Die vier dekorvoorkomste vir jou slaapkamer wat jy in 2020 moet omhels

Die vier dekorvoorkomste vir jou slaapkamer wat jy in 2020 moet omhels. Deur Cornel Dunn. Hooffoto: iStock/KatarzynaBialasiewicz

1. Skandinawiese eenvoud

Van die deurdagte onperfekte kwaliteite van die wabi-sabi styl tot die eenvoud van Skandinawiese eenvoud is groot vir 2020.

Vir diegene wat nie die wabi-sabi styl ken nie – dit is ’n voorkoms wat onperfeksie uitbeeld, onpermanent en onvoltooid is. Jy hoef dus nie heeldag te stryk nie omdat die effe gekreukelde beddegoed deel vorm van die sjarme. Dis mos nou ’n bonus, of hoe!

Dink ook aan sorgeloos gestrooide kussings, lakens en kussingslope wat nie pasmaats is nie en natuurlike teksture soos wol, katoen en linne.

Lees ook: Moenie hierdie 7 foute maak wanneer jy weer ’n matras koop nie

Die vier dekorvoorkomste vir jou slaapkamer wat jy in 2020 moet omhels

100% Linne paslaken (R1 800) Weylandts

2. Unieke Boheemse aanslag

Eklektiese, kunssinnige en unieke Boheemse beddegoed is ideaal om ’n kreatiewe omgewing te skep.

Meng en pas jou gunsteling patrone, teksture en style om ’n omgewing te skep wat tot jou spreek.

#rrWenk: Gebruik ’n verskeidenheid van deurgestikte dekens, komberse, lakens en strooikussings om hierdie dekorvoorkoms te skep.

Lees ook: Ses skoonmaakfoute vir meubels wat jy nooit mag maak nie

Kry hierdie voorkoms by Mr Price Home Die vier dekorvoorkomste vir jou slaapkamer wat jy in 2020 moet omhels

3. Nouveau neutrale swart en wit

Alhoewel ons steeds in die style vir 2020 baie kleur sien is die klassieke swart en wit baie gewild. Dit is tydloos.

Die neiging wissel van eenvoudige wit beddegoed met subtiele swart afwerking tot baldadige patrone in hierdie kleure. Maak gebruik van eenvoudige aksente en gestroopte bykomstighede om by die styl te hou.

#rrWenk: Meng patrone in wit en swart of vir ’n kleurvoller persoonlikheid, voeg helder aksente soos skelpienk by vir ekstra drama.

Lees ook: Die moets en moenies van helder kleure in jou huis

Swart en wit duvet-stel (R799) Superbalist.

4. Tekstuur en tossels

Hier gaan alles oor tekstuur – en sommer baie daarvan! Pom-poms, tossels, fraiings en gemengde tekstiele voeg hope karakter sonder die oordadige gebruik van kleur.

Koop ’n oorgooideken met tossels om aan die onderkant van jou bed te sit.

Strooikussings kan oordadig gebruik word.

#rrWenk: Kyk veral na fluweel, faux pels en handgebreide bykomstighede.

Lees ook: Jy kan self die mooiste houttafeltjie vir jou slaapkamer maak