Eerste op die lys met ’n inkomste van $52 miljoen, oftewel sowat R673 390 385, is Jennifer Lawrence. Dié Hunger Games-aktrise was verlede jaar in rolprente soos Serena en X-Men: Days of Future Past te sien en het algeheel tydens haar loopbaan in meer as 15 films rolle vertolk. Lees ons onderhoud met Jennifer hier.
Volgende is Scarlett Johannson met ’n inkomste van $35.5 miljoen, oftewel R459 612 296. Johannson was om en by $10 miljoen per rolvertolking betaal en het verlede jaar in die rolprente Captain America: The Winter Soldier, Chef en Lucy gespeel.
Derde is Melissa McCarthy met ’n inkomste van sowat $23 miljoen, oftewel R297 927 402. Sy het verlede jaar die hoofrol in die bekende rolprent Tammy, waarvan sy ook die draaiboekskrywer en uitvoerende vervaardiger was, vertolk en het ook in ander rolprente soos Spy en St. Vincent gespeel.
Vierde op die lys is die Chinese-aktrise, Bingbing Fan, met ’n inkomste van $21 miljoen, oftewel R271 961 096. Fan is die enigste nie-Amerikaanse aktrise in die Top 5 te danke aan haar rolle in The White-Haired Witch of Lunar Kingdom en X-Men: Days of Future Pastsaam met Jennifer Lawrence.
Laaste is bekende Friends-aktrise, Jennifer Aniston, met ’n inkomste van $16.5 miljoen, oftewel R 213 648 187. Sy het verlede jaar in die rolprente, Cake, Horrible bosses 2, She’s funny that way en Convention verskyn.
