Hoe om die tydlose Delft en blou-en-wit styl in jou huis te omhels deur Cornel Dunn. Foto’s deur Johan Wilke.
Pantone het sopas hul kleur van die jaar vir 2020 gedeel – Classic Blue – en Delft en ander blou-en-wit ware sal besonders treffend werk om dié kleur te omhels. Ons wys jou hoe.
Lees ook: Hoe om met Pantone se Classic Blue te grimeer
1. Versamelstukke
Loer rond by tweedehandse winkels en vlooimarkte vir Delftse en ander blou-en-wit koppies. Die stel hoef nie volledig te wees nie. Ook kettingwinkels hou reproduksies van hierdie gewilde ontwerp aan, veral die gewilde “willow pattern”.
Lees ook: 5 dekorflaters wat jy nie moet maak nie
2. Ondersteun plaaslik
De Kleipot maak pragtige blou-en-wit teëls wat teen die muur of op die vloer gebruik kan word. Dit lyk klassiek en elegant en sal in byna enige vertrek ’n treffende voorkoms skep.
Lees ook: Kies jou eie badkamerstyl met ons oulike gids
#rrWenk
Indien dit vir jou te duur is om Delftse en ander blou-en-wit teëls aan te koop, raam ’n paar en hang dit teen ’n muur wat in blougrys geverf is.
Lees ook: 7 dinge wat op elke balkon moet wees
Hoe om die tydlose Delft en blou-en-wit styl in jou huis te omhels
3. Vlooimarkvondste
Ons het hierdie blou-en-wit borde by vlooimarkte opgespoor. Hoe groter die verskeidenheid, hoe beter. Gebruik dit as eetware of stal dit teen ’n muur of kas uit.
Lees ook: 5 dinge wat jy moet weet oor buitelugmeubels
4. Meng en pas
Die Delftse en ander blou-en-wit patrone kom in verskeie items voor – selfs teelepels! Dit meng gemaklik met ander ontwerpe en sal dan of ’n moderne gevoel of ’n nostalgiese gevoel skep, afhangend van hoe jy dit aanwend. Speel ’n bietjie rond met jou ander ware totdat jy iets vind wat by jou styl pas.
Lees ook: Maklike maniere om jou ateljee-woonplek op te knap
5. Op die etenstafel
Kombineer verskillende borde met ’n treffende blou en wit tafeldoek om die voorkoms te vervolmaak.
Lees ook: Hoekom jy in linne moet belê
Hoe om die tydlose Delft en blou-en-wit styl in jou huis te omhels
Hierdie tafeldoek is van Samesyn. (POA):
6. Kleur-pasmaats
Geel is die perfekte pasmaat vir ‘n ryk voorkoms.
Vir ‘n meer moderne voorkoms is wit en grys geskik.
Lees ook: 6 slim wenke vir die plaashuis-styl
Jonkmanshof
7. Muurpapier
Daar is ’n wye verskeidenheid muurpapier in die Delft-ontwerp en ander blou-en-wit-ontwerpe beskikbaar. Plak slegs een fokusmuur sodat mens jy nie oorweldig voel as jy die vertrek instap nie.
8. Viniel-teëls
Hierdie pragtige teëls is beskikbaar by Hope vol Hoop en kan maklik bo-oor bestaande teëls geplak word. Sodoende kan jy sommer vinnig (en vir relatief goedkoop) ’n vervelige ou muur opknap.
Lees ook: 6 goedkoop maniere om jou huis se voorkoms met vinielplakkers op te knap
Verskaffers
Hope vol Hoop | hopevolhoop.co.za
De Kleipot | dekleipot.co.za
Jonkmanshof | Jonkmanshof.com
Samesyn | Samesyn.co.za
Lees Meer
