Hiberneer in styl - 7 mooi idees om vanjaar vir die winter nes te skrop

Hiberneer in styl – 7 mooi idees om vanjaar vir die winter nes te skrop deur Cornel Dunn

Om jou huis snoesig te laat voel kan jy hierdie 7 neigings oorweeg. Maak sommer nou al jou idees bymekaar en loer aanlyn om later lekker nes te skrop.

1. Knus, bonkige komberse is ’n moet

Die snoesige handgebreide kombers het die skaapvel van verlede seisoen onttroon. Dit is nou die keuse in Skandinawiese huise.

Lees ook: Brei self ’n maklike, bonkige kombers

Handgebreide kombers (R1800) Esque

2. Binneshuise plante bly bobaas

Groen en loofryk is nou die in-ding. Hulle bring die buitelug binnetoe.

iStock/RyanJLane

Die plant van die oomblik: Rubberboom

Plant ’n rubberboom. Dit floreer in medium lig en jy hoef net water te gee as dit kurkdroog is. Hierdie boom kan tot 2.5 meter hoog groei.

3. Dramatiese beligting

Vergeet van ’n dramatiese kroonkandelaar. Kies liewer papier of vere vir tekstuur en hope drama.

Verander ook jou leefkamer van sterk LED-ligte na ’n Skandinawiese Zen-spasie tydens die winter.

Umo lantern (R3490) Weylandts

4. Vloerbedekkings met flair

Vir optimale warmte en styl kan niemand ’n pragtige mat klop nie.

Kies wol in monochromatiese strepe in plaas van die geykte chevron.

Fenix mat (R1 085) Takealot

5. Verf laat enige vertrek nuut lyk

Melkerige wit mure maak die meeste van natuurlike lig in die winter. Sagte grys is ook baie gewild.

Met vergunning van Dulux

6. ’n Gemaklike tuiskantoor is nou belangrik

Vir diegene van ons wat van tuiskantore gebruik maak, is dit nou tyd om dit ’n nuwe baadjie te gee. Hou die kleure universeel en lig en omring jouself met mooi bykomstighede en persoonlike foto’s.