Johannesburg
Van Gaalen Kaasmakerij
’n Kaasplaas wat ’n heerlike reeks tuisgemaakte kase verkoop. Hulle maak piekniekmandjies wat jy op die walle van die Skeerpoortrivier kan geniet. Besoek www.vangaalen.co.za of bel 012 207 1289 vir besprekings.
Toadbury Hall
Baie fietsryers gebruik dit as basis vir roetes in die omgewing. So, pak die fietse in en reël vir ’n heerlike piekniekmandjie met handgemaakte lekkernye wat jy onder ’’n boom kan geniet. Besoek www.toadbury.co.za of bel 079 512 0554.
Walter Sisulu Botaniese Tuin
Pak jou eie piekniekmandjie en laat die kinders van hul opgekropte energie ontslae raak in ’n reusepark. Besoek www.sanbi.org.za of bel 086 100 1278.
Kaapstad
Buffelsbaai en Bordjiesdrif by die Kaappunt
Hou ’n piekniek op die welige grasperke terwyl jy op pragtige stande uitkyk. Daar is selfs ’n paar veilige getypoele waarin die kleingoed kan speel. Die reservaat is in April tot September van 07:00 tot 17:00 oop en van Oktober tot Maart van 06:00 tot 18:00. Kontak gerus dié nommer vir meer inligting: 021 780 9010.
Boschendal Wine Estate – Franschhoek
Ruime grasperke voor die Boschendal Herehuis sorg vir ’n onvergeetlike piekniek-ervaring danksy die asemrowende uitsig oor die vallei. Vooraf gepakte piekniekmandjies is beskikbaar, al wat jy moet onthou is ’n lekker kombers en boek! Vir meer inligting besoek gerus hul webtuiste: www.boschendal.com/
Klein River Kase
Geniet ’n heerlike piekniek-middagete op die oewer van die Klein Rivier. Span uit onder die bome of op die veranda van die pragtige Piekniek Skuur. Piekniekmandjies kan bestel word wat onder meer warm brood, slaai, vrugte en ’n Klein Rivier kaasbord insluit. Piekniekmandjies vir kinders word in individuele mandjies bedien. Drinkgoed kan op die perseel gekoop word. Vir meer inligting besoek gerus hul webtuiste: www.kleinrivercheese.co.za/
Lees Meer
