Eet wortels en sjokolade vir jou oë

Voeding help jou oë gesond hou. Dit gee jou oë die beste kans om op hul beste te werk.

Wat moet jy eet?

Hier is die lys – en sjokolade is sowaar daarop!

• Sink Sjokolade is ’n uitstekende bron van sink. Spinasie, pampoene en neute ook.
• Betakaroteen Dit is waar wortels inkom, asook appelkose
• Luteïen en Zeaxantien Eiers is jou beste en mees onderskatte bron hiervan. Sit veral al die soorte blaarslaaie by, van roket tot botterslaai en doodgewone slaaikoppe.
• Vitamien C Gebruik die winter se lemoenoorvloed om jou oë te voed. Aarbeie en tamaties is lekker somerbronne van vitamien C
• Vitamien E Gun jouself ’n porsie van twaalf neute per dag. Dit is baie lekkerder, voedsamer en minder moeite as beskuit.
• Omega 3 ’n Porsie sardiens, avokado’s en salm is heerlik en goed vir jou oë.