– Inligting verskaf deur kykNET. Saamgestel deur Michelle Nortje. Hooffoto deur Willem Botha
kykNET het vandag aangekondig dat die gewilde sangeres, Leah, die nuwe gesig van hul gewilde werklikheidsreeks, Boer Soek ’n Vrou word. Sy sal die vyfde aanbieder van dié reeks, wat sedert 2007 uitgesaai word, wees.
Lees ook: Leah bereik goue status!
Leah is ’n bekroonde kunstenaar en het al talle musiekpryse soos die Ghoema Nuweling van die Jaar-toekenning in 2016 en talle Huisgenoot Tempo-toekennings ingepalm. Deesdae hou sy haar lyf ook aktrise en sal sy in Maart vanjaar in die nuwe kykNET-fliek, Susters, te sien.
Foto: Willem Botha
Sy volg Minki van der Westhuizen as aanbieder op wat die laaste twee jaar boere regoor Suid-Afrika besoek het.
Lees ook: Boer Soek ’n Vrou word 10
Volgens Leah is sy reg vir die plaas en is dit vir haar ’n droom wat waar word om Boer Soek ’n Vrou aan te bied.
“Ek weet ek het groot skoene om vol te staan, maar ek is nie bang vir ’n uitdaging (of vir ’n bees, ’n skaap of ’n boer) nie! Ek sien baie uit om mense se lewens moontlik met die liefde te kan verander”
Minki glo Leah is die perfekte keuse om haar opvolger te wees.
“Deelnemers en kykers gaan definitief aanklank by Leah vind, want sy is opreg en gaan sonder twyfel diep in almal se harte kruip,” sê Minki wat die plaaspaaie groet omdat sy vanjaar haar derde kind in die wêreld verwelkom.
Lees ook: Minki oor moederskap
Goeie nuus vir TV-kykers is dat Minki steeds as veldaanbieder in Kwêla te sien sal wees.
kykNET soek ook tans boere om vir die elfde reeks, wat van Oktober uitgesaai gaan word, in te skryf. Lees: Boer Soek ’n Vrou soek boere vir 2018
