Resepte, stilering en fotografie Marlo Kitshoff-Carstens.
8 porsies
Bestanddele
- 187 ml (¾ k) suiker
- 60 ml (4 e) sagte botter
- 3 eiers
- 312 ml (1¼ k) koekmeel
- 5 ml (1 t) bakpoeier
- knypie sout
- 90 ml (6 e) volroommelk
- 385 g (1 blik) tertappels
Sous
- 250 ml (1 k) suiker
- 380 g (1 blik) ingedampte melk
- 90 ml (6 e) volroommelk
- 45 ml (3 e) botter
- 5 ml (1 t) vanieljegeursel
Metode
Stel oond op 180 °C.
- Spuit oondbak van ongeveer 20 cm x 16 cm met kossproei.
- Room suiker en botter met houtlepel tot gemeng.
- Klits eiers een-een een by.
- Sif koekmeel, bakpoeier en sout saam.
- Voeg gesifte meelmengsel en melk beurtelings by eiermengsel. Roer tot gemeng.
- Skep deeg in tertbak. Maak gelyk bo-op.
- Pak tertappels bo-op.
- Bak 25 tot 30 minute tot liggoudbruin.
- Maak solank sous terwyl appeltert bak.
Sous
- Giet bestanddele in groterige kastrol en verhit oor medium hitte.
- Roer af en toe totdat suiker opgelos is.
- Laat kook vir 5 minute oor medium hitte. Maak seker sous kook nie oor nie.
- Gooi sous oor appeltert sodra dit uit die oond kom.
- Sit styfgeklitste room of roomys saam met appeltert voor
Wenk
As jy vars appels vir die appeltert gebruik, skil en ontpit die appel. Sny in skywe. Plaas in ’n kastrol en voeg klein bietjie water by en 5 ml (1 t) suiker per appel wat gebruik word. Plaas die kastrol se deksel bo-op. Verhit oor medium hitte vir 15 minute. Kyk gedurende die kookproses na die water. Dit mag dalk nodig wees om aan te vul. Daar moet net genoeg water wees om die appels sag te stoom.
Laat die appels afkoel in die kastrol terwyl dit op die warm stoofplaat staan.
Lees ook: Marlo se staatmaker-vrugtekoek
