Koppies kan gebruik word om vetplante in te plant, borde kan teen ’n muur gemonteer word, of jy kan dit net eenvoudig hou vir ’n spesiale geleentheid wanneer jy gaste het.
Hier is ’n idee – gaan loer ’n bietjie by tweedehandse winkels vir ou staal-afdroograkkies en stal die borde só uit. Jy kan selfs die res van die rakkie versier met rankplante om dit meer kleurvol te maak.
3 wenke
* Wanneer jy borde teen jou muur monteer, maak gebruik van verskillende groottes.
* Soos enige ander kunswerk wat teen jou muur hang, moet jy goeie voorsorg tref vir die spasie tussen die borde – maak merkies met ’n potlood waar jy die borde wil hang
* Met die dek van ’n tafel, moet jou ander elemente bypassend wees met die algehele gevoel van die tafel se tema.
Drie winkels wat soms borde met die nabootsing van ou breekware verkoop:
* @Home
* Boardmans
* Mr. Price Home
