Hierdie versoek is gerig nádat Birkin bewus geword het van die wrede manier waarop hierdie befaamde handsak gemaak word.
Die verkoopprys van ’n gewone Birkin-handsak beloop sowat $10,000, waar ’n krokodilvel-weergawe jou ongeveer $300,000 uit die sak sal jaag. Hoewel bekendes gek is na hierdie duursame bykomstigheid, het dit tog groot opslae onder diereregte-aktiviste gemaak.
Die diereregte-groep, Peta, het onlangs die omstandighede waaronder krokodille in Zimbabwiese- en Texan-krokodilplase aangehou word, onthul. Hulle het ook die wrede manier waarop hierdie krokodille doodgemaak word tot die lig gebring.
Volgens Peta word twee tot drie krokodille benodig om een Birkin-handsak te vervaardig.
Na aanleiding van hierdie bevindinge het Birkin ’n verklaring vrygestel waarin sy haarself van die handsak onttrek.
“Nádat ek van die wrede praktyke waarin krokodille vir die doel van my handsakke doodgemaak word, in kennis gestel is, het ek vir Hermès gevra om die vervaardiging van die Birkin Croco te staak tot praktyke wat in ooreenstemming met internasionale norme is in plek gestel word,” het Birkin gesê.
Lees Meer
