Ontvlug na die Robertson-wynvallei hierdie Junie vir die Wacky Wine Weekend. Foto’s en inligting verskaf.
Die Robertson-wynvallei hou hulle sestiende Wacky Wine Weekend gedurende Junie 2019 – en wát ’n naweek gaan dit nie wees nie! Die program by hierdie jaar se Wacky Wine Weekend sluit produkte van meer as dertig gevestigte wynlandgoedere en toeriste-aantreklikhede in die Ashton-, Bonnievale-, McGregor- en Robertson-area in.
Deelnemende wynlandgoedere sal hulle kelderdeure oopmaak om met die allerbeste wyne in die Robertson-wynvallei te kan spog en jou bekend te stel aan bekroonde wyne deur toere, wynparings en interaktiewe wynproesessies met uitmuntende wynmakers.
Musiekkonserte, kosstalletjies met smullekker kosse en pret-aktiwiteite vir kinders rond ’n ontspanne naweek in die skilderagtige omgewing van die Robertson-wynvallei af.
Besoek die Wacky Wine Weekend-fees se webwerf vir die program om te sien wat elke wynlandgoed en toerisme-aantreklikhede deur die loop van die naweek sal aanbied. Reël jou naweek om by jou te pas!
Naweekkaartjies is beskikbaar by ’n nuwe kaartjievennoot, Howler, teen R200 pp en R150 pp vir afgetredenes. Kinders onder 18 het gratis toegang.
Let asseblief daarop dat verskeie vervoeropsies vir feesgangers beskikbaar is gedurende die Wacky Wine Weekend om ’n veilige fees vir almal te verseker. Inligting kan op die feeswebwerf verkry word.
Bespreek betyds jou verblyf en maak seker dat jy die lieflike Robertson-wynvallei – die perfekte plattelandse ontvlugting – slegs twee ure vanaf Kaapstad op die bekende Roete 62 kan ervaar.
Vir verdere inligting kontak gerus die Robertson-wynvalleikantoor by 023 626 3167 of via e-pos.
Volg die fees by: Facebook – @WackyWineWeekend | Instagram – @wackywineweekend | Twitter – @Wacky_Wine
Gebruik ook die amptelike hutsmerk: #WackyWine
Jy kan twee naweektoegangskaartjies na die Wacky Wine Weekend PLUS wyn ter waarde van R600 WEN!
Om in te skryf, beantwoord die vraag hieronder en voltooi die inskrywingsvorm.
Vraag: Hoe oud is die Wacky Wine Weekend in 2019?
Let wel! Hierdie prys sluit nie vervoer of verblyf na, van en by die Wacky Wine Weekend in nie.
Die kompetisie sluit 10 Mei 2019.
Oops! We could not locate your form.
