Haarstyl-inspirasie vir die feestyd

Haarstyl-inspirasie vir die feestyd deur: Corné Greeff. Hooffoto: Pexels

Die kunstige knippies

https://www.instagram.com/p/BqPLe0VnwoE/

Hierdie styl kan werk vir lang of kort hare. Jy kan jou hare effens gladder maak met ‘n haaryster en dan met bobby-pins ’n soortgelyke patroon skep deur die hare bokant jou oor weg te steek (soos op die foto).

Jy kan die styl eleganter maak indien die geleentheid meer formeel is. Gebruik dan eerder knippies met detail soos onder.

https://www.instagram.com/p/BqHyRwKnrlu/

Vir diegene met korter hare, is dit dalk die kans om met knippies ‘n “kopstuk” te vorm soos die voorbeeld onder.

Half-op-half-af

https://www.instagram.com/p/BqdA37jH8dL/

’n Half-op-half-af styl werk goed as jy min tyd het vir hare doen. Ons hou van die bolla op die kop – dit lyk vars en modern. Jy kan die bolla ook versier met ’n frommelrekkie of die scrunchie, soos almal dit ken.

Indien jy nie ’n bolla-aanhanger is nie, kan jy ’n stringetjie hare agter vleg (soos op die voorbeeld onder), bind dit onder met ’n rekkie vas en maak ’n lint daarom vas om dit mooi af te rond.

https://www.instagram.com/p/Bop0VmwltJ4/

Lees ook : 8 goed wat jy moet weet voordat jy jou hare blond kleur

Die bokstert met ’n frommelrekkie

https://www.instagram.com/p/Bo1vvCIj4kQ/

’n Lae bokstert met ’n frommelrekkie is ’n maklike en vinnige haarstyl, en die frommelrekkie laat dit ook sommer modern lyk.

As jy nie ’n frommelrekkie het nie, kan jy ’n serpie of lint gebruik.

https://www.instagram.com/p/BqaOmqyDoFK/

Krulle-bokstert

https://www.instagram.com/p/BpesTuGgqCJ/

Krul jou hare effens met ’n krultang om daardie strandvoorkoms te kry. Bind vas en vou hare om die rekkie sodat ’n mens dit nie sien nie en steek dan vas. Dit is goed om jou hare nou en dan weg te bind, maar ’n paar los stringetjies hare langs jou gesig kan mooi lyk. Maak net seker dit hang nie oor en in jou oë nie.