Geniet ’n luilekkerlewe by Constance Halaveli, ’n eilandparadys. Inligting en foto’s verskaf. {Promosie}
Geniet ’n luilekkerlewe by Constance Halaveli, ’n eilandparadys
By Constance Halaveli kan jy oplaas afskakel en wegbeweeg van jou alledaagse, tegnologiegedrewe leefstyl. Geniet perfekte ontspantyd saam met jou geliefdes.
Hier kry lowergroen plantegroei, wit strande en turkoois water wat tot by die horison strek, luukse villa’s, gastronomiese feeste en ‘n spa. Jy sal nie lus wees om die eiland weer te verlaat nie.
Eersteklas verblyf
Private swembaddens, lugversorging en gemaklike meubels wat jou laat tuis voel, is alles deel van die verblyf by Constance Halaveli.
Boonop het die villa’s 24-uur kamerdiens. Elk van die villa’s het ook ’n gemeubileerde terras of balkon. Die villa’s wat beskikbaar is, is:
- 57 watervilla’s met private swembaddens
- 11 gesinsstrandvilla’s met private swembaddens
- 9 strandvilla’s met private swembaddens
- 8 Dubbelverdieping-strandvilla’s met private swembaddens
- 1 presidensiële villa met ’n private swembad
Gastronomiese bederf
Vier restaurante – Jahaz, Jing, Meru Beach Grill en Kaika Sushi Bar – sal in elke smaak voorsien vir ontbyt, middag- en aandete.
Jahaz is dié restaurant vir ontbyt, middag- en aandete. Smul aan internasionale kos, en ’n buffet elke aand wat om ’n tema gemaak is. Daar is ook die Jahaz-wynkelder.
Die Jing-restaurant is net die plek vir Oosterse fusiekos. Dis oop vir aandete en beskik ook oor die Jing-wynkelder.
Op die helder wit strand is die Meeru Beach Grill – ’n klassieke braaikombuis wat saans oop is. Seekos en vleis word voor jou gaargemaak sodat jy in ’n luilekker al fresco-atmosfeer kan eet.
Die Kaika Sushi Bar is elke Saterdag tot Donderdag oop vir middagete en bied ’n fees van tradisionele Japanse soesji.
Jahaz Bar and Lounge is die hoofkroeg en is daagliks oop. Saam met die Jing Bar bied hulle jou die beste drankies en wyn wat beskikbaar is.
Ontspan en herlaai met wonderlike spabehandelings
U Spa by Constance by die Constance Halaveli staan op stelte oor die stil water van die Indiese Oseaan. Jy het asemrowende uitsigte en kan in luuksheid ontspan en herlaai.
Kies uit ’n reeks masserings, gesig- en lyfbehandelings wat almal produkte gebruik wat deur die plantegroei langs die Indiese Oseaan geïnspireer is. Die luukse Valmont-reeks, eksklusief aan Constance Halaveli is, word ook gebruik.
Die Ocean Salon het ’n haarkapper, stilis, mani- en pedikure en selfs ’n bruidskonsultant (indien jy op die eiland wil trou).
Geriewe en aktiwiteite
Kry komplimentêre toegang tot ’n goed toegeruste gim, ‘n tennisbaan, strandvlugbal, strandsokker, tafeltennis en skaak.
Tennis- en fiksheidsafrigters is ook beskikbaar vir lesse.
Die TGI Diving Centre, ’n PADI-duiksentrum by die Constance Halaveli, bied verskeie duikkursusse aan. ’n Fotograaf en videograaf is ook beskikbaar om jou spesiale herinneringe vas te vang.
Bonop kan jy ook kies uit ’n reeks aktiwiteite soos:
- Visvang
- Snorkel
- Sonsondergangseilvaarte
- Om vir dolfyne te kyk en
- Om ’n private boot te huur
Watersport by die Constance Hotel sluit in vlieërbranderry, katamaran, Pedalo, kano’s, jetski en waterski om ’n paar te noem.
En soveel meer …
Die kinderklub, babaoppassers, wasgoeddiens en selfs dokter en kliniek op die eiland sal verseker dat jy baie meer by Constance Halaveli kry as waarop jy reken!
Vir inligting en brosjures, besoek www.constancehotels.com
Lees Meer
