Ons verkies om net een of twee naels met die tegniek te verf. Koop die naellak van jou keuse en volg Charmaine Kay van Orly SA se aanwysings:
Stap 1
Verf eers jou naels wit. Ons het Orly-naellak in Pure Porcelain (R160 vir 18 ml) gebruik. Verf slegs die een of twee naels waarop jy die marmer wil doen in wit (Orly Epix Flexible Colour in Overexposed, R230 vir 18 ml).
Stap 2
Verf nou met ’n kwassie fyn swart strepies (Orly onstant Artist in Jet Black, R126 vir 9 ml) op die wit naels sodra dit droog is.
Stap 3
Doop ’n klein kunskwassie in suiwer alkohol en druk liggies op die strepies sodat die verf vloei. Moenie bekommerd wees as die tekstuur van jou naels effens oneweredig lyk nie – sodra jy ’n bolagie oorverf, lyk dit weer glad.
Stap 4
Vir ekstra glans, plak naelband in roosgoud (of enige ander metaalkleur) op die boonste deel van jou nael.
Orly SA is beskikbaar by indiGlow.co.za of bel 021 945 2566
Lees Meer
