Blindings en hortjies teenoor gordyne | rooi rose
Mon-Fri 09.00 - 17.00

Blindings en hortjies teenoor gordyne

19/09/2016

~

Wat ook al jou behoeftes vir die vensters in jou huis is, is blindings of hortjies ’n goeie en ekonomiese opsie. Die keuses is eindeloos. Deur Cornel Dunn.

Voordele van blindings en hortjies

  1. Blindings bied jou meer beheer oor die hoeveelheid lig wat die vertrek penetreer.
  2. Blindings skep ’n gevoel van meer ruimte in kleiner vertrekke.
  3. Hierdie vensterbedekking kom in ’n verskeidenheid van style, kleure en afwerkings om by jou styl te pas.
  4. Met die groot verskeidenheid afwerkings van blindings kan jy dit perfek by jou dekor aanpas. As hout-blindings te duur is, is daar die nagemaakte opsie wat net so mooi lyk.
  5. Blindings bied meer privaatheid as gordyne.
  6. Anders as gordyne, kan die meeste blindings met ’n klam lap afgevee word.
  7. Hortjies wat ook as diefwering dien, is deesdae baie gewild. Dis effe duurder, maar esteties die moeite werd.
  8. Die keuse in style bied jou ’n individuele keuse. Bamboes, hout, metaal en rollerblindings is maar enkele voorbeelde.
  9. Rollerblindings het ’n groot terugkeer gemaak. Dit is eenvoudig, klassiek en maklik om te manipuleer.



Cornel Dunn