit is eintlik die teken dat jy ’n goeie sonskerm het met genoeg titanium en/of sinkoksied om jou vel te beskerm
5. Tel jou ure in die son
’n Sonskerm help dat jy veiliger in die son is maar eintlik maak die aantal ure wat jy in die son deurbring die grootste verskil aan jou kanse op velkankers en op plooie.
Hoe meer ure jy in die son is hoe groter dosis UVA en UVB sonlig absorbeer jou vel
6. Stel jou selfoon
Die ure buitekant glip vinnig verby, sodat mens vergeet om betyds weer sonskerm aan te sit. Stel jou selfoonwekker om jou te herinner om elke twee uur sonskerm aan te sit.
Lees Meer
