Beesstert-en-bier-bredie | rooi rose
Mon-Fri 09.00 - 17.00

Beesstert-en-bier-bredie

28/04/2023

~

Hierdie resep is perfek vir koue nagte of enige tyd wat jy lus is vir 'n vertroostende en vullende maaltyd.

Beesstert-en-bier-bredie

Serves: Genoeg vir 6-8 Nutrition facts: 200 calories 20 grams fat

Ingredients

  • 125 ml (½ k) meel
  • 45 ml (3 e) beesvleis spesery-mengsel
  • 10 ml (2 t) sout
  • 1,6 - 1,8 kg beesstert, gesny
  • 45 ml (3 e) olyfolie
  • 15 ml (1 e) botter
  • 2 groot uie, ruweg gekap
  • 2 wortels, ruweg gekap
  • 2 selderystingels, ruweg gekap
  • 880 ml Guinness-bier (of enige ander donker bier)
  • 1 x 410 g-blik heel geskilde tamaties
  • 30 ml (2 e) tamatiepasta
  • 30 ml (2 e) sojasous
  • l bouquet garni met kombuis-tou gebind: tiemietakkies, pietersielie, lourierblaar, salie
  • ’n groot hand vol piekeluitjies
  • 300 g portobellini-sampioene

Instructions

1 Meng die meel, spesery-mengsel en sout in ’n groot mengbak. Skud die bees-stertstukkies in die gegeurde meel en skud die oortollige meel af.
2 Verhit die olyfolie en botter saam in ’n diep kastrol. Braai die vleis ’n paar stukkies op ’n slag daarin tot goudkleurig. Skep uit en hou eenkant.
3 Braai die groente in dieselfde kastrol tot hulle begin karamelliseer en kleur kry. Sit die vleis terug in die pot en gooi die bier by.
4 Gooi die blikkie tamatie, tamatiepasta, sojasous en bouquet garni by en prut stadig vir 2-3 uur tot die vleis sag is. Proe weer vir sout en geur indien nodig. Skep enige ekstra vet wat bo-op dryf met ’n gaatjieslepel af.
5 Gooi die piekeluitjies en sampioene ná 2 uur by en kook saam tot sag. Sit die bredie voor op ’n bed van sagte parmesaan- kapokaartappels.

 

 



Rooi Rose

Lees Meer

Vinnige Spaanse bredie
13/10/2025
Pampoenbredie
24/04/2025
Lamskenkel-en-waterblommetjie-bredie
22/11/2024