10 beste wenke vir donker naels
1. Was jou hande voor jy begin, of gebruik ’n naellakverwyderaar wat asetoon bevat om seker te maak jy raak onstlae van enige oortollige olie.
2. Gebruik altyd ’n basislagie voor jy jou donker kleur aanwend – dit sal ’n egalige aanwending van kleur verseker en verhoed dat die donker naellak jou nael vlek.
3. Vee eers enige oortollige naellak aan die rand van die botteltjie af voor jy jou naellak aanwend.
4. Verf jou eerste lagie naellak in die middel van die nael, verf dan beide kante van jou nael vir ’n netjiese manikuur. Hierdie tegniek sal versker dat jy minder mors en dat jou donker mani minder streperig lyk.
5. Verf ook die bopunt van jou nael (daardie sigbare gedeelte van jou naels wanneer jy na jou handpalms kyk.) Hierdie tegniek sal voorkom dat die kleur nie te vinnig kraak nie.
6. Twee lagies eerder as een – die tweede lagie sal verseker dat die kleur mooi eweredig oor die hele nael geverf word.
7. Gebruik ’n oorstokkie of selfs ’n dun lipstiffie-kwassie saam met naellakverwyderaar en rond jou mani netjies af.
8. Wend nou jou bo-lagie aan, dit keer dat jou naellak vining afdop en laat jou manikuur boonop netjies lyk.
9. Moenie van jou naelvliesies vergeet nie, ’n drupel naelvlies-olie sal jou mani nog langer laat hou en boonop lyk jou naels meer gesond en gehidreerd.
10. Pssst … Perfek vir die winter: probeer ’n mat bo-lagie bo-oor jou gunsteling donker naelverf vir ’n moderne manikuur.
Ons gunstelingskakerings
Kakao
Cabernet
Sement (grys)
Stap-vir-stap naelkuns deur Essie
Essie-naels deur Chi Chi Xu
Bekende naeltegnikus Chi Chi Xu het hierdie naelkuns ontwerp vir die Mercedes Benz-modeweek vir die Khosi Nkosi-vertoning.
Dit het jy nodig:
Essie-naellak in Private Weekend; Essie-naellak in Vice Versa; Essie-naellak in Mod Square; Essie-naellak in Midnight Cami; Essie-naellak in Private Weekend en ’n dun kwassie – iets soos ’n dun lipstiffie-borseltjie.
Lees Meer
