Dit is ’n eenvoudige idee, maar ’n kragtige een. Wat as elke skool en werksplek in Suid-Afrika op Wêrelddiabetesdag blou vir diabetes dra? Dink net aan al die gesprekke wat ons kan begin, die bewustheid wat ons kan versprei en die verskil wat ons kan maak vir die een uit twee Suid-Afrikaners wat diabeteslyers is.
Dra iets blou vir diabetes
Dis wat ons hierdie Wêrelddiabetesdag wil doen. Die idee is gegrond op bewusmakingsveldtogte wat in skole van stapel gestuur is. Toe #WearBlueForDiabetes laas jaar na skole gebring is, het dit goed gevaar. Skole rondom Suid-Afrika het blou gedra, het die simptome van Tipe 1-diabetes (gewoonlik word dit in kinders gediagnoseer) gedeel en familielede van die skool se leerders ondersteun wat met diabetes saamleef.
Hierdie jaar neem ons dit ’n stap verder en nooi ons werksplekke om ook deel te neem.
Skryf in om blou te dra:
Dis maklik om deel te neem. Al wat jy moet doen, is:
1. Gaan na www.sweetlife.org.za/wear-blue-for-diabetes, en skryf daar in.
2. Dra op Maandag 14 November, Wêrelddiabetesdag, iets blou.
3. Neem ’n foto en gebruik die hutsmerk #WearBlueForDiabetes wanneer jy dit deel.
Jy kan ’n verskil maak!
Ons glo die antwoord op die diabeteskrisis wat ons in hierdie land in die gesig staar, is om individue te bemagtig. Ons nooi jou om ook so ’n individu te raak, en om iets blou vir diabetes op die 14de November te dra.
Lees Meer
