1 Verwyder altyd jou grimering voor jy gaan slaap
Jou vel vernuwe en absorbeer die beste vog terwyl jy slaap (veral tussen 1-5vm). As jy egter grimering aanhet, sal jou vel geblok word (en tieners sukkel klaar hiermee).
2 Moenie seep op jou gesig gebruik nie
Seep is alkalies en jou vel is natuurlik meer suur-vormend. Die seep kan ’n wanbalans skep en puisies veroorsaak. Gebruik eerder ’n gesigwas of reiniger.
3 Moenie puisies uitdruk nie
Maak eerder ’n afspraak by ’n velsorgspesialis wat dit professioneel doen, anders kan jy dalk met letsels sit,” sê Sandy. “Veral tienerseuns is geneig om meer aknee te kry en dit piek gewoonlik rondom die ouderdom van 18,” verduidelik dr. Maureen. Gebruik ’n anti-bakterieële gesigwas en oorweeg laser-terapie by ’n aestetiese kliniek.
4 Gebruik altyd sonskerm
“Onthou 80% van alle sonskade vind plaas op die ouderdom van 20. Gebruik ’n daaglikse bevogtiger met ’n breëspektrum sonskerm en as jy kleur wil hê “fake dit” met selfverbruining,” sê dr. Maureen.
5 Reinig, toon en bevogtig jou mantra
Doen dit twee keer per dag. Net soos wat jy twee keer per dag jou tande borsel. En onthou, jou vel is jou grootste orgaan en kan nie so maklik soos ’n tand vervang word nie!
6 Moenie begin rook nie
Rook verminder die vlakke van kollageen in jou vel en sal jou vroeër oud laat lyk. Die meeste rokers se vel lyk meer dof en grys en het meer plooitjies om hul monde.
7 Skilfer twee keer per week af
Dis ’n goeie gewoonte om aan te leer.
8 Eet gesonder
Kies kosse wat baie antioksidante bevat – soos vars vrugte, groente en hoë-vesel grane.
9 Drink groen tee
Elke dag. Dit is ook hoog in antioksidante.
10 Slaap genoeg
Tieners het sowat 10 ure se slaap per nag nodig. Gedurende hierdie periode word ’n groei-hormoon vrygestel wat selfvernuwing stimuleer.
Lees ook: Raad vir ’n tienervel
Lees Meer
