Blogger dra geen grimering in video

Em Ford ly aan volwasse aknee. Sy het vir die afgelope drie maande foto’s van haarself, sonder grimering, op sosiale media geplaas. In haar jongste video, getiteld “You look disgusting”, wys sy haarself sonder grimering, met grimering en hoe sy dit uiteindelik weer verwyder om die ontstellende aanlyn teistering te beklemtoon wat sy die afgelope maande in die gesig moes staar.

Op die video kan daar ook flitse van negatiewe sosiale media-kommentaar gesien word. Sy het besluit om die video op YouTube te plaas in ’n poging om die vooroordele van skoonheid in die samelewing uit te daag. Die video is tot dusver meer as ses miljoen keer gekyk.

Kyk hier na die video: