Kry só jou ideale haarstyl

Shelene Shaer, eienaar van Tanaz Hair, Body, Nails (www.tanaz.co.za), gee raad om jou droom haarstyl te kry. Kommunikasie tussen jou en jou haarstilis is baie belangrik!

1. Neem die prentjie saam salon toe.

2. Vra jou stilis of die styl by jou gesigvorm sal pas, en indien nie, hoe julle dit kan aanpas.

3. Besluit ook waarvan jy die meeste in die styl hou, soos die lengte van die kuif, die kleur, en wat jy bereid sal wees om prys te gee sodat dit by jou gesig pas.

Shelene sê, vra ook die volgende vrae:

Kan ek dit maklik tuis stileer?
Hoe?
Sal dit steeds mooi lyk as ek rondbeweeg?
Hoe sal dit lyk as ek dit nie droogblaas en stileer nie?
Hoeveel sal dit kos om in stand te hou?
Hoe gereeld sal ek moet sny en kleur?